यस्य ज्ञानदयासिन्धोर् अगाधस्यानघा गुणाः । (१।१)

सेव्यताम् अक्षयो धीराः स श्रिये चामृताय च ॥ (१।२)

समाहृत्यान्यतन्त्राणि संक्षिप्तैः प्रतिसंस्कृतैः । (२।१)

सम्पूर्णम् उच्यते वर्गैर् नामलिङ्गानुशासनम् ॥ (२।२)

प्रायशो रूपभेदेन साहचर्याच् च कुत्रचित् । (३।१)

स्त्रीपुंनपुंसकं ज्ञेयं तद्विशेषविधेः क्वचित् ॥ (३।२)

भेदाख्यानाय न द्वंद्वो नैकशेषो न संकरः । (४।१)

कृतो ऽत्र भिन्नलिङ्गानाम् अनुक्तानां क्रमाद् ऋते ॥ (४।२)

त्रिलिङ्ग्यां त्रिष्व् इति पदं मिथुने तु द्वयोरिति । (५।१)

निषिद्धलिङ्गं शेषार्थं त्वन्ताथादि न पूर्वभाक् ॥ (५।२)

स्वरव्ययं स्वर्गनाकत्रिदिवत्रिदशालयाः । (६।१)

सुरलोको द्योदिवौ द्वे स्त्रियां क्लीबे त्रिविष्टपम् ॥ (६।२)

अमरा निर्जरा देवास्त्रिदशा विबुधाः सुराः । (७।१)

सुपर्वाणः सुमनसस् त्रिदिवेशा दिवौकसः ॥ (७।२)

आदितेया दिविषदो लेखा अदितिनन्दनाः । (८।१)

आदित्या ऋभवो ऽस्वप्ना अमर्त्या अमृतान्धसः ॥ (८।२)

बर्हिर्मुखाः ऋतुभुजो गीर्वाणा दानवारयः । (९।१)

वृन्दारका दैवतानि पुंसि वा देवताः स्त्रियाम् ॥ (९।२)

आदित्यविश्ववसवस् तुषिताभास्वरानिलाः । (१०।१)

महाराजिकसाध्याश्च रुद्राश् च गणदेवताः ॥ (१०।२)

विद्याधराप्सरोयक्षरक्षोगन्धर्वकिंनराः । (११।१)

पिशाचो गुह्यकः सिद्धो भूतो ऽमी देवयोनयः ॥ (११।२)

असुरा दैत्यदैतेयदनुजेन्द्रारिदानवाः । (१२।१)

शुक्रशिष्या दितिसुताः पूर्वदेवाः सुरद्विषः ॥ (१२।२)

बुद्धसर्वज्ञः सुगतः बुद्धो धर्मराजस् तथागतः । (१३।१)

समन्तभद्रो भगवान् मारजिल् लोकजिज् जिनः ॥ (१३।२)

षडभिज्ञो दशबलो ऽद्वयवादी विनायकः । (१४।१)

मुनीन्द्रः श्रीघनः शास्ता मुनिः शाक्यमुनिस्तु यः ॥ (१४।२)

स शाक्यसिंहः सर्वार्थसिद्धः शौद्धोदनिश्च सः । (१५।१)

गौतमश्चार्कबन्धुश्च मायादेवीसुतश् च सः ॥ (१५।२)

ब्रह्माब्रह्मात्मभूः सुरज्येष्ठः परमेष्ठी पितामहः । (१६।१)

हिरण्यगर्भो लोकेशः स्वयंभूश् चतुराननः ॥ (१६।२)

धाताब्जयोनिर्द्रुहिणो विरिञ्चिः कमलासनः । (१७।१)

स्रष्टा प्रजापतिर्वेधा विधाता विश्वसृग् विधिः ॥ (१७।२)

नाभिजन्माण्डजः पूर्वो निधनः कमलोद्भवः । (१८।१)

सदानन्दो रजोमूर्तिः सत्यको हंसवाहनः ॥ (१८।२)

विष्णुविष्णुर्नारायणः कृष्णो वैकुण्ठो विष्टरश्रवाः । (१९।१)

दामोदरो हृषीकेशः केशवो माधवः स्वभूः ॥ (१९।२)

दैत्यारिः पुण्डरीकाक्षो गोविन्दो गरुडध्वजः । (२०।१)

पीताम्बरो ऽच्युतः शार्ङ्गी विष्वक्सेनो जनार्दनः ॥ (२०।२)

उपेन्द्र इन्द्रावरजश्चक्रपाणिश्चतुर्भुजः । (२१।१)

पद्मनाभो मधुरिपुर्वासुदेवस्त्रिविक्रमः ॥ (२१।२)

देवकीनन्दनः शौरिः श्रीपतिः पुरुषोत्तमः । (२२।१)

वनमाली बलिध्वंसी कंसारातिर् अधोक्षजः ॥ (२२।२)

विश्वम्भरः कैटभजिद्विधुः श्रीवत्सलाञ्छनः । (२३।१)

पुराणपुरुषो यज्ञपुरुषो नरकान्तकः ॥ (२३।२)

जलशायी विश्वरूपो मुकुन्दो मुरमर्दनः । (२४।१)

वसुदेवो ऽस्य जनकः स एवानकदुन्दुभिः ॥ (२४।२)

बलरामबलभद्रः प्रलम्बघ्नो बलदेवो ऽच्युताग्रजः । (२५।१)

रेवतीरमणो रामः कामपालो हलायुधः ॥ (२५।२)

नीलाम्बरो रौहिणेयस् तालाङ्को मुसली हली । (२६।१)

संकर्षणः सीरपाणिः कालिन्दीभेदनो बलः ॥ (२६।२)

काममदनो मन्मथो मारः प्रद्युम्नो मीनकेतनः । (२७।१)

कन्दर्पो दर्पको ऽनङ्गः कामः पञ्चशरः स्मरः ॥ (२७।२)

शम्बरारिर्मनसिजः कुसुमेषुरनन्यजः । (२८।१)

पुष्पधन्वा रतिपतिर् मकरध्वज आत्मभूः ॥ (२८।२)

अरविन्दमशोकं च चूतं च नवमल्लिका । (२९।१)

नीलोत्पलं च पञ्चैते पञ्चबाणस्य सायकाः ॥ (२९।२)

उन्मादनस्तापनश्च शोषणः स्तम्भनस्तथा । (३०।१)

सम्मोहनश् च कामश् च पञ्च बाणाः प्रकीर्तिताः ॥ (३०।२)

अनिरुद्धब्रह्मसूर् विश्वकेतुः स्याद् अनिरुद्ध उषापतिः । (३१।१)

लक्ष्मीलक्ष्मीः पद्मालया पद्मा कमला श्रीर् हरिप्रिया ॥ (३१।२)

इन्दिरा लोकमाता मा क्षीरोदतनया रमा । (३२।१)

भार्गवी लोकजननी क्षीरसागरकन्यका ॥ (३२।२)

शङ्खो लक्ष्मीपतेः पाञ्चजन्यश्चक्रं सुदर्शनः । (३३।१)

कौमोदकी गदा खड्गो नन्दकः कौस्तुभो मणिः ॥ (३३।२)

चापः शार्ङ्गं मुरारेस् तु श्रीवत्सो लाञ्छनं स्मृतम् । (३४।१)

अश्वाश्च शैब्यसुग्रीवमेघपुष्पबलाहकाः ॥ (३४।२)

सारथिर्दारुको मन्त्री ह्य् उद्धवश् चानुजो गदः । (३५।१)

गरुडगरुत्मान्गरुडस्तार्क्ष्यो वैनतेयः खगेश्वरः ॥ (३५।२)

नागान्तको विष्णुरथः सुपर्णः पन्नगाशनः । (३६।१)

शिवशम्भुरीशः पशुपतिः शिवः शूली महेश्वरः ॥ (३६।२)

ईश्वरः शर्व ईशानः शंकरश्चन्द्रशेखरः । (३७।१)

भूतेशः खण्डपरशुर् गिरीशो गिरिशो मृडः ॥ (३७।२)

मृत्युंजयः कृत्तिवासाः पिनाकी प्रमथाधिपः । (३८।१)

उग्रः कपर्दी श्रीकण्ठः शितिकण्ठः कपालभृत् ॥ (३८।२)

वामदेवो महादेवो विरूपाक्षस्त्रिलोचनः । (३९।१)

कृशानुरेताः सर्वज्ञो धूर्जटिर् नीललोहितः ॥ (३९।२)

