वर्गाः पृथ्वीपुरक्ष्माभृद्वनौषधिमृगादिभिः । (१।१)

नृब्रह्मक्षत्रविट्शूद्रैः साङ्गोपाङ्गैरिहोदिताः ॥ (१।२)

एअर्थ्भूर् भूमिर् अचलानन्ता रसा विश्वम्भरा स्थिता । (२।१)

धरा धरित्री धरणिः क्षोणिर्ज्या काश्यपी क्षितिः ॥ (२।२)

सर्वंसहा वसुमती वसुधोर्वी वसुंधरा । (३।१)

गोत्रा कुः पृथिवी पृथ्वी क्ष्मावनिर्मेदिनी मही ॥ (३।२)

विपुला गह्वरी धात्री गौरिला कुम्भिनी क्षमा । (४।१)

भूतधात्री रत्नगर्भा जगती सागराम्बरा ॥ (४।२)

मृन्मृत्तिका प्रशस्ता तु मृत्सा मृत्स्ना च मृत्तिका । (५।१)

उर्वरा सर्वसस्याढ्या स्यादूषः क्षारमृत्तिका ॥ (५।२)

ऊषवान् ऊषरो द्वाव् अप्य् अन्यलिङ्गौ स्थलं स्थली । (६।१)

समानौ मरुधन्वानौ द्वे खिलाप्रहते समे ॥ (६।२)

त्रिष्वथो जगती लोको विष्टपं भुवनं जगत् । (७।१)

लोको ऽयं भारतं वर्षम् शरावत्यास्तु यो ऽवधेः ॥ (७।२)

देशः प्राग्दक्षिणः प्राच्य उदीच्यः पश्चिमोत्तरः । (८।१)

प्रत्यन्तो म्लेच्छदेशः स्यान् मध्यदेशस् तु मध्यमः ॥ (८।२)

आर्यावर्तः पुण्यभूमिर् मध्यं विन्ध्यहिमालयोः । (९।१)

नीवृज् जनपदो देशविषयौ तूपवर्तनम् ॥ (९।२)

त्रिष्व् आगोष्ठान् नडप्राये नड्वान् नड्वल इत्यपि । (१०।१)

कुमुद्वान्कुमुदप्राये वेतस्वान् बहुवेतसे ॥ (१०।२)

शाद्वलः शादहरिते सजम्बाले तु पङ्किलः । (११।१)

जलप्रायमनूपं स्यात्पुंसि कच्छस्तथाविधः ॥ (११।२)

स्त्री शर्करा शर्करिलः शार्करः शर्करावति । (१२।१)

देश एवादिमावेवम् उन्नेयाः सिकतावति ॥ (१२।२)

देशो नद्यम्बुवृष्ट्यम्बुसम्पन्नव्रीहिपालितः । (१३।१)

स्यान् नदीमातृको देवमातृकश्च यथाक्रमम् ॥ (१३।२)

सुराज्ञि देशे राजन्वान्स्यात्ततो ऽन्यत्र राजवान् । (१४।१)

गोष्ठं गोस्थानकं तत्तु गौष्ठीनं भूतपूर्वकम् ॥ (१४।२)

पर्यन्तभूः परिसरः सेतुरालौ स्त्रियां पुमान् । (१५।१)

वामलूरश्च नाकुश्च वल्मीकं पुंनपुंसकम् ॥ (१५।२)

पथयनम् वर्त्म मार्गाध्वपन्थानः पदवी सृतिः । (१६।१)

सरणिः पद्धतिः पद्या वर्तन्य् एकपदीति च ॥ (१६।२)

अतिपन्थाः सुपन्थाश् च सत्पथश्चार्चिते ऽध्वनि । (१७।१)

व्यध्वो दुरध्वो विपथः कदध्वा कापथः समाः ॥ (१७।२)

अपन्थास् त्व् अपथं तुल्ये शृङ्गाटकचतुष्पथे । (१८।१)

प्रान्तरं दूरशून्यो ऽध्वा कान्तारं वर्त्म दुर्गमम् ॥ (१८।२)

गव्यूतिः स्त्री क्रोशयुगं नल्वः किष्कुचतुःशतम् । (१९।१)

घण्टापथः संसरणं तत्पुरस्योपनिष्करम् ॥ (१९।२)

द्यावापृथिव्यौ रोदस्यौ द्यावाभूमी च रोदसी । (२०।१)

दिवस्पृथिव्यौ गञ्जा तु रुमा स्याल् लवणाकरः ॥ (२०।२)

पूः स्त्री पुरीनगर्यौ वा पत्तनं पुटभेदनम् । (२१।१)

स्थानीयं निगमो ऽन्यत्तु यन्मूलनगरात्पुरम् ॥ (२१।२)

तच्छाखानगरं वेशो वेश्याजनसमाश्रयः । (२२।१)

आपणस्तु निषद्यायां विपणिः पण्यवीथिका ॥ (२२।२)

रथ्या प्रतोली विशिखा स्याच् चयो वप्रमस्त्रियाम् । (२३।१)

प्राकारो वरणः सालः प्राचीनं प्रातन्तो वृतिः ॥ (२३।२)

भित्तिः स्त्री कुड्यमेडूकं यदन्तर्न्यस्तकीकसम् । (२४।१)

गृहं गेहोदवसितं वेश्म सद्म निकेतनम् ॥ (२४।२)

निशान्तं पस्त्यसदनं भवनागारमन्दिरम् । (२५।१)

गृहाः पुंसि च भूम्न्येव निकाय्यनिलयालयाः ॥ (२५।२)

वासः कुटी द्वयोः शाला सभा संजवनं त्व् इदम् । (२६।१)

चतुःशालं मुनीनां तु पर्णशालोटजो ऽस्त्रियाम् ॥ (२६।२)

चैत्यमायतनं तुल्ये वाजिशाला तु मन्दुरा । (२७।१)

आवेशनं शिल्पिशाला प्रपा पानीयशालिका ॥ (२७।२)

मठश् छात्त्रादिनिलयो गञ्जा तु मदिरागृहम् । (२८।१)

गर्भागारं वासगृहमरिष्टं सूतिकागृहम् ॥ (२८।२)

कुट्टिमो ऽस्त्री निबद्धा भूश्चन्द्रशाला शिरोगृहम् । (२९।१)

वातायनं गवाक्षो ऽथ मण्डपो ऽस्त्री जनाश्रयः ॥ (२९।२)

हर्म्यादि धनिनां वासः प्रासादो देवभूभुजाम् । (३०।१)

सौधो ऽस्त्री राजसदनमुपकार्योपकारिका ॥ (३०।२)

स्वस्तिकः सर्वतोभद्रो नन्द्यावर्तादयो ऽपि च । (३१।१)

विच्छन्दकः प्रभेदा हि भवन्तीश्वरसद्मनाम् ॥ (३१।२)

स्त्र्यगारं भूभुजामन्तःपुरं स्यादवरोधनम् । (३२।१)

शुद्धान्तश्चावरोधश्च स्यादट्टः क्षौममस्त्रियाम् ॥ (३२।२)

प्रघाणप्रघणालिन्दा बहिर्द्वारप्रकोष्ठके । (३३।१)

गृहावग्रहणी देहल्यङ्गणं चत्वराजिरे ॥ (३३।२)

अधस्ताद् दारुणि शिला नासा दारूपरि स्थितम् । (३४।१)

प्रच्छन्नमन्तर्द्वारं स्यात् पक्षद्वारं तु पक्षकम् ॥ (३४।२)

वलीकनीध्रे पटलप्रान्ते ऽथ पटलं छदिः । (३५।१)

गोपानसी तु वलभी छादने वक्रदारुणि ॥ (३५।२)

कपोतपालिकायां तु विटङ्कं पुंनपुंसकम् । (३६।१)

स्त्री द्वार् द्वारं प्रतीहारः स्याद्वितर्दिस् तु वेदिका ॥ (३६।२)

तोरणो ऽस्त्री बहिर्द्वारम् पुरद्वारं तु गोपुरम् । (३७।१)

कूटं पूर्द्वारि यद्धस्तिनखस् तस्मिन् अथ त्रिषु ॥ (३७।२)

कपाटमररं तुल्ये तद्विष्कम्भो ऽर्गलं न ना । (३८।१)

आरोहणं स्यात्सोपानं निश्रेणिस् त्व् अधिरोहिणी ॥ (३८।२)

सम्मार्जनी शोधनी स्यात्संकरो ऽवकरस्तथा । (३९।१)

क्षिप्ते मुखं निःसरणं संनिवेशो निकर्षणम् ॥ (३९।२)

समौ संवसथग्रामौ वेश्मभूर्वास्तुरस्त्रियाम् । (४०।१)

ग्रामान्त उपशल्यं स्यात्सीमसीमे स्त्रियाम् उभे ॥ (४०।२)

घोष आभीरपल्ली स्यात्पक्कणः शबरालयः । (४१।१)

मोउन्तैन्महीध्रे शिखरिक्ष्माभृदहार्यधरपर्वताः ॥ (४१।२)

अद्रिगोत्रगिरिग्रावाचलशैलशिलोच्चयाः । (४२।१)

लोकालोकश् चक्रवालस् त्रिकूटस् त्रिककुत् समौ ॥ (४२।२)

अस्तस्तु चरमक्ष्माभृदुदयः पूर्वपर्वतः । (४३।१)

हिमवान्निषधो विन्ध्यो माल्यवान् पारियात्रिकः ॥ (४३।२)

गन्धमादनमन्ये च हेमकूटादयो नगाः । (४४।१)

पाषाणप्रस्तरग्रावोपलाश्मानः शिला दृषत् ॥ (४४।२)

कूटो ऽस्त्री शिखरं शृङ्गं प्रपातस्त्वतटो भृगुः । (४५।१)

कटको ऽस्त्री नितम्बो ऽद्रेः स्नुः प्रस्थः सानुरस्त्रियाम् ॥ (४५।२)

उत्सः प्रस्रवणं वारिप्रवाहो निर्झरो झरः । (४६।१)

दरी तु कन्दरो वा स्त्री देवखातबिले गुहा ॥ (४६।२)

गह्वरं गण्डशैलास्तु च्युताः स्थूलोपला गिरेः । (४७।१)

दन्तकास्तु बहिस् तिर्यक् प्रदेशान्निर्गता गिरेः ॥ (४७।२)

खनिः स्त्रियामाकरः स्यात्पादाः प्रत्यन्तपर्वताः । (४८।१)

उपत्यकाद्रेरासन्ना भूमिरूर्ध्वमधित्यका ॥ (४८।२)

धातुर्मनःशिलाद्यद्रेर्गैरिकं तु विशेषतः । (४९।१)

निकुञ्जकुञ्जौ वा क्लीबे लतादिपिहितोदरे ॥ (४९।२)

वनौषधिवर्गअटव्यरण्यं विपिनं गहनं काननं वनम् । (५०।१)

महारण्यमरण्यानी गृहारामास्तु निष्कुटाः ॥ (५०।२)

आरामः स्यादुपवनं कृत्रिमं वनमेव यत् । (५१।१)

अमात्यगणिकागेहोपवने वृक्षवाटिका ॥ (५१।२)

पुमानाक्रीड उद्यानं राज्ञः साधारणं वनम् । (५२।१)

स्यादेतदेव प्रमदवनमन्तःपुरोचितम् ॥ (५२।२)

वीथ्यालिरावलिः पङ्क्तिः श्रेणी लेखास्तु राजयः । (५३।१)

वन्या वनसमूहे स्यादङ्कुरो ऽभिनवोद्भिदि ॥ (५३।२)

त्रेएवृक्षो महीरुहः शाखी विटपी पादपस्तरुः । (५४।१)

अनोकहः कुटः शालः पलाशी द्रुद्रुमागमाः ॥ (५४।२)

वानस्पत्यः फलैः पुष्पात् तैर् अपुष्पाद् वनस्पतिः । (५५।१)

ओषध्यः फलपाकान्ताः स्युर् अवन्ध्यः फलेग्रहिः ॥ (५५।२)

वन्ध्यो ऽफलो ऽवकेशी च फलवान्फलिनः फली । (५६।१)

प्रफुल्लोत्फुल्लसम्फुल्लव्याकोशविकचस्फुटाः ॥ (५६।२)

फुल्लश्चैते विकसिते स्युर् अवन्ध्यादयस् त्रिषु । (५७।१)

स्थाणुर्वा ना ध्रुवः शङ्कुर् ह्रस्वशाखाशिफः क्षुपः ॥ (५७।२)

अप्रकाण्डे स्तम्बगुल्मौ वल्ली तु व्रततिर्लता । (५८।१)

लता प्रतानिनी वीरुद्गुल्मिन्युलप इत्यपि ॥ (५८।२)

नगाद्यारोह उच्छ्राय उत्सेधश्चोच्छ्रयश्च सः । (५९।१)

अस्त्री प्रकाण्डः स्कन्धः स्यान् मूलाच्छाखावधिस् तरोः ॥ (५९।२)

समे शाखालते स्कन्धशाखाशाले शिफाजटे । (६०।१)

शाखाशिफावरोहः स्यान् मूलाच्चाग्रं गता लता ॥ (६०।२)

शिरो ऽग्रं शिखरं वा ना मूलं बुध्नो ऽङ्घ्रिनामकः । (६१।१)

सारो मज्जा नरि त्वक्स्त्री वल्कं वल्कलमस्त्रियाम् ॥ (६१।२)

काष्ठं दार्विन्धनं त्व् एध इध्ममेधः समित्स्त्रियाम् । (६२।१)

निष्कुहः कोटरं वा ना वल्लरिर् मञ्जरिः स्त्रियौ ॥ (६२।२)

पत्त्रं पलाशं छदनं दलं पर्णं छदः पुमान् । (६३।१)

पल्लवो ऽस्त्री किसलयं विस्तारो विटपो ऽस्त्रियाम् ॥ (६३।२)

