स्वर्गस्त्रिविष्टपं द्योदिवौ भुविस्तविषताविषौ नाकः । (१।१)

गौस्त्रिदिवमूर्ध्वलोकः सुरालयस् तत्सदस्त्वमराः ॥ (१।२)

देवाः सुपर्वसुरनिर्जरदेवतर्भुबर्हिर्मुखानिमिषदैवतनाकिलेखाः । (२।१)

वृन्दारकाः सुमनसस्त्रिदशा अमर्त्याः स्वाहास्वधाक्रतुसुधाभुज आदितेयाः ॥ (२।२)

गीर्वाणा मरुतो ऽस्वप्ना विबुधा दानवारयः । (३।१)

तेषां यानं विमानो ऽन्धः पीयूषममृतं सुधा ॥ (३।२)

असुरा नागास्तडितः सुपर्णका वह्नयो ऽनिलाः स्तनिताः । (४।१)

उदधिद्वीपदिशो दश भवनाधीशाः कुमारान्ताः ॥ (४।२)

स्युः पिशाचा भूता यक्षा राक्षसाः किंनरा अपि । (५।१)

किंपुरुषा महोरगा गन्धर्वाश्चान्तरा अमी ॥ (५।२)

ज्योतिष्काः पञ्च चन्द्रार्कग्रहनक्षत्रतारकाः । (६।१)

वैमानिकाः पुनः कल्पभवा द्वादश ते त्वमी ॥ (६।२)

सौधर्मेशानसनत्कुमारमाहेन्द्रब्रह्मलान्तकजाः । (७।१)

शुक्रसहस्रारानतप्राणतजा आरणाच्युतजाः ॥ (७।२)

कल्पातीता नव ग्रैवेयकाः पञ्च त्वनुत्तराः । (८।१)

निकायभेदादेवं स्युर्देवाः किल चतुर्विधाः ॥ (८।२)

आदित्यः सवितार्यमा खरसहस्रोष्णांशुर् अंशू रविर्मार्तण्डस्तरणिर्गभस्तिररुणो भानुर्नभो ऽहर्मणिः । (९।१)

सूर्यो ऽर्कः किरणो भगो ग्रहपुषः पूषा पतङ्गः खगो मार्ताण्डो यमुनाकृतान्तजनकः प्रद्योतनस्तापनः ॥ (९।२)

ब्रध्नो हंसश्चित्रभानुर्विवस्वान्सूरस्त्वष्टा द्वादशात्मा च हेलिः । (१०।१)

मित्रो ध्वान्तारातिर् अब्जांशुहस्तश्चक्राब्जाहर्बान्धवः सप्तसप्तिः ॥ (१०।२)

दिवादिनाहर्दिवसप्रभाविभाभासः करः स्यान्मिहिरो विरोचनः । (११।१)

ग्रहाब्जिनीगोद्युपतिर्विकर्तनो हरिः शुचीनौ गगनाहजाध्वगौ ॥ (११।२)

हरिदश्वो जगत्कर्मसाक्षी भास्वान्विभावसुः । (१२।१)

त्रयीतनुर्जगच्चक्षुस्तपनो ऽरुणसारथिः ॥ (१२।२)

रोचिरुस्ररुचिशोचिरंशुगो ज्योतिरर्चिरुपधृत्यभीशवः । (१३।१)

प्रग्रहः शुचिमरीचिदीप्तयो धामकेतुघृणिरश्मिपृश्नयः ॥ (१३।२)

पाददीधितिकरद्युतिद्युतो रुग्विरोककिरणत्विषित्विषः । (१४।१)

भाःप्रभावसुगभस्तिभानवो भा मयूखमहसी छविर्विभा ॥ (१४।२)

प्रकाशस्तेज उद्द्योत आलोको वर्च आतपः । (१५।१)

मरीचिका मृगतृष्णा मण्डलं तूपसूर्यकम् ॥ (१५।२)

परिधिः परिवेषश्च सूरसूतस्तु काश्यपिः । (१६।१)

अनूरुर्विनतासूनुररुणो गरुडाग्रजः ॥ (१६।२)

रेवन्तस्त्वर्करेतोजः प्लवगो हयवाहनः । (१७।१)

अष्टादश माठराद्याः सवितुः परिपार्श्वकाः ॥ (१७।२)

चन्द्रमाः कुमुदबान्धवो दशश्वेतवाज्यमृतसूस् तिथिप्रणीः । (१८।१)

कौमुदीकुमुदिनीभदक्षजारोहिणीद्विजनिशौषधीपतिः ॥ (१८।२)

जैवातृको ऽब्जश्च कलाशशैणच्छायाभृद् इन्दुर् विधुर् अत्रिदृग्जः । (१९।१)

राजा निशो रत्नकरौ च चन्द्रः सोमो ऽमृतश्वेतहिमद्युतिर् ग्लौः ॥ (१९।२)

षोडशो ऽंशः कला चिह्नं लक्षणं लक्ष्म लाञ्छनम् । (२०।१)

अङ्कः कलङ्को ऽभिज्ञानं चन्द्रिका चन्द्रगोलिका ॥ (२०।२)

चन्द्रातपः कौमुदी च ज्योत्स्ना बिम्बं तु मण्डलम् । (२१।१)

नक्षत्रं तारका ताराज्योतिषी भमुडु ग्रहः ॥ (२१।२)

धिष्ण्यमृक्षमथाश्विन्यश्वकिनी दस्रदेवता । (२२।१)

अश्वयुग्वालिनी चाथ भरणी यमदेवता ॥ (२२।२)

कृत्तिका बहुलाश्चाग्निदेवा ब्राह्मी तु रोहिणी । (२३।१)

मृगशीर्षं मृगशिरो मार्गश्चान्द्रमसं मृगः ॥ (२३।२)

इल्वलास्तु मृगशिरःशिरस्थाः पञ्च तारकाः । (२४।१)

आर्द्रा तु कालिनी रौद्री पुनर्वसू तु यामकौ ॥ (२४।२)

आदित्यौ च पुष्पस्तिष्यः सिध्यश्च गुरुदैवतः । (२५।१)

सार्पो ऽश्लेषा मघा पित्र्या फाल्गुनी योनिदेवता ॥ (२५।२)

सा तूत्तरार्यमदेवा हस्तः सवितृदैवतः । (२६।१)

त्वाष्ट्री चित्रानिली स्वातिर्विशाखेन्द्राग्निदेवताः ॥ (२६।२)

राधानुराधा तु मैत्री ज्येष्ठैन्द्री मूल आस्रपः । (२७।१)

पूर्वाषाढा तु सोत्तरा स्याद्वैश्वी श्रवणः पुनः ॥ (२७।२)

हरिदेवः श्रविष्ठा तु धनिष्ठा वसुदेवता । (२८।१)

वारुणी तु शतभिषग् अजाहिर्बुध्नदेवताः ॥ (२८।२)

पूर्वोत्तरा भाद्रपदा दृश्यः प्रोष्ठपदाश्च ताः । (२९।१)

रेवती तु पौष्णं दाक्षायण्यः सर्वाः शशिप्रियाः ॥ (२९।२)

राशीनामुदयो लग्नं मेषप्रभृतयस्तु ते । (३०।१)

आरो वक्रो लोहिताङ्गो मङ्गलो ऽङ्गारकः कुजः ॥ (३०।२)