हरः स्मरहरो भर्गस् त्र्यम्बकस् त्रिपुरान्तकः । (४०।१)

गङ्गाधरो ऽन्धकरिपुः क्रतुध्वंसी वृषध्वजः ॥ (४०।२)

व्योमकेशो भवो भीमः स्थाणू रुद्र उमापतिः । (४१।१)

अहिर्बुध्न्यो ऽष्टमूर्तिश् च गजारिश् च महानटः ॥ (४१।२)

कपर्दो ऽस्य जटाजूटः पिनाको ऽजगवं धनुः । (४२।१)

प्रमथाः स्युः पारिषदा ब्राह्मीत्याद्यास् तु मातरः ॥ (४२।२)

विभूतिर् भूतिर् ऐश्वर्यम् अणिमादिकम् अष्टधा । (४३।१)

अणिमा महिमा चैव गरिमा लघिमा तथा ॥ (४३।२)

प्राप्तिः प्राकाम्यम् ईशित्वं वशित्वं चाष्ट सिद्धयः । (४४।१)

देवीउमा कात्यायनी गौरी काली हैमवतीश्वरी ॥ (४४।२)

शिवा भवानी रुद्राणी शर्वाणी सर्वमङ्गला । (४५।१)

अपर्णा पार्वती दुर्गा मृडानी चण्डिकाम्बिका ॥ (४५।२)

आर्या दाक्षायणी चैव गिरिजा मेनकात्मजा । (४६।१)

चामुण्डाकर्ममोटी तु चामुण्डा चर्ममुण्डा तु चर्चिका ॥ (४६।२)

गणेशविनायको विघ्नराजद्वैमातुरगणाधिपाः । (४७।१)

अप्य् एकदन्तहेरम्बलम्बोदरगजाननाः ॥ (४७।२)

स्कन्दकार्त्तिकेयो महासेनः शरजन्मा षडाननः । (४८।१)

पार्वतीनन्दनः स्कन्दः सेनानीर् अग्निभूर् गुहः ॥ (४८।२)

बाहुलेयस्तारकजिद्विशाखः शिखिवाहनः । (४९।१)

षाण्मातुरः शक्तिधरः कुमारः क्रौञ्चदारणः ॥ (४९।२)

शृङ्गी भृङ्गी रिटिस् तुण्डी नन्दिको नन्दिकेश्वरः । (५०।१)

इन्द्रैन्द्रो मरुत्वान् मघवा बिडौजाः पाकशासनः ॥ (५०।२)

वृद्धश्रवाः सुनासीरः पुरुहूतः पुरंदरः । (५१।१)

जिष्णुर्लेखर्षभः शक्रः शतमन्युर्दिवस्पतिः ॥ (५१।२)

सुत्रामा गोत्रभिद् वज्री वासवो वृत्रहा वृषा । (५२।१)

वास्तोष्पतिः सुरपतिर्बलारातिः शचीपतिः ॥ (५२।२)

जम्भभेदी हरिहयः स्वाराण् नमुचिसादनः । (५३।१)

संक्रन्दनो दुश्च्यवनस् तुराषाण् मेघवाहनः ॥ (५३।२)

आखण्डलः सहस्राक्ष ऋभुक्षास्तस्य तु प्रिया । (५४।१)

पुलोमजा शचीन्द्राणी नगरी त्वमरावती ॥ (५४।२)

हय उच्चैःश्रवाः सूतो मातलिर्नन्दनं वनम् । (५५।१)

स्यात्प्रासादो वैजयन्तो जयन्तः पाकशासनिः ॥ (५५।२)

ऐरावतो ऽभ्रमातङ्गैरावणाभ्रमुवल्लभाः । (५६।१)

ह्रादिनी वज्रमस्त्री स्यात् कुलिशं भिदुरं पविः ॥ (५६।२)

शतकोटिः स्वरुः शम्बो दम्भोलिरशनिर्द्वयोः । (५७।१)

व्योमयानं विमानो ऽस्त्री नारदाद्याः सुरर्षयः ॥ (५७।२)

स्यात् सुधर्मा देवसभा पीयूषम् अमृतं सुधा । (५८।१)

मन्दाकिनी वियद्गङ्गा स्वर्णदी सुरदीर्घिका ॥ (५८।२)

मेरुः सुमेरुर्हेमाद्री रत्नसानुः सुरालयः । (५९।१)

पञ्चैते देवतरवो मन्दारः पारिजातकः ॥ (५९।२)

संतानः कल्पवृक्षश्च पुंसि वा हरिचन्दनम् । (६०।१)

सनत्कुमारो वैधात्रः स्वर्वैद्याव् अश्विनीसुतौ ॥ (६०।२)

नासत्याव् अश्विनौ दस्राव् आश्विनेयौ च ताव् उभौ । (६१।१)

स्त्रियां बहुष्वप्सरसः स्वर्वेश्या उर्वशीमुखाः ॥ (६१।२)

हाहा हाहाश् चैवमाद्या गन्धर्वास् त्रिदिवौकसाम् । (६२।१)

अग्निअग्निर् वैश्वानरो वह्निर् वीतिहोत्रो धनंजयः ॥ (६२।२)

कृपीटयोनिर्ज्वलनो जातवेदास् तनूनपात् । (६३।१)

बर्हिः शुष्मा कृष्णवर्त्मा शोचिष्केश उषर्बुधः ॥ (६३।२)

आश्रयाशो बृहद्भानुः कृशानुः पावको ऽनलः । (६४।१)

रोहिताश्वो वायुसखः शिखावानाशुशुक्षणिः ॥ (६४।२)

हिरण्यरेता हुतभुग् दहनो हव्यवाहनः । (६५।१)

सप्तार्चिर्दमुनाः शुक्रश् चित्रभानुर् विभावसुः ॥ (६५।२)

शुचिरप्पित्तमौर्वस्तु वाडबो वडबानलः । (६६।१)

वह्नेर् द्वयोर् ज्वालकीलाव् अर्चिर् हेतिः शिखाः स्त्रियाम् ॥ (६६।२)

त्रिषु स्फुलिङ्गो ऽग्निकणः संतापः संज्वरः समौ । (६७।१)

उल्का स्यात् निर्गतज्वाला भातिर्भसितभस्मनी ॥ (६७।२)

क्षारो रक्षा च दावस्तु दवो वनहुताशनः । (६८।१)

यमधर्मराजः पितृपतिः समवर्ती परेतराट् ॥ (६८।२)

कृतान्तो यमुनाभ्राता शमनो यमराड् यमः । (६९।१)

कालो दण्डधरः श्राद्धदेवो वैवस्वतो ऽन्तकः ॥ (६९।२)

राक्षसः कोणपः क्रव्यात् क्रव्यादो ऽस्रप आशरः । (७०।१)

रात्रिंचरो रात्रिचरः कर्बुरो निकषात्मजः ॥ (७०।२)

यातुधानः पुण्यजनो नैरृतो यातुरक्षसी । (७१।१)

प्रचेता वरुणः पाशी यादसांपतिर् अप्पतिः ॥ (७१।२)

श्वसनः स्पर्शनो वायुर्मातरिश्वा सदागतिः । (७२।१)

पृषदश्वो गन्धवहो गन्धवाहानिलाशुगाः ॥ (७२।२)

समीरमारुतमरुत् जगत्प्राणसमीरणाः । (७३।१)

नभस्वद्वातपवनपवमानप्रभञ्जनाः ॥ (७३।२)

प्रकम्पनो महावातो झञ्झावातः सवृष्टिकः । (७४।१)

प्राणो ऽपानः समानश्चोदानव्यानौ च वायवः ॥ (७४।२)

शरीरस्था इमे रंहस्तरसी तु रयः स्यदः । (७५।१)

जवो ऽथ शीघ्रं त्वरितं लघु क्षिप्रमरं द्रुतम् ॥ (७५।२)

सत्वरं चपलं तूर्णम् अविलम्बितम् आशु च । (७६।१)

सतते ऽनारताश्रान्तसंतताविरतानिशम् ॥ (७६।२)

नित्यानवरताजस्रमप्यथातिशयो भरः । (७७।१)

अतिवेलभृशात्यर्थातिमात्रोद्गाढनिर्भरम् ॥ (७७।२)

तीव्रैकान्तनितान्तानि गाढबाढदृढानि च । (७८।१)

क्लीबे शीघ्राद्यसत्त्वे स्यात् त्रिष्वेषां सत्त्वगामि यत् ॥ (७८।२)

कुबेरकुबेरस्त्र्यम्बकसखो यक्षराड् गुह्यकेश्वरः । (७९।१)