वृक्षादीनां फलं सस्यं वृन्तं प्रसवबन्धनम् । (६४।१)

आमे फले शलाटुः स्याच्छुष्के वानम् उभे त्रिषु ॥ (६४।२)

क्षारको जालकं क्लीबे कलिका कोरकः पुमान् । (६५।१)

स्याद्गुच्छकस्तु स्तबकः कुड्मलो मुकुलो ऽस्त्रियाम् ॥ (६५।२)

ड़्लोwएर्स्त्रियः सुमनसः पुष्पं प्रसूनं कुसुमं सुमम् । (६६।१)

मकरन्दः पुष्परसः परागः सुमनोरजः ॥ (६६।२)

द्विहीनं प्रसवे सर्वं हरीतक्यादयः स्त्रियाम् । (६७।१)

प्लन्त्साश्वत्थवैणवप्लाक्षनैयग्रोधैङ्गुदम् फले ॥ (६७।२)

बार्हतं च फले जम्ब्वा जम्बूः स्त्री जम्बु जाम्बवम् । (६८।१)

पुष्पे जातीप्रभृतयः स्वलिङ्गाः व्रीहयः फले ॥ (६८।२)

विदार्याद्यास्तु मूले ऽपि पुष्पे क्लीबे ऽपि पाटला । (६९।१)

बोधिद्रुमश्चलदलः पिप्पलः कुञ्जराशनः ॥ (६९।२)

अश्वत्थे ऽथ कपित्थे स्युर् दधित्थग्राहिमन्मथाः । (७०।१)

तस्मिन्दधिफलः पुष्पफलदन्तशठाव् अपि ॥ (७०।२)

उदुम्बरो जन्तुफलो यज्ञाङ्गो हेमदुग्धकः । (७१।१)

कोविदारे चमरिकः कुद्दालो युगपत्त्रकः ॥ (७१।२)

सप्तपर्णो विशालत्वक् शारदो विषमच्छदः । (७२।१)

आरग्वधे राजवृक्षशम्पाकचतुरङ्गुलाः ॥ (७२।२)

आरेवतव्याधिघातकृतमालसुवर्णकाः । (७३।१)

स्युर् जम्बीरे दन्तशठजम्भजम्भीरजम्भलाः ॥ (७३।२)

वरुणो वरणः सेतुस् तिक्तशाकः कुमारकः । (७४।१)

पुंनागे पुरुषस् तुङ्गः केसरो देववल्लभः ॥ (७४।२)

पारिभद्रे निम्बतरुर् मन्दारः पारिजातकः । (७५।१)

तिनिशे स्यन्दनो नेमी रथद्रुरतिमुक्तकः ॥ (७५।२)

वञ्जुलश् चित्रकृच् चाथ द्वौ पीतनकपीतनौ । (७६।१)

आम्रातके मधूके तु गुडपुष्पमधुद्रुमौ ॥ (७६।२)

वानप्रस्थमधुष्ठीलौ जलजे ऽत्र मधूलकः । (७७।१)

पीलौ गुडफलः स्रंसी तस्मिंस्तु गिरिसम्भवे ॥ (७७।२)

अक्षोटकन्दरालौ द्वाव् अङ्कोटे तु निकोचकः । (७८।१)

पलाशे किंशुकः पर्णो वातपोतो ऽथ वेतसे ॥ (७८।२)

रथाभ्रपुष्पविदुरशीतवानीरवञ्जुलाः । (७९।१)

द्वौ परिव्याधविदुलौ नादेयी चाम्बुवेतसे ॥ (७९।२)

शोभाञ्जने शिग्रुतीक्ष्णगन्धकाक्षीवमोचकाः । (८०।१)

रक्तो ऽसौ मधुशिग्रुः स्यादरिष्टः फेनिलः समौ ॥ (८०।२)

बिल्वे शाण्डिल्यशैलूषौ मालूरश्रीफलाव् अपि । (८१।१)

प्लक्षो जटी पर्कटी स्यान् न्यग्रोधो बहुपाद्वटः ॥ (८१।२)

गालवः शाबरो लोध्रस् तिरीटस् तिल्वमार्जनौ । (८२।१)

आम्रश्चूतो रसालो ऽसौ सहकारो ऽतिसौरभः ॥ (८२।२)

कुम्भोलूखलकं क्लीबे कौशिको गुग्गुलुः पुरः । (८३।१)

शेलुः श्लेष्मातकः शीत उद्दालो बहुवारकः ॥ (८३।२)

राजादनं प्रियालः स्यात्सन्नकद्रुर्धनुःपटः । (८४।१)

गम्भारी सर्वतोभद्रा काश्मरी मधुपर्णिका ॥ (८४।२)

श्रीपर्णी भद्रपर्णी च काश्मर्यश्चाप्यथ द्वयोः । (८५।१)

कर्कन्धूर्बदरी कोलिः कोलं कुवलफेनिले ॥ (८५।२)

सौवीरं बदरं घोण्टाप्यथ स्यात्स्वादुकण्टकः । (८६।१)

विकङ्कतः सुवावृक्षो ग्रन्थिलो व्याघ्रपाद् अपि ॥ (८६।२)

ऐरावतो नागरङ्गो नादेयी भूमिजम्बुका । (८७।१)

तिन्दुकः स्फूर्जकः कालस्कन्धश्च शितिसारके ॥ (८७।२)

काकेन्दुः कुलकः काकतिन्दुकः काकपीलुके । (८८।१)

गोलीढो झाटलो घण्टापाटलिर् मोक्षमुष्ककौ ॥ (८८।२)

तिलकः क्षुरकः श्रीमान्समौ पिचुलझावुकौ । (८९।१)

श्रीपर्णिका कुमुदिका कुम्भी कैटर्यकट्फलौ ॥ (८९।२)

क्रमुकः पट्टिकाख्यः स्यात् पट्टी लाक्षाप्रसादनः । (९०।१)

तूदस् तु यूपः क्रमुको ब्रह्मण्यो ब्रह्मदारु च ॥ (९०।२)

तूलं च नीपप्रियककदम्बास् तु हरिप्रियः । (९१।१)

वीरवृक्षो ऽरुष्करो ऽग्निमुखी भल्लातकी त्रिषु ॥ (९१।२)

गर्दभाण्डे कन्दरालकपीतनसुपार्श्वकाः । (९२।१)

प्लक्षश् च तिन्तिडी चिञ्चाम्लिकाथो पीतसारके ॥ (९२।२)

सर्जकासनबन्धूकपुष्पप्रियकजीवकाः । (९३।१)

साले तु सर्जकार्श्याश्वकर्णकाः सस्यसंवरः ॥ (९३।२)

नदीसर्जो वीरतरुरिन्द्रद्रुः ककुभो ऽर्जुनः । (९४।१)

राजादनः फलाध्यक्षः क्षीरिकायाम् अथ द्वयोः ॥ (९४।२)

इङ्गुदी तापसतरुर्भूर्जे चर्मिमृदुत्वचौ । (९५।१)

पिच्छिला पूरणी मोचा स्थिरायुः शाल्मलिर् द्वयोः ॥ (९५।२)

पिच्छा तु शाल्मलीवेष्टे रोचनः कूटशाल्मलिः । (९६।१)

चिरबिल्वो नक्तमालः करजश्च करञ्जके ॥ (९६।२)

प्रकीर्यः पूतिकरजः पूतिकः कलिमारकः । (९७।१)

करञ्जभेदाः षड्ग्रन्थो मर्कट्यङ्गारवल्लरी ॥ (९७।२)

रोही रोहितकः प्लीहशत्रुर्दाडिमपुष्पकः । (९८।१)

गायत्री बालतनयः खदिरो दन्तधावनः ॥ (९८।२)

अरिमेदो विट्खदिरे कदरः खदिरे सिते । (९९।१)

सोमवल्को ऽप्यथ व्याघ्रपुच्छगन्धर्वहस्तकौ ॥ (९९।२)

एरण्ड उरुवूकश्च रुचकश्चित्रकश्च सः । (१००।१)

चञ्चुः पञ्चाङ्गुलो मण्डवर्धमानव्यडम्बकाः ॥ (१००।२)

अल्पा शमी शमीरः स्याच्छमी सक्तुफला शिवा । (१०१।१)

पिण्डीतको मरुवकः श्वसनः करहाटकः ॥ (१०१।२)

शल्यश्च मदने शक्रपादपः पारिभद्रकः । (१०२।१)

भद्रदारु द्रुकिलिमं पीतदारु च दारु च ॥ (१०२।२)

पूतिकाष्ठं च सप्त स्युर् देवदारुण्य् अथ द्वयोः । (१०३।१)

पाटलिः पाटलामोघा काचस्थाली फलेरुहा ॥ (१०३।२)

कृष्णवृन्ता कुबेराक्षी श्यामा तु महिलाह्वया । (१०४।१)

लता गोवन्दनी गुन्द्रा प्रियङ्गुः फलिनी फली ॥ (१०४।२)

विष्वक्सेना गन्धफली कारम्भा प्रियकश्च सा । (१०५।१)

मण्डूकपर्णपत्त्रोर्णनटकट्वङ्गटुण्टुकाः ॥ (१०५।२)

स्योनाकशुकनासर्क्षदीर्घवृन्तकुटन्नटाः । (१०६।१)

अमृता च वयःस्था च त्रिलिङ्गस्तु विभीतकः ॥ (१०६।२)

नाक्षस्तुषः कर्षफलो भूतावासः कलिद्रुमः । (१०७।१)

अभया त्व् अव्यथा पथ्या कायस्था पूतनामृता ॥ (१०७।२)

हरीतकी हैमवती चेतकी श्रेयसी शिवा । (१०८।१)

पीतद्रुः सरलः पूतिकाष्ठं चाथ द्रुमोत्पलः ॥ (१०८।२)

कर्णिकारः परिव्याधो लकुचो लिकुचो डहुः । (१०९।१)

पनसः कण्टकिफलो निचुलो हिज्जलो ऽम्बुजः ॥ (१०९।२)

काकोदुम्बरिका फल्गुर्मलयूर्जघनेफला । (११०।१)

अरिष्टः सर्वतोभद्रहिङ्गुनिर्यासमालकाः ॥ (११०।२)

पिचुमन्दश्च निम्बे ऽथ पिच्छिलागुरुशिंशपा । (१११।१)

कपिला भस्मगर्भा सा शिरीषस्तु कपीतनः ॥ (१११।२)

भण्डिलो ऽप्यथ चाम्पेयश्चम्पको हेमपुष्पकः । (११२।१)

एतस्य कलिका गन्धफली स्यादथ केसरे ॥ (११२।२)

बकुलो वञ्जुलो ऽशोके समौ करकदाडिमौ । (११३।१)

चाम्पेयः केसरो नागकेसरः काञ्चनाह्वयः ॥ (११३।२)

जया जयन्ती तर्कारी नादेयी वैजयन्तिका । (११४।१)

श्रीपर्णमग्निमन्थः स्यात्कणिका गणिकारिका ॥ (११४।२)

जयो ऽथ कुटजः शक्रो वत्सको गिरिमल्लिका । (११५।१)

एतस्यैव कलिङ्गेन्द्रयवभद्रयवं फले ॥ (११५।२)

कृष्णपाकफलाविग्नसुषेणाः करमर्दके । (११६।१)

कालस्कन्धस्तमालः स्यात्तापिच्छो ऽप्यथ सिन्दुके ॥ (११६।२)

सिन्दुवारेन्द्रसुरसौ निर्गुण्डीन्द्राणिकेत्यपि । (११७।१)

वेणी गरागरी देवताडो जीमूत इत्यपि ॥ (११७।२)

श्रीहस्तिनी तु भूरुण्डी तृणशून्यं तु मल्लिका । (११८।१)

भूपदी शीतभीरुश्च सैवास्फोटा वनोद्भवा ॥ (११८।२)

शेफालिका तु सुवहा निर्गुण्डी नीलिका च सा । (११९।१)

सितासौ श्वेतसुरसा भूतवेश्यथ मागधी ॥ (११९।२)

गणिका यूथिकाम्बष्ठा सा पीता हेमपुष्पिका । (१२०।१)

अतिमुक्तः पुण्ड्रकः स्याद्वासन्ती माधवी लता ॥ (१२०।२)

सुमना मालती जातिः सप्तला नवमालिका । (१२१।१)

माध्यं कुन्दं रक्तकस्तु बन्धूको बन्धुजीवकः ॥ (१२१।२)

सहा कुमारी तरणिरम्लानस्तु महासहा । (१२२।१)

तत्र शोणे कुरबकस्तत्र पीते कुरण्टकः ॥ (१२२।२)

नीली झिण्टी द्वयोर्बाणा दासी चार्तगलश्च सा । (१२३।१)

सैरेयकस्तु झिण्टी स्यात्तस्मिन्कुरबको ऽरुणे ॥ (१२३।२)

पीता कुरण्टको झिण्टी तस्मिन्सहचरी द्वयोः । (१२४।१)

ओड्रपुष्पं जपापुष्पं वज्रपुष्पं तिलस्य यत् ॥ (१२४।२)

प्रतिहासशतप्रासचण्डातहयमारकाः । (१२५।१)

करवीरे करीरे तु क्रकरग्रन्थिलाव् उभौ ॥ (१२५।२)

उन्मत्तः कितवो धूर्तो धत्तूरः कनकाह्वयः । (१२६।१)

मातुलो मदनश्चास्य फले मातुलपुत्रकः ॥ (१२६।२)

फलपूरो बीजपूरो रुचको मातुलुङ्गके । (१२७।१)

समीरणो मरुवकः प्रस्थपुष्पः फणिज्जकः ॥ (१२७।२)

जम्बीरो ऽप्यथ पर्णासे कठिञ्जरकुठेरकौ । (१२८।१)