आषाढाभूर् नवार्चिश्च बुधः सौम्यः प्रहर्षुलः । (३१।१)

ज्ञः पञ्चार्चिः श्रविष्ठाभूः श्यामाङ्गो रोहिणीसुतः ॥ (३१।२)

बृहस्पतिः सुराचार्यो जीवश्चित्रशिखण्डिजः । (३२।१)

वाचस्पतिर्द्वादशार्चिर्धिषणः फाल्गुनीभवः ॥ (३२।२)

गीर्बृहत्योः पतिरुतथ्यानुजाङ्गिरसौ गुरुः । (३३।१)

शुक्रो मघाभवः काव्य उशना भार्गवः कविः ॥ (३३।२)

षोडशार्चिर् दैत्यगुरुर् धिष्ण्यः शनैश्चरः शनिः । (३४।१)

छायासुतो ऽसितः सौरिः सप्तार्ची रेवतीभवः ॥ (३४।२)

मन्दः क्रोडो नीलवासाः स्वर्भाणुस्तु विधुंतुदः । (३५।१)

तमो राहुः सैंहिकेयो भरणीभूरथाहिकः ॥ (३५।२)

अश्लेषाभूः शिखी केतुर्ध्रुवस्तूत्तानपादजः । (३६।१)

अगस्त्यो ऽगस्तिः पीताब्धिर् वातापिद्विड्घटोद्भवः ॥ (३६।२)

मैत्रावरुणिराग्नेय और्वशेयाग्निमारुतौ । (३७।१)

लोपामुद्रा तु तद्भार्या कौषीतकी वरप्रदा ॥ (३७।२)

मरीचिप्रमुखाः सप्तर्षयश्चित्रशिखण्डिनः । (३८।१)

पुष्पदन्तौ पुष्पवन्तावेकोक्त्या शशिभास्करौ ॥ (३८।२)

राहुग्रासो ऽर्केन्द्वोर्ग्रह उपराग उपप्लवः । (३९।१)

उपलिङ्गं त्वरिष्टं स्यादुपसर्ग उपद्रवः ॥ (३९।२)

अजन्यमीतिरुत्पातो वह्न्युत्पात उपाहितः । (४०।१)

स्यात्कालः समयो दिष्टानेहसौ सर्वभूषकः ॥ (४०।२)

कालो द्विविधो ऽवसर्पिण्युत्सर्पिणीविभेदतः । (४१।१)

सागरकोटिकोटीनां विंशत्या स समाप्यते ॥ (४१।२)

अवसर्पिण्यां षडरा उत्सर्पिण्यां त एव विपरीताः । (४२।१)

एवं द्वादशभिररैर्विवर्तते कालचक्रमिदम् ॥ (४२।२)

तत्रैकान्तसुषमारश्चतस्रः कोटिकोटयः । (४३।१)

सागराणां सुषमा तु तिस्रस्तूत्कोटिकोटयः ॥ (४३।२)

सुषमदुःषमा ते द्वे दुःषमसुषमा पुनः । (४४।१)

सैका सहस्रैर्वर्षाणां द्विचत्वारिंशतोनिता ॥ (४४।२)

अथ दुःषमैकविंशतिरब्दसहस्राणि तावती तु स्यात् । (४५।१)

एकान्तदुःषमापि ह्येतत्संख्याः परे ऽपि विपरीताः ॥ (४५।२)

प्रथमे ऽरत्रये मर्त्यास्त्रिद्व्येकपल्यजीविताः । (४६।१)

त्रिद्व्येकगव्यूत्युच्छ्रयास्त्रिद्व्येकदिनभोजनाः ॥ (४६।२)

कल्पद्रुफलसंतुष्टाश्चतुर्थे त्वरके नराः । (४७।१)

पूर्वकोट्यायुषः पञ्चधनुःशतसमुच्छ्रयाः ॥ (४७।२)

पञ्चमे तु वर्षशतायुषः सप्तकरोच्छ्रयाः । (४८।१)

षष्ठे पुनः षोडशाब्दायुषो हस्तसमुच्छ्रयाः ॥ (४८।२)

एकान्तदुःखप्रचिता उत्सर्पिण्यामपीदृशाः । (४९।१)

पश्चानुपूर्व्या विज्ञेया अरेषु किल षट्स्वपि ॥ (४९।२)

अष्टादश निमेषास्तु काष्ठा काष्ठाद्वयं लवः । (५०।१)

कला तैः पञ्चदशभिर्लेशस्तद्द्वितयेन च ॥ (५०।२)

क्षणस्तैः पञ्चदशभिः क्षणैः षड्भिस्तु नाडिका । (५१।१)

सा धारिका च घटिका मुहूर्तस्तद्द्वयेन च ॥ (५१।२)

त्रिंशता तैरहोरात्रस्तत्राहर्दिवसो दिनम् । (५२।१)

दिवं द्युर् वासरो घस्रः प्रभातं स्यादहर्मुखम् ॥ (५२।२)

व्युष्टं विभातं प्रत्यूषं कल्यप्रत्युषसी उषः । (५३।१)

काल्यं मध्याह्नस्तु दिवामध्यं मध्यंदिनं च सः ॥ (५३।२)

दिनावसानमुत्सूरो विकालसबली अपि । (५४।१)

सायं संध्या तु पितृसूस्त्रिसंध्यं तूपवैणवम् ॥ (५४।२)

श्राद्धकालस्तु कुतपो ऽष्टमो भागो दिनस्य यः । (५५।१)

निशा निशीथिनी रात्रिः शर्वरी क्षणदा क्षपा ॥ (५५।२)

त्रियामा यामिनी भौती तमी तमा विभावरी । (५६।१)

रजनी वसतिः श्यामा वासतेयी तमस्विनी ॥ (५६।२)

उषा दोषेन्दुकान्ताथ तमिस्रा दर्शयामिनी । (५७।१)

ज्यौत्स्नी तु पूर्णिमारात्रिर्गणरात्रो निशागणः ॥ (५७।२)

पक्षिणी पक्षतुल्याभ्याम् अहोभ्यां वेष्टिता निशा । (५८।१)

गर्भकं रजनीद्वन्द्वं प्रदोषो रजनीमुखम् ॥ (५८।२)

यामः प्रहरो निशीथस्त्वर्धरात्रो महानिशा । (५९।१)

उच्चन्द्रस्त्वपररात्रस्तमिस्रं तिमिरं तमः ॥ (५९।२)

ध्वान्तं भूछायान्धकारं तमसं समवान्धतः । (६०।१)

तुल्यनक्तंदिने काले विषुवद्विषुवं च तत् ॥ (६०।२)

पञ्चदशाहोरात्रः स्यात्पक्षः स बहुलो ऽसितः । (६१।१)

तिथिः पुनः कर्मवाटी प्रतिपत्पक्षतिः समे ॥ (६१।२)

पञ्चदश्यौ यज्ञकालौ पक्षान्तौ पर्वणी अपि । (६२।१)

तत्पर्वमूलं भूतेष्टापञ्चदश्योर्यदन्तरम् ॥ (६२।२)

स पर्व संधिः प्रतिपत्पञ्चदश्योर्यदन्तरम् । (६३।१)

पूर्णिमा पौर्णमासी सा राका पूर्णे निशाकरे ॥ (६३।२)

