बीजं श्रुतीनां सुधनम् मुनीनां जीवञ्जडानाम् महदादिकानाम् । (१।१)

आग्नेयमस्त्रम् भवपातकानां किंचिन्महः श्यामलम् आश्रयामि ॥ (१।२)

लुब्धा कपोलमधुवारिमधुव्रताली कुम्भस्थलीमधुविभूषणलोहिताङ्गी । (२।१)

माणिक्यमौलिरिव राजति यस्य मौलौ विघ्नं स धूनयतु विघ्नपतिः सदा वः ॥ (२।२)

यो ध्वान्तसन्ततिगभीरपयोधिमध्यान्निष्कासयत्यशरणम् भुवनं निमज्जत् । (३।१)

दत्त्वा जगत्त्रयहितः स्वकरावलम्बं वाञ्छां स वो दिनकरः सफलीकरोतु ॥ (३।२)

मिथ्याशनादि कृतदोषचयाद्रिकोपनद्यम्बुवर्धित उपद्रवनक्रभीमे । (४।१)

रोगाम्बुधौ भवजनस्य निमज्जतो यः पोतः प्रयच्छतु शुभानि स काशिराजः ॥ (४।२)

केचित्सन्ति निघण्टवोऽतिलघवः केचिन्महान्तः परे केचिद् दुर्गमनामकाः कतिपये भावस्वभावोज्झिताः । (५।१)

तस्मान्नातिलघुर्न चातिविपुलः ख्यातादिनामा सताम् प्रीत्यै द्रव्यगुणान्वितोऽयमधुना ग्रन्थो मया बध्यते ॥ (५।२)

सर्वं कायेन संसाध्यन्तस्यायुः स्थितिकारणम् । (६।१)

आयुर्वेदोपदेशस्तु कस्य न स्यात्सुखावहः ॥ (६।२)

तत्रापि पूर्वं ज्ञातव्या द्रव्यनामगुणागुणाः । (७।१)

अतस्त एव वक्ष्यन्ते तज्ज्ञाने हि क्रियाक्रमः ॥ (७।२)

हरीतकीहरस्य भवने जाता हरिता च स्वभावतः । (८।१)

हरते सर्वरोगांश्च तेन प्रोक्ता हरीतकी ॥ (८।२)

जीवन्ती पूतना पश्चादमृता विजयाभया । (९।१)

रोहिणी चेतकी सप्तभेदभिन्ना हरीतकी ॥ (९।२)

जीवन्ती जीवनोद्योगात्पावनात्पूतना मता । (१०।१)

सुधावदमृता ज्ञेया विजया विजयप्रदा ॥ (१०।२)

नृणामभयदा यस्मादभया तत्प्रकीर्तिता । (११।१)

रोहिणी तु गुणारोहाच्चेतनाच्चेतकी मता ॥ (११।२)

जीवन्ती स्वर्णवर्णाभा पूतनास्थिमती । (१२।१)

अमृता त्रिदला प्रोक्ता विजया तुम्बरूपिणी ॥ (१२।२)

पञ्चाङ्गी त्वभया ज्ञेया मता वृत्ता तु रोहिणी । (१३।१)

त्र्यङ्गी चेतकी ज्ञेया कर्म तासामथोच्यते ॥ (१३।२)

सर्वरोगेषु जीवन्ती प्रलेपे पूतना हिता । (१४।१)

शुद्ध्यर्थममृता प्रोक्ता विजया सर्वरोगहृत् ॥ (१४।२)

अक्षिरोगे ऽभया शस्ता रोहिणी व्रणरोहिणी । (१५।१)

चेतकी चूर्णयोगे स्यात्सप्तधैवम् प्रकीर्तिता ॥ (१५।२)

शोणाच्छिन्ना गुडनिभा किंचिदम्ला कषायिणी । (१६।१)

स्थूलत्वक् सरसा स्वल्पबीजा गुर्वी हरीतकी ॥ (१६।२)

चर्विता वर्धयत्यग्निं पेषिता मलशोधिनी । (१७।१)

स्विन्ना संग्राहिणी प्रोक्ता भृष्टा पथ्या त्रिदोषनुत् ॥ (१७।२)

ग्रीष्मे तुल्यगुडां सुसैन्धवयुतां मेघावनद्धाम्बरे सार्द्धं शर्करया शरद्यमलया शुण्ठ्या तुषारागमे । (१८।१)