मनुष्यधर्मा धनदो राजराजो धनाधिपः ॥ (७९।२)

किंनरेशो वैश्रवणः पौलस्त्यो नरवाहनः । (८०।१)

यक्षैकपिङ्गैलविलश्रीदपुण्यजनेश्वराः ॥ (८०।२)

अस्योद्यानं चैत्ररथं पुत्रस्तु नलकूबरः । (८१।१)

कैलासः स्थानमलका पूर् विमानं तु पुष्पकम् ॥ (८१।२)

स्यात् किंनरः किम्पुरुषस् तुरंगवदनो मयुः । (८२।१)

निधिर्ना शेवधिर् भेदाः पद्मशङ्खादयो निधेः ॥ (८२।२)

महापद्मश्च पद्मश्च शङ्खो मकरकच्छपौ । (८३।१)

मुकुन्दकुन्दनीलाश्च खर्वश्च निधयो नव ॥ (८३।२)

द्योदिवौ द्वे स्त्रियामभ्रं व्योम पुष्करमम्बरम् । (८४।१)

नभो ऽन्तरिक्षं गगनमनन्तं सुरवर्त्म खम् ॥ (८४।२)

वियद् विष्णुपदं वा तु पुंस्याकाशविहायसी । (८५।१)

विहासयो ऽपि नाको ऽपि द्युर् अपि स्यात् तदव्यम् ॥ (८५।२)

तारापथो ऽन्तरिक्षं च मेघाध्वा च महाबिलम् । (८६।१)

विहायाः शकुने पुंसि गगने पुंनपुंसकम् ॥ (८६।२)

दिशस्तु ककुभः काष्ठा आशाश्च हरितश्च ताः । (८७।१)

प्राच्यवाचीप्रतीच्यस् ताः पूर्वदक्षिणपश्चिमाः ॥ (८७।२)

उत्तरा दिग् उदीची स्याद् दिश्यं तु त्रिषु दिग्भवे । (८८।१)

अवाग्भवम् अवाचीनम् उदीचीनम् उदग्भवम् ॥ (८८।२)

प्रत्यग्भवं प्रतीचीनं प्राचीनं प्राग्भवं त्रिषु । (८९।१)

इन्द्रो वह्निः पितृपतिर्नैरृतो वरुणो मरुत् ॥ (८९।२)

कुबेर ईशः पतयः पूर्वादीनां दिशां क्रमात् । (९०।१)

रविः शुक्रो महीसानुः स्वर्भानुर्भानुजो विधुः ॥ (९०।२)

बुधो बृहस्पतिश् चेति दिशां चैव तथा ग्रहाः । (९१।१)

ऐरावतः पुण्डरीको वामनः कुमुदो ऽञ्जनः ॥ (९१।२)

पुष्पदन्तः सार्वभौमः सुप्रतीकश्च दिग्गजाः । (९२।१)

करिण्यो ऽभ्रमुकपिलापिङ्गलानुपमाः क्रमात् ॥ (९२।२)

ताम्रकर्णी शुभ्रदन्ती चाङ्गना चाञ्जनावती । (९३।१)

क्लीबाव्ययं त्व् अपदिशं दिशोर्मध्ये विदिक् स्त्रियाम् ॥ (९३।२)

अभ्यन्तरं त्व् अन्तरालं चक्रवालं तु मण्डलम् । (९४।१)

अभ्रं मेघो वारिवाहः स्तनयित्नुर्बलाहकः ॥ (९४।२)

धाराधरो जलधरस्तडित्वान् वारिदो ऽम्बुभृत् । (९५।१)

घनजीमूतमुदिरजलमुग्धामयोनयः ॥ (९५।२)

कादम्बिनी मेघमाला त्रिषु मेघभवे ऽभ्रियम् । (९६।१)

स्तनितं गर्जितम् मेघनिर्घोषे रसितादि च ॥ (९६।२)

शम्पा शतह्रदाह्रादिन्यैरावत्यः क्षणप्रभा । (९७।१)

तडित् सौदामनी विद्युच् चञ्चला चपला अपि ॥ (९७।२)

स्फूर्जथुर् वज्रनिर्घोषो मेघज्योतिरिरंमदः । (९८।१)

इन्द्रायुधं शक्रधनुस्तदेव ऋजुरोहितम् ॥ (९८।२)

वृष्टिवर्षं तद्विघाते ऽवग्राहावग्रहौ समौ । (९९।१)

धारासम्पात आसारः शीकरो ऽम्बुकणाः स्मृताः ॥ (९९।२)

वर्षोपलस्तु करका मेघच्छन्ने ऽह्नि दुर्दिनम् । (१००।१)

अन्तर्धा व्यवधा पुंसि त्व् अन्तर्धिर् अपवारणम् ॥ (१००।२)

अपिधानतिरोधानपिधानाच्छादनानि च । (१०१।१)

मोओन्हिमांशुश्चन्द्रमाश्चन्द्र इन्दुः कुमुदबान्धवः ॥ (१०१।२)

विधुः सुधांशुः शुभ्रांशुरोषधीशो निशापतिः । (१०२।१)

अब्जो जैवातृकः सोमो ग्लौर् मृगाङ्कः कलानिधिः ॥ (१०२।२)

द्विजराजः शशधरो नक्षत्रेशः क्षपाकरः । (१०३।१)

कला तु षोडशो भागो बिम्बो ऽस्त्री मण्डलं त्रिषु ॥ (१०३।२)

भित्तं शकलखण्डे वा पुंस्यर्धो ऽर्धं समे ऽंशके । (१०४।१)

चन्द्रिका कौमुदी ज्योत्स्ना प्रसादस् तु प्रसन्नता ॥ (१०४।२)

कलङ्काङ्कौ लाञ्छनं च चिह्नं लक्ष्म च लक्षणम् । (१०५।१)

सुषमा परमा शोभा शोभा कान्तिर् द्युतिश् छविः ॥ (१०५।२)

अवश्यायस्तु नीहारस्तुषारस्तुहिनं हिमम् । (१०६।१)

प्रालेयं मिहिका चाथ हिमानी हिमसंहतिः ॥ (१०६।२)

शीतं गुणे तद्वदर्थाः सुषीमः शिशिरो जडः । (१०७।१)

तुषारः शीतलः शीतो हिमः सप्तान्यलिङ्गकाः ॥ (१०७।२)

ध्रुव, पोलर् स्तर्ध्रुव औत्तानपादिः स्यात् अगस्त्यः कुम्भसम्भवः । (१०८।१)

मैत्रावरुणिर् अस्यैव लोपामुद्रा सधर्मिणी ॥ (१०८।२)

नक्षत्रमृक्षं भं तारा तारकाप्युडु वा स्त्रियाम् । (१०९।१)

दाक्षायिण्यो ऽश्विनीत्यादितारा अश्वयुग् अश्विनी ॥ (१०९।२)

राधाविशाखा पुष्ये तु सिध्यतिष्यौ श्रविष्ठया । (११०।१)

समा धनिष्ठाः स्युः प्रोष्ठपदा भाद्रपदाः स्त्रियः ॥ (११०।२)

मृगशीर्षं मृगशिरस्तस्मिन् एवाग्रहायणी । (१११।१)

इल्वलास्तच्छिरोदेशे तारका निवसन्ति याः ॥ (१११।२)

बृहस्पतिबृहस्पतिः सुराचार्यो गीष्पतिर् धिषणो गुरुः । (११२।१)

जीव आङ्गिरसो वाचस्पतिश् चित्रशिखण्डिजः ॥ (११२।२)

शुक्रो दैत्यगुरुः काव्य उशना भार्गवः कविः । (११३।१)

मर्सङ्गारकः कुजो भौमो लोहिताङ्गो महीसुतः ॥ (११३।२)

मेर्चुर्य्रौहिणेयो बुधः सौम्यः समौ सौरिशनैश्चरौ । (११४।१)

तमस् तु राहुः स्वर्भानुः सैंहिकेयो विधुंतुदः ॥ (११४।२)

सप्तर्षयो मरीच्यत्रिमुखाश् चित्रशिखण्डिनः । (११५।१)

राशीनाम् उदयो लग्नं ते तु मेषवृषादयः ॥ (११५।२)

सुन्, सूर्यसूरसूर्यार्यमादित्यद्वादशात्मदिवाकराः । (११६।१)

भास्कराहस्करब्रध्नप्रभाकरविभाकराः ॥ (११६।२)

