भूर्भूतधात्री गिरिकर्णिकाब्धिद्वीपा समुद्राम्बरमेखला कुः । (१।१)

क्षमाद्रिकीला च जगद्वहा च पुंसि स्मृतौ मध्यमलोकमर्त्यौ ॥ (१।२)

सहा कान्ता गन्धवती रत्नगर्भा च मेदिनी । (२।१)

स्वस्थली भारताख्यं तु वर्षं हैमवतं विदुः ॥ (२।२)

भारतं नरभूः किंपूरुषं हरिवर्षं ततः । (३।१)

भद्राश्वम् उत्तरकुरुर् हिरण्मयमिलावृतम् ॥ (३।२)

केतुमालममूनि स्युर्भुवो वर्षाणि वै नव । (४।१)

जम्बूप्लक्षकुशक्रौञ्चशाकशाल्मलिपुष्करैः ॥ (४।२)

द्वीपाः सप्ताथ सप्तैव समुद्रा अपि कीर्तिताः । (५।१)

लवणेक्षुसुरासर्पिर्दधिदुग्धपयोमयाः ॥ (५।२)

उषरस् तूषवान् ऊषो ब्रह्मावर्तस्तपोवटः । (६।१)

कुरुक्षेत्रं प्रयागं च हिमाद्रिं विन्ध्यमन्तरा ॥ (६।२)

मध्यदेशोऽथ पुण्ड्राः स्युर्वरेन्द्री गौडनीवृति । (७।१)

प्रभासः सोमतीर्थं स्यादन्तर्वेदी कुशस्थली ॥ (७।२)

प्राग्ज्योतिषः कामरूपे तीरभुक्तिस्तु निच्छविः । (८।१)

विदेहाश्चाथ कश्मीरे कीराः स्युः शास्त्रशिल्पिनः ॥ (८।२)

तुरुष्काः खशयष्टक्का वाह्लीकाश्च त्रिगर्तकाः । (९।१)

दशेरका मरुभुवो मालवाः स्युरवन्तयः ॥ (९।२)

डाहलाश्चेदयश्चैद्याः कारूषास्तु बृहद्गृहाः । (१०।१)

यदवस्तु दशार्हाः स्युः सात्वताः कुकुराश्च ते ॥ (१०।२)

ओण्ड्रा उत्कलनामानो मगधाः कीकटा मताः । (११।१)

वेलाकूलं तामलिप्तं तामलिप्ती तमालिका ॥ (११।२)

एकचक्रं हरिगृहं शंभुपुर्यथ वर्तनिः । (१२।१)

पूर्वदेशोऽथ साकेतम् अयोध्योत्तरकोशला ॥ (१२।२)

कुशस्थलं कान्यकुब्जं नागाङ्गं हस्तिनापुरम् । (१३।१)

गजाह्वं हास्तिनं चाथ श्रावस्ती धर्मपत्तनम् ॥ (१३।२)

कुरुक्षेत्रं विनशनं कौशाम्बी वत्सपत्तनम् । (१४।१)

प्राजापत्यः प्रयागः स्याद्द्वारका वनमालिनी ॥ (१४।२)

द्वारवत्यब्धिनगरी विदेहामिथिले समे । (१५।१)

मथुरा तु मधूपघ्नं जित्वरी तु तपःस्थली ॥ (१५।२)

वाराणसी तीर्थराजी विशालोज्जयिनी समे । (१६।१)

चम्पा तु मालिनी पुष्पपुरं पाटलिपुत्रकम् ॥ (१६।२)

देवीकोटो बाणपुरं कोटीवर्षम् उमावनम् । (१७।१)

स्याच्छोणितपुरं चाथ योजनं मार्गधेनुकम् ॥ (१७।२)

क्रिमिशैलस्तु वल्मीकः शक्रमूर्धाथ संचरः । (१८।१)

धरणः पिण्डलः सेतुः पन्थास्तु क्षुल्लमो वहः ॥ (१८।२)

वाटः पथश्च माथश्च खपुरं तूर्ध्वगं पुरम् । (१९।१)

हरिश्चन्द्रपुरं शौभम् उद्रङ्गः प्रतिमार्गकः ॥ (१९।२)

त्रङ्गात्रङ्गौ निर्मुटं तु पण्याजीवकचङ्गले । (२०।१)

पुंसि हट्टक्रयारोहौ जन्यं ग्राममुखं च तत् ॥ (२०।२)

स्याद् अभिष्यन्दिवमनं शाखानगरमित्यपि । (२१।१)