कलाहीने त्वनुमतिर्मार्गशीर्ष्याग्रहायणी । (६४।१)

अमामावस्यमावस्या दर्शसूर्येन्दुसंगमः ॥ (६४।२)

अमावास्यामावासी च सा नष्टेन्दुः कुहुः कुहूः । (६५।१)

दृष्टेन्दुस्तु सिनीवाली भूतेष्टा तु चतुर्दशी ॥ (६५।२)

पक्षो मासो वत्सरादिर्मार्गशीर्षः सहः सहाः । (६६।१)

आग्रहायणिकश्चाथ पौषस्तैषः सहस्यवत् ॥ (६६।२)

माघस्तपाः फाल्गुनस्तु फाल्गुनिकस्तपस्यवत् । (६७।१)

चैत्रो मधुश्चैत्रिकश्च वैशाखे राधमाधवौ ॥ (६७।२)

ज्येष्ठस्तु शुक्रो ऽथाषाढः शुचिः स्याच्छ्रावणो नभाः । (६८।१)

श्रावणिको ऽथ नभस्यः प्रोष्ठभाद्रपरः पदः ॥ (६८।२)

भाद्रश्चाप्याश्विने त्वाश्वयुजेषावथ कार्तिकः । (६९।१)

कार्तिकिको बाहुलोर्जौ द्वौ द्वौ मार्गादिकावृतुः ॥ (६९।२)

हेमन्तः प्रशलो रौद्रो ऽथ शैषशिशिरौ समौ । (७०।१)

वसन्त इष्यः सुरभिः पुष्पकालो बलाङ्गकः ॥ (७०।२)

उष्ण उष्णागमो ग्रीष्मो निदाघस्तप ऊष्मकः । (७१।१)

वर्षास्तपात्ययः प्रावृण्मेघकालागमौ क्षरी ॥ (७१।२)

शरद्घनात्ययो ऽयनं शिशिराद्यैस्त्रिभिस्त्रिभिः । (७२।१)

अयने द्वे गतिरुदग्दक्षिणार्कस्य वत्सरः ॥ (७२।२)

स संपर्यनूद्भ्यो वर्षं हायनो ऽब्दं समाः शरत् । (७३।१)

भवेत्पैत्रं त्वहोरात्रं मासेनाब्देन दैवतम् ॥ (७३।२)

दैवे युगसहस्रे द्वे ब्राह्मं कल्पौ तु तौ नृणाम् । (७४।१)

मन्वन्तरं तु दिव्यानां युगानामेकसप्ततिः ॥ (७४।२)

कल्पो गुणान्तः कल्पान्तः संहारः प्रलयः क्षयः । (७५।१)

संवर्तः परिवर्तश्च समसुप्तिर्जिहानकः ॥ (७५।२)

तत्कालस्तु तदात्वं स्यात्तज्जं सांदृष्टिकं फलम् । (७६।१)

आयतिस्तूत्तरः काल उदर्कस्तद्भवं फलम् ॥ (७६।२)

व्योमान्तरिक्षं गगनं घनाश्रयो विहाय आकाशमनन्तपुष्करे । (७७।१)

अभ्रं सुराभ्रोडुमरुत्पथो ऽम्बरं खं द्योदिवौ विष्णुपदं वियन्नभः ॥ (७७।२)

नभ्राट्तडित्वान्मुदिरो घनाघनो ऽभ्रं धूमयोनिस्तनयित्नुमेघाः । (७८।१)

जीमूतपर्जन्यबलाहका घनो धाराधरो वाहदमुग्धरा जलात् ॥ (७८।२)

कादम्बिनी मेघमाला दुर्दिनं मेघजं तमः । (७९।१)

आसारो वेगवान्वर्षो वातास्तं वारि शीकरः ॥ (७९।२)

वृष्ट्या वर्षणवर्षे तद्विघ्ने ग्राहग्रहाववात् । (८०।१)

घनोपलस्तु करकः काष्ठाशा दिग्धरित्ककुप् ॥ (८०।२)

पूर्वा प्राची दक्षिणापाची प्रतीची तु पश्चिमा । (८१।१)

अपराथोत्तरोदीची विदिक्चोपदिशं प्रदिक् ॥ (८१।२)

दिश्यं दिग्भववस्तुन्यपागपाचीनमुदगुदीचीनम् । (८२।१)

प्राक्प्राचीनं च समे प्रत्यक् स्यात्प्रतीचीनम् ॥ (८२।२)

तिर्यग्दिशां तु पतय इन्द्राग्नियमनैरृताः । (८३।१)

वरुणो वायुकुबेरावीशानश्च यथाक्रमम् ॥ (८३।२)

ऐरावतः पुण्डरीको वामनः कुमुदो ऽञ्जनः । (८४।१)

पुष्पदन्तः सार्वभौमः सुप्रतीकश्च दिग्गजाः ॥ (८४।२)

इन्द्रैन्द्रो हरिर्दुश्च्यवनो ऽच्युताग्रजो वज्री विडौजा मघवान्पुरंदरः । (८५।१)

प्राचीनबर्हिः पुरुहूतवासवौ संक्रन्दनाखण्डलमेघवाहनाः ॥ (८५।२)

सुत्रामवास्तोष्पतिदल्मिशक्रा वृषा शुनासीरसहस्रनेत्रौ । (८६।१)

पर्जन्यहर्यश्वर्भुक्षिबाहुदन्तेयवृद्धश्रवसस् तुराषाट् ॥ (८६।२)

सुरर्षभस्तपस्तक्षो जिष्णुर्वरशतक्रतुः । (८७।१)

कौशिकः पूर्वदिग्देवाप्सरःस्वर्गशचीपतिः ॥ (८७।२)

पृतनाषाडुग्रधन्वा मरुत्वान्मघवास्य तु । (८८।१)

द्विषः पाको ऽद्रयो वृत्रः पुलोमा नमुचिर्बलः ॥ (८८।२)

जम्भः प्रिया शचीन्द्राणी पौलोमी जयवाहिनी । (८९।१)

तनयस्तु जयन्तः स्याज्जयदत्तो जयश्च सः ॥ (८९।२)

सुता जयन्ती तवीषी ताविष्युच्चैःश्रवा हयः । (९०।१)

मातलिः सारथिर्देवनन्दी द्वाःस्थो गजः पुनः ॥ (९०।२)

ऐरावणो ऽभ्रमातङ्गश्चतुर्दन्तो ऽर्कसोदरः । (९१।१)

ऐरावतो हस्तिमल्लः श्वेतगजो ऽभ्रमुप्रियः ॥ (९१।२)

वैजयन्तौ तु प्रासादध्वजौ पुर्यमरावती । (९२।१)

सरो नन्दीसरः पर्षत्सुधर्मा नन्दनं वनम् ॥ (९२।२)

वृक्षः कल्पः पारिजातो मन्दारो हरिचन्दनः । (९३।१)

संतानश्च धनुर्देवायुधं तदृजु रोहितम् ॥ (९३।२)

दीर्घर्ज्वैरावतं वज्रं त्वशनिर्ह्रादिनी स्वरुः । (९४।१)

शतकोटिः पविः शम्बो दम्भोलिर्भिदुरं भिदुः ॥ (९४।२)

