तेजः सर्वधातूनां दीप्तोऽंश ओज इति निष्कर्षः वायुना चालितं सत् धातुग्रहणनिःसृतं धातवो गृह्यन्त एभिरिति धातुग्रहणानि वक्ष्यमाणानि स्रोतांसि तेभ्यो निःसृतं निर्गतं भवति तस्माद्देहिनो विस्रंसयति सर्वेभ्य एव कर्मभ्यो बहिष्करोति नतु सद्यो मारयतीति तात्पर्यम् ॥ (७।०)

tejaḥ sarvadhātūnāṃ dīpto'ṃśa oja iti niṣkarṣaḥ vāyunā cālitaṃ sat dhātugrahaṇaniḥsṛtaṃ dhātavo gṛhyanta ebhiriti dhātugrahaṇāni vakṣyamāṇāni srotāṃsi tebhyo niḥsṛtaṃ nirgataṃ bhavati tasmāddehino visraṃsayati sarvebhya eva karmabhyo bahiṣkaroti natu sadyo mārayatīti tātparyam ||

8.0८.०

एतेनौजसः क्षये म्रियते मूलस्थानात्प्रच्याविते तु सर्वकर्मणामतिपतितो भवतीत्युक्तं भवति ॥ (८।०)

etenaujasaḥ kṣaye mriyate mūlasthānātpracyāvite tu sarvakarmaṇāmatipatito bhavatītyuktaṃ bhavati ||

9.0९.०

वक्ष्यति च क्रियासंनिरोधश्च विस्रंसे इति हाराणचन्द्रः ॥ (९।०)

vakṣyati ca kriyāsaṃnirodhaśca visraṃse iti hārāṇacandraḥ ||

10.0१०.०

धातवो गृह्यन्ते यैस्तानि धातुग्रहणानि स्रोतांसि ओजोवाहीनि यदुक्तम् ओजोवहा विधम्यन्ते शरीरेऽस्मिन् समन्ततः इति ॥ (१०।०)

dhātavo gṛhyante yaistāni dhātugrahaṇāni srotāṃsi ojovāhīni yaduktam ojovahā vidhamyante śarīre'smin samantataḥ iti ||

11.0११.०

किंवा धातुग्रहणस्रोतःस्थानतया धातुग्रहणं हृदयं ततो निःसृतं धमनीभिरेव किंवा निष्ठितम् इति पाठः तदा ओजोवाहिस्रोतःसु हृदि स्थितमित्यर्थः इति चक्रः ॥ (११।०)

kiṃvā dhātugrahaṇasrotaḥsthānatayā dhātugrahaṇaṃ hṛdayaṃ tato niḥsṛtaṃ dhamanībhireva kiṃvā niṣṭhitam iti pāṭhaḥ tadā ojovāhisrotaḥsu hṛdi sthitamityarthaḥ iti cakraḥ ||

Data courtesy of The Digital Corpus of Sanskrit.