पिप्पल्या शिशिरे वसन्तसमये क्षौद्रेण संयोजितां राजन्प्राप्य हरीतकीमिव गदा नश्यन्तु ते शत्रवः ॥ (१८।२)

शिवा हरीतकी पथ्या चेतकी विजया जया । (१९।१)

प्रपथ्या प्रमथामोघा कायस्था प्राणदामृता ॥ (१९।२)

जीवनीया हैमवती पूतना पृतनाभया । (२०।१)

वयस्था नन्दिनी ज्ञेया श्रेयसी रोहिणी तथा ॥ (२०।२)

हरीतकी पञ्चरसालवणा तुवरोत्कटा । (२१।१)

रूक्षोष्णा दीपनी मेध्या स्वादुपाका रसायिनी ॥ (२१।२)

सरा बुद्धिप्रदायुष्या चक्षुष्या बृंहणी लघुः । (२२।१)

श्वासकासप्रमेहार्शःकुष्ठशोफोदरकृमीन् ॥ (२२।२)

वैस्वर्यग्रहणीदोषविबन्धविषमज्वरान् । (२३।१)

गुल्माध्मानव्रणच्छर्दिहिक्काकण्डूहृदामयान् ॥ (२३।२)

कामलां शूलम् आनाहं प्लीहानं चापकर्षति । (२४।१)

मधुराम्लतया वातं कषायस्वादुभावतः । (२४।२)

पित्तं हन्ति कफं तद्वत्कटुत्वेन हरीतकी ॥ (२४।३)

अध्वातिखिन्नः परिहीनतेजा रूक्षः कृशो लङ्घनकर्शितश्च । (२५।१)

पित्ताधिको गर्भवती च नारी ज्वर्यल्पवीर्यस्त्वभयां न खादेत् ॥ (२५।२)

धात्रीफलामृतफलामलकं श्रीफलं शिवम् । (२६।१)

तद्वद् धात्रीफलं वृष्यं विशेषाद् रक्तपित्तजित् ॥ (२६।२)

अम्लत्वात् पवनं हन्ति पित्तम् माधुर्यशैत्यतः । (२७।१)

कफं रूक्षकषायत्वात् तस्मात् किम् अधिकम् फलम् ॥ (२७।२)

कुर्यात्पित्तं तदम्लत्वात् कफम् माधुर्यशैत्यतः । (२८।१)

वातं रूक्षकषायत्वाद् एवं किं न विपर्ययः ॥ (२८।२)

धात्र्यास्त्रिदोषहन्तृत्वं शक्त्यैव मुनिभिः स्मृतम् । (२९।१)

सम्भावनावशादुक्ता रसादेरपि हेतुता ॥ (२९।२)

विभीतकविभीतकः कर्षफलो भूतावासः कलिद्रुमः । (३०।१)

वासन्तो ऽक्षो विन्ध्यजातः संवर्तस्तिलपुष्पकः ॥ (३०।२)

विभीतकः स्वादुपाकः कषायः कफपित्तनुत् । (३१।१)

उष्णवीर्यो हिमस्पर्शो भेदनः कासनाशनः ॥ (३१।२)

रूक्षो नेत्रहितः केश्यो मज्जातो मदकारकः । (३२।१)

त्रिफलात्रिफलैतत्त्रयेण स्याद्वरा श्रेष्ठा फलोत्तमा ॥ (३२।२)

त्रिफला कुष्ठमेहास्रकफपित्तविनाशिनी । (३३।१)

चक्षुष्या रोपणी हृद्या वयसः स्थापनी सरा ॥ (३३।२)

भूम्यामलकीभूधात्री बहुपत्रा स्याज्जटातामलकी शिवा । (३४।१)

भूधात्री वातकृत्तिक्ता कषाया मधुरा हिमा ॥ (३४।२)

पिपासाकासपित्तास्रकफपाण्डुक्षतापहा । (३५।१)

जलआउलाप्राचीनामलकम् प्राची नागरं रक्तकम् मतम् ॥ (३५।२)

तत्पक्वम् पित्तकफकृच्छुष्कं गुरु समीरजित् । (३६।१)

वासावासा वृषः सिंहमुखो भिषङ्माता ऽटरूषकः ॥ (३६।२)

शुक्ला हैमवती चैव सिंही स्याद् वाजिदन्तिका । (३७।१)

वासको वातकृत् स्वर्यः कफपित्तास्रनाशनः ॥ (३७।२)

श्वासकासज्वरच्छर्दिमेहकुष्ठक्षयापहः । (३८।१)