व्याधामः कुलिशो ऽस्यार्चिरतिभीः स्फूर्जथुर्ध्वनिः । (९५।१)

अश्विन्स्स्वर्वैद्यावश्विनीपुत्रावश्विनौ वडवासुतौ ॥ (९५।२)

नासिक्यावर्कजौ दस्रौ नासत्यावब्धिजौ यमौ । (९६।१)

त्वष्टृविश्वकर्मा पुनस्त्वष्टा विश्वकृद्देववर्धकिः ॥ (९६।२)

स्वःस्वर्गिवध्वो ऽप्सरसः स्वर्वेश्या उर्वशीमुखाः । (९७।१)

हाहादयस्तु गन्धर्वा गान्धर्वा देवगायनाः ॥ (९७।२)

यमयमः कृतान्तः पितृदक्षिणाशाप्रेतात्पतिर्दण्डधरो ऽर्कसूनुः । (९८।१)

कीनाशमृत्यू समवर्तिकालौ शीर्णाङ्गिहर्यन्तकधर्मराजाः ॥ (९८।२)

यमराजः श्राद्धदेवः शमनो महिषध्वजः । (९९।१)

कालिन्दीसोदरश्चापि धूमोर्णा तस्य वल्लभा ॥ (९९।२)

पुरी पुनः संयमनी प्रतीहारस्तु वैध्यतः । (१००।१)

दासौ चण्डमहाचण्डौ चित्रगुप्तश्च लेखकः ॥ (१००।२)

राक्षसस्याद्राक्षसः पुण्यजनो नृचक्षा यात्वाशरः कौणपयातुधानौ । (१०१।१)

रात्रिंचरो रात्रिचरः पलादः कीनाशरक्षोनिकसात्मजाश्च ॥ (१०१।२)

कव्यात् कर्बुरनैरृताक्सृक्पो वरुणस्त्वर्णवमन्दिरः प्रचेताः । (१०२।१)

जलयादःपतिपाशिमेघनादा जलकान्तारः स्यात् परंजनश्च ॥ (१०२।२)

कुबेरश्रीदः सितोदरकुहेशसखाः पिशाचकीछावसुस् त्रिशिर ऐलबिलैकपिङ्गाः । (१०३।१)

पौलस्त्यवैश्रवणरत्नकराः कुबेरयक्षौ नृधर्मधनदौ नरवाहनश्च ॥ (१०३।२)

कैलासौका यक्षधननिधिकिंपुरुषेश्वराः । (१०४।१)

विमानं पुष्पकं चैत्ररथं वनं पुरी प्रभा ॥ (१०४।२)

अलका वस्वोकसारा सुतो ऽस्य नलकूवरः । (१०५।१)

वित्तं रिक्थं स्वापतेयं राः सारं विभवो वसु ॥ (१०५।२)

द्युम्नं द्रव्यं पृक्थमृक्थं स्वमृणं द्रविणं धनम् । (१०६।१)

हिरण्यार्थो निधानं तु कुनाभिः शेवधिर्निधिः ॥ (१०६।२)

महापद्मश्च पद्मश्च शङ्खो मकरकच्छपौ । (१०७।१)

मुकुन्दकुन्दनीलाश्च खर्वश्च निधयो नव ॥ (१०७।२)

यक्षयक्षः पुण्यजनो राजा गुह्यको वटवास्यपि । (१०८।१)

किन्नरकिंनरस्तु किंपुरुषस्तुरंगवदनो मयुः ॥ (१०८।२)

शिवशंभुः शर्वः स्थाणुरीशान ईशो रुद्रोड्डीशौ वामदेवो वृषाङ्कः । (१०९।१)

कण्ठेकालः शंकरो नीलकण्ठः श्रीकण्ठोग्रौ धूर्जटिर्भीमभर्गौ ॥ (१०९।२)

मृत्युंजयः पञ्चमुखो ऽष्टमूर्तिः श्मशानवेश्मा गिरिशो गिरीशः । (११०।१)

षण्ढः कपर्दीश्वर ऊर्ध्वलिङ्ग एकत्रिदृग्भालदृगेकपादः ॥ (११०।२)

मृडो ऽट्टहासी घनवाहनो ऽहिर्बुध्नो विरूपाक्षविषान्तकौ च । (१११।१)

महाव्रती वह्निहिरण्यरेताः शिवो ऽस्थिधन्वा पुरुषास्थिमाली ॥ (१११।२)

स्याद्व्योमकेशः शिपिविष्टभैरवौ दिक्कृत्तिवासा भवनीललोहितौ । (११२।१)

सर्वज्ञनाट्यप्रियखण्डपशवो महापरा देवनटेश्वरा हरः ॥ (११२।२)

पशुप्रमथभूतोमापतिः पिङ्गजटेक्षणः । (११३।१)

पिनाकशूलखट्वाङ्गगङ्गाहीन्दुकपालभृत् ॥ (११३।२)

गजपूषपुरानङ्गकालान्धकमखासुहृत् । (११४।१)

कपर्दो ऽस्य जटाजूटः खट्वाङ्गस्तु सुखंसुणः ॥ (११४।२)

पिनाकं स्यादाजगवमजकावं च तद्धनुः । (११५।१)

ब्राह्म्याद्या मातरः सप्त प्रमथाः पार्षदा गणाः ॥ (११५।२)

लघिमा वशितेशित्वं प्राकाम्यं महिमाणिमा । (११६।१)

यत्र कामावसायित्वं प्राप्तिरैश्वर्यमष्टधा ॥ (११६।२)

दुर्गा।पार्वतीगौरी काली पार्वती मातृमातापर्णा रुद्राण्यम्बिका त्र्यम्बकोमा । (११७।१)

दुर्गा चण्डी सिंहयाना मृडानीकात्यायन्यौ दक्षजार्या कुमारी ॥ (११७।२)

सती शिवा महादेवी शर्वाणी सर्वमङ्गला । (११८।१)

भवानी कृष्णमैनाकस्वसा मेनाद्रिजेश्वरा ॥ (११८।२)

निशुम्भशुम्भमहिषमर्दिनी भूतनायिका । (११९।१)

तस्याः सिंहो मनस्तात्नः सख्यौ तु विजया जया ॥ (११९।२)

चामुण्डा चर्चिका चर्ममुण्डा मार्जारकर्णिका । (१२०।१)

कर्णमोटी महागन्धा भैरवी च कपालिनी ॥ (१२०।२)

गणेशहेरम्बो गणविघ्नेशः पर्शुपाणिर्विनायकः । (१२१।१)

द्वैमातुरो गजास्यैकदन्तौ लम्बोदराखुगौ ॥ (१२१।२)

स्कन्द।कार्त्तिकेयस्कन्दः स्वामी महासेनः सेनानीः शिखिवाहनः । (१२२।१)

षाण्मातुरो ब्रह्मचारी गङ्गोमाकृत्तिकासुतः ॥ (१२२।२)

द्वादशाक्षो महातेजाः कुमारः षण्मुखो गुहः । (१२३।१)

विशाखः शक्तिभृत्क्रौञ्चतारकारिः शराग्निभूः ॥ (१२३।२)

भृङ्गी भृङ्गिरिटिर् भृङ्गिरीटिर् नाड्यस्थिविग्रहः । (१२४।१)

कुष्माण्डके केलिकिलो नन्दीशे तण्डुनन्दिनौ ॥ (१२४।२)