सिते ऽर्जको ऽत्र पाठी तु चित्रको वह्निसंज्ञकः ॥ (१२८।२)

अर्काह्ववसुकास्फोटगणरूपविकीरणाः । (१२९।१)

मन्दारश्चार्कपर्णो ऽत्र शुक्ले ऽलर्कप्रतापसौ ॥ (१२९।२)

शिवमल्ली पाशुपत एकाष्ठीलो बुको वसुः । (१३०।१)

वन्दा वृक्षादनी वृक्षरुहा जीवन्तिकेत्यपि ॥ (१३०।२)

वत्सादनी छिन्नरुहा गुडूची तन्त्रिकामृता । (१३१।१)

जीवन्तिका सोमवल्ली विशल्या मधुपर्ण्यपि ॥ (१३१।२)

मूर्वा देवी मधुरसा मोरटा तेजनी स्रवा । (१३२।१)

मधूलिका मधुश्रेणी गोकर्णी पीलुपर्ण्यपि ॥ (१३२।२)

पाठाम्बष्ठा विद्धकर्णी स्थापनी श्रेयसी रसा । (१३३।१)

एकाष्ठीला पापचेली प्राचीना वनतिक्तिका ॥ (१३३।२)

कटुः कटंभराशोकरोहिणी कटुरोहिणी । (१३४।१)

मत्स्यपित्ता कृष्णभेदी चक्राङ्गी शकुलादनी ॥ (१३४।२)

आत्मगुप्ताजहाव्यण्डा कण्डूरा प्रावृषायणी । (१३५।१)

ऋष्यप्रोक्ता शूकशिम्बिः कपिकच्छुश्च मर्कटी ॥ (१३५।२)

चित्रोपचित्रा न्यग्रोधी द्रवन्ती शम्बरी वृशा । (१३६।१)

प्रत्यक्श्रेणी सुतश्रेणी रण्डा मूषिकपर्ण्यपि ॥ (१३६।२)

अपामार्गः शैखरिको धामार्गवमयूरकौ । (१३७।१)

प्रत्यक्पर्णी केशपर्णी किणिही खरमञ्जरी ॥ (१३७।२)

हञ्जिका ब्राह्मणी पद्मा भार्गी ब्राह्मणयष्टिका । (१३८।१)

अङ्गारवल्ली बालेयशाकबर्बरवर्धकाः ॥ (१३८।२)

मञ्जिष्ठा विकसा जिङ्गी समङ्गा कालमेषिका । (१३९।१)

मण्डूकपर्णी भण्डीरी भण्डी योजनवल्ल्यपि ॥ (१३९।२)

यासो यवासो दुःस्पर्शो धन्वयासः कुनाशकः । (१४०।१)

रोदनी कच्छुरानन्ता समुद्रान्ता दुरालभा ॥ (१४०।२)

पृश्निपर्णी पृथक्पर्णी चित्रपर्ण्यङ्घ्रिवल्लिका । (१४१।१)

क्रोष्टुविन्ना सिंहपुच्छी कलशी धावनी गुहा ॥ (१४१।२)

निदिग्धिका स्पृशी व्याघ्री बृहती कण्टकारिका । (१४२।१)

प्रचोदनी कुली क्षुद्रा दुःस्पर्शा राष्ट्रिकेत्यपि ॥ (१४२।२)

नीली काला क्लीतकिका ग्रामीणा मधुपर्णिका । (१४३।१)

रञ्जनी श्रीफली तुत्था द्रोणी दोला च नीलिनी ॥ (१४३।२)

अवल्गुजः सोमराजी सुवल्लिः सोमवल्लिका । (१४४।१)

कालमेषी कृष्णफली वाकुची पूतिफल्यपि ॥ (१४४।२)

कृष्णोपकुल्या वैदेही मागधी चपला कणा । (१४५।१)

उषणा पिप्पली शौण्डी कोलाथ करिपिप्पली ॥ (१४५।२)

कपिवल्ली कोलवल्ली श्रेयसी वशिरः पुमान् । (१४६।१)

चव्यं तु चविका काकचिञ्चीगुञ्जे तु कृष्णला ॥ (१४६।२)

पलंकषा त्विक्षुगन्धा श्वदंष्ट्रा स्वादुकण्टकः । (१४७।१)

गोकण्टको गोक्षुरको वनशृङ्गाट इत्यपि ॥ (१४७।२)

विश्वा विषा प्रतिविषातिविषोपविषारुणा । (१४८।१)

शृङ्गी महौषधं चाथ क्षीरावी दुग्धिका समे ॥ (१४८।२)

शतमूली बहुसुताभीरूरिन्दीवरी वरी । (१४९।१)

ऋष्यप्रोक्ताभीरुपत्त्रीनारायण्यः शतावरी ॥ (१४९।२)

अहेरुरथ पीतद्रुकालीयकहरिद्रवः । (१५०।१)

दार्वी पचम्पचा दारुहरिद्रा पर्जनीत्यपि ॥ (१५०।२)

वचोग्रगन्धा षड्ग्रन्था गोलोमी शतपर्विका । (१५१।१)

शुक्ला हैमवती वैद्यमातृसिंह्यौ तु वाशिका ॥ (१५१।२)

वृषो ऽटरूषः सिंहास्यो वासको वाजिदन्तकः । (१५२।१)

आस्फोटा गिरिकर्णी स्याद्विष्णुक्रान्तापराजिता ॥ (१५२।२)

इक्षुगन्धा तु काण्डेक्षुकोकिलाक्षेक्षुरक्षुराः । (१५३।१)

अनेथुम् सोwअशालेयः स्याच् छीतशिवश् छत्त्रा मधुरिका मिसिः ॥ (१५३।२)

मिश्रेयाप्यथ सीहुण्डो वज्रः स्नुक्स्त्री स्नुही गुडा । (१५४।१)

समन्तदुग्धाथो वेल्लममोघा चित्रतण्डुला ॥ (१५४।२)

तण्डुलश्च कृमिघ्नश्च विडङ्गं पुंनपुंसकम् । (१५५।१)

बला वाट्यालका घण्टारवा तु शणपुष्पिका ॥ (१५५।२)

मृद्वीका गोस्तनी द्राक्षा स्वाद्वी मधुरसेति च । (१५६।१)

सर्वानुभूतिः सरला त्रिपुटा त्रिवृता त्रिवृत् ॥ (१५६।२)

त्रिभण्डी रोचनी श्यामापालिन्ध्यौ तु सुषेणिका । (१५७।१)

काला मसूरविदलार्धचन्द्रा कालमेषिका ॥ (१५७।२)

मधुकं क्लीतकं यष्टिमधुकं मधुयष्टिका । (१५८।१)

विदारी क्षीरशुक्लेक्षुगन्धा क्रोष्ट्री तु या सिता ॥ (१५८।२)

अन्या क्षीरविदारी स्यान्महाश्वेतर्क्षगन्धिका । (१५९।१)

लाङ्गली शारदी तोयपिप्पली शकुलादनी ॥ (१५९।२)

खराश्वा कारवी दीप्यो मयूरो लोचमस्तकः । (१६०।१)

गोपी श्यामा सारिवा स्याद् अनन्तोत्पलसारिवा ॥ (१६०।२)

योग्यमृद्धिः सिद्धिलक्ष्म्यौ वृद्धेरप्याह्वया इमे । (१६१।१)

कदली वारणबुसा रम्भा मोचांशुमत्फला ॥ (१६१।२)

काष्ठीला मुद्गपर्णी तु काकमुद्गा सहेत्यपि । (१६२।१)

वार्त्ताकी हिङ्गुली सिंही भण्टाकी दुष्प्रधर्षिणी ॥ (१६२।२)

नाकुली सुरसा रास्ना सुगन्धा गन्धनाकुली । (१६३।१)

नकुलेष्टा भुजंगाक्षी छत्त्राकी सुवहा च सा ॥ (१६३।२)

विदारिगन्धांशुमती शालपर्णी स्थिरा ध्रुवा । (१६४।१)

तुण्डिकेरी समुद्रान्ता कार्पासी बदरेति च ॥ (१६४।२)

भारद्वाजी तु सा वन्या शृङ्गी तु ऋषभो वृषः । (१६५।१)

गाङ्गेरुकी नागबला झषा ह्रस्वगवेधुका ॥ (१६५।२)

धामार्गवो घोषकः स्यान्महाजाली स पीतकः । (१६६।१)

ज्योत्स्नी पटोलिका जाली नादेयी भूमिजम्बुका ॥ (१६६।२)

स्याल् लाङ्गलिक्य् अग्निशिखा काकाङ्गी काकनासिका । (१६७।१)

गोधापदी तु सुवहा मुसली तालमूलिका ॥ (१६७।२)

अजशृङ्गी विषाणी स्याद्गोजिह्वादार्विके समे । (१६८।१)

ताम्बूलवल्ली ताम्बूली नागवल्ल्यप्यथ द्विजा ॥ (१६८।२)

हरेणू रेणुका कौन्ती कपिला भस्मगन्धिनी । (१६९।१)

एलावालुकम् ऐलेयं सुगन्धि हरिवालुकम् ॥ (१६९।२)

वालुकं चाथ पालङ्क्यां मुकुन्दः कुन्दकुन्दुरू । (१७०।१)

बालं ह्रीवेरबर्हिष्ठोदीच्यं केशाम्बुनाम च ॥ (१७०।२)

कालानुसार्यवृद्धाश्मपुष्पशीतशिवानि तु । (१७१।१)

शैलेयं तालपर्णी तु दैत्या गन्धकुटी मुरा ॥ (१७१।२)

गन्धिनी गजभक्ष्या तु सुवहा सुरभी रसा । (१७२।१)

महेरणा कुन्दुरुकी सल्लकी ह्लादिनीति च ॥ (१७२।२)

अग्निज्वालासुभिक्षे तु धातकी धातुपुष्पिका । (१७३।१)

पृथ्वीका चन्द्रबालैला निष्कुटिर् बहुलाथ सा ॥ (१७३।२)

सूक्ष्मोपकुञ्चिका तुत्था कोरङ्गी त्रिपुटा त्रुटिः । (१७४।१)

व्याधिः कुष्ठं पारिभाव्यं वाप्यं पाकलमुत्पलम् ॥ (१७४।२)

शङ्खिनी चोरपुष्पी स्यात्केशिन्यथ वितुन्नकः । (१७५।१)

झटामलाज्झटा ताली शिवा तामलकीति च ॥ (१७५।२)

प्रपौण्डरीकं पौण्डर्यमथ तुन्नः कुबेरकः । (१७६।१)

कुणिः कच्छः कान्तलको नन्दिवृक्षो ऽथ राक्षसी ॥ (१७६।२)

चण्डा धनहरी क्षेमदुष्पत्त्रगणहासकाः । (१७७।१)

व्याडायुधं व्याघ्रनखं करजं चक्रकारकम् ॥ (१७७।२)

सुषिरा विद्रुमलता कपोताङ्घ्रिर्नटी नली । (१७८।१)

धमन्यञ्जनकेशी च हनुर्हट्टविलासिनी ॥ (१७८।२)

शुक्तिः शङ्खः खुरः कोलदलं नखमथाढकी । (१७९।१)

सौराष्ट्राकाक्षी मृत्स्ना तुबरिका मृत्तालकसुराष्ट्रजे ॥ (१७९।२)

कुटन्नटं दाशपुरं वानेयं परिपेलवम् । (१८०।१)

प्लवगोपुरगोनर्दकैवर्तीमुस्तकानि च ॥ (१८०।२)

ग्रन्थिपर्णं शुकं बर्हं पुष्पं स्थौणेयकुक्कुरे । (१८१।१)

मरुन्माला तु पिशुना स्पृक्का देवी लता लघुः ॥ (१८१।२)

समुद्रान्ता वधूः कोटिवर्षा लङ्कोपिकेत्यपि । (१८२।१)

तपस्विनी जटामांसी जटिला लोमशामिषी ॥ (१८२।२)

त्वक्पत्त्रम् उत्कटं भृङ्गं त्वचं चोचं वराङ्गकम् । (१८३।१)

कर्चूरको द्राविडकः काल्पको वेधमुख्यकः ॥ (१८३।२)

ओषध्यो जातिमात्रे स्युर् अजातौ सर्वमौषधम् । (१८४।१)

शाकाख्यं पत्त्रपुष्पादि तण्डुलीयो ऽल्पमारिषः ॥ (१८४।२)

विशल्याग्निशिखानन्ता फलिनी शक्रपुष्पिका । (१८५।१)

स्याद् ऋक्षगन्धा छगलान्त्र्यावेगी वृद्धदारकः ॥ (१८५।२)

जुङ्गो ब्राह्मी तु मत्स्याक्षी वयःस्था सोमवल्लरी । (१८६।१)

पटुपर्णी हैमवती स्वर्णक्षीरी हिमावती ॥ (१८६।२)

हयपुच्छी तु काम्बोजी माषपर्णी महासहा । (१८७।१)

तुण्डिकेरी रक्तफला बिम्बिका पीलुपर्ण्यपि ॥ (१८७।२)

बर्बरा कवरी तुङ्गी खरपुष्पाजगन्धिका । (१८८।१)

एलापर्णी तु सुवहा रास्ना युक्तरसा च सा ॥ (१८८।२)

चाङ्गेरी चुक्रिका दन्तशठाम्बष्ठाम्ललोणिका । (१८९।१)

सहस्रवेधी चुक्रो ऽम्लवेतसः शतवेध्यपि ॥ (१८९।२)

नमस्कारी गण्डकारी समङ्गा खदिरेत्यपि । (१९०।१)

जीवन्ती जीवनी जीवा जीवनीया मधुस्रवा ॥ (१९०।२)

कूर्चशीर्षो मधुरकः शृङ्गह्रस्वाङ्गजीवकाः । (१९१।१)