भास्वद्विवस्वत्सप्ताश्वहरिदश्वोष्णरश्मयः । (११७।१)

विकर्तनार्कमार्तण्डमिहिरारुणपूषणः ॥ (११७।२)

द्युमणिस्तरणिर्मित्रश्चित्रभानुर्विरोचनः । (११८।१)

विभावसुर् ग्रहपतिस् त्विषांपतिर् अहर्पतिः ॥ (११८।२)

भानुर्हंसः सहस्रांशुस्तपनः सविता रविः । (११९।१)

पद्माक्षस् तेजसांराशिश् छायानाथस् तमिस्रहा ॥ (११९।२)

कर्मसाक्षी जगच्चक्षुर्लोकबन्धुस्त्रयीतनुः । (१२०।१)

प्रद्योतनो दिनमणिः खद्योतो लोकबान्धवः ॥ (१२०।२)

इनो भगो भामनिधिश् चांशुमाल्य् अञ्जिनीपतिः । (१२१।१)

माठरः पिङ्गलो दण्डश्चण्डांशोः पारिपार्श्विकाः ॥ (१२१।२)

सूरसूतो ऽरुणो ऽनूरुः काश्यपिर् गरुडाग्रजः । (१२२।१)

परिवेषस्तुपरिधिरुपसूर्यकमण्डले ॥ (१२२।२)

किरणोस्रमयूखांशुगभस्तिघृणिरश्मयः । (१२३।१)

भानुः करो मरीचिः स्त्रीपुंसयोर्दीधितिः स्त्रियाम् ॥ (१२३।२)

स्युः प्रभा रुग् रुचिस् त्विड् भाभाश् छविद्युतिदीप्तयः । (१२४।१)

रोचिः शोचिर् उभे क्लीबे प्रकाशो द्योत आतपः ॥ (१२४।२)

कोष्णं कवोष्णं मन्दोष्णं कदुष्णं त्रिषु तद्वति । (१२५।१)

तिग्मं तीक्ष्णं खरं तद्वन् मृगतृष्णा मरीचिका ॥ (१२५।२)

कालो दिष्टो ऽप्य् अनेहापि समयो ऽप्य् अथ पक्षतिः । (१२६।१)

प्रतिपद् द्वे इमे स्त्रीत्वे तदाद्यास्तिथयो द्वयोः ॥ (१२६।२)

घस्रो दिनाहनी वा तु क्लीबे दिवसवासरौ । (१२७।१)

प्रत्यूषो ऽहर्मुखं कल्यम् उषःप्रत्युषसी अपि ॥ (१२७।२)

व्युष्टं विभातं द्वे क्लीबे पुंसि गोसर्ग इष्यते । (१२८।१)

प्रभातं च दिनान्ते तु सायं संध्या पितृप्रसूः ॥ (१२८।२)

प्राह्णापराह्णमध्याह्नस् त्रिसंध्यम् अथ शर्वरी । (१२९।१)

निघ्त्निशा निशीथिनी रात्रिस्त्रियामा क्षणदा क्षपा ॥ (१२९।२)

विभावरीतमस्विन्यौ रजनी यामिनी तमी । (१३०।१)

तमिस्रा तामसी रात्रिर्ज्यौत्स्नी चन्द्रिकयान्विता ॥ (१३०।२)

आगामिवर्तमानाहर्युक्तायां निशि पक्षिणी । (१३१।१)

गणरात्रं निशा बह्व्यः प्रदोषो रजनीमुखम् ॥ (१३१।२)

अर्धरात्रनिशीथौ द्वौ द्वौ यामप्रहरौ समौ । (१३२।१)

स पर्वसंधिः प्रतिपत्पञ्चदश्योर् यद् अन्तरम् ॥ (१३२।२)

पक्षान्तौ पञ्चदश्यौ द्वे पौर्णमासी तु पौर्णिमा । (१३३।१)

कलाहीने सानुमतिः पूर्णे राका निशाकरे ॥ (१३३।२)

अमावास्या त्व् अमावस्या दर्शः सूर्येन्दुसंगमः । (१३४।१)

सा दृष्टेन्दुः सिनीवाली सा नष्टेन्दुकला कुहूः ॥ (१३४।२)

उपरागो ग्रहो राहुग्रस्ते त्व् इन्दौ च पूष्णि च । (१३५।१)

सोपप्लवोपरक्तौ द्वौ अग्न्युत्पात उपाहितः ॥ (१३५।२)

एकयोक्त्या पुष्पवन्तौ दिवाकरनिशाकरौ । (१३६।१)

अष्टादश निमेषास्तु काष्ठा त्रिंशत् तु ताः कला ॥ (१३६।२)

तास्तु त्रिंशत् क्षणस्ते तु मुहूर्तो द्वादशास्त्रियाम् । (१३७।१)

ते तु त्रिंशदहोरात्रः पक्षस्ते दशपञ्च च ॥ (१३७।२)

पक्षौ पूर्वापरौ शुक्लकृष्णौ मासस्तु ताव् उभौ । (१३८।१)

द्वौ द्वौ मार्गादि मासौ स्यादृतुस्तैरयनं त्रिभिः ॥ (१३८।२)

अयने द्वे गतिरुदग्दक्षिणार्कस्य वत्सरः । (१३९।१)

समरात्रिदिवे काले विषुवद्विषुवं च तत् ॥ (१३९।२)

पुष्पयुक्ता पौर्णमासी पौषी मासे तु यत्र सा । (१४०।१)

नाम्ना स पौषो माघाद्याश् चैवम् एकादशापरे ॥ (१४०।२)

मार्गशीर्षे सहा मार्ग आग्रहायणिकश्च सः । (१४१।१)

पौषे तैषसहस्यौ द्वौ तपा माघे ऽथ फाल्गुने ॥ (१४१।२)

स्यात्तपस्यः फाल्गुनिकः स्याच्चैत्रे चैत्रिको मधुः । (१४२।१)

वैशाखे माधवो राधो ज्येष्ठे शुक्रः शुचिस्त्वयम् ॥ (१४२।२)

आषाढे श्रावणे तु स्यान्नभाः श्रावणिकश्च सः । (१४३।१)

स्युर् नभस्यप्रौष्ठपदभाद्रभाद्रपदाः समाः ॥ (१४३।२)

स्यादाश्विन इषो ऽप्याश्वयुजो ऽपि स्यात्तुकार्तिके । (१४४।१)

बाहुलोर्जौ कार्तिकिको हेमन्तः शिशिरो ऽस्त्रियाम् ॥ (१४४।२)

वसन्ते पुष्पसमयः सुरभिर्ग्रीष्म ऊष्मकः । (१४५।१)

निदाघ उष्णोपगम उष्ण ऊष्मागमस् तपः ॥ (१४५।२)

स्त्रियां प्रावृट् स्त्रियां भूम्नि वर्षा अथ शरत्स्त्रियाम् । (१४६।१)

षडमी ऋतवः पुंसि मार्गादीनां युगैः क्रमात् ॥ (१४६।२)

संवत्सरो वत्सरो ऽब्दो हायनो ऽस्त्री शरत्समाः । (१४७।१)

मासेन स्यादहोरात्रः पैत्रो वर्षेण दैवतः ॥ (१४७।२)

दैवे युगसहस्रे द्वे ब्राह्मः कल्पौ तु तौ नॄणाम् । (१४८।१)

मन्वन्तरं तु दिव्यानां युगानामेकसप्ततिः ॥ (१४८।२)

संवर्तः प्रलयः कल्पः क्षयः कल्पान्त इत्यपि । (१४९।१)

अस्त्री पङ्कं पुमान्पाप्मा पापं किल्बिषकल्मषम् ॥ (१४९।२)

कलुषं वृजिनैनो ऽघमंहो दुरितदुष्कृतम् । (१५०।१)

स्याद्धर्ममस्त्रियां पुण्यश्रेयसी सुकृतं वृषः ॥ (१५०।२)

मुत्प्रीतिः प्रमदो हर्षः प्रमोदामोदसम्मदाः । (१५१।१)

स्यादानन्दथुरानन्दः शर्मशातसुखानि च ॥ (१५१।२)

श्वः श्रेयसं शिवं भद्रं कल्याणं मङ्गलं शुभम् । (१५२।१)

भावुकं भविकं भव्यं कुशलं क्षेममस्त्रियाम् ॥ (१५२।२)

शस्तं चाथ त्रिषु द्रव्ये पापं पुण्यं सुखादि च । (१५३।१)

मतल्लिका मचर्चिका प्रकाण्डमुद्धतल्लजौ ॥ (१५३।२)