शासनं धर्मकीलः स्यान्मकुतिः शूद्रशासनम् ॥ (२१।२)

पट्टोलिका कॢप्तकीला पांसुकीलं न कस्यचित् । (२२।१)

षड्भिर्यवैः स्यादङ्गुष्ठ एतैर्द्वादशभिर्भवेत् ॥ (२२।२)

वितस्तिः स्यादतो द्वाभ्यां हस्तः स्यात्तच्चतुष्टयम् । (२३।१)

दण्डो धन्वन्तरं तस्य सहस्रद्वितयेन तु ॥ (२३।२)

क्रोशस्ताभ्यां तु गव्यूतिस्तद्द्वयं योजनं मतम् । (२४।१)

चतुरष्टशतग्रामान्तर्द्रोणमुखकर्वटौ ॥ (२४।२)

पुरवर्गगर्भागारापवरके वास्तु स्याद्गृहपोतकः । (२५।१)

स्यात्प्रासादो देवकुलं पुत्रिका शालभञ्जिका ॥ (२५।२)

ओको गृहं पिटं चालो वलभी चन्द्रशालिका । (२६।१)

कूटागारं चाथ कपिशीर्षं घोटकशीर्षकम् ॥ (२६।२)

क्रमशीर्षं चाथ खरकुटी नापितशालिका । (२७।१)

कुशालिका पक्षिशाला कारावेश्म वधाङ्गकम् ॥ (२७।२)

कायमानं तृणकुटी दर्भटो निभृतं गृहम् । (२८।१)

कुडङ्गोद्घाटपिठरा इन्द्रकोषस्तु मञ्चकः ॥ (२८।२)

वासागारं भोगगृहं कन्यापत्न्याटनिष्कुटाः । (२९।१)

देवीगृहं तु वलभी लयनं सौगतालयः ॥ (२९।२)

शिवस्य वृषमण्डप्यां बुधैर् गोपिटकं स्मृतम् । (३०।१)

वातायनं गवाक्षः स्याद् वधूटशयनं तथा ॥ (३०।२)

उपशल्योपकण्ठे द्वे कपाटो द्वारकण्टकः । (३१।१)

कवाटश्चाररं कन्थावाटः प्राकार इत्यपि ॥ (३१।२)

शैलवर्गशैले स्थावरधातुभृद्धरकुकीलो व्यंशकः सानुमाञ्जीमूतः पृथुशेखरश्च कटकी दन्ती नगो निर्झरी । (३२।१)

कुट्टारोऽथ हिमालयो नगपतिर्मेनाधवोमागुरू कैलासे गणपर्वतश्च रजतप्रस्थः कुबेराचलः ॥ (३२।२)

हिरण्यनाभमैनाकसुनाभा हिमवत्सुते । (३३।१)

शैलाग्रे शिखरं शृङ्गं दन्तः प्राग्भार इत्यपि ॥ (३३।२)

पूर्वाद्रिर् दिनमूर्धा स्यादस्ताद्रिश्चरमाचलः । (३४।१)

चन्दनाद्रिस्तु मलयः कौञ्चः क्रौञ्चश्च माल्यवान् ॥ (३४।२)

महेन्द्रो मलयः सह्यः शुक्तिमान् पारियात्रकः । (३५।१)

ऋक्षो विन्ध्यश्च सप्तैते जम्बूद्वीपकुलाचलाः ॥ (३५।२)

अश्मा पझरुकः पाटः पारटीटश्च मृन्मरुः । (३६।१)

घर्षणालः शिलापुत्रो गृहाश्मा गृहकच्छपः ॥ (३६।२)

गैरिकं तु वनालक्तं रक्तधातुर्गवेरुकम् । (३७।१)

प्रत्यश्मा गिरिमृच्चाथ शिलाधातुः सितोपलः ॥ (३७।२)

मृत्कोलो वर्णलेखा च कठिनी कक्खटी खटी ॥ (३८।०)

वनौषधिवर्गवार्क्षं वनं तलं तल्कं हिङ्गुलं समजं त्रसम् । (३९।१)

लीलोद्यानं देवनं स्याद् रिञ्छोली पङ्क्तिर् आवली ॥ (३९।२)

वृक्षः कारस्करो गच्छः पलाशी विष्टरः स्थिरः । (४०।१)

चैत्यो देवतरुर्देवावासे करिभकुञ्जरौ ॥ (४०।२)

छायातरुः स्थिरच्छायो वन्दा काकरुहा स्मृता । (४१।१)