किराततिक्तो भूनिम्बो ऽनार्यतिक्तो ऽथ सप्तला ॥ (१९१।२)

विमला सातला भूरिफेना चर्मकषेत्यपि । (१९२।१)

वायसोली स्वादुरसा वयःस्थाथ मकूलकः ॥ (१९२।२)

निकुम्भो दन्तिका प्रत्यक्श्रेण्युदुम्बरपर्ण्यपि । (१९३।१)

अजमोदा तूग्रगन्धा ब्रह्मदर्भा यवानिका ॥ (१९३।२)

मूले पुष्करकाश्मीरपद्मपत्त्राणि पौष्करे । (१९४।१)

अव्यथातिचरा पद्मा चारटी पद्मचारिणी ॥ (१९४।२)

काम्पिल्यः कर्कशश्चन्द्रो रक्ताङ्गो रोचनीत्यपि । (१९५।१)

प्रपुन्नाडस् त्व् एडगजो दद्रुघ्नश् चक्रमर्दकः ॥ (१९५।२)

पद्माट उरणाख्यश्च पलाण्डुस्तु सुकन्दकः । (१९६।१)

लतार्कदुर्द्रुमौ तत्र हरिते ऽथ महौषधम् ॥ (१९६।२)

लशुनं गृञ्जनारिष्टमहाकन्दरसोनकाः । (१९७।१)

पुनर्नवा तु शोथघ्नी वितुन्नं सुनिषण्णकम् ॥ (१९७।२)

स्याद् वातकः शीतलो ऽपराजिता शणपर्ण्यपि । (१९८।१)

पारावताङ्घ्रिः कटभी पण्या ज्योतिष्मती लता ॥ (१९८।२)

वार्षिकं त्रायमाणा स्यात्त्रायन्ती बलभद्रिका । (१९९।१)

विष्वक्सेनप्रिया गृष्टिर्वाराही बदरेत्यपि ॥ (१९९।२)

मार्कवो भृङ्गराजः स्यात्काकमाची तु वायसी । (२००।१)

शतपुष्पा सितच्छत्त्रातिच्छत्रा मधुरा मिसिः ॥ (२००।२)

अवाक्पुष्पी कारवी च सरणा तु प्रसारिणी । (२०१।१)

तस्यां कटंभरा राजबला भद्रबलेत्यपि ॥ (२०१।२)

जनी जतूका रजनी जतुकृच्चक्रवर्तिनी । (२०२।१)

संस्पर्शाथ शटी गन्धमूली षड्ग्रन्थिकेत्यपि ॥ (२०२।२)

कर्चूरो ऽपि पलाशो ऽथ कारवेल्लः कठिल्लकः । (२०३।१)

सुषवी चाथ कुलकं पटोलस् तिक्तकः पटुः ॥ (२०३।२)

कूष्माण्डकस्तु कर्कारुरुर्वारुः कर्कटी स्त्रियौ । (२०४।१)

इक्ष्वाकुः कटुतुम्बी स्यात्तुम्ब्यलाबूरुभे समे ॥ (२०४।२)

चित्रा गवाक्षी गोडुम्बा विशाला त्व् इन्द्रवारुणी । (२०५।१)

अर्शोघ्नः शूरणः कन्दो गण्डीरस्तु समष्ठिला ॥ (२०५।२)

कलम्ब्युपोदिका स्त्री तु मूलकं हिलमोचिका । (२०६।१)

वास्तुकं शाकभेदाः स्युर् दूर्वा तु शतपर्विका ॥ (२०६।२)

सहस्रवीर्याभार्गव्यौ रुहानन्ताथ सा सिता । (२०७।१)

गोलोमी शतवीर्या च गण्डाली शकुलाक्षका ॥ (२०७।२)

कुरुविन्दो मेघनामा मुस्ता मुस्तकमस्त्रियाम् । (२०८।१)

स्याद्भद्रमुस्तको गुन्द्रा चूडाला चक्रलोच्चटा ॥ (२०८।२)

वंशे त्वक्सारकर्मारत्वचि सारतृणध्वजाः । (२०९।१)

शतपर्वा यवफलो वेणुमस्करतेजनाः ॥ (२०९।२)

वेणवः कीचकास्ते स्युर् ये स्वनन्त्यनिलोद्धताः । (२१०।१)

ग्रन्थिर्ना पर्वपरुषी गुन्द्रस्तेजनकः शरः ॥ (२१०।२)

नडस्तु धमनः पोटगलो ऽथो काशमस्त्रियाम् । (२११।१)

इक्षुगन्धा पोटगलः पुंसि भूम्नि तु बल्वजाः ॥ (२११।२)

रसाल इक्षुस्तद्भेदाः पुण्ड्रकान्तारकादयः । (२१२।१)

स्याद्वीरणं वीरतरं मूले ऽस्योशीरमस्त्रियाम् ॥ (२१२।२)

अभयं नलदं सेव्यममृणालं जलाशयम् । (२१३।१)

लामज्जकं लघुलयमवदाहेष्टकापथे ॥ (२१३।२)

नडादयस्तृणं गर्मुच्छ्यामाकप्रमुखा अपि । (२१४।१)

अस्त्री कुशं कुथो दर्भः पवित्रमथ कत्तृणम् ॥ (२१४।२)

पौरसौगन्धिकध्यामदेवजग्धकरौहिषम् । (२१५।१)

छत्त्रातिच्छत्त्रपालघ्नौ मालातृणकभूस्तृणे ॥ (२१५।२)

शष्पं बालतृणम् घासो यवसं तृणमर्जुनम् । (२१६।१)

तृणानां संहतिस्तृण्या नड्या तु नडसंहतिः ॥ (२१६।२)

तृणराजाह्वयस्तालो नालिकेरस्तु लाङ्गली । (२१७।१)

घोण्टा तु पूगः क्रमुको गुवाकः खपुरो ऽस्य तु ॥ (२१७।२)

फलमुद्वेगमेते च हिन्तालसहितास्त्रयः । (२१८।१)

खर्जूरः केतकी ताली खर्जूरी च तृणद्रुमाः ॥ (२१८।२)

सिंहादिवर्गसिंहो मृगेन्द्रः पञ्चास्यो हर्यक्षः केसरी हरिः । (२१९।१)

कण्ठीरवो मृगारिपुर् मृगदृष्टिर् मृगाशनः ॥ (२१९।२)

पुण्डरीकः पञ्चनखचित्रकायमृगद्विषः । (२२०।१)

शार्दूलद्वीपिनौ व्याघ्रे तरक्षुस्तु मृगादनः ॥ (२२०।२)

वराहः सूकरो घृष्टिः कोलः पोत्री किरिः किटिः । (२२१।१)

दंष्ट्री घोणी स्तब्धरोमा क्रोडो भूदार इत्यपि ॥ (२२१।२)

कपिप्लवंगप्लवगशाखामृगवलीमुखाः । (२२२।१)

मर्कटो वानरः कीशो वनौका अथ भल्लुके ॥ (२२२।२)

ऋक्षाच्छभल्लभल्लूका गण्डके खड्गखड्गिनौ । (२२३।१)

लुलायो महिषो वाहद्विषत्कासरसैरिभाः ॥ (२२३।२)

स्त्रियां शिवा भूरिमायगोमायुमृगधूर्तकाः । (२२४।१)

शृगालवञ्चकक्रोष्टुफेरुफेरवजम्बुकाः ॥ (२२४।२)

ओतुर्बिडालो मार्जारो वृषदंशक आखुभुक् । (२२५।१)

त्रयो गौधेरगौधारगौधेया गोधिकात्मजे ॥ (२२५।२)

श्वावित्तु शल्यस्तल्लोम्नि शलली शललं शलम् । (२२६।१)

वातप्रमीर् वातमृगः कोकस्त्वीहामृगो वृकः ॥ (२२६।२)

मृगे कुरङ्गवातायुहरिणाजिनयोनयः । (२२७।१)

ऐणेयम् एण्याश्चर्माद्यम् एणस्यैणम् उभे त्रिषु ॥ (२२७।२)

कदली कन्दली चीनश्चमूरुप्रियकावपि । (२२८।१)

समूरुश्चेति हरिणा अमी अजिनयोनयः ॥ (२२८।२)

कृष्णसाररुरुन्यङ्कुरङ्कुशम्बररौहिषाः । (२२९।१)

गोकर्णपृषतैणर्श्यरोहिताश्चमरो मृगाः ॥ (२२९।२)

गन्धर्वः शरभो रामः सृमरो गवयः शशः । (२३०।१)

इत्यादयो मृगेन्द्राद्या गवाद्याः पशुजातयः ॥ (२३०।२)

अधोगन्ता तु खनको वृकः पुन्ध्वज उन्दुरः । (२३१।१)

उन्दुरुर्मूषको ऽप्याखुर्गिरिका बालमूषिका ॥ (२३१।२)

चुचुन्दरी गन्धमूषी दीर्घदेही तु मूषिका । (२३२।१)

सरटः कृकलासः स्यान्मुसली गृहगोधिका ॥ (२३२।२)

लूता स्त्री तन्तुवायोर्णनाभमर्कटकाः समाः । (२३३।१)

नीलङ्गुस्तु कृमिः कर्णजलौकाः शतपद्युभे ॥ (२३३।२)

वृश्चिकः शूककीटः स्यादलिद्रुणौ तु वृश्चिके । (२३४।१)

पारावतः कलरवः कपोतो ऽथ शशादनः ॥ (२३४।२)

पत्री श्येन उलूकस्तु वायसारातिपेचकौ । (२३५।१)

दिवान्धः कौशिको घूको दिवाभीतो निशाटनः ॥ (२३५।२)

व्याघ्राटः स्याद्भरद्वाजः खञ्जरीटस्तु खञ्जनः । (२३६।१)

लोहपृष्ठस्तु कङ्कः स्यादथ चाषः किकीदिविः ॥ (२३६।२)

कलिङ्गभृङ्गधूम्याटा अथ स्याच्छतपत्रकः । (२३७।१)

दार्वाघाटो ऽथ सारङ्गः स्तोककश्चातकः समाः ॥ (२३७।२)

चोच्क्कृकवाकुस्ताम्रचूडः कुक्कुटश्चरणायुधः । (२३८।१)

चटकः कलविङ्कः स्यात्तस्य स्त्री चटका तयोः ॥ (२३८।२)

पुमपत्ये चाटकैरः स्त्र्यपत्ये चटकैव सा । (२३९।१)

कर्करेटुः करेटुः स्यात्कृकणक्रकरौ समौ ॥ (२३९।२)

चुच्कोओवनप्रियः परभृतः कोकिलः पिक इत्यपि । (२४०।१)

च्रोwकाके तु करटारिष्टबलिपुष्टसकृत्प्रजाः ॥ (२४०।२)

ध्वाङ्क्षात्मघोषपरभृद्बलिभुग्वायसा अपि । (२४१।१)

स एव च चिरञ्जीवी चैकदृष्टिश्च मौकुलिः ॥ (२४१।२)

रवेन्द्रोणकाकस्तु काकोलो दात्यूहः कालकण्ठकः । (२४२।१)

आतापिचिल्लौ दाक्षाय्यगृध्रौ कीरशुकौ समौ ॥ (२४२।२)

क्रुड् क्रौञ्चो ऽथ बकः कह्वः पुष्कराह्वस्तु सारसः । (२४३।१)

कोकश्चक्रश्चक्रवाको रथाङ्गाह्वयनामकः ॥ (२४३।२)

कादम्बः कलहंसः स्यादुत्क्रोशकुररौ समौ । (२४४।१)

हंसास्तु श्वेतगरुतश्चक्राङ्गा मानसौकसः ॥ (२४४।२)

राजहंसास्तु ते चञ्चुचरणैर्लोहितैः सिताः । (२४५।१)

मलिनैर्मल्लिकाक्षास्ते धार्तराष्ट्राः सितेतरैः ॥ (२४५।२)

शरारिराटिराडिश्च बलाका बिसकण्ठिका । (२४६।१)

हंसस्य योषिद्वरटा सारसस्य तु लक्ष्मणा ॥ (२४६।२)

जतुकाजिनपत्रा स्यात्परोष्णी तैलपायिका । (२४७।१)

वर्वणा मक्षिका नीला सरघा मधुमक्षिका ॥ (२४७।२)

पतङ्गिका पुत्तिका स्याद्दंशस्तु वनमक्षिका । (२४८।१)

दंशी तज्जातिरल्पा स्याद्गन्धोली वरटा द्वयोः ॥ (२४८।२)

भृङ्गारी झीरुका चीरी झिल्लिका च समा इमाः । (२४९।१)

समौ पतङ्गशलभौ खद्योतो ज्योतिरिङ्गणः ॥ (२४९।२)

बेएमधुव्रतो मधुकरो मधुलिण्मधुपालिनः । (२५०।१)

द्विरेफपुष्पलिड्भृङ्गषट्पदभ्रमरालयः ॥ (२५०।२)

पेअचोच्क्मयूरो बर्हिणो बर्ही नीलकण्ठो भुजंगभुक् । (२५१।१)

शिखावलः शिखी केकी मेघनादानुलास्यपि ॥ (२५१।२)

केका वाणी मयूरस्य समौ चन्द्रकमेचकौ । (२५२।१)

शिखा चूडा शिखण्डस् तु पिच्छबर्हे नपुंसके ॥ (२५२।२)

बिर्द्खगे विहङ्गविहगविहङ्गमविहायसः । (२५३।१)

शकुन्तिपक्षिशकुनिशकुन्तशकुनद्विजाः ॥ (२५३।२)

पतत्रिपत्रिपतगपतत्पत्ररथाण्डजाः । (२५४।१)

नगौकोवाजिविकिरविविष्किरपतत्रयः ॥ (२५४।२)

नीडोद्भवाः गरुत्मन्तः पित्सन्तो नभसंगमाः । (२५५।१)