ब्रह्माद्रुहिणो विरिञ्चिर्द्रुघणो विरिञ्चः परमेष्ठ्यजो ऽष्टश्रवणः स्वयंभूः । (१२५।१)

कमनः कविः सात्त्विकवेदगर्भौ स्थविरः शतानन्दपितामहौ कः ॥ (१२५।२)

धाता विधाता विधिवेधसौ ध्रुवः पुराणगो हंसगविश्वरेतसौ । (१२६।१)

प्रजापतिर्ब्रह्मचतुर्मुखौ भवान्तकृज्जगत्कर्तृसरोरुहासनौ ॥ (१२६।२)

शंभुः शतधृतिः स्रष्टा सुरज्येष्ठो विरिञ्चनः । (१२७।१)

हिरण्यगर्भो लोकेशो नाभिपद्मात्मभूरपि ॥ (१२७।२)

विष्णुविष्णुर्जिष्णुजनार्दनौ हरिहृषीकेशाच्युताः केशवो दाशार्हः पुरुषोत्तमो ऽब्धिशयनोपेन्द्रावजेन्द्रानुजौ । (१२८।१)

विष्वक्सेननरायणौ जलशयो नारायणः श्रीपतिदैत्यारिश्च पुराणयज्ञपुरुषस्तार्क्ष्यध्वजो ऽधोक्षजः ॥ (१२८।२)

गोविन्दषड्बिन्दुमुकुन्दकृष्णा वैकुण्ठपद्मेशयपद्मनाभाः । (१२९।१)

वृषाकपिर्माधववासुदेवौ विश्वंभरः श्रीधरविश्वरूपौ ॥ (१२९।२)

दामोदरः शौरिसनातनौ विभुः पीताम्बरो मार्जजिनौ कुमोदकः । (१३०।१)

त्रिविक्रमो जह्नुचतुर्भुजौ पुनर्वसुः शतावर्तगदाग्रजौ स्वभूः ॥ (१३०।२)

मुञ्जकेशिवनमालिपुण्डरीकाक्षबभ्रुशशबिन्दुवेधसः । (१३१।१)

पृश्निशृङ्गधरणीधरात्मभूः पाण्डवायनसुवर्णबिन्दवः ॥ (१३१।२)

श्रीवत्सो देवकीसूनुर् गोपेन्द्रो विष्टरश्रवाः । (१३२।१)

सोमसिन्धुर्जगन्नाथो गोवर्धनधरो ऽपि च ॥ (१३२।२)

यदुनाथो गदाशार्ङ्गचक्रश्रीवत्सशङ्खभृत् । (१३३।१)

देमोन्स् किल्लेद् ब्य् विष्णु-कृष्णमधुधेनुकचाणूरपूतनायमलार्जुनाः ॥ (१३३।२)

कालनेमिहयग्रीवशकटारिष्टकैटभाः । (१३४।१)

कंसः केशिमुरौ साल्वमैन्दद्विविदराहवः ॥ (१३४।२)

हिरण्यकशिपुर्वाणः कालियो नरको बलिः । (१३५।१)

शिशुपालश्चास्य वध्या वैनतेयस्तु वाहनम् ॥ (१३५।२)

शङ्खो ऽस्य पाञ्चजन्यो ऽङ्कः श्रीवत्सो ऽसिस्तु नन्दकः । (१३६।१)

गदा कौमोदकी चापं शार्ङ्गं चक्रं सुदर्शनः ॥ (१३६।२)

मणिः स्यमन्तको हस्ते भुजमध्ये तु कौस्तुभः । (१३७।१)

वसुदेव (कृष्णऽस् ड़थेर्)वसुदेवो भूकश्यपो दुन्दुरानकदुन्दुभिः ॥ (१३७।२)

बलरामरामो हली मुसलिसात्त्वतकामपालाः संकर्षणः प्रियमधुर्बलरौहिणेयौ । (१३८।१)

बलदेवो बलभद्रो नीलवस्त्रो ऽच्युताग्रजः । (१३९।१)

मुसलं त्वस्य सौनन्दं हलं संवर्तकाह्वयम् ॥ (१३९।२)

लक्ष्मीलक्ष्मीः पद्मा रमा या मा ता सा श्रीः कमलेन्दिरा । (१४०।१)

हरिप्रिया पद्मवासा क्षीरोदतनयापि च ॥ (१४०।२)

काममदनो जराभीरुरनङ्गमन्मथौ कमनः कलाकेलिरनन्यजो ऽङ्गजः । (१४१।१)

मधुदीपमारौ मधुसारथिः स्मरो विषमायुधो दर्पककामहृच्छयाः ॥ (१४१।२)

प्रद्युम्नः श्रीनन्दनश्च कंदर्पः पुष्पकेतनः । (१४२।१)

पुष्पाण्यस्येषुचापास्त्राण्यरी शम्बरशूर्पकौ ॥ (१४२।२)

केतनं मीनमकरौ बाणाः पञ्च रतिः प्रिया । (१४३।१)

मनःशृङ्गारसंकल्पात्मानो योनिः सुहृन्मधुः ॥ (१४३।२)

सुतो ऽनिरुद्धो झषाङ्क उषेशो ब्रह्मसूश्च सः । (१४४।१)

गरुडगरुडः शाल्मल्यरुणावरजो विष्णुवाहनः ॥ (१४४।२)

सौपर्णेयो वैनतेयः सुपर्णसर्पारातिर् वज्रजिद्वज्रतुण्डः । (१४५।१)

पक्षिस्वामी काश्यपिः स्वर्णकायस्तार्क्ष्यः कामायुर्गरुत्मान्सुधाहृत् ॥ (१४५।२)

बुद्धबुद्धस्तु सुगतो धर्मधातुस्त्रिकालविज्जिनः । (१४६।१)

बोधिसत्त्वो महाबोधिरार्यः शास्ता तथागतः ॥ (१४६।२)

पञ्चज्ञानः षडभिज्ञो दशार्हो दशभूमिगः । (१४७।१)

चतुस्त्रिंशज्जातकज्ञो दशपारमिताधरः ॥ (१४७।२)

द्वादशाक्षो दशबलस्त्रिकायः श्रीघनाद्वयौ । (१४८।१)

समन्तभद्रः संगुप्तो दयाकूर्चो विनायकः ॥ (१४८।२)

मारलोकखजिद्धर्मराजो विज्ञानमातृकः । (१४९।१)

महामैत्रो मुनीन्द्रश्च बुद्धाः स्युः सप्त ते त्वमी ॥ (१४९।२)

विपश्यी शिखी विश्वभूः ककुच्छन्दश्च काञ्चनः । (१५०।१)

काश्यपश्च सप्तमस्तु शाक्यसिंहो ऽर्कबान्धवः ॥ (१५०।२)

तथा राहुलसूः सर्वार्थसिद्धो गौतमान्वयः । (१५१।१)

मायाशुद्धोदनसुतो देवदत्ताप्रजश्च सः ॥ (१५१।२)

असुरा दितिदनुजाः पातालौकःसुरारयः । (१५२।१)

पूर्वदेवाः शुक्रशिष्या विद्यादेव्यस्तु षोडश ॥ (१५२।२)

रोहिणी प्रज्ञप्ती वज्रशृङ्खला कुलिशाङ्कुशा । (१५३।१)