गुडूचीगुडूची कुण्डली छिन्ना वयस्थामृतवल्लरी ॥ (३८।२)

छिन्नोद्भवा छिन्नरुहामृतकन्दा विलासिनी । (३९।१)

वत्सादनी चन्द्रहासा जीवन्ती चक्रलक्षणा ॥ (३९।२)

गुडूची कटुका लघ्वी स्वादुपाका रसायनी । (४०।१)

संग्राहिणी कषायोष्णा वृष्या तिक्ताग्निदीपनी ॥ (४०।२)

कामलाकुष्ठवातासृग्ज्वरपित्तकृमीन् जयेत् । (४१।१)

घृतेन वातं सगुडा विबन्धम् पित्तं सिताढ्या मधुना कफं च । (४१।२)

वातास्रम् उग्रं रुबुतैलमिश्रा शुंठ्यामवातं शमयेद् गुडूची ॥ (४१।३)

बिल्वबिल्वः शलाटुः शैलूषो मालूरश्च सदाफलः । (४२।१)

लक्ष्मीफलो गन्धगर्भः शांडिल्यः कण्टकी मतः ॥ (४२।२)

बिल्वं ग्राहि कषायोष्णं कटु दीपनपाचनम् । (४३।१)

हृद्यम् बालं लघु स्निग्धं तिक्तं वातकफापहम् ॥ (४३।२)

वृद्धं गुरु त्रिदोषं स्याद्दुर्जरम् पूतिमारुतम् । (४४।१)

विदाहि विष्टम्भकरं मधुरं वह्निमान्द्यकृत् ॥ (४४।२)

ग्रहणीकफवातामशूलघ्नी बिल्वपेशिका । (४५।१)

अग्निमन्थअग्निमन्थो जयः केतुररणिर्वैजयन्तिका । (४५।२)

अग्निमन्थः श्वयथुहृद् वीर्योष्णः कफवातनुत् ॥ (४५।३)

पाटलापाटला कामदूती स्यात्कुम्भीका कालवृन्तिका । (४६।१)

स्थाल्यमोघा मधोदूर्ती ताम्रपुष्पाम्बुवासिनी । (४६।२)

अन्या फलेरुहा श्वेता कुम्भीका काष्ठपाटला ॥ (४६।३)

पाटलारुचिशोफार्शःश्वासतृट्छर्दिनाशिनी । (४७।१)

अनुष्णं तुवरं स्वादु तत्पुष्पं कफरक्तनुत् । (४७।२)

पित्तातिसारदाहघ्नं फलं हिक्कास्रपित्तजित् ॥ (४७।३)

काश्मिरीकाश्मीरी सर्वतोभद्रा श्रीपर्णी कृष्णवृन्तिका । (४८।१)

गम्भारी काश्मरी हीरा काश्मर्यो भद्रपर्णिका ॥ (४८।२)

काश्मरी ज्वरशूलघ्नी वीर्योष्णा मधुरा गुरुः । (४९।१)

तत्पुष्पं वातलं ग्राहि पित्तासृक्प्रदरापहम् ॥ (४९।२)

फलं रसायनं केश्यं बृंहणं शुक्रलं गुरु ॥ (५०।०)

वातपित्तक्षयतृष्णारक्तमूत्रविबन्धनुत् ॥ (५१।०)

श्योनाकश्योनाकः पृथुशिंबः स्याच्छुकनासः कुटन्नटः ॥ (५२।०)

भूतवृक्षश्चकट्वङ्गष् टुण्टुकः शलकोऽरलुः । (५३।१)

मयूरजंघो भल्लूकः प्रियञ्जीवः ॥ (५३।२)

कटम्भरः श्योनाको दीपनः पाके कटुस् तुवरको हिमः । (५४।१)

ग्राही तिक्तोऽनिलश्लेष्मपित्तकासामनाशनः ॥ (५४।२)

बृहत्पञ्चमूलबिल्वादिभिः पञ्चभिरेभिरेतैः स्यात्पञ्चमूलं महदग्निकारि । (५५।१)

लघूष्णतिक्तं रसतः कषायम् मेदःकफश्वाससमीरहारि ॥ (५५।२)

गोक्षुरकगोक्षुरस्त्रिकटः कण्टफलः स्यात् स्वादुकण्टकः । (५६।१)

गोकण्टको भक्ष्यकण्टस् त्रिकण्टो व्यालदंष्ट्रकः ॥ (५६।२)

श्वदंष्ट्रः स्थलशृङ्गाटः षडङ्गः क्षुरकस्त्रिकः । (५७।१)