तेषां विशेषा हारीतो मद्गुः कारण्डवः प्लवः ॥ (२५५।२)

तित्तिरिः कुक्कुभो लावो जीवञ्जीवश्च कोरकः । (२५६।१)

कोयष्टिकष् टिट्टिभको वर्तको वर्तिकादयः ॥ (२५६।२)

गरुत्पक्षच्छदाः पत्रं पतत्रं च तनूरुहम् । (२५७।१)

स्त्री पक्षतिः पक्षमूलं चञ्चुस्त्रोटिरुभे स्त्रियौ ॥ (२५७।२)

प्रडीनोड्डीनसंडीनान्येताः खगगतिक्रियाः । (२५८।१)

पेशी कोशो द्विहीने ऽण्डं कुलायो नीडमस्त्रियाम् ॥ (२५८।२)

पोतः पाको ऽर्भको डिम्भः पृथुकः शावकः शिशुः । (२५९।१)

स्त्रीपुंसौ मिथुनं द्वन्द्वं युग्मं तु युगलं युगम् ॥ (२५९।२)

समूहे निवहव्यूहसन्दोहविसरव्रजाः । (२६०।१)

स्तोमौघनिकरत्रातवारसंघातसंचयाः ॥ (२६०।२)

समुदायः समुदयः समवायश्च यो गणः । (२६१।१)

स्त्रियां तु संहतिर्वृन्दं निकुरम्बं कदम्बकम् ॥ (२६१।२)

वृन्दभेदाः समैर्वर्गः संघसार्थौ तु जन्तुभिः । (२६२।१)

सजातीयैः कुलं यूथं तिरश्चां पुंनपुंसकम् ॥ (२६२।२)

पशूनां समजो ऽन्येषां समाजो ऽथ सधर्मिणाम् । (२६३।१)

स्यान्निकायः पुञ्जराशी तूत्करः कूटमस्त्रियाम् ॥ (२६३।२)

कापोतशौकमायूरतैत्तिरादीनि तद्गणे । (२६४।१)

गृहासक्ताः पक्षिमृगाश्छेकास्ते गृह्यकाश्च ते ॥ (२६४।२)

मन्मनुष्या मानुषा मर्त्या मनुजा मानवा नराः । (२६५।१)

स्युः पुमांसः पञ्चजनाः पुरुषाः पूरुषा नरः ॥ (२६५।२)

wओमन्स्त्री योषिदबला योषा नारी सीमन्तिनी वधूः । (२६६।१)

प्रतीपदर्शिनी वामा वनिता महिला तथा ॥ (२६६।२)

विशेषास्त्वङ्गना भीरुः कामिनी वामलोचना । (२६७।१)

प्रमदा मानिनी कान्ता ललना च नितम्बिनी ॥ (२६७।२)

सुन्दरी रमणी रामा कोपना सैव भामिनी । (२६८।१)

वरारोहा मत्तकाशिन्युत्तमा वरवर्णिनी ॥ (२६८।२)

कृताभिषेका महिषी भोगिन्यो ऽन्या नृपस्त्रियः । (२६९।१)

पत्नी पाणिगृहीती च द्वितीया सहधर्मिणी ॥ (२६९।२)

भार्या जायाथ पुंभूम्नि दाराः स्यात्तु कुटुम्बिनी । (२७०।१)

पुरंध्री सुचरित्रा तु सती साध्वी पतिव्रता ॥ (२७०।२)

कृतसापत्निकाध्यूढाधिविन्नाथ स्वयंवरा । (२७१।१)

पतिंवरा च वर्याथ कुलस्त्री कुलपालिका ॥ (२७१।२)

कन्या कुमारी गौरी तु नग्निकानागतार्तवा । (२७२।१)

स्यान्मध्यमा दृष्टरजास्तरुणी युवतिः समे ॥ (२७२।२)

समाः स्नुषाजनीवध्वश्चिरिण्टी तु सुवासिनी । (२७३।१)

इच्छावती कामुका स्याद् वृषस्यन्ती तु कामुकी ॥ (२७३।२)

कान्तार्थिनी तु या याति संकेतं साभिसारिका । (२७४।१)

पुंश्चली धर्षिणी बन्धक्यसती कुलटेत्वरी ॥ (२७४।२)

स्वैरिणी पांसुला च स्यादशिश्वी शिशुना विना । (२७५।१)

अवीरा निष्पतिसुता विश्वस्ताविधवे समे ॥ (२७५।२)

आलिः सखी वयस्याथ पतिवत्नी सभर्तृका । (२७६।१)

वृद्धा पलिक्नी प्राज्ञी तु प्रज्ञा प्राज्ञा तु धीमती ॥ (२७६।२)

शूद्री शूद्रस्य भार्या स्याच्छूद्रा तज्जातिरेव च । (२७७।१)

आभीरी तु महाशूद्री जातिपुंयोगयोः समा ॥ (२७७।२)

अर्याणी स्वयमर्या स्यात्क्षत्रिया क्षत्रियाण्यपि । (२७८।१)

उपाध्यायाप्युपाध्यायी स्यादाचार्यापि च स्वतः ॥ (२७८।२)

आचार्यानी तु पुंयोगे स्यादर्यी क्षत्रियी तथा । (२७९।१)

उपाध्यायान्युपाध्यायी पोटा स्त्रीपुंसलक्षणा ॥ (२७९।२)

वीरपत्नी वीरभार्या वीरमाता तु वीरसूः । (२८०।१)

जातापत्या प्रजाता च प्रसूता च प्रसूतिका ॥ (२८०।२)

स्त्री नग्निका कोटवी स्याद्दूतीसंचारिके समे । (२८१।१)

कात्यायन्यर्धवृद्धा या काषायवसनाधवा ॥ (२८१।२)

सैरन्ध्री परवेश्मस्था स्ववशा शिल्पकारिका । (२८२।१)

असिक्नी स्यादवृद्धा या प्रेष्यान्तःपुरचारिणी ॥ (२८२।२)

प्रोस्तितुतेवारस्त्री गणिका वेश्या रूपाजीवाथ सा जनैः । (२८३।१)

सत्कृता वारमुख्या स्यात्कुट्टनी शम्भली समे ॥ (२८३।२)

विप्रश्निका त्वीक्षणिका दैवज्ञाथ रजस्वला । (२८४।१)

स्त्रीधर्मिण्यविरात्रेयी मलिनी पुष्पवत्यपि ॥ (२८४।२)

ऋतुमत्यप्युदक्यापि स्याद्रजः पुष्पमार्तवम् । (२८५।१)

श्रद्धालुर्दोहदवती निष्कला विगतार्तवा ॥ (२८५।२)

आपन्नसत्त्वा स्याद्गुर्विण्यन्तर्वत्नी च गर्भिणी । (२८६।१)

गणिकादेस्तु गाणिक्यं गार्भिणं यौवतं गणे ॥ (२८६।२)

पुनर्भूर्दिधिषू रूढा द्विस्तस्या दिधिषुः पतिः । (२८७।१)

स तु द्विजो ऽग्रेदिधिषूः सैव यस्य कुटुम्बिनी ॥ (२८७।२)

कानीनः कन्यकाजातः सुतो ऽथ सुभगासुतः । (२८८।१)

सौभागिनेयः स्यात्पारस्त्रैणेयस्तु परस्त्रियाः ॥ (२८८।२)

पैतृष्वसेयः स्यात्पैतृष्वस्रीयश्च पितृष्वसुः । (२८९।१)

सुतो मातृष्वसुश् चैवं वैमात्रेयो विमातृजः ॥ (२८९।२)

अथ बान्धकिनेयः स्याद्बन्धुलश्चासतीसुतः । (२९०।१)

कौलटेरः कौलतेयो भिक्षुकी तु सती यदि ॥ (२९०।२)

तदा कौलटिनेयो ऽस्याः कौलतेयो ऽपि चात्मजः । (२९१।१)

आत्मजस्तनयः सूनुः सुतः पुत्रः स्त्रियां त्वमी ॥ (२९१।२)

आहुर्दुहितरं सर्वे ऽपत्यं तोकं तयोः समे । (२९२।१)

स्वजाते त्वौरसोरस्यौ तातस्तु जनकः पिता ॥ (२९२।२)

जनयित्री प्रसूर्माता जननी भगिनी स्वसा । (२९३।१)

ननान्दा तु स्वसा पत्युर् नप्त्री पौत्री सुतात्मजा ॥ (२९३।२)

भार्यास्तु भ्रातृवर्गस्य यातरः स्युः परस्परम् । (२९४।१)

प्रजावती भ्रातृजाया मातुलानी तु मातुली ॥ (२९४।२)

पतिपत्न्योः प्रसूः श्वश्रूः श्वशुरस्तु पिता तयोः । (२९५।१)

पितुर्भ्राता पितृव्यः स्यान्मातुर्भ्राता तु मातुलः ॥ (२९५।२)

श्यालाः स्युर्भ्रातरः पत्न्याः स्वामिनो देवृदेवरौ । (२९६।१)

स्वस्रीयो भागिनेयः स्याज्जामाता दुहितुः पतिः ॥ (२९६।२)

पितामहः पितृपिता तत्पिता प्रपितामहः । (२९७।१)

मातुर्मातामहाद्येवं सपिण्डास्तु सनाभयः ॥ (२९७।२)

समानोदर्यसोदर्यसगर्भ्यसहजाः समाः । (२९८।१)

सगोत्रबान्धवज्ञातिबन्धुस्वस्वजनाः समाः ॥ (२९८।२)

ज्ञातेयं बन्धुता तेषां क्रमाद्भावसमूहयोः । (२९९।१)

धवः प्रियः पतिर्भर्ता जारस्तूपपतिः समौ ॥ (२९९।२)

अमृते जारजः कुण्डो मृते भर्तरि गोलकः । (३००।१)

भ्रात्रीयो भ्रातृजो भ्रातृभगिन्यौ भ्रातरावुभौ ॥ (३००।२)

मातापितरौ पितरौ मातरपितरौ प्रसूजनयितारौ । (३०१।१)

श्वश्रूश्वशुरौ श्वशुरौ पुत्रौ पुत्रश्च दुहिता च ॥ (३०१।२)

दंपती जंपती जायापती भार्यापती च तौ । (३०२।१)

गर्भाशयो जरायुः स्यादुल्बं च कललो ऽस्त्रियाम् ॥ (३०२।२)

सूतिमासो वैजननो गर्भो भ्रूण इमौ समौ । (३०३।१)

तृतीयाप्रकृतिः शण्ढः क्लीबः पण्डो नपुंसके ॥ (३०३।२)

शिशुत्वं शैशवं बाल्यं तारुण्यं यौवनं समे । (३०४।१)

स्यात्स्थाविरं तु वृद्धत्वं वृद्धसंघे ऽपि वार्धकम् ॥ (३०४।२)

पलितं जरसा शौक्ल्यं केशादौ विस्रसा जरा । (३०५।१)

स्यादुत्तानशया डिम्भा स्तनपा च स्तनन्धयी ॥ (३०५।२)

बालस्तु स्यान्माणवको वयस्थस्तरुणो युवा । (३०६।१)

प्रवयाः स्थविरो वृद्धो जीनो जीर्णो जरन्नपि ॥ (३०६।२)

वर्षीयान्दशमी ज्यायान्पूर्वजस्त्वग्रियो ऽग्रजः । (३०७।१)

जघन्यजे स्युः कनिष्ठयवीयोऽवरजानुजाः ॥ (३०७।२)

अमांसो दुर्बलश् छातो बलवान्मांसलोऽंसलः । (३०८।१)

तुन्दिलस्तुन्दिभस्तुन्दी बृहत्कुक्षिः पिचण्डिलः ॥ (३०८।२)

अवटीटो ऽवनाटश्चावभ्रटो नतनासिके । (३०९।१)

केशवः केशिकः केशी वलिनो वलिभः समौ ॥ (३०९।२)

विकलाङ्गस्त्वपोगण्डः खर्वो ह्रस्वश्च वामनः । (३१०।१)

खरणाः स्यात्खरणसो विग्रस्तु गतनासिकः ॥ (३१०।२)

खुरणाः स्यात्खुरणसः प्रज्ञुः प्रगतजानुकः । (३११।१)

ऊर्ध्वज्ञुरूर्ध्वजानुः स्यात्संज्ञुः संहतजानुकः ॥ (३११।२)

स्यादेडे बधिरः कुब्जे गडुलः कुकरे कुणिः । (३१२।१)

पृश्निरल्पतनौ श्रोणः पङ्गौ मुण्डस्तु मुण्डिते ॥ (३१२।२)

वलिरः केकरे खोडे खञ्जस्त्रिषु जरावराः । (३१३।१)

जडुलः कालकः पिप्लुस्तिलकस्तिलकालकः ॥ (३१३।२)

हेअल्थनामयं स्यादारोग्यं चिकित्सा रुक्प्रतिक्रिया । (३१४।१)

भेषजौषधभैषज्यान्यगदो जायुरित्यपि ॥ (३१४।२)

स्त्री रुग्रुजा चोपतापरोगव्याधिगदामयाः । (३१५।१)

क्षयः शोषश्च यक्ष्मा च प्रतिश्यायस्तु पीनसः ॥ (३१५।२)

स्त्री क्षुत्क्षुतं क्षवः पुंसि कासस्तु क्षवथुः पुमान् । (३१६।१)

शोफस्तु श्वयथुः शोथः पादस्फोटो विपादिका ॥ (३१६।२)

किलाससिध्मे कच्छ्वां तु पाम पामा विचर्चिका । (३१७।१)

कण्डूः खर्जूश्च कण्डूया विस्फोटः पिटकः स्त्रियाम् ॥ (३१७।२)

व्रणो ऽस्त्रियामीर्ममरुः क्लीबे नाडीव्रणः पुमान् । (३१८।१)