चक्रेश्वरी नरदत्ता काल्यथासौ महापरा ॥ (१५३।२)

गौरी गान्धारी सर्वास्त्रमहाज्वाला च मानवी । (१५४।१)

वैरोट्याछुप्ता मानसी महामानसिकेति ताः ॥ (१५४।२)

स्पेएछ् । सरस्वतीवाग्ब्राह्मी भारती गौर् गीर्वाणी भाषा सरस्वती । (१५५।१)

श्रुतदेवी वचनं तु व्याहारो भाषितं वचः ॥ (१५५।२)

सविशेषणमाख्यातं वाक्यं स्याद्यन्तकं पदम् । (१५६।१)

राद्धसिद्धकुतेभ्यो ऽन्ते आप्तोक्तिः समयागमौ ॥ (१५६।२)

आचाराङ्गं सूत्रकृतं स्थानाङ्गं समवाययुक् । (१५७।१)

पञ्चमं भगवत्यङ्गं ज्ञातधर्मकथापि च ॥ (१५७।२)

उपासकान्तकृदनुत्तरोपपातकाद्दशाः । (१५८।१)

प्रश्नव्याकरणं चैव विपाकश्रुतमेव च ॥ (१५८।२)

इत्येकादश सोपाङ्गान्यङ्गानि द्वादश पुनः । (१५९।१)

दृष्टिवादो द्वादशाङ्गी स्याद्गणिपिटकाह्वया ॥ (१५९।२)

परिकर्मसूत्रपूर्वानुयोगपर्वगतचूलिकाः पञ्च । (१६०।१)

स्युर्दृष्टिवादभेदाः पूर्वाणि चतुर्दशापि पूर्वगते ॥ (१६०।२)

उत्पादपूर्वमग्रायणीयमथ वीर्यतः प्रवादं स्यात् । (१६१।१)

अस्तेर्ज्ञानात्सत्यात्तदात्मनः कर्मणश्च परम् ॥ (१६१।२)

प्रत्याख्यानं विद्याप्रवादकल्याणनामधेये च । (१६२।१)

प्राणावायं च क्रियाविशालमथ लोकबिन्दुसारमिति ॥ (१६२।२)

वेदस्वाध्यायः श्रुतिराम्नायश्छन्दो वेदस्त्रयी पुनः । (१६३।१)

ऋग्यजुःसामवेदाः स्युरथर्वा तु तदुद्धृतिः ॥ (१६३।२)

वेदान्तः स्यादुपनिषदोङ्कारप्रणवौ समौ । (१६४।१)

शिक्षा कल्पो व्याकरणं छन्दो ज्योतिर्निरुक्तयः ॥ (१६४।२)

षडङ्गानि धर्मशास्त्रं स्यात्स्मृतिर्धर्मसंहिता । (१६५।१)

आन्वीक्षिकी तर्कविद्या मीमांसा तु विचारणा ॥ (१६५।२)

सर्गश्च प्रतिसर्गश्च वंशो मन्वन्तराणि च । (१६६।१)

वंशानुवंशचरितं पुराणं पञ्चलक्षणम् ॥ (१६६।२)

षडङ्गा वेदाश्चत्वारो मीमांसान्वीक्षिकी तथा । (१६७।१)

धर्मशास्त्रं पुराणं च विद्या एताश्चतुर्दश ॥ (१६७।२)

सूत्रं सूचनकृद्भाष्यं सूत्रोक्तार्थप्रपञ्चकम् । (१६८।१)

प्रस्तावस्तु प्रकरणं निरुक्तं पदभञ्जनम् ॥ (१६८।२)

अवान्तरप्रकरणविश्रामे शीघ्रपाठतः । (१६९।१)

आह्निकमधिकरणं त्वेकन्यायोपपादनम् ॥ (१६९।२)

उक्तानुक्तदुरुक्तार्थचिन्ताकारि तु वार्त्तिकम् । (१७०।१)

टीका निरन्तरव्याख्या पञ्जिका पदभञ्जिका ॥ (१७०।२)

निबन्धवृत्ती अन्वर्थे संग्रहस्तु समाहृतिः । (१७१।१)

परिशिष्टपद्धत्यादीन् पथानेन समुन्नयेत् ॥ (१७१।२)

कारिका तु स्वल्पवृत्तौ बहोरर्थस्य सूचनी । (१७२।१)

कलिन्दिका सर्वविद्या निघण्टुर्नामसंग्रहः ॥ (१७२।२)

इतिहासः पुरावृत्तं प्रबह्लिका प्रहेलिका । (१७३।१)

जनश्रुतिः किंवदन्ती वार्तैतिह्यं पुरातनी ॥ (१७३।२)

वार्ता प्रवृत्तिर्वृत्तान्त उदन्तो ऽथाह्वयो ऽभिधा । (१७४।१)

गोत्रसंज्ञानामधेयाख्याह्वाभिख्याश्च नाम च ॥ (१७४।२)

संबोधनमामन्त्रणमाह्वानं त्वभिमन्त्रणम् । (१७५।१)

आकारणं हवो हूतिः संहूतिर्बहुभिः कृता ॥ (१७५।२)

उदाहार उपोद्घात उपन्यासश्च वाङ्मुखम् । (१७६।१)

व्यवहारो विवादः स्याच्छपथः शपनं शपः ॥ (१७६।२)

उत्तरं तु प्रतिवचः प्रश्नः पृच्छानुयोजनम् । (१७७।१)

कथंकथिकता चाथ देवप्रश्न उपश्रुतिः ॥ (१७७।२)

चटु चाटु प्रियप्रायं प्रियसत्यं तु सूनृतम् । (१७८।१)

सत्यं सम्यक्समीचीनमृतं तथ्यं यथातथम् ॥ (१७८।२)

यथास्थितं च सद्भूते ऽलीके तु वितथानृते । (१७९।१)

अथ क्लिष्टं संकुलं च परस्परपराहतम् ॥ (१७९।२)

सान्त्वं सुमधुरं ग्राम्यमश्लीलं म्लिष्टमस्फुटम् । (१८०।१)

लुप्तवर्णपदं ग्रस्तमवाच्यं स्यादनक्षरम् ॥ (१८०।२)

अम्बूकृतं सथूत्कारं निरस्तं त्वरयोदितम् । (१८१।१)

आम्रेडितं द्विस्त्रिरुक्तमबद्धं तु निरर्थकम् ॥ (१८१।२)

पृष्ठमांसादनं तद्यत्परोक्षे दोषकीर्तनम् । (१८२।१)

मिथ्याभियोगो ऽभ्याख्यानं संगतं हृदयंगमम् ॥ (१८२।२)

परुषं निष्ठुरं रूक्षं विक्रुष्टमथ घोषणा । (१८३।१)

उच्चैर्घुष्टं वर्णनेडा स्तवः स्तोत्रं स्तुतिर्नुतिः ॥ (१८३।२)

श्लाघा प्रशंसार्थवादः सा तु मिथ्या विकत्थनम् । (१८४।१)

जनप्रवादः कौलीनं विगानं वचनीयता ॥ (१८४।२)

स्यादवर्ण उपक्रोशो वादो निःपर्यपात् परः । (१८५।१)

गर्हणा धिक्क्रिया निन्दा कुत्साक्षेपो जुगुप्सनम् ॥ (१८५।२)