वनस्पतिर् निर्लुटः स्यात्फुल्लोन्निद्रविकस्वराः ॥ (४१।२)

स्मितोन्मुद्रौ किलिञ्जं तु सूक्ष्मदार्वथ पल्लवः । (४२।१)

बिसलं किसलं चाथोत्कलिकाङ्गारिते समे ॥ (४२।२)

गुच्छो गुलुञ्छः क्षेपः स्याच्चमरी मञ्जरं न ना । (४३।१)

मञ्जिश्च गोन्दी गुन्दी च मकरन्दो मरन्दवत् ॥ (४३।२)

वेधकः कण्टके पत्त्रसूचिद्रुनखवङ्किलाः । (४४।१)

पिप्पलो वादरङ्गः स्याच्चैत्यद्रुः केशवालयः ॥ (४४।२)

यक्षोदुम्बरकं त्वस्य फलेऽथ गृहनाशनः । (४५।१)

देववृक्षो दानगन्धिः सप्तपत्त्रः शिरोरुजा ॥ (४५।२)

दन्तहर्षणजम्बीरौ कतको ऽम्बुप्रसादनः । (४६।१)

वरुणस् त्व् अश्मरीघ्नो ऽथाध्वगभोग्यो मधुद्रुमः ॥ (४६।२)

कपिचूतो ऽम्रातके ऽस्य फले पशुहरीतकी । (४७।१)

पिकबन्धुस्तु चूतः स्यात् स्त्रीप्रियः षट्पदातिथिः ॥ (४७।२)

मधुदूतो वसन्तद्रुर् महाकालोरुकालकौ । (४८।१)

शोभाञ्जनस्तु स्त्रीचित्तहारी विद्रधिनाशनः ॥ (४८।२)

प्राभाञ्जनोऽथ प्राचीनपनसो गोहरीतकी । (४९।१)

महाकपित्थो बिल्वश्च कोली गृध्रनखी स्मृता ॥ (४९।२)

स्यात् पिच्छिलदला स्वादुफलाथो नागरङ्गकः । (५०।१)

तक्राधिवासी नारङ्गः किर्मीरस् त्वक्सुगन्धकः ॥ (५०।२)

स्याद्धर्मणः पिच्छिलत्वग्धवस्तु मधुरत्वचः । (५१।१)

पिशाचद्रुः पीतफलः शाखोटः कर्कशच्छदः ॥ (५१।२)

अर्शोहितस्तु रक्षोघ्नो भल्लातक्यथ शाल्मली । (५२।१)

दुरारोहा स्मृता पिण्डीतगरः कफवर्धनः ॥ (५२।२)

काकचिञ्ची तुलाबीजं खदिरो बालपत्त्रकः । (५३।१)

यूपद्रुः कुष्ठहृच्चाथ करञ्जो घृतपूर्णकः ॥ (५३।२)

रसायनफला पथ्या शकसृष्टा सुधोद्भवा । (५४।१)

सरलो धूपवृक्षः स्याच्छोणको न्यङ्कुभूरुहः ॥ (५४।२)

चम्पकालुस्तु मुरजफलः स्यात्पनसश्च सः । (५५।१)

डहुः क्षुद्राम्लपनसो निचुलो रक्तमञ्जरः ॥ (५५।२)

निम्बो ऽर्कपादपः पुण्यगन्धस्तु कुसुमाधिराट् । (५६।१)

चम्पको वरलब्धश्च वकुलः सिंहकेसरः ॥ (५६।२)

शीधुगन्धोऽथ कङ्केल्लिर्नटः कान्ताङ्घ्रिदोहदः । (५७।१)

अशोकः पिण्डपुष्पस्तु दाडिमः फलशाडवः ॥ (५७।२)

दाडिम्बः पर्वरुट् च स्यात् स्वाद्वम्ब्लः शुकवल्लभः । (५८।१)

पिण्डीरोऽथ सुवर्णेभनागाख्यो नागकेसरः ॥ (५८।२)

स्यात्पुष्परोचनश्चापि चूर्णं तस्य हरिद्रवः । (५९।१)

निशिपुष्पा तु शेफाली कुटजः पाण्डुरद्रुमः ॥ (५९।२)

लताशङ्कुतरुः शालो नीपो धाराकदम्बकः । (६०।१)

कटंकटेरी हरिद्रा शिंशपा युग्मपत्त्रिका ॥ (६०।२)

पटोलं स्याद्राजफलं तस्य मूले तु रम्यकम् । (६१।१)