प्रशस्तवाचकान्य् अमून्य् अयः शुभावहो विधिः । (१५४।१)

दैवं दिष्टं भागधेयं भाग्यं स्त्री नियतिर्विधिः ॥ (१५४।२)

हेतुर् ना कारणं बीजं निदानं त्व् आदिकारणम् । (१५५।१)

क्षेत्रज्ञ आत्मा पुरुषः प्रधानं प्रकृतिः स्त्रियाम् ॥ (१५५।२)

विशेषः कालिको ऽवस्था गुणाः सत्त्वं रजस्तमः । (१५६।१)

जनुर्जननजन्मानि जनिरुत्पत्तिरुद्भवः ॥ (१५६।२)

प्राणी तु चेतनो जन्मी जन्तुजन्युशरीरिणः । (१५७।१)

जातिर्जातं च सामान्यं व्यक्तिस्तु पृथगात्मता ॥ (१५७।२)

चित्तं तु चेतो हृदयं स्वान्तं हृन्मानसं मनः । (१५८।१)

बुद्धिर्मनीषा धिषणा धीः प्रज्ञा शेमुषी मतिः ॥ (१५८।२)

प्रेक्षोपलब्धिश् चित् संवित् प्रतिपज् ज्ञप्तिचेतनाः । (१५९।१)

धीर् धारणावती मेधा संकल्पः कर्म मानसम् ॥ (१५९।२)

अवधानं समाधानं प्रणिधानम् तथैव च । (१६०।१)

चित्ताभोगो मनस्कारश्चर्चा संख्या विचारणा ॥ (१६०।२)

विमर्शो भावना चैव वासना च निगद्यते । (१६१।१)

अध्याहारस्तर्क ऊहो विचिकित्सा तु संशयः ॥ (१६१।२)

संदेहद्वापरौ चाथ समौ निर्णयनिश्चयौ । (१६२।१)

मिथ्यादृष्टिर् नास्तिकता व्यापादो द्रोहचिन्तनम् ॥ (१६२।२)

समौ सिद्धान्तराद्धान्तौ भ्रान्तिर् मिथ्यामतिर् भ्रमः । (१६३।१)

संविदागूः प्रतिज्ञानं नियमाश्रवसंश्रवाः ॥ (१६३।२)

अङ्गीकाराभ्युपगमप्रतिश्रवसमाधयः । (१६४।१)

मोक्षे धीर् ज्ञानम् अन्यत्र विज्ञानं शिल्पशास्त्रयोः ॥ (१६४।२)

मुक्तिः कैवल्यनिर्वाणश्रेयोनिःश्रेयसामृतम् । (१६५।१)

मोक्षो ऽपवर्गो ऽथाज्ञानम् अविद्याहंमतिः स्त्रियाम् ॥ (१६५।२)

विषयस्रूपं शब्दो गन्धरसस्पर्शाश्च विषया अमी । (१६६।१)

गोचरा इन्द्रियार्थाश्च हृषीकं विषयीन्द्रियम् ॥ (१६६।२)

कर्मेन्द्रियं तु पाय्वादि मनोनेत्रादि धीन्द्रियम् । (१६७।१)

तुवरस् तु कषायो ऽस्त्री मधुरो लवणः कटुः ॥ (१६७।२)

तिक्तो ऽम्लश्च रसाः पुंसि तद्वत्सु षडमी त्रिषु । (१६८।१)

विमर्दोत्थे परिमलो गन्धे जनमनोहरे ॥ (१६८।२)

आमोदः सो ऽतिनिर्हारी वाच्यलिङ्गत्वम् आगुणात् । (१६९।१)

समाकर्षी तु निर्हारी सुरभिर्घ्राणतर्पणः ॥ (१६९।२)

इष्टगन्धः सुगन्धिः स्यादामोदी मुखवासनः । (१७०।१)

पूतिगन्धस्तु दुर्गन्धो विस्रं स्यादामगन्धि यत् ॥ (१७०।२)

शुक्लशुभ्रशुचिश्वेतविशदश्येतपाण्डराः । (१७१।१)

अवदातः सितो गौरो ऽवलक्षो धवलो ऽर्जुनः ॥ (१७१।२)

हरिणः पाण्डुरः पाण्डुरीषत्पाण्डुस्तु धूसरः । (१७२।१)

कृष्णे नीलासितश्यामकालश्यामलमेचकाः ॥ (१७२।२)

पीतो गौरो हरिद्राभः पलाशो हरितो हरित् । (१७३।१)

लोहितो रोहितो रक्तः शोणः कोकनदच्छविः ॥ (१७३।२)

अव्यक्तरागस्त्वरुणः श्वेतरक्तस्तु पाटलः । (१७४।१)

श्यावः स्यात्कपिशो धूम्रधूमलौ कृष्णलोहिते ॥ (१७४।२)

कडारः कपिलः पिङ्गपिशङ्गौ कद्रुपिङ्गलौ । (१७५।१)

चित्रं किर्मीरकल्माषशबलैताश्च कर्बुरे ॥ (१७५।२)

गुणे शुक्लादयः पुंसि गुणिलिङ्गास्तु तद्वति । (१७६।१)

स्पेएछ्ब्राह्मी तु भारती भाषा गीर् वाग् वाणी सरस्वती ॥ (१७६।२)

व्याहार उक्तिर् लपितं भाषितं वचनं वचः । (१७७।१)

अपभ्रंशो ऽपशब्दः स्याच्छास्त्रे शब्दस्तु वाचकः ॥ (१७७।२)

तिङ् सुबन्तचयो वाक्यं क्रिया वा कारकान्विता । (१७८।१)

श्रुतिः स्त्री वेद आम्नायस्त्रयी धर्मस्तु तद्विधिः ॥ (१७८।२)

स्त्रियामृक् सामयजुषी इति वेदास्त्रयस्त्रयी । (१७९।१)

शिक्षेत्यादि श्रुतेर् अङ्गम् ॐकारप्रणवौ समौ ॥ (१७९।२)

इतिहासः पुरावृत्तम् उदात्ताद्यास् त्रयः स्वराः । (१८०।१)

आन्वीक्षिकी दण्डनीतिस्तर्कविद्यार्थशास्त्रयोः ॥ (१८०।२)

आख्यायिकोपलब्धार्था पुराणं पञ्चलक्षणम् । (१८१।१)

प्रबन्धकल्पना कथा प्रवह्लिका प्रहेलिका ॥ (१८१।२)

स्मृतिस्तु धर्मसंहिता समाहृतिस्तु संग्रहः । (१८२।१)

समस्या तु समासार्था किंवदन्ती जनश्रुतिः ॥ (१८२।२)

वार्त्ता प्रवृत्तिर्वृत्तान्त उदन्तः स्यादथाह्वयः । (१८३।१)

आख्याह्वे अभिधानं च नामधेयं च नाम च ॥ (१८३।२)

हूतिराकारणाह्वानं संहूतिर्बहुभिः कृता । (१८४।१)

विवादो व्यवहारः स्यादुपन्यासस्तु वाङ्मुखम् ॥ (१८४।२)

उपोद्घात उदाहारः शपनं शपथः पुमान् । (१८५।१)

प्रश्नो ऽनुयोगः पृच्छा च प्रतिवाक्योत्तरे समे ॥ (१८५।२)

मिथ्याभियोगो ऽभ्याख्यानमथ मिथ्याभिशंसनम् । (१८६।१)

अभिशापः प्रणादस्तु शब्दः स्यादनुरागजः ॥ (१८६।२)

यशः कीर्तिः समज्ञा च स्तवः स्तोत्रं स्तुतिर्नुतिः । (१८७।१)

आम्रेडितं द्विस्त्रिरुक्तमुच्चैर्घुष्टं तु घोषणा ॥ (१८७।२)

काकुः स्त्रियां विकारो यः शोकभीत्यादिभिर्ध्वनेः । (१८८।१)

अवर्णाक्षेपनिर्वादपरीवादापवादवत् ॥ (१८८।२)

उपक्रोशो जुगुप्सा च कुत्सा निन्दा च गर्हणे । (१८९।१)

पारुष्यमतिवादः स्याद् भर्त्सनं त्व् अपकारगीः ॥ (१८९।२)

यः सनिन्द उपालम्भस्तत्र स्यात्परिभाषणम् । (१९०।१)

तत्र त्व् आक्षारणा यः स्यादाक्रोशो मैथुनं प्रति ॥ (१९०।२)

स्याद् आभाषणम् आलापः प्रलापो ऽनर्थकं वचः । (१९१।१)

