RSaṃjīv zu AmaruŚ, 36.2
Select a line for its word-by-word analysis.
किं नु शयिता उतस्विदुपरतैव अथवान्तःकरणेऽभेदं प्राप्ता आहोस्विद् द्रवतां ययौ इत्यमुना संदेहेनानिर्वचनीयावस्था ॥ (१।०)
kiṃ nu śayitā utasviduparataiva athavāntaḥkaraṇe'bhedaṃ prāptā āhosvid dravatāṃ yayau ityamunā saṃdehenānirvacanīyāvasthā ||
मदकलकलहंसचञ्चुकोटित्रोटितकोमलमृणालिनीकिसलयवत्परिक्लान्तैर् अङ्गकैः प्राभातिकनीलेन्दीवरवन्मुकुलितेन लोचनयुगलेन विलयं गच्छन्ती नोपलब्धेत्यर्थः ॥ (२।०)
madakalakalahaṃsacañcukoṭitroṭitakomalamṛṇālinīkisalayavatpariklāntair aṅgakaiḥ prābhātikanīlendīvaravanmukulitena locanayugalena vilayaṃ gacchantī nopalabdhetyarthaḥ ||
केन क्रमेणैवंविधा बभूवेत्याह गाढेत्यादि ॥ (४।०)
kena krameṇaivaṃvidhā babhūvetyāha gāḍhetyādi ||
अतिनिर्भराश्लेषेणावामनौ वामनौ कृतौ यौ कुचौ तत्र प्रकर्षेणोद्भूतः पुलकोद्गमो यस्याः सा तथोक्ता ॥ (५।०)
atinirbharāśleṣeṇāvāmanau vāmanau kṛtau yau kucau tatra prakarṣeṇodbhūtaḥ pulakodgamo yasyāḥ sā tathoktā ||
मामलमित्यत्र पीडयति क्रियां विना पर्याकुलताद्योतकमर्धोक्तम् ॥ (८।०)
māmalamityatra pīḍayati kriyāṃ vinā paryākulatādyotakamardhoktam ||
अत्रापि यदि कथ्यते तदा वधू रुष्यति यदि मौनायते तदा गृहं नश्यति ॥ (१०।०)
atrāpi yadi kathyate tadā vadhū ruṣyati yadi maunāyate tadā gṛhaṃ naśyati ||
तथापि करुणबीभत्सस्मारकं मृतेति पदं न मानयामः ॥ (११।०)
tathāpi karuṇabībhatsasmārakaṃ mṛteti padaṃ na mānayāmaḥ ||
तस्मात् किं म्लाना शयिता नु किं मनसि मे लीना विलीना नु किम् इति पठिष्यामः ॥ (१२।०)
tasmāt kiṃ mlānā śayitā nu kiṃ manasi me līnā vilīnā nu kim iti paṭhiṣyāmaḥ ||
वस्तुनि यत्रैकस्मिन्ननेकविषयस्तु भवति संदेहः । (१४।२)
vastuni yatraikasminnanekaviṣayastu bhavati saṃdehaḥ |
प्रतिपत्तुः सादृश्यादनिश्चयः संशयः स इति ॥ (१४।३)
pratipattuḥ sādṛśyādaniścayaḥ saṃśayaḥ sa iti ||
अभिनवस्नुषा प्रथमनर्मारम्भे किं करोतीत्याह ॥ (१५।१)
abhinavasnuṣā prathamanarmārambhe kiṃ karotītyāha ||
Data courtesy of The Digital Corpus of Sanskrit.