महासाहसवृत्त्या स्वरूपलाभः ॥ (१।१)

तल्लाभाच् छुरिता युद्युगपद् वृत्तिप्रवृत्तिः ॥ (२।१)

उभयपट्टोद्घट्टनान् महाशून्यताप्रवेशः ॥ (३।१)

युग्मग्रासान् निरवकाशसंविन्निष्ठा ॥ (४।१)

सिद्धयोगिनीसंघट्टान् महामेलापोदयः ॥ (५।१)

त्रिकञ्चुकपरित्यागान् निराख्यपदावस्थितिः ॥ (६।१)

वाक्चतुष्टयोदयविरामप्रथासु स्वरः प्रथते ॥ (७।१)

रसत्रितयास्वादनेनानिच्छोच्छलितं विगतबन्धं परं ब्रह्म ॥ (८।१)

देवीचतुष्टयोल्लासेन सदैव स्वविश्रान्त्यवस्थितिः ॥ (९।१)

द्वादशवाहोदयेन महामरीचिविकासः ॥ (१०।१)

चर्यापञ्चकोदये निस्तरङ्गसमावेशः ॥ (११।१)

महाबोधसमावेशात् पुण्यपापासंबन्धः ॥ (१२।१)

अकथनकथाबलेन महाविस्मयमुद्राप्राप्त्या खस्वरता ॥ (१३।१)