अनुलापो मुहुर्भाषा विलापः परिदेवनम् ॥ (१९१।२)

विप्रलापो विरोधोक्तिः संलापो भाषणं मिथः । (१९२।१)

सुप्रलापः सुवचनम् अपलापस् तु निह्नवः ॥ (१९२।२)

चोद्यम् आक्षेपाभियोगौ शापाक्रोशौ दुरेषणा । (१९३।१)

अस्त्री चाटु चटु श्लाघा प्रेम्णा मिथ्याविकत्थनम् ॥ (१९३।२)

संदेशवाग्वाचिकं स्याद् वाग्भेदास्तु त्रिषूत्तरे । (१९४।१)

रुशती वाग् अकल्याणी स्यात्कल्या तु शुभात्मिका ॥ (१९४।२)

अत्यर्थमधुरं सान्त्वं संगतं हृदयंगमम् । (१९५।१)

निष्ठुरं परुषं ग्राम्यमश्लीलं सूनृतं प्रिये ॥ (१९५।२)

सत्ये ऽथ संकुलक्लिष्टे परस्परपराहते । (१९६।१)

लुप्तवर्णपदं ग्रस्तं निरस्तं त्वरितोदितम् ॥ (१९६।२)

जम्बूकृतं सनिष्ठीवम् अबद्धं स्यादनर्थकम् । (१९७।१)

अनक्षरमवाच्यं स्यादाहतं तु मृषार्थकम् ॥ (१९७।२)

सोल्लुठनं तु सोत्प्रासं मणितं रतिकूजितम् । (१९८।१)

श्राव्यं हृद्यं मनोहारि विस्पष्टं प्रकटोदितम् ॥ (१९८।२)

अथ म्लिष्टमविस्पष्टं वितथं त्व् अनृतं वचः । (१९९।१)

सत्यं तथ्यमृतं सम्यगमूनि त्रिषु तद्वति ॥ (१९९।२)

शब्दे निनादनिनदध्वनिध्वानरवस्वनाः । (२००।१)

स्वाननिर्घोषनिर्ह्रादनादनिस्वाननिस्वनाः ॥ (२००।२)

आरवारावसंरावविरावा अथ मर्मरः । (२०१।१)

स्वनिते वस्त्रपर्णानां भूषणानां तु शिञ्जितम् ॥ (२०१।२)

निक्वाणो निक्वणः क्वाणः क्वणः क्वणनमित्यपि । (२०२।१)

वीणायाः क्वणिते प्रादेः प्रक्वाणप्रक्वणादयः ॥ (२०२।२)

कोलाहलः कलकलस् तिरश्चां वाशितं रुतम् । (२०३।१)

स्त्री प्रतिश्रुत्प्रतिध्वाने गीतं गानमिमे समे ॥ (२०३।२)

निषादर्षभगान्धारषड्जमध्यमधैवताः । (२०४।१)

पञ्चमश् चेत्य् अमी सप्त तन्त्रीकण्ठोत्थिताः स्वराः ॥ (२०४।२)

काकली तु कले सूक्ष्मे ध्वनी तु मधुरास्फुटे । (२०५।१)

कलो मन्द्रस्तु गम्भीरे तारो ऽत्युच्चैस्त्रयस्त्रिषु ॥ (२०५।२)

नॄणाम् उरसि मध्यस्थो द्वाविंशतिविधो ध्वनिः । (२०६।१)

स मन्द्रः कण्ठमध्यस्थस्तारः शिरसि गीयते ॥ (२०६।२)

समन्वितलयस्त्वेकतालो वीणा तु वल्लकी । (२०७।१)

त्रिपञ्ची सा तु तन्त्रीभिः सप्तभिः परिवादिनी ॥ (२०७।२)

ततं वीणादिकं वाद्यमानद्धं मुरजादिकम् । (२०८।१)

वंशादिकं तु सुषिरं कांस्यतालादिकं घनम् ॥ (२०८।२)

चतुर्विधमिदं वाद्यं वादित्रातोद्यनामकम् । (२०९।१)

मृदङ्गा मुरजा भेदास् त्व् अङ्क्यालिङ्ग्योर्ध्वकास् त्रयः ॥ (२०९।२)

स्याद् यशःपटहो ढक्का भेरी स्त्री दुन्दुभिः पुमान् । (२१०।१)

आनकः पटहो ऽस्त्री स्यात् कोणो वीणादि वादनम् ॥ (२१०।२)

वीणादण्डः प्रवालः स्यात् ककुभस्तु प्रसेवकः । (२११।१)

कोलम्बकस्तु कायो ऽस्या उपनाहो निबन्धनम् ॥ (२११।२)

वाद्यप्रभेदा डमरुमड्डुडिण्डिमझर्झराः । (२१२।१)

मर्दलः पणवो ऽन्ये च नर्तकीलासिके समे ॥ (२१२।२)

विलम्बितं द्रुतं मध्यं तत्त्वमोघो घनं क्रमात् । (२१३।१)

तालः कालक्रियामानं लयः साम्यम् अथास्त्रियाम् ॥ (२१३।२)

ताण्डवं नटनं नाट्यं लास्यं नृत्यं च नर्तने । (२१४।१)

तौर्यत्रिकं नृत्यगीतवाद्यं नाट्यमिदं त्रयम् ॥ (२१४।२)

भ्रकुंसश् च भ्रुकुंसश् च भ्रूकुंसश्चेति नर्तकः । (२१५।१)

स्त्रीवेषधारी पुरुषो नाट्योक्तौ गणिकाज्जुका ॥ (२१५।२)

भगिनीपतिर् आबुत्तो भावो विद्वानथावुकः । (२१६।१)

जनको युवराजस्तु कुमारो भर्तृदारकः ॥ (२१६।२)

राजा भट्टारको देवस्तत्सुता भर्तृदारिका । (२१७।१)

देवी कृताभिषेकायामितरासु तु भट्टिनी ॥ (२१७।२)

अब्रह्मण्यम् अवध्योक्तौ राजश्यालस् तु राष्ट्रियः । (२१८।१)

अम्बा माताथ बाला स्याद्वासूरार्यस्तु मारिषः ॥ (२१८।२)

अत्तिका भगिनी ज्येष्ठा निष्ठानिर्वहणे समे । (२१९।१)

हण्डे हञ्जे हलाह्वाने नीचां चेटीं सखीं प्रति ॥ (२१९।२)

अङ्गहारो ऽङ्गविक्षेपो व्यञ्जकाभिनयौ समौ । (२२०।१)

निर्वृत्ते त्व् अङ्गसत्त्वाभ्यां द्वे त्रिष्वाङ्गिकसात्त्विके ॥ (२२०।२)

शृङ्गारवीरकरुणाद्भुतहास्यभयानकाः । (२२१।१)

बीभत्सरौद्रौ च रसाः शृङ्गारः शुचिरुज्ज्वलः ॥ (२२१।२)

उत्साहवर्धनो वीरः कारुण्यं करुणा घृणा । (२२२।१)

कृपा दयानुकम्पा स्यादनुक्रोशो ऽप्यथो हसः ॥ (२२२।२)

हासो हास्यं च बीभत्सं विकृतं त्रिष्विदं द्वयम् । (२२३।१)

विस्मयो ऽद्भुतमाश्चर्यं चित्रमप्यथ भैरवम् ॥ (२२३।२)

दारुणं भीषणं भीष्मं घोरं भीमं भयानकम् । (२२४।१)

भयङ्करं प्रतिभयं रौद्रं तूग्रममी त्रिषु ॥ (२२४।२)

चतुर्दश दरस् त्रासो भीतिर् भीः साध्वसं भयम् । (२२५।१)

विकारो मानसो भावो ऽनुभावो भावबोधकः ॥ (२२५।२)

गर्वो ऽभिमानो ऽहंकारो मानश् चित्तसमुन्नतिः । (२२६।१)

दर्पो ऽवलोको ऽवष्टम्भश् चित्तोद्रेकः स्मयो मदः ॥ (२२६।२)

अनादरः परिभवः परीभावस् तिरस्क्रिया । (२२७।१)

रीढावमाननावज्ञावहेलनम् असूर्क्षणम् ॥ (२२७।२)

मन्दाक्षं ह्रीस्त्रपा व्रीडा लज्जा सापत्रपान्यतः । (२२८।१)

क्षान्तिस्तितिक्षाभिध्या तु परस्य विषये स्पृहा ॥ (२२८।२)