गोक्षुरः शीतलः स्वादुर् बलकृद् वस्तिशोधनः ॥ (५७।२)

प्रमेहश्वासकासाश्मकृच्छ्रहृद्रोगवातजित् । (५८।१)

शालिपर्णीशालिपर्णी ध्रुवा सौम्या त्रिपर्णी पीतनी स्थिरा ॥ (५८।२)

विदारिगन्धातिगुहा दीर्घमूलांशुमत्यपि । (५९।१)

शालिपर्णी गुरुश्छर्दिज्वरश्वासातिसारनुत् ॥ (५९।२)

शोषदोषत्रयहरा बृंहण्युष्णा रसायिनी । (६०।१)

पृष्ठिपर्णीपृष्ठिपर्णी क्रोष्टुपुच्छी धावनी कलशी गुहा । (६०।२)

शृगालवृन्ताङ्घ्रिबला पृथक्पर्णी च पर्णिका । (६०।३)

पृश्निपर्णी लघुर् वृष्या मधुरोष्णा विनाशयेत् ॥ (६०।४)

रक्तातिसारतृड्दाहदोषत्रयवमिज्वरान् । (६१।१)

बृहतीबृहती स्थूलभण्टाकी विशदा च महोटिका । (६१।२)

वार्ताकी महती सिंही कण्टकी राष्ट्रिका कुली ॥ (६१।३)

बृहती ग्राहिणी हृद्या पाचनी कफवातजित् । (६२।१)

उष्णा कुष्ठज्वरश्वासशूलकासाग्निमान्द्यहृत् ॥ (६२।२)

कण्टालिकाकण्टालिका कण्टकिनी कण्टकारी निदग्धिका । (६३।१)

दुःस्पर्शा धावनी क्षुद्रा स्याद् व्याघ्री दुःप्रधर्षिणी ॥ (६३।२)

सितक्षुद्रा चन्द्रहासा लक्ष्मणा क्षेत्रदूतिका ॥ (६४।०)

कण्टकारी सरा तिक्ता कटुका दीपनी लघुः । (६५।१)

रूक्षोष्णा पाचनी कासश्वासज्वरकफानिलान् ॥ (६५।२)

निहन्ति पीनसम् पार्श्वपीडाकृच्छ्रहृदामयान् । (६६।१)

तद्वत्प्रोक्ता सितक्षुद्रा विशेषाद् गर्भकारिणी ॥ (६६।२)

लघुपञ्चमूलह्रस्वाख्यम् पञ्चमूलं स्यात् पञ्चभिर् गोक्षुरादिभिः । (६७।१)

बल्यम् पित्तानिलहरं नात्युष्णं स्वादु बृंहणम् । (६७।२)

दशमूलएताभ्यां पञ्चमूलाभ्यां दशमूलमुदाहृतम् । (६७।३)

दोषत्रयश्वासकासशिरःपीडापतन्त्रकान् । (६७।४)

तन्द्रास्वेदज्वरानाहारुचिपार्श्वरुजो जयेत् ॥ (६७।५)

ऋद्धिवृद्धिऋद्धिः सुखं युगं लक्ष्मीः सिद्धिः सर्वजनप्रिया । (६८।१)

ऋषिश्रेष्ठा रथाङ्गी स्यान् मङ्गला श्रावणी वसुः ॥ (६८।२)

योग्यं युग्या तुष्टिराशिर् वृद्धिरप्येतदाह्वया । (६९।१)

ऋद्धिर् बल्या त्रिदोषघ्नी शुक्रला मधुरा गुरुः ॥ (६९।२)

वृद्धिर्गर्भप्रदा शीता वृष्या कासक्षयामनुत् । (७०।१)

काकोलीकाकोली मधुरा वीरा कायस्था क्षीरशुक्लिका । (७०।२)

ध्वांक्षोली वायसोली स्यात् स्वादुमांसी पयस्विनी ॥ (७०।३)

द्वितीया क्षीरकाकोली शताह्वा क्षीरिणी मता । (७१।१)

काकोलीयुगलं शीतं शुक्रलम् मधुरं गुरु ॥ (७१।२)

जयेत् समीरदाहास्रपित्तशोषतृषाज्वरान् । (७२।१)

मेदामेदा ज्ञेया शालिपर्णी दिव्या मेदोभवाध्वरा । (७२।२)

महामेदा वसुच्छिद्रा नृदन्ती देवतामणिः ॥ (७२।३)

