अश्वलायनगृह्यसूत्रAśvalāyanagṛhyasūtra
AśvGṛSū, 1, 4
Select a line for its word-by-word analysis.
प्रयाण उपपद्यमाने पूषा त्वेतो नयतु हस्तगृह्येति यानम् आरोहयेत् ॥ (१।१)
prayāṇa upapadyamāne pūṣā tveto nayatu hastagṛhyeti yānam ārohayet ||
अश्मन्वतीर् ईयते संरभध्वम् इत्य् अर्धर्चेन नावम् आरोहयेत् ॥ (२।१)
aśmanvatīr īyate saṃrabhadhvam ity ardharcena nāvam ārohayet ||
कल्याणेषु देशवृक्षचतुष्पथेषु मा विदन् परिपन्थिन इति जपेत् ॥ (६।१)
kalyāṇeṣu deśavṛkṣacatuṣpatheṣu mā vidan paripanthina iti japet ||
वासे वासे सुमङ्गलीर् इयं वधूर् इतीक्षकान् ईक्षेत ॥ (७।१)
vāse vāse sumaṅgalīr iyaṃ vadhūr itīkṣakān īkṣeta ||
इह प्रियं प्रजया ते समृध्यताम् इति गृहं प्रवेशयेत् ॥ (८।१)
iha priyaṃ prajayā te samṛdhyatām iti gṛhaṃ praveśayet ||
विवाहाग्निम् उपसमाधाय पश्चाद् अस्यानडुहं चर्मास्तीर्य प्राग्ग्रीवम् उत्तरलोम तस्मिन्न् उपविष्टायां समन्वारब्धायाम् आ नः प्रजां जनयतु प्रजापतिर् इति चतसृभिः प्रत्यृचं हुत्वा समञ्जन्तु विश्वे देवा इति दध्नः प्राश्य प्रतिप्रयच्छेद् आज्यशेषेण वानक्ति हृदये ॥ (९।१)
vivāhāgnim upasamādhāya paścād asyānaḍuhaṃ carmāstīrya prāggrīvam uttaraloma tasminn upaviṣṭāyāṃ samanvārabdhāyām ā naḥ prajāṃ janayatu prajāpatir iti catasṛbhiḥ pratyṛcaṃ hutvā samañjantu viśve devā iti dadhnaḥ prāśya pratiprayacched ājyaśeṣeṇa vānakti hṛdaye ||
अत ऊर्ध्वम् अक्षारालवणाशिनौ ब्रह्मचारिणाव् अलंकुर्वाणाव् अधःशायिनौ स्याताम् त्रिरात्रं द्वादशरात्रम् ॥ (१०।१)
ata ūrdhvam akṣārālavaṇāśinau brahmacāriṇāv alaṃkurvāṇāv adhaḥśāyinau syātām trirātraṃ dvādaśarātram ||
चरितव्रतः सूर्याविदे वधूवस्त्रं दद्यात् ॥ (१२।१)
caritavrataḥ sūryāvide vadhūvastraṃ dadyāt ||
Data courtesy of The Digital Corpus of Sanskrit.