अक्षान्तिरीर्ष्यासूया तु दोषारोपो गुणेष्व् अपि । (२२९।१)

वैरं विरोधो विद्वेषो मन्युशोकौ तु शुक् स्त्रियाम् ॥ (२२९।२)

पश्चात्तापो ऽनुतापश् च विप्रतीसार इत्यपि । (२३०।१)

कोपक्रोधामर्षरोषप्रतिघा रुट्क्रुधौ स्त्रियौ ॥ (२३०।२)

शुचौ तु चरिते शीलमुन्मादश्चित्तविभ्रमः । (२३१।१)

प्रेमा ना प्रियता हार्दं प्रेमस्नेहो ऽथ दोहदम् ॥ (२३१।२)

इच्छा काङ्क्षा स्पृहेहा तृड् वाञ्छा लिप्सा मनोरथः । (२३२।१)

कामो ऽभिलाषस्तर्षश्च सो ऽत्यर्थं लालसा द्वयोः ॥ (२३२।२)

उपाधिर् ना धर्मचिन्ता पुंस्याधिर्मानसी व्यथा । (२३३।१)

स्याच् चिन्ता स्मृतिराध्यानमुत्कण्ठोत्कलिके समे ॥ (२३३।२)

उत्साहो ऽध्यवसायः स्यात् स वीर्यम् अतिशक्तिभाक् । (२३४।१)

कपटो ऽस्त्री व्याजदम्भोपधयश् छद्मकैतवे ॥ (२३४।२)

कुसृतिर्निकृतिः शाठ्यं प्रमादो ऽनवधानता । (२३५।१)

कौतूहलं कौतुकं च कुतुकं च कुतूहलम् ॥ (२३५।२)

स्त्रीणां विलासबिब्बोकविभ्रमा ललितं तथा । (२३६।१)

हेला लीलेत्यमी हावाः क्रियाः शृङ्गारभावजाः ॥ (२३६।२)

द्रवकेलिपरीहासाः क्रीडा लीला च नर्म च । (२३७।१)

व्याजो ऽपदेशो लक्ष्यं च क्रीडा खेला च कूर्दनम् ॥ (२३७।२)

घर्मो निदाघः स्वेदः स्यात्प्रलयो नष्टचेष्टता । (२३८।१)

अवहित्थाकारगुप्तिः समौ संवेगसम्भ्रमौ ॥ (२३८।२)

स्यादाच्छुरितकं हासः सोत्प्रासः स मनाक् स्मितम् । (२३९।१)

मध्यमः स्याद्विहसितं रोमाञ्चो रोमहर्षणम् ॥ (२३९।२)

क्रन्दितं रुदितम् क्रुष्टं जृम्भस्तु त्रिषु जृम्भणम् । (२४०।१)

विप्रलम्भो विसंवादो रिङ्गणं स्खलनं समे ॥ (२४०।२)

स्यान् निद्रा शयनं स्वापः स्वप्नः संवेश इत्यपि । (२४१।१)

तन्द्री प्रमीला भ्रकुटिर् भ्रुकुटिर् भ्रूकुटिः स्त्रियाम् ॥ (२४१।२)

अदृष्टिः स्यादसौम्ये ऽक्ष्णि संसिद्धिप्रकृती त्व् इमे । (२४२।१)

स्वरूपं च स्वभावश्च निसर्गश्चाथ वेपथुः ॥ (२४२।२)

कम्पो ऽथ क्षण उद्धर्षो मह उद्धव उत्सवः । (२४३।१)

अधोभुवनपातालं बलिसद्म रसातलम् ॥ (२४३।२)

नागलोको ऽथ कुहरं सुषिरं विवरं बिलम् । (२४४।१)

छिद्रं निर्व्यथनं रोकं रन्ध्रं श्वभ्रं वपा सुषिः ॥ (२४४।२)

गर्तावटौ भुवि श्वभ्रे सरन्ध्रे सुषिरं त्रिषु । (२४५।१)

अन्धकारो ऽस्त्रियां ध्वान्तं तमिस्रं तिमिरं तमः ॥ (२४५।२)

ध्वान्ते गाढे ऽन्धतमसं क्षीणे ऽवतमसं तमः । (२४६।१)

विष्वक् संतमसं नागाः काद्रवेयास्तदीश्वरे ॥ (२४६।२)

शेषो ऽनन्तो वासुकिस्तु सर्पराजो ऽथ गोनसे । (२४७।१)

तिलित्सः स्यादजगरे शयुर्वाहस इत्य् उभौ ॥ (२४७।२)

अलगर्दो जलव्यालः समौ राजिलडुण्डुभौ । (२४८।१)

मालुधानो मातुलाहिर् निर्मुक्तो मुक्तकञ्चुकः ॥ (२४८।२)

स्नकेसर्पः पृदाकुर्भुजगो भुजंगो ऽहिर् भुजंगमः । (२४९।१)

आशीविषो विषधरश्चक्री व्यालः सरीसृपः ॥ (२४९।२)

कुण्डली गूढपाच्चक्षुःश्रवाः काकोदरः फणी । (२५०।१)

दर्वीकरो दीर्घपृष्ठो दन्दशूको बिलेशयः ॥ (२५०।२)

उरगः पन्नगो भोगी जिह्मगः पवनाशनः । (२५१।१)

लेलिहानो द्विरसनो गोकर्णः कञ्चुकी तथा ॥ (२५१।२)

कुम्भीनसः फणधरो हरिर् भोगधरस् तथा । (२५२।१)

अहेः शरीरं भोगः स्याद् आशीर् अप्य् अहिदंष्ट्रिका ॥ (२५२।२)

त्रिष्वाहेयं विषास्थ्यादि स्फटायां तु फणा द्वयोः । (२५३।१)

समौ कञ्चुकनिर्मोकौ क्ष्वेडस्तु गरलं विषम् ॥ (२५३।२)

पुंसि क्लीबे च काकोलकालकूटहलाहलाः । (२५४।१)

सौराष्ट्रिकः शौक्लिकेयो ब्रह्मपुत्रः प्रदीपनः ॥ (२५४।२)

दारदो वत्सनाभश्च विषभेदा अमी नव । (२५५।१)

विषवैद्यो जाङ्गुलिको व्यालग्राह्य् अहितुण्डिकः ॥ (२५५।२)

स्यान् नारकस् तु नरको निरयो दुर्गतिः स्त्रियाम् । (२५६।१)

तद्भेदास् तपनावीचिमहारौरवरौरवाः ॥ (२५६।२)

संघातः कालसूत्रं चेत्याद्याः सत्त्वास्तु नारकाः । (२५७।१)

प्रेता वैतरणी सिन्धुः स्यादलक्ष्मीस्तु निरृतिः ॥ (२५७।२)

विष्टिराजूः कारणा तु यातना तीव्रवेदना । (२५८।१)

पीडा बाधा व्यथा दुःखमामनस्यं प्रसूतिजम् ॥ (२५८।२)

स्यात्कष्टं कृच्छ्रमाभीलं त्रिष्वेषां भेद्यगामि यत् । (२५९।१)

समुद्रो ऽब्धिरकूपारः पारावारः सरित्पतिः ॥ (२५९।२)

उदन्वानुदधिः सिन्धुः सरस्वान्सागरो ऽर्णवः । (२६०।१)

रत्नाकरो जलनिधिर्यादःपतिरपाम्पतिः ॥ (२६०।२)

तस्य प्रभेदाः क्षीरोदो लवणोदस् तथापरे । (२६१।१)

आपः स्त्री भूम्नि वार्वारि सलिलं कमलं जलम् ॥ (२६१।२)

पयः कीलालममृतं जीवनं भुवनं वनम् । (२६२।१)

कबन्धमुदकं पाथः पुष्करं सर्वतोमुखम् ॥ (२६२।२)

अम्भोऽर्णस् तोयपानीयनीरक्षीरो ऽम्बुशम्बरम् । (२६३।१)

मेघपुष्पं घनरसस्त्रिषु द्वे आप्यम् अम्मयम् ॥ (२६३।२)

भङ्गस् तरंग ऊर्मिर्वा स्त्रियां वीचिरथोर्मिषु । (२६४।१)

महत्सूल्लोलकल्लोलौ स्यादावर्तो ऽम्भसां भ्रमः ॥ (२६४।२)

पृषन्ति बिन्दुपृषताः पुमांसो विप्रुषः स्त्रियाम् । (२६५।१)

चक्राणि पुटभेदाः स्युर् भ्रमाश् च जलनिर्गमाः ॥ (२६५।२)