मेदायुग्मं गुरु स्वादु वृष्यं स्तन्यकफावहम् । (७३।१)

बृंहणं शीतलम् पित्तरक्तक्षयसमीरनुत् ॥ (७३।२)

जीवकजीवको मधुरः शृङ्गी ह्रस्वाङ्गः कूर्चशीर्षकः । (७४।१)

ऋषभो धीर इन्द्राक्षो विषाणी दुर्धरो वृषः ॥ (७४।२)

जीवकर्षभकौ बल्यौ शीतौ शुक्रकफप्रदौ । (७५।१)

हरतः पित्तदाहास्रकार्श्यवातक्षयामयान् ॥ (७५।२)

अष्टवर्गअष्टवर्गो ऽष्टभिर् द्रव्यैर् एतैः शीतोऽतिशुक्रलः । (७६।१)

बृंहणः पित्तदाहास्रशोषघ्नः स्तन्यगर्भकृत् ॥ (७६।२)

जीवन्तीजीवन्ती जीवनी जीवा जीवनीया यशस्करी । (७७।१)

शाकश्रेष्ठा जीवभद्रा मङ्गल्या जीववर्धिनी ॥ (७७।२)

जीवन्ती शीतला स्वादुः स्निग्धा दोषत्रयापहा । (७८।१)

रसायनी बलकरी चक्षुष्या ग्राहिणी लघुः ॥ (७८।२)

मधुयष्टीमधुयष्टी क्लीतनकं यष्टीमधु मधूलिका । (७९।१)

यष्ट्याह्वम् मधुकं यष्टीमधुकं जलजा मधु ॥ (७९।२)

मधुयष्टी गुरुः शीता बल्या तृट्छर्दिपित्तनुत् । (८०।०)

माषपर्णीमाषपर्णी कृष्णवृन्ता काम्बोजी हयपुच्छिका । (८०।१)

मांसमाषा सिंहमुखी स्वादुमाषा महासहा ॥ (८०।२)

मुद्गपर्णीमुद्गपर्णी क्षुद्रसहा शूर्पपर्णी कुरङ्गिनी । (८१।१)

वनजा रिङ्गणी शिवी सिंही मार्जारगन्धिका ॥ (८१।२)

माषपर्णी हिमा तिक्ता रूक्षा शुक्रबलासकृत् । (८२।१)

मधुरा ग्राहिणी शोषवातपित्तज्वरास्रनुत् । (८२।२)

तद्वद्भवेन्मुद्गपर्णी त्रिदोषास्रहरा लघुः ॥ (८२।३)

जीवनीयगणजीवन्ती शूर्पपर्णीयुक् काकोल्यौ जीवकर्षभौ । (८३।१)

मेदायष्टीति मधुरो जीवनीयो गणः स्मृतः ॥ (८३।२)

शुक्रकृद् बृंहणः शीतः स्तन्यगर्भकफप्रदः । (८४।१)

रक्तपित्ततृषाशोषज्वरदाहक्षतापहः ॥ (८४।२)

एरण्डएरण्डो दीर्घदण्डः स्यात् तरुणो वर्धमानकः । (८५।१)

चित्रः पंचाङ्गुलो व्याघ्रपुच्छो गन्धर्वहस्तकः ॥ (८५।२)

रक्तैरण्डो हस्तिकर्णो व्याघ्रो व्याघ्रतलोरुवुः । (८६।१)

उत्तानपत्त्रो दुर्वात आमवैरी च चञ्चुलः ॥ (८६।२)

एरण्डयुग्मम् मधुरम् उष्णं गुरु विनाशयेत् । (८७।१)

शोफकटीवस्तिशिरःपीडोदरज्वरान् ॥ (८७।२)

ब्रध्नश्वासकफानाहकासकुष्ठाममारुतान् । (८८।१)

तत्फलम् भेदनं स्वादु शारमुष्णं समीरजित् ॥ (८८।२)

सारिवासारिवा शारदा स्फोता गोपकन्या प्रतानिका । (८९।१)

गोपाङ्गना गोपवल्ली लताह्वा काष्ठसारिवा ॥ (८९।२)

सारिवान्या कृष्णमूली भद्रा चन्दनसारिवा । (९०।१)

सारिवायुगलं स्वादु स्निग्धं शुक्रकरं गुरु । (९०।२)

दोषत्रयास्रप्रदरज्वरातीसारनाशनम् ॥ (९०।३)

यासयासो मरुद्भवो ऽनन्ता दीर्घमूलो यवासकः । (९१।१)