सूत्रपुष्पस्तु कर्पासे जीर्णपर्णं कदम्बकम् ॥ (६१।२)

प्रहसन्ती तु यूथी स्याद् दमनः पुष्पचामरः । (६२।१)

मालतीपुष्पकलिकां सौमनस्यायनीं विदुः ॥ (६२।२)

कुन्दे स्याद् वोरटः पुंसि ग्रैष्मी तु नवमालिका । (६३।१)

रक्तपिण्डस् त्व् ओण्ड्रपुष्पं स्यादम्लानः कुरण्टकः ॥ (६३।२)

कन्दलशिलीन्ध्रपुष्पे श्लेष्मघ्नी त्रिपुरमल्लिका प्रोक्ता । (६४।१)

एरण्डहस्तिकर्णे प्राचीनामलकवारिबदरे द्वे ॥ (६४।२)

बृहत्पाटलिधुस्तूरौ कदली त्वायतच्छदा । (६५।१)

स्यात्तन्तुविग्रहा मञ्जिफला वारणवल्लभा ॥ (६५।२)

वातिङ्गणस्तु वार्ताकुर् वार्ताकः शाकबिल्वकः । (६६।१)

क्लीबे वङ्गं च वार्ताकी स्यान्महाबृहतीत्यपि ॥ (६६।२)

कुष्ठं गदाह्वयं मूलं त्वस्य पुष्करमूलकम् । (६७।१)

वङ्गसेनस् त्वगस्तिद्रुः शुकनासो मुनिद्रुमः ॥ (६७।२)

अनलिः कुनली पुत्रंजीवस्तु श्लीपदापहः । (६८।१)

छत्त्रको मल्लिपत्त्रं स्यात्कुब्जको वज्रकण्टकः ॥ (६८।२)

वास्तूकष्टक्कदेशीयः शाकवीरो घनामलः । (६९।१)

शोथजिद् गरहा कालशाकोऽप्यथ महौषधी ॥ (६९।२)

मही विषघ्नी चक्राङ्गी मत्स्याक्षी हिलमोचिका । (७०।१)

जलब्रह्मी च सालीञ्चे पकूरो लोहमारकः ॥ (७०।२)

केचुकं पेचुली पेचा नारीचो विश्वलोचनः । (७१।१)

केशराजो नागमारः पररुर् भङ्गसोदरः ॥ (७१।२)

सुनिषण्णं चचुः पुंसि छत्त्रपत्त्रं तमालकम् । (७२।१)

स्थलपद्ममथो देवपत्नीमध्वालुकं विदुः ॥ (७२।२)

फलपुच्छो वरण्डालुः स्याद् रङ्गेष्टालुकं च यत् । (७३।१)

श्रीमस्तकः स्वस्तिकः स्याद् राहूच्छिष्टो रसोनकः ॥ (७३।२)

कूष्माण्डस्तु घृणावासस् तिमिषो ग्राम्यकर्कटी । (७४।१)

वालुकी कर्कटीर्वारुमूत्रला रोमशा च सा ॥ (७४।२)

स्याच्चेलानश् चित्रफलः सुखाशो राजतामिषः । (७५।१)

लतापनसमाटाम्रौ सेटुर् ऊर्ध्वासितस्तु यः ॥ (७५।२)

पराकः कारवेल्लोऽसौ गोडुम्बा गजचिर्भिटः । (७६।१)

मृत्युबीजस्तु वंशः स्यात्केतकः क्रकचच्छदः ॥ (७६।२)

दृक्कटो बहुमूलः स्यात्करीरे वेणुकर्कटः । (७७।१)

काशोऽश्ववालः काकेक्षुर् वनहासश्च चूर्णला ॥ (७७।२)

गुडदारुर् मधुतृणं स्याद् इक्षुर् असिपत्त्रकः । (७८।१)

खानोदको नालिकेरः करकाम्भाः शिरःफलः ॥ (७८।२)

सुरञ्जनो गोपदलो राजतालश् छटाफलः । (७९।१)

करमट्टस्तन्तुसारो गुवाको झोर इत्यपि ॥ (७९।२)

रामपूगस्तु कामीनो मुनिपूगः सरेवटः । (८०।१)

पूगरोटस्तु हिन्तालः क्लीबं तिरिटि तत्फलम् ॥ (८०।२)

घनामयः स्यात् खर्जूरो द्वौ तु काचिमभञ्जरू । (८१।१)

तरौ देवकुलोद्भूते दूर्वा तु हरितालिका ॥ (८१।२)