कोठो मण्डलकं कुष्ठश्वित्रे दुर्नामकार्शसी ॥ (३१८।२)

आनाहस्तु निबन्धः स्याद्ग्रहणीरुक्प्रवाहिका । (३१९।१)

प्रच्छर्दिका वमिश्च स्त्री पुमांस्तु वमथुः समाः ॥ (३१९।२)

व्याधिभेदा विद्रधिः स्त्री ज्वरमेहभगन्दराः । (३२०।१)

श्लीपदं पादवल्मीकं केशघ्नस्त्विन्द्रलुप्तकः ॥ (३२०।२)

अश्मरी मूत्रकृच्छ्रम् स्यात्पूर्वे शुक्रावधेस्त्रिषु । (३२१।१)

रोगहार्यगदंकारो भिषग्वैद्यौ चिकित्सके ॥ (३२१।२)

वार्तो निरामयः कल्य उल्लाघो निर्गतो गदात् । (३२२।१)

ग्लानग्लास्नू आमयावी विकृतो व्याधितो ऽपटुः ॥ (३२२।२)

आतुरो ऽभ्यमितो ऽभ्यान्तः समौ पामनकच्छुरौ । (३२३।१)

दद्रुणो दद्रुरोगी स्याद् अर्शोरोगयुतो ऽर्शसः ॥ (३२३।२)

वातकी वातरोगी स्यात्सातिसारो ऽतिसारकी । (३२४।१)

स्युः क्लिन्नाक्षे चुल्लचिल्लपिल्लाः क्लिन्ने ऽक्ष्णि चाप्यमी ॥ (३२४।२)

उन्मत्त उन्मादवति श्लेष्मलः श्लेष्मणः कफी । (३२५।१)

न्युब्जो भुग्ने रुजा वृद्धनाभौ तुन्दिलतुन्दिभौ ॥ (३२५।२)

विलासी सिध्मलो ऽन्धो ऽदृङ्मूर्च्छाले मूर्तमूर्छितौ । (३२६।१)

शुक्रं तेजोरेतसी च बीजवीर्येन्द्रियाणि च ॥ (३२६।२)

मायुः पित्तं कफः श्लेष्मा स्त्रियां तु त्वगसृग्धरा । (३२७।१)

पिशितं तरसं मांसं पललं क्रव्यमामिषम् ॥ (३२७।२)

उत्तप्तं शुष्कमांसं स्यात्तद्वल्लूरं त्रिलिङ्गकम् । (३२८।१)

बोद्य् पर्त्स्रुधिरे ऽसृग्लोहितास्ररक्तक्षतजशोणितम् ॥ (३२८।२)

बुक्काग्रमांसं हृदयं हृन्मेदस्तु वपा वसा । (३२९।१)

पश्चाद्ग्रीवाशिरा मन्या नाडी तु धमनिः शिरा ॥ (३२९।२)

तिलकं क्लोम मस्तिष्कं गोर्दं किट्टं मलो ऽस्त्रियाम् । (३३०।१)

अन्त्रं पुरीतद्गुल्मस्तु प्लीहा पुंस्यथ वस्नसा ॥ (३३०।२)

स्नायुः स्त्रियां कालखण्डयकृती तु समे इमे । (३३१।१)

सृणिका स्यन्दनी लाला दूषिका नेत्रयोर्मलम् ॥ (३३१।२)

नासामलं तु सिंघाणं पिञ्जूषं कर्णयोर्मलम् । (३३२।१)

मूत्रं प्रस्राव उच्चारावस्करौ शमलं शकृत् ॥ (३३२।२)

पुरीषं गूथवर्चस्कमस्त्री विष्ठाविशौ स्त्रियौ । (३३३।१)

स्यात्कर्परः कपालो ऽस्त्री कीकसं कुल्यमस्थि च ॥ (३३३।२)

स्याच्छरीरास्थ्नि कंकालः पृष्ठास्थ्नि तु कशेरुका । (३३४।१)

शिरोऽस्थनि करोटिः स्त्री पार्श्वास्थनि तु पर्शुका ॥ (३३४।२)

अङ्गं प्रतीको ऽवयवो ऽपघनो ऽथ कलेवरम् । (३३५।१)

गात्रं वपुः संहननं शरीरं वर्ष्म विग्रहः ॥ (३३५।२)

कायो देहः क्लीबपुंसोः स्त्रियां मूर्तिस्तनुस्तनूः । (३३६।१)

पादाग्रं प्रपदं पादः पदङ्घ्रिश्चरणो ऽस्त्रियाम् ॥ (३३६।२)

तद्ग्रन्थी घुटिके गुल्फौ पुमान्पार्ष्णिस्तयोरधः । (३३७।१)

जङ्घा तु प्रसृता जानूरुपर्वाष्ठीवदस्त्रियाम् ॥ (३३७।२)

सक्थि क्लीबे पुमानूरुस्तत्सन्धिः पुंसि वङ्क्षणः । (३३८।१)

गुदं त्वपानं पायुर्ना बस्तिर्नाभेरधो द्वयोः ॥ (३३८।२)

कटो ना श्रोणिफलकं कटिः श्रोणिः ककुद्मती । (३३९।१)

पश्चान्नितम्बः स्त्रीकट्याः क्लीबे तु जघनं पुरः ॥ (३३९।२)

कूपकौ तु नितम्बस्थौ द्वयहीने ककुन्दरे । (३४०।१)

स्त्रियाम् स्फिचौ कटिप्रोथावुपस्थो वक्ष्यमाणयोः ॥ (३४०।२)

भगं योनिर्द्वयोः शिश्नो मेढ्रो मेहनशेफसी । (३४१।१)

मुष्को ऽण्डकोशो वृषणः पृष्ठवंशाधरे त्रिकम् ॥ (३४१।२)

पिचण्डकुक्षी जठरोदरं तुन्दं स्तनौ कुचौ । (३४२।१)

चूचुकं तु कुचाग्रं स्यान्न ना क्रोडं भुजान्तरम् ॥ (३४२।२)

उरो वत्सं च वक्षश्च पृष्ठं तु चरमं तनोः । (३४३।१)

स्कन्धो भुजशिरोऽंसो ऽस्त्री सन्धी तस्यैव जत्रुणी ॥ (३४३।२)

बाहुमूले उभे कक्षौ पार्श्वमस्त्री तयोरधः । (३४४।१)

मध्यमं चावलग्नं च मध्यो ऽस्त्री द्वौ परौ द्वयोः ॥ (३४४।२)

भुजबाहू प्रवेष्टो दोः स्यात्कफोणिस्तु कूर्परः । (३४५।१)

अस्योपरि प्रगण्डः स्यात्प्रकोष्ठस्तस्य चाप्यधः ॥ (३४५।२)

मणिबन्धाद् आकनिष्ठं करस्य करभो बहिः । (३४६।१)

पञ्चशाखः शयः पाणिस्तर्जनी स्यात्प्रदेशिनी ॥ (३४६।२)

अङ्गुल्यः करशाखाः स्युः पुंस्यङ्गुष्ठः प्रदेशिनी । (३४७।१)

मध्यमानामिका चापि कनिष्ठा चेति ताः क्रमात् ॥ (३४७।२)

पुनर्भवः कररुहो नखो ऽस्त्री नखरो ऽस्त्रियाम् । (३४८।१)

प्रादेशतालगोकर्णास्तर्जन्यादियुते तते ॥ (३४८।२)

अङ्गुष्ठे सकनिष्ठे स्याद्वितस्तिर्द्वादशाङ्गुलः । (३४९।१)

पाणौ चपेटप्रतलप्रहस्ता विस्तृताङ्गुलौ ॥ (३४९।२)

द्वौ संहतौ संहततलप्रतलौ वामदक्षिणौ । (३५०।१)

पाणिर्निकुब्जः प्रसृतिस्तौ युतावञ्जलिः पुमान् ॥ (३५०।२)

प्रकोष्ठे विस्तृतकरे हस्तो मुष्ट्या तु बद्धया । (३५१।१)

स रत्निः स्यादरत्निस्तु निष्कनिष्ठेन मुष्टिना ॥ (३५१।२)

व्यामो बाह्वोः सकरयोस्ततयोस्तिर्यगनन्तरम् । (३५२।१)

ऊर्ध्वविस्तृतदोः पाणिनृमाने पौरुषं त्रिषु ॥ (३५२।२)

कण्ठो गलो ऽथ ग्रीवायां शिरोधिः कन्धरेत्यपि । (३५३।१)

कम्बुग्रीवा त्रिरेखा सावटुर्घाटा कृकाटिका ॥ (३५३।२)

वक्त्रास्ये वदनं तुण्डमाननं लपनं मुखम् । (३५४।१)

नोसेक्लीबे घ्राणं गन्धवहा घोणा नासा च नासिका ॥ (३५४।२)

ओष्ठाधरौ तु रदनच्छदौ दशनवाससी । (३५५।१)

अधस्ताच्चिबुकं गण्डौ कपोलौ तत्परा हनुः ॥ (३५५।२)

तेएथ्रदना दशना दन्ता रदास्तालु तु काकुदम् । (३५६।१)

रसज्ञा रसना जिह्वा प्रान्तावोष्ठस्य सृक्किणी ॥ (३५६।२)

ललाटम् अलिकं गोधिरूर्ध्वे दृग्भ्यां भ्रुवौ स्त्रियौ । (३५७।१)

कूर्चमस्त्री भ्रुवोर्मध्यं तारकाक्ष्णः कनीनिका ॥ (३५७।२)

एयेलोचनं नयनं नेत्रमीक्षणं चक्षुरक्षिणी । (३५८।१)

दृग्दृष्टी चास्रु नेत्राम्बु रोदनं चास्रमश्रु च ॥ (३५८।२)

अपाङ्गौ नेत्रयोरन्तौ कटाक्षो ऽपाङ्गदर्शने । (३५९।१)

कर्णशब्दग्रहौ श्रोत्रं श्रुतिः स्त्री श्रवणं श्रवः ॥ (३५९।२)

हेअदुत्तमाङ्गं शिरः शीर्षं मूर्धा ना मस्तको ऽस्त्रियाम् । (३६०।१)

हैर् ओड़् थे हेअद्चिकुरः कुन्तलो वालः कचः केशः शिरोरुहः ॥ (३६०।२)

तद्वृन्दे कैशिकं कैश्यमलकाश्चूर्णकुन्तलाः । (३६१।१)

ते ललाटे भ्रमरकाः काकपक्षः शिखण्डकः ॥ (३६१।२)

कबरी केशवेशो ऽथ धम्मिल्लः संयताः कचाः । (३६२।१)

शिखा चूडा केशपाशी व्रतिनस्तु सटा जटा ॥ (३६२।२)

वेणी प्रवेणी शीर्षण्यशिरस्यौ विशदे कचे । (३६३।१)

पाशः पक्षश्च हस्तश्च कलापार्थाः कचात्परे ॥ (३६३।२)

तनूरुहं रोम लोम तद्वृद्धौ श्मश्रु पुम्मुखे । (३६४।१)

आकल्पवेषौ नेपथ्यं प्रतिकर्म प्रसाधनम् ॥ (३६४।२)

दशैते त्रिष्वलंकर्तालंकरिष्णुश्च मण्डितः । (३६५।१)

प्रसाधितो ऽलंकृतश्च भूषितश्च परिष्कृतः ॥ (३६५।२)

विभ्राड्भ्राजिष्णुरोचिष्णू भूषणं स्यादलंक्रिया । (३६६।१)

अलंकारस्त्वाभरणं परिष्कारो विभूषणम् ॥ (३६६।२)

मण्डनं चाथ मुकुटं किरीटं पुंनपुंसकम् । (३६७।१)

चूडामणिः शिरोरत्नं तरलो हारमध्यगः ॥ (३६७।२)

वालपाश्या पारितथ्या पत्त्रपाश्या ललाटिका । (३६८।१)

कर्णिका तालपत्रं स्यात्कुण्डलं कर्णवेष्टनम् ॥ (३६८।२)

ग्रैवेयकं कण्ठभूषा लम्बनं स्याल्ललन्तिका । (३६९।१)

स्वर्णैः प्रालम्बिकाथोरःसूत्रिका मौक्तिकैः कृता ॥ (३६९।२)

हारो मुक्तावली देवच्छन्दो ऽसौ शतयष्टिका । (३७०।१)

हारभेदा यष्टिभेदाद्गुच्छगुच्छार्धगोस्तनाः ॥ (३७०।२)

अर्धहारो माणवक एकावल्येकयष्टिका । (३७१।१)

सैव नक्षत्रमाला स्यात्सप्तविंशतिमौक्तिकैः ॥ (३७१।२)

आवापकः पारिहार्यः कटको वलयो ऽस्त्रियाम् । (३७२।१)

केयूरमङ्गदं तुल्ये अङ्गुलीयकमूर्मिका ॥ (३७२।२)

साक्षराङ्गुलिमुद्रा स्यात्कङ्कणं करभूषणम् । (३७३।१)

गिर्द्लेस्त्रीकट्यां मेखला काञ्ची सप्तकी रशना तथा ॥ (३७३।२)

क्लीबे सारसनं चाथ पुंस्कट्यां शृङ्खलं त्रिषु । (३७४।१)

पादाङ्गदं तुलाकोटिर्मञ्जीरो नूपुरो ऽस्त्रियाम् ॥ (३७४।२)

हंसकः पादकटकः किङ्किणी क्षुद्रघण्टिका । (३७५।१)

च्लोथ्त्वक्फलकृमिरोमाणि वस्त्रयोनिर्दश त्रिषु ॥ (३७५।२)

वाल्कं क्षौमादि फालं तु कार्पासं बादरं च तत् । (३७६।१)

कौशेयं कृमिकोशोत्थं राङ्कवं मृगरोमजम् ॥ (३७६।२)

अनाहतं निष्प्रवाणि तन्त्रकं च नवाम्बरे । (३७७।१)