बालपत्त्रः समुद्रान्तो दूरमूलो ऽतिकण्टकः ॥ (९१।२)

धन्वयासस् ताम्रमूली दुःस्पर्शा स्याद् दुरालभा । (९२।१)

वासकः कच्छुरा ताम्रमूला धन्वयवासकः ॥ (९२।२)

यासः स्वादुः सरस्तिक्तो हिमः पित्तहरो लघुः । (९३।१)

हन्ति रक्तकफभ्रान्तीस् तद्वद्धन्वयवासकः ॥ (९३।२)

मुण्डीमुण्डी भिक्षुः परिव्राजी श्रावणी स्यात् तपोधना । (९४।१)

श्रावणा श्रीमती मुण्डा तिक्ता श्रवणशीर्षका ॥ (९४।२)

मुण्डी तिक्ता कटुः पाके वीर्योष्णा मधुरा लघुः । (९५।१)

मेध्या गण्डापचीछर्दिकृमियोन्यर्तिपाण्डुजित् ॥ (९५।२)

महामुण्डीमहामुण्डी लोभनीया छिन्नग्रन्थिनिका मता । (९६।१)

भूतवृक्षा कुलहलालम्बुषा भूकदम्बिका ॥ (९६।२)

कदम्बपुष्पी मुण्डीवद् गुणैर् भूमिकदम्बकः । (९७।१)

अपामार्गअपामार्गस्तु शिखरी किणिही खरमञ्जरी ॥ (९७।२)

अधःशल्यः शैखरिकः प्रत्यक्पुष्पी मयूरकः । (९८।१)

अपामार्गः सरस् तीक्ष्णो दीपनः कफवातनुत् । (९८।२)

निहन्ति दद्रुसिध्मार्शःकण्डूशूलोदरापचीः ॥ (९८।३)

अन्यो रक्तो वृत्तफलो वशिरः कपिपिप्पली । (९९।१)

अपामार्गो ऽरुणो वातविष्टम्भी कफनाशनः । (९९।२)

ऊनः पूर्वगुणै रूक्षस् तत्पत्रं रक्तपित्तजित् ॥ (९९।३)

कम्पिल्लकम्पिल्लो रोचनो रक्तचूर्णको व्रणशोधनः । (१००।१)

लोहितो रक्तशमनो रेची रञ्जनको मतः ॥ (१००।२)

कम्पिल्लः कफपित्तास्रक्रिमिगुल्मोदरव्रणान् । (१०१।१)

हन्ति रेची कटूष्णश्च तच्छाकं ग्राहि शीतलम् ॥ (१०१।२)

दन्तीदन्ती घुणप्रिया नागदन्ती शीघ्रानुकूलिनी । (१०२।१)

उपचित्रा निकुम्भा स्याद् विशल्योदुम्बरच्छदा ॥ (१०२।२)

आखुपर्णी विषैरण्डा द्रवन्ती शम्बरी मता । (१०३।१)

मूसिकाह्वा सुतश्रेणी प्रत्यक्श्रेणी च फञ्जिका ॥ (१०३।२)

दन्तीद्वयं सरम् पाकरसयोः कटु दीपनम् । (१०४।१)

तीक्ष्णोष्णं हन्ति पित्तास्रकफशोफोदरकृमीन् ॥ (१०४।२)

जयपालजयपालो दन्तिबीजं ख्यातं तत् तित्तिरीफलम् । (१०५।१)

जयपालो गुरुः स्निग्धो रेची पित्तकफापहः ॥ (१०५।२)

मूर्वामूर्वा मधुरसा देवी पृथक्पर्णी त्रिपर्ण्यपि । (१०६।१)

देवश्रेणी स्वादुरसा स्निग्धपर्णी च मोरटा ॥ (१०६।२)

जालिनी दीपनी तिक्तवल्कला च पृथक्त्वचा । (१०७।१)

मधुश्रवा मधुश्रेणी स्रुवा मधुमती च सा ॥ (१०७।२)

लघुपर्णी मधूली च पीलुपर्णी च पीलुनी । (१०८।१)

गोपवल्ली तेजनी च मूर्वा वृष्या बलप्रदा । (१०८।२)

श्लेष्मकृत् पित्तवातघ्नी ग्राहिणी गुल्मनाशिनी ॥ (१०८।३)

त्रिवृत्तृवृत् कुम्भारुणा त्र्यस्रा भण्डी कोटरवासिनी । (१०९।१)

सर्वानुभूतिस् त्रिवृता त्रिपुटा सरला सिता ॥ (१०९।२)