कूलं रोधश् च तीरं च प्रतीरं च तटं त्रिषु । (२६६।१)

पारावारे परार्वाची तीरे पात्रं तदन्तरम् ॥ (२६६।२)

द्वीपो ऽस्त्रियामन्तरीपं यदन्तर्वारिणस्तटम् । (२६७।१)

तोयोत्थितं तत्पुलिनं सैकतं सिकतामयम् ॥ (२६७।२)

निषद्वरस्तु जम्बालः पङ्को ऽस्त्री शादकर्दमौ । (२६८।१)

जलोच्छ्वासाः परीवाहाः कूपकास्तु विदारकाः ॥ (२६८।२)

नाव्यं त्रिलिङ्गं नौतार्ये स्त्रियां नौस्तरणिस्तरिः । (२६९।१)

उडुपं तु प्लवः कोलः स्रोतो ऽम्बुसरणं स्वतः ॥ (२६९।२)

आतरस्तरपण्यं स्याद् द्रोणी काष्ठाम्बुवाहिनी । (२७०।१)

सांयात्रिकः पोतवणिक् कर्णधारस् तु नाविकः ॥ (२७०।२)

नियामकाः पोतवाहाः कूपको गुणवृक्षकः । (२७१।१)

नौकादण्डः क्षेपणी स्याद् अरित्रं केनिपातकः ॥ (२७१।२)

अभ्रिः स्त्री काष्ठकुद्दालः सेकपात्रं तु सेचनम् । (२७२।१)

क्लीबे ऽर्धनावं नावो ऽर्धे ऽतीतनौके ऽतिनु त्रिषु ॥ (२७२।२)

त्रिष्वागाधात्प्रसन्नो ऽच्छः कलुषो ऽनच्छ आविलः । (२७३।१)

निम्नं गभीरं गम्भीरमुत्तानं तद्विपर्यये ॥ (२७३।२)

अगाधमतलस्पर्शे कैवर्ते दाशधीवरौ । (२७४।१)

आनायः पुंसि जालं स्याच्छणसूत्रं पवित्रकम् ॥ (२७४।२)

मत्स्याधानी कुवेणी स्याद् बडिशं मत्स्यवेधनम् । (२७५।१)

पृथुरोमा झषो मत्स्यो मीनो वैसारिणो ऽण्डजः ॥ (२७५।२)

विसारः शकुली चाथ गडकः शकुलार्भकः । (२७६।१)

सहस्रदंष्ट्रः पाठीन उलूपी शिशुकः समौ ॥ (२७६।२)

नलमीनश्चिलिचिमः प्रोष्ठी तु शफरी द्वयोः । (२७७।१)

क्षुद्राण्डमत्स्यसंघातः पोताधानमथो झषाः ॥ (२७७।२)

रोहितो मद्गुरः शालो राजीवः शकुलस्तिमिः । (२७८।१)

तिमिङ्गलादयश् चाथ यादांसि जलजन्तवः ॥ (२७८।२)

तद्भेदाः शिशुमारोद्रशङ्कवो मकरादयः । (२७९।१)

स्यात्कुलीरः कर्कटकः कूर्मे कमठकच्छपौ ॥ (२७९।२)

ग्राहो ऽवहारो नक्रस्तु कुम्भीरो ऽथ महीलता । (२८०।१)

गण्डूपदः किञ्चुलको निहाका गोधिका समे ॥ (२८०।२)

रक्तपा तु जलौकायां स्त्रियां भूम्नि जलौकसः । (२८१।१)

मुक्तास्फोटः स्त्रियां शुक्तिः शङ्खः स्यात्कम्बुरस्त्रियौ ॥ (२८१।२)

क्षुद्रशङ्खाः शङ्खनखाः शम्बूका जलशुक्तयः । (२८२।१)

भेके मण्डूकवर्षाभूशालूरप्लवदर्दुराः ॥ (२८२।२)

शिली गण्डूपदी भेकी वर्षाभ्वी कमठी डुलिः । (२८३।१)

मद्गुरस्य प्रिया शृङ्गी दुर्नामा दीर्घकोशिका ॥ (२८३।२)

जलाशया जलाधारास्तत्रागाधजलो ह्रदः । (२८४।१)

आहावस्तु निपानं स्यादुपकूपजलाशये ॥ (२८४।२)

पुंस्येवान्धुः प्रहिः कूप उदपानं तु पुंसि वा । (२८५।१)

नेमिस्त्रिकास्य वीनाहो मुखबन्धनमस्य यत् ॥ (२८५।२)

पुष्करिण्यां तु खातं स्यादखातं देवखातकम् । (२८६।१)

पद्माकरस् तडागो ऽस्त्री कासारः सरसी सरः ॥ (२८६।२)

वेशन्तः पल्वलं चाल्पसरो वापी तु दीर्घिका । (२८७।१)

खेयं तु परिखाधारस्त्वम्भसां यत्र धारणम् ॥ (२८७।२)

रिवेर्स्याद् आलवालमावालम् आवापो ऽथ नदी सरित् । (२८८।१)

तरंगिणी शैवलिनी तटिनी ह्रादिनी धुनी ॥ (२८८।२)

स्रोतस्विनी द्वीपवती स्रवन्ती निम्नगापगा । (२८९।१)

कूलंकषा निर्झरिणी रोधोवक्रा सरस्वती ॥ (२८९।२)

गङ्गागङ्गा विष्णुपदी जह्नुतनया सुरनिम्नगा । (२९०।१)

भागीरथी त्रिपथगा त्रिस्रोता भीष्मसूरपि ॥ (२९०।२)

यमुनाकालिन्दी सूर्यतनया यमुना शमनस्वसा । (२९१।१)

रेवा तु नर्मदा सोमोद्भवा मेकलकन्यका ॥ (२९१।२)

करतोया सदानीरा बाहुदा सैतवाहिनी । (२९२।१)

शतद्रुस्तु शुतुद्रिः स्याद्विपाशा तु विपाट् स्त्रियाम् ॥ (२९२।२)

शोणो हिरण्यवाहः स्यात्कुल्याल्पा कृत्रिमा सरित् । (२९३।१)

शरावती वेत्रवती चन्द्रभागा सरस्वती ॥ (२९३।२)

कावेरी सरितो ऽन्याश्च सम्भेदः सिन्धुसंगमः । (२९४।१)

द्वयोः प्रणाली पयसः पदव्यां त्रिषु तूत्तरौ ॥ (२९४।२)

देविकायां सरय्वां च भवे दाविकसारवौ । (२९५।१)

लोतुस्, wअतेर् लिल्य्सौगन्धिकं तु कल्हारं हल्लकं रक्तसंध्यकम् ॥ (२९५।२)

स्यादुत्पलं कुवलयमथ नीलाम्बुजन्म च । (२९६।१)

इन्दीवरं च नीले ऽस्मिन्सिते कुमुदकैरवे ॥ (२९६।२)

शालूकमेषां कन्दः स्याद्वारिपर्णी तु कुम्भिका । (२९७।१)

जलनीली तु शैवालं शैवलो ऽथ कुमुद्वती ॥ (२९७।२)

कुमुदिन्यां नलिन्यां तु बिसिनीपद्मिनीमुखाः । (२९८।१)

वा पुंसि पद्मं नलिनमरविन्दं महोत्पलम् ॥ (२९८।२)

सहस्रपत्त्रं कमलं शतपत्त्रं कुशेशयम् । (२९९।१)

पङ्केरुहं तामरसं सारसं सरसीरुहम् ॥ (२९९।२)

बिसप्रसूनराजीवपुष्कराम्भोरुहाणि च । (३००।१)

पुण्डरीकं सिताम्भोजमथ रक्तसरोरुहे ॥ (३००।२)

रक्तोत्पलं कोकनदं नालो नालमथास्त्रियाम् । (३०१।१)

मृणालं बिसमब्जादिकदम्बे खण्डमस्त्रियाम् ॥ (३०१।२)

करहाटः शिफाकन्दः किञ्जल्कः केसरो ऽस्त्रियाम् । (३०२।१)

संवर्तिका नवदलं बीजकोशो वराटकः ॥ (३०२।२)

उक्तं स्वर्व्योमदिक्कालधीशब्दादि सनाट्यकम् । (३०३।१)

पातालभोगिनरकं वारि चैषां च संगतम् ॥ (३०३।२)

इत्यमरसिंहकृतौ नामलिङ्गानुशासने । (३०४।१)

स्वरादिकाण्डः प्रथमः साङ्ग एव समर्थितः ॥ (३०४।२)