आक्रोशाभीषङ्गाक्षेपाः शापः स क्षारणा रते । (१८६।१)

विरुद्धशंसनं गालिर् आशीर्मङ्गलशंसनम् ॥ (१८६।२)

श्लोकः कीर्तिर्यशो ऽभिख्या समाज्ञा रुशती पुनः । (१८७।१)

अशुभा वाक्शुभा कल्या चर्चरी चर्भटी समे ॥ (१८७।२)

यः सनिन्द उपालम्भस्तत्र स्यात्परिभाषणम् । (१८८।१)

आपृच्छालापः संभाषो ऽनुलापः स्यान्मुहुर्वचः ॥ (१८८।२)

अनर्थकं तु प्रलापो विलापः परिदेवनम् । (१८९।१)

उल्लापः काकुवाग् अन्योन्योक्तिः संलापसंकथे ॥ (१८९।२)

विप्रलापो विरुद्धोक्तिरपलापस्तु निह्नवः । (१९०।१)

सुप्रलापः सुवचनं संदेशवाक्तु वाचिकम् ॥ (१९०।२)

आज्ञा शिष्टिर् निराङ्निभ्यो देशो नियोगशासने । (१९१।१)

अववादो ऽप्यथाहूय प्रेषणं प्रतिशासनम् ॥ (१९१।२)

संवित्संधास्थाभ्युपायः संप्रत्याङ्भ्यः परः श्रवः । (१९२।१)

अङ्गीकारो ऽभ्युपगमः प्रतिज्ञागूश्च संगरः ॥ (१९२।२)

गीतनृत्तवाद्यत्रयं नाट्यं तौर्यत्रिकं च तत् । (१९३।१)

संगीतं प्रेक्षणार्थे ऽस्मिञ्शास्त्रोक्ते नाट्यधर्मिका ॥ (१९३।२)

गीतं गानं गेयं गीतिर्गान्धर्वमथ नर्तनम् । (१९४।१)

नटनं नृत्यं नृत्तं च लास्यं नाट्यं च ताण्डवम् ॥ (१९४।२)

मण्डलेन तु यन्नृत्यं स्त्रीणां हल्लीसकं तु तत् । (१९५।१)

पानगोष्ठ्यामुच्चतालं रणे वीरजयन्तिका ॥ (१९५।२)

स्थानं नाट्यस्य रङ्गः स्यात्पूर्वरङ्ग उपक्रमः । (१९६।१)

अङ्गहारो ऽङ्गविक्षेपो व्यञ्जको ऽभिनयः समौ ॥ (१९६।२)

स चतुर्विध आहार्यो रचितो भूषणादिना । (१९७।१)

वचसा वाचिको ऽङ्गेनाङ्गिकः सत्त्वेन सात्त्विकः ॥ (१९७।२)

स्यान्नाटकं प्रकरणं भाणः प्रहसनं डिमः । (१९८।१)

व्यायोगः समवाकारो विथ्यङ्केहामृगा इति ॥ (१९८।२)

अभिनेयप्रकाराः स्युर्भाषाः षट्संस्कृतादिकाः । (१९९।१)

भारती सात्त्वती कैशिक्यारभट्यौ च वृत्तयः ॥ (१९९।२)

वाद्यं वादित्रमातोद्यं तूर्यं तूरं स्मरध्वजः । (२००।१)

ततं वीणाप्रभृतिकं तालप्रभृतिकं घनम् ॥ (२००।२)

वंशादिकं तु शुषिरमानद्धं मुरजादिकम् । (२०१।१)

वीणावीणा पुनर्घोषवती विपञ्ची कण्ठकूणिका ॥ (२०१।२)

वल्लकी साथ तन्त्रीभिः सप्तभिः परिवादिनी । (२०२।१)

शिवस्य वीणा नालम्बी सरस्वत्यास्तु कच्छपी ॥ (२०२।२)

नारदस्य तु महती गणानां तु प्रभावती । (२०३।१)

विश्वावसोस्तु बृहती तुम्बरोस्तु कलावती ॥ (२०३।२)

चाण्डालानां तु कण्डोलवीणा चाण्डालिका च सा । (२०४।१)

कायः कोलम्बकस्तस्या उपनाहो निबन्धनम् । (२०४।२)

दण्डः पुनः प्रवालः स्यात्ककुभस्तु प्रसेवकः । (२०४।३)

मूले वंशशलाका स्यात्कलिका कूणिकापि च ॥ (२०४।४)

कालस्य क्रियया मानं तालः साम्यं पुनर्लयः । (२०५।१)

द्रुतं विलम्बितं मध्यमोघस्तत्त्वं घनं क्रमात् ॥ (२०५।२)

मृदङ्गो मुरजः सोङ्क्यालिङ्ग्यूर्ध्वक इति त्रिधा । (२०६।१)

स्याद्यशःपटहो ढक्का भेरी दुन्दुभिरानकः ॥ (२०६।२)

पटहो ऽथ शारिका स्यात्कोणो वीणादिवादनम् । (२०७।१)

शृङ्गारहास्यकरुणारौद्रवीरभयानकाः ॥ (२०७।२)

बीभत्साद्भुतशान्ताश्च रसा भावाः पुनस्त्रिधा । (२०८।१)

स्थायिसात्त्विकसंचारिप्रभेदैः स्याद्रतिः पुनः ॥ (२०८।२)

रागोऽनुरागो ऽनुरतिर्हासस्तु हसनं हसः । (२०९।१)

घर्घरो हासिका हास्यं तत्रादृष्टरदे स्मितम् ॥ (२०९।२)

वक्रोष्टिकाथ हसितं किंचिद्दृष्टरदाङ्कुरे । (२१०।१)

किंचिच्छ्रुते विहसितमट्टहासो महीयसि ॥ (२१०।२)

अतिहासस्त्वनुस्यूते ऽपहासो ऽकारणात्कृते । (२११।१)

सोत्प्रासे त्वाछुरितकं हसनं स्फुरदोष्ठके ॥ (२११।२)

शोकः शुक्शोचनं खेदः क्रोधो मन्युः क्रुधा रुषा । (२१२।१)

क्रुत्कोपः प्रतिघो रोषो रुट् चोत्साहः प्रगल्भता । (२१२।२)

अभियोगोद्यमौ प्रौढिरुद्योगः कियदेतिका । (२१२।३)

अध्यवसाय ऊर्जो ऽथ वीर्यं सो ऽतिशयान्वितः ॥ (२१२।४)

भयं भीर्भीतिरातङ्क आशङ्का साध्वसं दरः । (२१३।१)

भिया च तच्चाहिभयं भूपतीनां स्वपक्षजम् ॥ (२१३।२)

अदृष्टं वह्नितोयादेर्दृष्टं स्वपरचक्रजम् । (२१४।१)

भयंकरं प्रतिभयं भीमं भीष्मं भयानकम् ॥ (२१४।२)

भीषणं भैरवं घोरं दारुणं च भयावहम् । (२१५।१)

जुगुप्सा तु घृणाथ स्याद्विस्मयश्चित्रमद्भुतम् ॥ (२१५।२)

चोद्याश्चर्ये शमः शान्तिः शमथोपशमावपि । (२१६।१)

तृष्णाक्षयः स्थायिनो ऽमी रसानां कारणं क्रमात् ॥ (२१६।२)