तृवृत् तिक्ता सरा रूक्षा स्वादुर् उष्णा समीरनुत् । (११०।१)

कटुः पाके ज्वरश्लेष्मपित्तशोफोदरापहा ॥ (११०।२)

कालत्रिवृत्तृवृत् काला कालमेषी कालपर्ण्यर्धचन्द्रिका । (१११।१)

सुषेणा स्यान्मालविका मसूरविदला मता ॥ (१११।२)

तृवृत् काला हीनगुणा तस्यास् तीव्रविरेचिनी । (११२।१)

मूर्च्छादाहमदभ्रान्तिकण्ठोत्कर्षणकारिणी ॥ (११२।२)

ऐन्द्रवारुणीऐन्द्रवारुण्यथेन्द्राह्वा वृषभाक्षी गवादिनी । (११३।१)

इन्द्रवारुः क्षुद्रफला विशालैन्द्री वृषादिनी ॥ (११३।२)

अन्येन्द्रवारुणी चित्रफला चित्रा महाफला । (११४।१)

आत्मरक्षा नागदन्ती त्रपुसी गजचिर्भटी ॥ (११४।२)

श्वेतपुष्पामृगाक्षी च तथा यक्षसुरा मता । (११५।१)

मरुद्भवा कृमीकुम्भा चित्रा देवी च कीर्तिता ॥ (११५।२)

इन्द्रवारुद्वयं तिक्तं कटु पाके सरं लघु । (११६।१)

वीर्योष्णं कामलापित्तकफप्लीहोदरापहम् ॥ (११६।२)

आरग्वधआरग्वधो राजवृक्षः शम्याकः कृतमालकः । (११७।१)

व्याधिघातः कर्णिकारः प्रग्रहश् चनुरङ्गुलः । (११७।२)

आरोग्यशिम्बी स्वर्णद्रुः कर्णी दीर्घफलो मतः ॥ (११७।३)

आरग्वधो गुरुः स्वादुः शीतलोमृदुरेचनः । (११८।१)

ज्वरहृद्रोगपित्तास्रवातोदावर्तशूलजित् ॥ (११८।२)

तत्पुष्पं वातलं ग्राहि तिक्तम् पित्तकफापहम् । (११९।१)

तन्मज्जा मधुरः पाके स्निग्धः पित्तसमीरजित् ॥ (११९।२)

नीलिनीनीलिनी नीलिका ग्राम्या श्रीफला भारवाहिनी । (१२०।१)

रञ्जिनी कालिका मेला तूणी तुत्था विशोधिनी ॥ (१२०।२)

नालिनी रेचनी तिक्ता केश्या मोहभ्रमावहा । (१२१।१)

उष्णा हन्त्युदरप्लीहवातरक्तकफानिलान् ॥ (१२१।२)

कटुकाकटुका रोहिणी तिक्ता चक्राङ्गा कटुरोहिणी । (१२२।१)

मत्स्यपित्ता काण्डरुहा कृष्णभेदा द्विजाङ्गिका ॥ (१२२।२)

अशोकरोहिणी मत्स्यशकला शकुलादिनी । (१२३।१)

कटुकी कटुका पाके तिक्ता रूक्षा सरा लघुः । (१२३।२)

हिमा हन्ति कृमिश्वासदाहपित्तकफज्वरान् ॥ (१२३।३)

अङ्कोल्लकअङ्कोल्लकस् ताम्रफलः पीतसारो निकोचकः । (१२४।१)

गुप्तस्नेहो विरेची स्याद् भूसुता दीर्घकीलकः ॥ (१२४।२)

अङ्कोल्लकः कटुः स्निग्धस्तीक्ष्णोष्णस् तुवरो लघुः । (१२५।१)

रेचनः कृमिशूलामशोषश्लेष्मविषापहः । (१२५।२)

तत्फलं शीतलं स्वादु श्लेष्मलम् बृंहणं गुरु ॥ (१२५।३)

बल्यं विरेचनं वातपित्तदाहक्षयास्रजित् । (१२६।१)

सेहुण्डसेहुण्डो वज्रतुण्डस्तु गण्डीरो वज्रदण्डकः । (१२६।२)

स्नुही समन्तदुग्धासिपत्त्रो वज्री महातरुः ॥ (१२६।३)

सेहुण्डो रेचनस् तीक्ष्णो दीपनः कटुको गुरुः । (१२७।१)

शूलामाष्ठीलिकाध्मानगुल्मशोफोदरानिलान् । (१२७।२)