तत्स्यादुद्गमनीयं यद्धौतयोर्वस्त्रयोर्युगम् ॥ (३७७।२)

पत्त्रोर्णं धौतकौशेयं बहुमूल्यं महाधनम् । (३७८।१)

क्षौमं दुकूलं स्याद्द्वे तु निवीतं प्रावृतं त्रिषु ॥ (३७८।२)

स्त्रियां बहुत्वे वस्त्रस्य दशाः स्युर्वस्त्रयोर्द्वयोः । (३७९।१)

दैर्घ्यमायाम आरोहः परिणाहो विशालता ॥ (३७९।२)

पटच्चरं जीर्णवस्त्रं समौ नक्तककर्पटौ । (३८०।१)

वस्त्रमाच्छादनं वासश्चैलं वसनमंशुकम् ॥ (३८०।२)

सुचेलकः पटो ऽस्त्री स्याद् वराशिः स्थूलशाटकः । (३८१।१)

निचोलः प्रच्छदपटः समौ रल्लककम्बलौ ॥ (३८१।२)

अन्तरीयोपसंव्यानपरिधानान्यधोऽंशुके । (३८२।१)

द्वौ प्रावारोत्तरासङ्गौ समौ बृहतिका तथा ॥ (३८२।२)

संव्यानमुत्तरीयं च चोलः कूर्पासको ऽस्त्रियाम् । (३८३।१)

नीशारः स्यात्प्रावरणे हिमानिलनिवारणे ॥ (३८३।२)

अर्धोरुकं वरस्त्रीणां स्याच्चण्डातकम् अस्त्रियाम् । (३८४।१)

स्यात् त्रिष्वाप्रपदीनं तत् प्राप्नोत्य् आ प्रपदं हि यत् ॥ (३८४।२)

अस्त्री वितानमुल्लोचो दूष्याद्यं वस्त्रवेश्मनि । (३८५।१)

प्रतिसीरा जवनिका स्यात्तिरस्करिणी च सा ॥ (३८५।२)

wअस्हिन्ग्परिकर्माङ्गसंस्कारः स्यान्मार्ष्टिर्मार्जना मृजा । (३८६।१)

उद्वर्तनोत्सादने द्वे समे आप्लाव आप्लवः ॥ (३८६।२)

स्नानं चर्चा तु चार्चिक्यं स्थासको ऽथ प्रबोधनम् । (३८७।१)

अनुबोधः पत्रलेखा पत्राङ्गुलिरिमे समे ॥ (३८७।२)

तमालपत्रतिलकचित्रकाणि विशेषकम् । (३८८।१)

द्वितीयं च तुरीयं च न स्त्रियामथ कुङ्कुमम् ॥ (३८८।२)

सड़्ड़्रोन्काश्मीरजन्माग्निशिखं वरं बाह्लीकपीतने । (३८९।१)

रक्तसंकोचपिशुनं धीरं लोहितचन्दनम् ॥ (३८९।२)

लाक्षा राक्षा जतु क्लीबे यावो ऽलक्तो द्रुमामयः । (३९०।१)

लवङ्गं देवकुसुमं श्रीसंज्ञमथ जायकम् ॥ (३९०।२)

कालीयकं च कालानुसार्यं चाथ समार्थकम् । (३९१।१)

वंशिकागुरुराजार्हलोहकृमिजजोङ्गकम् ॥ (३९१।२)

कालागुर्वगुरु स्यात्तु मङ्गल्या मल्लिगन्धि यत् । (३९२।१)

यक्षधूपः सर्जरसो रालसर्वरसावपि ॥ (३९२।२)

बहुरूपो ऽप्यथ वृकधूपकृत्रिमधूपकौ । (३९३।१)

तुरुष्कः पिण्डकः सिह्लो यावनो ऽप्यथ पायसः ॥ (३९३।२)

श्रीवासो वृकधूपो ऽपि श्रीवेष्टसरलद्रवौ । (३९४।१)

मृगनाभिर्मृगमदः कस्तूरी चाथ कोलकम् ॥ (३९४।२)

कङ्कोलकं कोशफलमथ कर्पूरमस्त्रियाम् । (३९५।१)

सन्दल्तैलपर्णिकगोशीर्षे हरिचन्दनमस्त्रियाम् ॥ (३९५।२)

तिलपर्णी तु पत्त्राङ्गं रञ्जनं रक्तचन्दनम् । (३९६।१)

कुचन्दनं चाथ जातीकोशजातीफले समे ॥ (३९६।२)

कर्पूरागुरुकस्तूरीकक्कोलैर्यक्षकर्दमः । (३९७।१)

गात्रानुलेपनी वर्तिर्वर्णकं स्याद्विलेपनम् ॥ (३९७।२)

चूर्णानि वासयोगाः स्युर्भावितं वासितं त्रिषु । (३९८।१)

संस्कारो गन्धमाल्याद्यैर्यः स्यात्तदधिवासनम् ॥ (३९८।२)

माल्यं मालास्रजौ मूर्ध्नि केशमध्ये तु गर्भकः । (३९९।१)

प्रभ्रष्टकं शिखालम्बि पुरोन्यस्तं ललामकम् ॥ (३९९।२)

प्रालम्बमृजुलम्बि स्यात्कण्ठाद्वैकक्षिकं तु तत् । (४००।१)

यत्तिर्यक् क्षिप्तमुरसि शिखास्वापीडशेखरौ ॥ (४००।२)

रचना स्यात्परिस्यन्द आभोगः परिपूर्णता । (४०१।१)

उपधानं तूपबर्हः शय्यायां शयनीयवत् ॥ (४०१।२)

शयनं मञ्चपर्यङ्कपल्यङ्काः खट्वया समाः । (४०२।१)

गेन्दुकः कन्दुको दीपः प्रदीपः पीठमासनम् ॥ (४०२।२)

समुद्गकः संपुटकः प्रतिग्राहः पतद्ग्रहः । (४०३।१)

प्रसाधनी कङ्कतिका पिष्टातः पटवासकः ॥ (४०३।२)

दर्पणे मुकुरादर्शौ व्यजनं तालवृन्तकम् । (४०४।१)

अन्चेस्तोर्स्संततिर्गोत्रजननकुलान्यभिजनान्वयौ ॥ (४०४।२)

वंशो ऽन्ववायः संतानो वर्णाः स्युर्ब्राह्मणादयः । (४०५।१)

विप्रक्षत्रियविट्शूद्राश् चातुर्वर्ण्यमिति स्मृतम् ॥ (४०५।२)

राजबीजी राजवंश्यो बीज्यस्तु कुलसंभवः । (४०६।१)

महाकुलकुलीनार्यसभ्यसज्जनसाधवः ॥ (४०६।२)

ब्रह्मचारी गृही वानप्रस्थो भिक्षुश्चतुष्टये । (४०७।१)

ब्राह्मणआश्रमो ऽस्त्री द्विजात्यग्रजन्मभूदेववाडवाः ॥ (४०७।२)

विप्रश्च ब्राह्मणो ऽसौ षट्कर्मा यागादिभिर्वृतः । (४०८।१)

विद्वान्विपश्चिद्दोषज्ञः सन्सुधीः कोविदो बुधः ॥ (४०८।२)

धीरो मनीषी ज्ञः प्राज्ञः संख्यावान्पण्डितः कविः । (४०९।१)

धीमान्सूरिः कृती कृष्टिर्लब्धवर्णो विचक्षणः ॥ (४०९।२)

दूरदर्शी दीर्घदर्शी श्रोत्रियच्छान्दसौ समौ । (४१०।१)

मीमांसको जैमिनीये वेदान्ती ब्रह्मवादिनि ॥ (४१०।२)

वैशेषिके स्यादौलूक्यः सौगतः शून्यवादिनि । (४११।१)

नैयायिकस्त्वक्षपादः स्यात्स्याद्वादिक आर्हकः ॥ (४११।२)

चार्वाकलौकायतिकौ सत्कार्ये सांख्यकापिलौ । (४१२।१)

उपाध्यायो ऽध्यापको ऽथ स्यान्निषेकादिकृद्गुरुः ॥ (४१२।२)

मन्त्रव्याख्याकृदाचार्य आदेष्टा त्वध्वरे व्रती । (४१३।१)

यष्टा च यजमानश्च स सोमवति दीक्षितः ॥ (४१३।२)

इज्याशीलो यायजूको यज्वा तु विधिनेष्टवान् । (४१४।१)

स गीर्पतीष्टया स्थपतिः सोमपीथी तु सोमपाः ॥ (४१४।२)

सर्ववेदाः स येनेष्टो यागः सर्वस्वदक्षिणः । (४१५।१)

अनूचानः प्रवचने साङ्गे ऽधीती गुरोस्तु यः ॥ (४१५।२)

लब्धानुज्ञः समावृत्तः सुत्वा त्वभिषवे कृते । (४१६।१)

छात्त्रान्तेवासिनौ शिष्ये शैक्षाः प्राथमकल्पिकाः ॥ (४१६।२)

एकब्रह्मव्रताचारा मिथः सब्रह्मचारिणः । (४१७।१)

सतीर्थ्यास्त्वेकगुरवश्चितवानग्निमग्निचित् ॥ (४१७।२)

पारम्पर्योपदेशे स्यादैतिह्यम् इतिहाव्ययम् । (४१८।१)

क्नोwलेद्गेउपज्ञा ज्ञानमाद्यं स्याज्ज्ञात्वारम्भ उपक्रमः ॥ (४१८।२)

यज्ञः सवो ऽध्वरो यागः सप्ततन्तुर्मखः क्रतुः । (४१९।१)

पाठो होमश्चातिथीनां सपर्या तर्पणं बलिः ॥ (४१९।२)

एते पञ्चमहायज्ञा ब्रह्मयज्ञादिनामकाः । (४२०।१)

समज्या परिषद्गोष्ठी सभासमितिसंसदः ॥ (४२०।२)

आस्थानी क्लीबमास्थानं स्त्रीनपुंसकयोः सदः । (४२१।१)

प्राग्वंशः प्राग्घविर् गेहात्सदस्या विधिदर्शिनः ॥ (४२१।२)

सभासदः सभास्ताराः सभ्याः सामाजिकाश्च ते । (४२२।१)

अध्वर्यूद्गातृहोतारो यजुःसामर्ग्विदः क्रमात् ॥ (४२२।२)

आग्नीध्राद्या धनैर्वार्या ऋत्विजो याजकाश्च ते । (४२३।१)

वेदिः परिष्कृता भूमिः समे स्थण्डिलचत्वरे ॥ (४२३।२)

चषालो यूपकटकः कुम्बा सुगहना वृतिः । (४२४।१)

यूपाग्रं तर्म निर्मन्थ्यदारुणि त्वरणिर्द्वयोः ॥ (४२४।२)

दक्षिणाग्निर्गार्हपत्याहवनीयौ त्रयो ऽग्नयः । (४२५।१)

अग्नित्रयमिदं त्रेता प्रणीतः संस्कृतो ऽनलः ॥ (४२५।२)

समूह्यः परिचाय्योपचाय्यावग्नौ प्रयोगिणः । (४२६।१)

यो गार्हपत्यादानीय दक्षिणाग्निः प्रणीयते ॥ (४२६।२)

तस्मिन् आनाय्यो ऽथाग्नायी स्वाहा च हुतभुक्प्रिया । (४२७।१)

ऋक्सामिधेनी धाय्या च या स्यादग्निसमिन्धने ॥ (४२७।२)

गायत्रीप्रमुखं छन्दो हव्यपाके चरुः पुमान् । (४२८।१)

आमिक्षा सा शृतोष्णे या क्षीरे स्याद्दधियोगतः ॥ (४२८।२)

धवित्रं व्यजनं तद्यद्रचितं मृगचर्मणा । (४२९।१)

पृषदाज्यं सदध्याज्ये परमान्नं तु पायसम् ॥ (४२९।२)

हव्यकव्ये दैवपित्र्ये अन्ने पात्रं स्रुवादिकम् । (४३०।१)

ध्रुवोपभृज्जुहूर्ना तु स्रुवो भेदाः स्रुचः स्त्रियः ॥ (४३०।२)

उपाकृतः पशुरसौ यो ऽभिमन्त्र्य क्रतौ हतः । (४३१।१)

परम्पराकम् शमनं प्रोक्षणं च वधार्थकम् ॥ (४३१।२)

वाच्यलिङ्गाः प्रमीतोपसंपन्नप्रोक्षिता हते । (४३२।१)

सांनाय्यं हविरग्नौ तु हुतं त्रिषु वषट् कृतम् ॥ (४३२।२)

दीक्षान्तो ऽवभृथो यज्ञे तत्कर्मार्हं तु यज्ञियम् । (४३३।१)

त्रिष्वथ क्रतुकर्मेष्टं पूर्तं खातादि कर्म यत् ॥ (४३३।२)

अमृतं विघसो यज्ञशेषभोजनशेषयोः । (४३४।१)

त्यागो विहापितं दानमुत्सर्जनविसर्जने ॥ (४३४।२)

विश्राणनं वितरणं स्पर्शनं प्रतिपादनम् । (४३५।१)

प्रादेशनं निर्वपणमपवर्जनमंहतिः ॥ (४३५।२)

मृतार्थं तदहे दानं त्रिषु स्यादौर्ध्वदेहिकम् । (४३६।१)

पितृदानं निवापः स्याच्छ्राद्धं तत्कर्म शास्त्रतः ॥ (४३६।२)

अन्वाहार्यं मासिके ऽंशो ऽष्टमो ऽह्नः कुतपो ऽस्त्रियाम् । (४३७।१)

सेअर्छिन्ग्पर्येषणा परीष्टिश्चान्वेषणा च गवेषणा ॥ (४३७।२)

सनिस्त्वध्येषणा याच्ञाभिशस्तिर् याचनार्थना । (४३८।१)

