आत्मा चित्तम् ॥ (१।१)

ज्ञानं बन्धः ॥ (२।१)

कलादीनां तत्त्वानाम् अविवेको माया ॥ (३।१)

शरीरे संहारः कलानाम् ॥ (४।१)

नाडीसंहारभूतजयभूतकैवल्यभूतपृथक्त्वानि ॥ (५।१)

मोहावरणात् सिद्धिः ॥ (६।१)

मोहजयाद् अनन्ताभोगात् सहजविद्याजयः ॥ (७।१)

जाग्रद् द्वितीयकरः ॥ (८।१)

नर्तक आत्मा ॥ (९।१)

रङ्गो ऽन्तरात्मा ॥ (१०।१)

प्रेक्षकाणीन्द्रियाणि ॥ (११।१)

धीवशात् सत्त्वसिद्धिः ॥ (१२।१)

सिद्धः स्वतन्त्रभावः ॥ (१३।१)

यथा तत्र तथान्यत्र ॥ (१४।१)

बीजावधानम् ॥ (१५।१)

आसनस्थः सुखं ह्रदे निमज्जति ॥ (१६।१)

स्वमात्रानिर्माणम् आपादयति ॥ (१७।१)

विद्याविनाशे जन्मविनाशः ॥ (१८।१)

कवर्गादिषु माहेश्वर्याद्याः पशुमातरः ॥ (१९।१)

त्रिषु चतुर्थं तैलवद् आसेच्यम् ॥ (२०।१)

मग्नः स्वचित्तेन प्रविशेत् ॥ (२१।१)

प्राणसमाचारे समदर्शनम् ॥ (२२।१)

मध्ये ऽवरप्रसवः ॥ (२३।१)

मात्रास्व् अप्रत्ययसंधाने नष्टस्य पुनर् उत्थानम् ॥ (२४।१)

शिवतुल्यो जायते ॥ (२५।१)

शरीरवृत्तिर् व्रतम् ॥ (२६।१)

कथा जपः ॥ (२७।१)

दानम् आत्मज्ञानम् ॥ (२८।१)

यो ऽविपस्थो ज्ञाहेतुश् च ॥ (२९।१)

स्वशक्तिप्रचयो विश्वम् ॥ (३०।१)

स्थितिलयौ ॥ (३१।१)

तत्प्रवृत्ताव् अप्य् अनिरासः संवेत्तृभावात् ॥ (३२।१)

सुखासुखयोर् बहिर् मननम् ॥ (३३।१)

तद्विमुक्तस् तु केवली ॥ (३४।१)

मोहप्रतिसंहतस् तु कर्मात्मा ॥ (३५।१)

भेदतिरस्कारे सर्गान्तरकर्मत्वम् ॥ (३६।१)

करणशक्तिः स्वतो ऽनुभवात् ॥ (३७।१)

त्रिपदाद्यनुप्राणनम् ॥ (३८।१)

चित्तस्थितिवच् छरीरकरणबाह्येषु ॥ (३९।१)

अभिलापाद् बहिर्गतिः संवाह्यस्य ॥ (४०।१)

तदारूढप्रमितेस् तत्क्षयाज् जीवसंक्षयः ॥ (४१।१)

भूतकञ्चुकी तदा विमुक्तो भूयः पतिसमः परः ॥ (४२।१)

नैसर्गिकः प्राणसम्बन्धः ॥ (४३।१)

नासिकान्तर्मध्यसंयमात् किम् अत्र सव्यापसव्यसौषुम्नेषु ॥ (४४।१)

भूयः स्यात् प्रतिमीलनम् ॥ (४५।१)