स्तम्भो जाड्यं स्वेदो घर्मनिदाघौ पुलकः पुनः । (२१७।१)

रोमाञ्चः कण्टको रोमविकारो रोमहर्षणम् ॥ (२१७।२)

रोमोद्गम उद्धुषणम् उल्लुकसनमित्यपि । (२१८।१)

स्वरभेदस्तु कल्लत्वं स्वरे कम्पस्तु वेपथुः ॥ (२१८।२)

वैवर्ण्यं कालिकाथाश्रु बाष्पो नेत्राम्बु रोदनम् । (२१९।१)

अस्रमस्रु प्रलयस्त्वचेष्टतेत्यष्ट सात्त्विकाः ॥ (२१९।२)

धृतिः संतोषः स्वास्थ्यं स्यादाध्यानं स्मरणं स्मृतिः । (२२०।१)

मतिर्मनीषा बुद्धिर्धीर्धिषणाज्ञप्तिचेतनाः ॥ (२२०।२)

प्रतिभाप्रतिपत्प्रज्ञाप्रेक्षाचिदुपलब्धयः । (२२१।१)

संवित्तिः शेमुषी दृष्टिः सा मेधा धारणक्षमा ॥ (२२१।२)

पण्डा तत्त्वानुगा मोक्षे ज्ञानं विज्ञानमन्यतः । (२२२।१)

शुश्रूषा श्रवणं चैव ग्रहणं धारणं तथा ॥ (२२२।२)

ऊहापोहो ऽर्थविज्ञानं तत्त्वज्ञानं च धीगुणाः । (२२३।१)

व्रीडा लज्जा मन्दाक्षं ह्रीस्त्रपा सापत्रपान्यतः ॥ (२२३।२)

जाड्यं मौर्ख्यं विषादो ऽवसादः सादो विषण्णता । (२२४।१)

मदो मुन्मोहसंभेदो व्याधिस्त्वाधी रुजाकरः ॥ (२२४।२)

निद्रा प्रमीला शयनं संवेशस्वापसंलयाः । (२२५।१)

नन्दीमुखी श्वासहेतिस्तन्द्रा सुप्तं तु साधिका ॥ (२२५।२)

औत्सुक्यं रणरणकोत्कण्ठे आयल्लकारती । (२२६।१)

हृल्लेखोत्कलिके चाथावहित्थाकारगोपनम् ॥ (२२६।२)

शङ्कानिष्ठोत्प्रेक्षणं स्याच्चापलं त्वनवस्थितिः । (२२७।१)

आलस्यं तन्द्रा कौसीद्यं हर्षश्चित्तप्रसन्नता ॥ (२२७।२)

ह्लादः प्रमोदः प्रमदो मुत्प्रीत्यामोदसंमदाः । (२२८।१)

आनन्दानन्दथू गर्वस्त्वहंकारो ऽविलप्तता ॥ (२२८।२)

दर्पो ऽभिमानो ममता मानश्चित्तोन्नतिः स्मयः । (२२९।१)

सा मिथो ऽहमहमिका या तु संभावनात्मनि ॥ (२२९।२)

दर्पात्साहोपुरुषिका स्यादहंपूर्विका पुनः । (२३०।१)

अहं पूर्वमहं पूर्वमित्युग्रत्वं तु चण्डता ॥ (२३०।२)

प्रबोधस्तु विनिद्रत्वं ग्लानिस्तु बलदीनता । (२३१।१)

दैन्यं कार्पण्यं श्रमस्तु क्लमः क्लेशः परिश्रमः ॥ (२३१।२)

प्रयासायासव्यायामा उन्मादश्चित्तविप्लवः । (२३२।१)

मोहो मौढ्यं चिन्ता ध्यानममर्षः क्रोधसंभवः ॥ (२३२।२)

गुणो जिगीषोत्साहवांस्त्रासस्त्वाकस्मिकं भयम् । (२३३।१)

अपस्मारः स्यादावेशो निर्वेदः स्वावमाननम् ॥ (२३३।२)

आवेगस्तु त्वरिस्तूर्णिः संवेगः संभ्रमस्त्वरा । (२३४।१)

वितर्कः स्यादुन्नयनं परामर्शो विमर्शनम् ॥ (२३४।२)

अध्याहारस्तर्क ऊहो ऽसूयान्यगुणदूषणम् । (२३५।१)

मृतिः संस्था मृत्युकालौ परलोकगमो ऽत्ययः ॥ (२३५।२)

पञ्चत्वं निधनं नाशो दीर्घनिद्रा निमीलनम् । (२३६।१)

दिष्टान्तो ऽस्तं कालधर्मो ऽवसानं सा तु सर्वगा ॥ (२३६।२)

मरको मारिस्त्रयस्त्रिंशदमी स्युर्व्यभिचारिणः । (२३७।१)

स्युः कारणानि कार्याणि सहचारीणि यानि च ॥ (२३७।२)

रत्यादेः स्थायिनो लोके तानि चेन्नाट्यकाव्ययोः । (२३८।१)

विभावा अनुभावाश्च व्यभिचारिण एव च ॥ (२३८।२)

व्यक्तः स तैर्विभावाद्यैः स्थायी भावो भवेद्रसः । (२३९।१)

पात्राणि नाट्ये ऽधिकृतास्तत्तद्वेषस्तु भूमिका ॥ (२३९।२)

शैलूषो भरतः सर्वकेशी भरतपुत्रकः । (२४०।१)

धात्रीपुत्रो रङ्गाजायाजीवो रङ्गावतारकः ॥ (२४०।२)

नटः कृशाश्वी शैलाली चारणस्तु कुशीलवः । (२४१।१)

भ्रभ्रुभ्रूभृपरः कुंसो नटः स्त्रीवेषधारकः ॥ (२४१।२)

वेश्याचार्यः पीठमर्दः सूत्रधारस्तु सूचकः । (२४२।१)

नन्दी तु पाठको नान्द्याः पार्श्वस्थः पारिपार्श्विकः ॥ (२४२।२)

वासन्तिकः केलिकिलो वैहासिको विदूषकः । (२४३।१)

प्रहासी प्रीतिदश्चाथ षिङ्गः पल्लवको विटः ॥ (२४३।२)

पिता त्वावुक आवुत्तभावुकौ भगिनीपतौ । (२४४।१)

भावो विद्वान्युवराजः कुमारो भर्तृदारकः ॥ (२४४।२)

बाला वासूर्मार्ष आर्यो देवो भट्टारको नृपः । (२४५।१)

राष्ट्रीयो नृपतेः श्यालो दुहिता भर्तृदारिका ॥ (२४५।२)

देवी कृताभिषेकान्या भट्टिनी गणिकाज्जुका । (२४६।१)

नीचाचेटीसखीहूतौ हण्डेहञ्जेहलाः क्रमात् ॥ (२४६।२)

अब्रह्मण्यमवध्योक्तौ ज्यायसी तु स्वसात्तिका । (२४७।१)

भर्तार्यपुत्रो माताम्बा भदन्ताः सौगतादयः ॥ (२४७।२)

पूज्ये तत्रभवानत्रभवांश्च भगवानपि । (२४८।१)

पादा भट्टारको देवः प्रयोज्याः पूज्यनामतः ॥ (२४८।२)