षट् तु त्रिष्वर्घ्यमर्घार्थे पाद्यं पादाय वारिणि ॥ (४३८।२)

क्रमादातिथ्यातिथेये अतिथ्यर्थे ऽत्र साधुनि । (४३९।१)

स्युरावेशिक आगन्तुरतिथिर्ना गृहागते ॥ (४३९।२)

प्राघूर्णिकः प्राघूणकश्चाभ्युत्थानं तु गौरवम् । (४४०।१)

पूजा नमस्यापचितिः सपर्यार्चार्हणाः समाः ॥ (४४०।२)

वरिवस्या तु शुश्रूषा परिचर्याप्युपासना । (४४१।१)

व्रज्याटाट्या पर्यटनं चर्या त्वीर्यापथे स्थितिः ॥ (४४१।२)

उपस्पर्शस्त्वाचमनमथ मौनमभाषणम् । (४४२।१)

प्राचेतसश्चादिकविः स्यान्मैत्रावरुणिश्च सः ॥ (४४२।२)

वाल्मीकश्चाथ गाधेयो विश्वामित्रश्च कौशिकः । (४४३।१)

व्यासो द्वैपायनः पाराशर्यः सत्यवतीसुतः ॥ (४४३।२)

आनुपूर्वी स्त्रियां वावृत् परिपाटी अनुक्रमः । (४४४।१)

पर्यायश्चातिपातस्तु स्यात्पर्यय उपात्ययः ॥ (४४४।२)

नियमो व्रतमस्त्री तच्चोपवासादि पुण्यकम् । (४४५।१)

औपवस्तं तूपवासः विवेकः पृथगात्मता ॥ (४४५।२)

स्याद्ब्रह्मवर्चसं वृत्ताध्ययनर्द्धिरथाञ्जलिः । (४४६।१)

पाठे ब्रह्माञ्जलिः पाठे विप्रुषो ब्रह्मबिन्दवः ॥ (४४६।२)

ध्यानयोगासने ब्रह्मासनं कल्पे विधिक्रमौ । (४४७।१)

मुख्यः स्यात्प्रथमः कल्पो ऽनुकल्पस्तु ततो ऽधमः ॥ (४४७।२)

संस्कारपूर्वं ग्रहणं स्यादुपाकरणं श्रुतेः । (४४८।१)

समे तु पादग्रहणमभिवादनमित्युभे ॥ (४४८।२)

भिक्षुभिक्षुः परिव्राट् कर्मन्दी पाराशर्यपि मस्करी । (४४९।१)

तपस्वी तापसः पारिकाङ्क्षी वाचंयमो मुनिः ॥ (४४९।२)

तपःक्लेशसहो दान्तो वर्णिनो ब्रह्मचारिणः । (४५०।१)

ऋषयः सत्यवचसः स्नातकस्त्वाप्लुतो व्रती ॥ (४५०।२)

ये निर्जितेन्द्रियग्रामा यतिनो यतयश्च ते । (४५१।१)

यः स्थण्डिले व्रतवशाच्छेते स्थण्डिलशाय्यसौ ॥ (४५१।२)

स्थाण्डिलश्चाथ विरजस्तमसः स्युर्द्वयातिगाः । (४५२।१)

पवित्रः प्रयतः पूतः पाषण्डाः सर्वलिङ्गिनः ॥ (४५२।२)

पालाशो दण्ड आषाढो व्रते राम्भस्तु वैणवः । (४५३।१)

अस्त्री कमण्डलुः कुण्डी व्रतिनामासनं बृसी ॥ (४५३।२)

अजिनं चर्म कृत्तिः स्त्री भैक्षं भिक्षाकदम्बकम् । (४५४।१)

स्वाध्यायः स्याज्जपः सुत्याभिषवः सवनं च सा ॥ (४५४।२)

सर्वैनसामपध्वंसि जप्यं त्रिष्वघमर्षणम् । (४५५।१)

दर्शश्च पौर्णमासश्च यागौ पक्षान्तयोः पृथक् ॥ (४५५।२)

शरीरसाधनापेक्षं नित्यं यत्कर्म तद्यमः । (४५६।१)

नियमस्तु स यत्कर्म नित्यमागन्तुसाधनम् ॥ (४५६।२)

क्षौरम् तु भद्राकरणं मुण्डनं वपनं त्रिषु । (४५७।१)

कक्षापटी च कौपीनं शाटी च स्त्रीति लक्ष्यतः ॥ (४५७।२)

उपवीतं ब्रह्मसूत्रं प्रोद्धृते दक्षिणे करे । (४५८।१)

प्राचीनावीतमन्यस्मिन्निवीतं कण्ठलम्बितम् ॥ (४५८।२)

अङ्गुल्यग्रे तीर्थं दैवं स्वल्पाङ्गुल्योर्मूले कायम् । (४५९।१)

मध्ये ऽङ्गुष्ठाङ्गुल्योः पित्र्यं मूले त्वङ्गुष्ठस्य ब्राह्मम् ॥ (४५९।२)

स्याद्ब्रह्मभूयं ब्रह्मत्वं ब्रह्मसायुज्यमित्यपि । (४६०।१)

देवभूयादिकं तद्वत्कृच्छ्रं सान्तपनादिकम् ॥ (४६०।२)

संन्यासवत्यनशने पुमान्प्रायो ऽथ वीरहा । (४६१।१)

नष्टाग्निः कुहना लोभान् मिथ्येर्यापथकल्पना ॥ (४६१।२)

व्रात्यः संस्कारहीनः स्यादस्वाध्यायो निराकृतिः । (४६२।१)

धर्मध्वजी लिङ्गवृत्तिरवकीर्णी क्षतव्रतः ॥ (४६२।२)

सुप्ते यस्मिन् अस्तमेति सुप्ते यस्मिन् उदेति च । (४६३।१)

अंशुमानभिनिर्मुक्ताभ्युदितौ च यथाक्रमम् ॥ (४६३।२)

परिवेत्तानुजो ऽनूढे ज्येष्ठे दारपरिग्रहात् । (४६४।१)

परिवित्तिस्तु तज्ज्यायान् विवाहोपयमौ समौ ॥ (४६४।२)

तथा परिणयोद्वाहोपयामाः पाणिपीडनम् । (४६५।१)

व्यवायो ग्राम्यधर्मो मैथुनं निधुवनं रतम् ॥ (४६५।२)

त्रिवर्गोधर्मकामार्थैश्चतुर्वर्गः समोक्षकैः । (४६६।१)

सबलैस्तैश्चतुर्भद्रं जन्याः स्निग्धाः वरस्य ये ॥ (४६६।२)

मूर्धाभिषिक्तो राजन्यो बाहुजः क्षत्रियो विराट् । (४६७।१)

राजा राट् पार्थिवक्ष्माभृन्नृपभूपमहीक्षितः ॥ (४६७।२)

राजा तु प्रणताशेषसामन्तः स्यादधीश्वरः । (४६८।१)

चक्रवर्ती सार्वभौमो नृपो ऽन्यो मण्डलेश्वरः ॥ (४६८।२)

येनेष्टं राजसूयेन मण्डलस्येश्वरश्च यः । (४६९।१)

शास्ति यश्चाज्ञया राज्ञः स सम्राडथ राजकम् ॥ (४६९।२)

राजन्यकं च नृपतिक्षत्रियाणां गणे क्रमात् । (४७०।१)

मन्त्री धीसचिवो ऽमात्यो ऽन्ये कर्मसचिवास्ततः ॥ (४७०।२)

महामात्राः प्रधानानि पुरोधास्तु पुरोहितः । (४७१।१)

द्रष्टरि व्यवहाराणां प्राड्विवाकाक्षदर्शकौ ॥ (४७१।२)

प्रतीहारो द्वारपालद्वास्थद्वास्थितदर्शकाः । (४७२।१)

रक्षिवर्गस्त्वनीकस्थो ऽथाध्यक्षाधिकृतौ समौ ॥ (४७२।२)

स्थायुको ऽधिकृतो ग्रामे गोपो ग्रामेषु भूरिषु । (४७३।१)

भौरिकः कनकाध्यक्षो रूप्याध्यक्षस्तु नैष्किकः ॥ (४७३।२)

अन्तःपुरे त्वधिकृतः स्यादन्तर्वंशिको जनः । (४७४।१)

सौविदल्लाः कञ्चुकिनः स्थापत्याः सौविदाश्च ते ॥ (४७४।२)

शण्ढो वर्षवरस्तुल्यौ सेवकार्थ्यनुजीविनः । (४७५।१)

विषयानन्तरो राजा शत्रुर्मित्रमतः परम् ॥ (४७५।२)

उदासीनः परतरः पार्ष्णिग्राहस्तु पृष्ठतः । (४७६।१)

रिपौ वैरिसपत्नारिद्विषद्द्वेषणदुर्हृदः ॥ (४७६।२)

द्विड् विपक्षाहितामित्रदस्युशात्रवशत्रवः । (४७७।१)

अभिघातिपरारातिप्रत्यर्थिपरिपन्थिनः ॥ (४७७।२)

वयस्यः स्निग्धः सवया अथ मित्रं सखा सुहृत् । (४७८।१)

सख्यं साप्तपदीनं स्यादनुरोधो ऽनुवर्तनम् ॥ (४७८।२)

यथार्हवर्णः प्रणिधिरपसर्पश्चरः स्पशः । (४७९।१)

चारश्च गूढपुरुषश्चाप्तप्रत्ययितौ समौ ॥ (४७९।२)

सांवत्सरो ज्यौतिषिको दैवज्ञगणकावपि । (४८०।१)

स्युर्मौहूर्तिकमौहूर्तज्ञानिकार्तान्तिका अपि ॥ (४८०।२)

तान्त्रिको ज्ञातसिद्धान्तः सत्री गृहपतिः समौ । (४८१।१)

लिपिकारो ऽक्षरचणो ऽक्षरचुञ्चुश्च लेखके ॥ (४८१।२)

लिखिताक्षरविन्यासे लिपिर् लिबिरुभे स्त्रियौ । (४८२।१)

स्यात् संदेशहरो दूतो दूत्यं तद्भावकर्मणी ॥ (४८२।२)

अध्वनीनो ऽध्वगो ऽध्वन्यः पान्थः पथिक इत्यपि । (४८३।१)

स्वाम्यमात्यसुहृत्कोशराष्ट्रदुर्गबलानि च ॥ (४८३।२)

राज्याङ्गानि प्रकृतयः पौराणां श्रेणयो ऽपि च । (४८४।१)

सन्धिर्ना विग्रहो यानमासनं द्वैधमाश्रयः ॥ (४८४।२)

षड्गुणाः शक्तयस्तिस्रः प्रभावोत्साहमन्त्रजाः । (४८५।१)

क्षयः स्थानं च वृद्धिश्च त्रिवर्गो नीतिवेदिनाम् ॥ (४८५।२)

स प्रतापः प्रभावश्च यत्तेजः कोशदण्डजम् । (४८६।१)

भेदो दण्डः साम दानमित्युपायचतुष्टयम् ॥ (४८६।२)

साहसं तु दमो दण्डः साम सान्त्वमथो समौ । (४८७।१)

भेदोपजापावुपधा धर्माद्यैर्यत्परीक्षणम् ॥ (४८७।२)

पञ्च त्रिष्वषडक्षीणो यस्तृतीयाद्यगोचरः । (४८८।१)

विविक्तविजनछन्ननिःशलाकास्तथा रहः ॥ (४८८।२)

रहश्चोपांशु चालिङ्गे रहस्यं तद्भवे त्रिषु । (४८९।१)

समौ विस्रम्भविश्वासौ भ्रेषो भ्रंशो यथोचितात् ॥ (४८९।२)

अभ्रेषान्यायकल्पास्तु देशरूपं समञ्जसम् । (४९०।१)

युक्तमौपयिकं लभ्यं भजमानाभिनीतवत् ॥ (४९०।२)

न्याय्यं च त्रिषु षट् संप्रधारणा तु समर्थनम् । (४९१।१)

अववादस्तु निर्देशो निदेशः शासनं च सः ॥ (४९१।२)

शिष्टिश्चाज्ञा च संस्था तु मर्यादा धारणा स्थितिः । (४९२।१)

सुधरणा सुधारा स्त्री सुस्थितिः सुदशोन्नतिः ॥ (४९२।२)

आगो ऽपराधो मन्तुश्च समे तूद्दानबन्धने । (४९३।१)

द्विपाद्यो द्विगुणो दण्डो भागधेयः करो बलिः ॥ (४९३।२)

घट्टादिदेयं शुल्को ऽस्त्री प्राभृतं तु प्रदेशनम् । (४९४।१)

उपायनमुपग्राह्यमुपहारस्तथोपदा ॥ (४९४।२)

यौतकादि तु यद्देयं सुदायो हरणं च तत् । (४९५।१)

तत्कालस्तु तदात्वं स्यादुत्तरः काल आयतिः ॥ (४९५।२)

सान्दृष्टिकं फलं सद्यः उदर्कः फलमुत्तरम् । (४९६।१)

अदृष्टं वह्नितोयादि दृष्टं स्वपरचक्रजम् ॥ (४९६।२)

महीभुजामहिभयं स्वपक्षप्रभवं भयम् । (४९७।१)

प्रक्रिया त्वधिकारः स्याच्चामरं तु प्रकीर्णकम् ॥ (४९७।२)

नृपासनं यत्तद्भद्रासनं सिंहासनं तु तत् । (४९८।१)

हैमं छत्रं त्वातपत्रं राज्ञस्तु नृपलक्ष्म तत् ॥ (४९८।२)

भद्रकुम्भः पूर्णकुम्भो भृङ्गारः कनकालुका । (४९९।१)

निवेशः शिबिरं षण्ढे सज्जनं तूपरक्षणम् ॥ (४९९।२)