हन्ति दूषीविषप्लीहकुष्ठोन्मादाश्मपाण्डुताः ॥ (१२७।३)

निम्बनिम्बो नियमनो नेतारिष्टः स्यात् पारिभद्रकः । (१२८।१)

सुतिक्तः सर्वतोभद्रः पिचुमन्दः सुभद्रकः ॥ (१२८।२)

निम्बः शीतो लघुर् ग्राही कटुपाको ऽग्निवातकृत् । (१२९।१)

व्रणपित्तकफच्छर्दिकुष्ठहृल्लासमेहनुत् ॥ (१२९।२)

निम्बपत्रं स्मृतं नेत्र्यं कृमिपित्तविषप्रणुत् । (१३०।१)

वातलं कटुपाकं च सर्वारोचककुष्ठनुत् ॥ (१३०।२)

अपक्वम् पाचयेन्निम्बं पक्वं च परिशोधयेत् । (१३१।१)

तत्फलम् भेदनं स्निग्धमुष्णं कुष्ठहरं लघु ॥ (१३१।२)

महानिम्बमहानिम्बो निम्बवरः कार्मुको विषमुष्टिकः । (१३२।१)

रम्यको गिरिकोद्रेकः क्षीरः स्यात् केशमुष्टिकः ॥ (१३२।२)

कैवर्तः शाकशालश्च गिरिपत्त्रः सुपार्श्वकः । (१३३।१)

महानिम्बो हिमो रूक्षस् तिक्तो ग्राही कषायकः ॥ (१३३।२)

कफपित्तकृमिछर्दिकुष्ठहृल्लासरक्तजित् । (१३४।१)

किराततिक्तकिराततिक्तः कैरातो भूनिम्बो रामसेनकः ॥ (१३४।२)

किराततिक्तको हैमः काण्डतिक्तः किरातकः । (१३५।१)

नैपालः कथितश्चान्यो जातिभेदो ज्वरान्तकृत् ॥ (१३५।२)

नाडीतिक्तोऽर्धतिक्तः स्यान्निद्रारिः सन्निपातहा । (१३६।१)

किरातो वातलो रूक्षः शीतस् तिक्तको लघुः ॥ (१३६।२)

सन्निपातज्वरश्वासकफपित्तास्रदाहनुत् । (१३७।१)

सरो लघुः तिक्तहिमो बलासपित्तास्रशोफज्वरकासतृड्घ्नः । (१३७।२)

भूनिम्बो वातलो रूक्षः कफपित्तज्वरापहः ॥ (१३७।३)

कुटजकुटजः कूटजः कोटी वत्सको गिरिमल्लिका । (१३८।१)

कलिङ्गो मल्लिकापुष्प इन्द्रवृक्षोऽथ वृक्षकः ॥ (१३८।२)

तुच्छको वरतिक्तश्च शक्रद्रुः पाण्डुरद्रुमः । (१३९।१)

शतक्रतुद्रुमः कोशी नीलयष्टिश्च मल्लिका ॥ (१३९।२)

कुटजः कटुको रूक्षो दीपनस् तुवरो हिमः । (१४०।१)

अर्शोऽतिसारपित्तास्रकफतृष्णामकुष्ठनुत् ॥ (१४०।२)

इन्द्रयवाःफलानि तस्येन्द्रयवाः शक्राह्वं च कलिङ्गकम् । (१४१।१)

तथा वत्सकबीजानि प्रोक्ता भद्रयवास् तथा ॥ (१४१।२)

इन्द्रयवस् त्रिदोषघ्नः संग्राही शीतलः कटुः । (१४२।१)

ज्वरातिसाररक्तार्शःकृमिकुष्ठविसर्पनुत् ॥ (१४२।२)

मदनमदनश् छर्दनो राठः पिण्डी पिण्डीतकः फलः । (१४३।१)

तगरः करहाटश्च शल्यको विषपुष्पकः ॥ (१४३।२)

स्नेहपिण्डीतकश्चैव बस्तिशोधन एव च । (१४४।१)

छर्दनो वामनश्चैव स च गालः प्रकीर्तितः ॥ (१४४।२)

मदनो वान्तिकृच्छ्रोत्रव्रणस्त्रावविनाशनः । (१४५।१)

रूक्षः कुष्ठकफानाहशोफगुल्मव्रणापहः ॥ (१४५।२)

कङ्कुष्ठ:: स्य्नोन्य्म्स्कङ्कुष्ठकं काककुष्ठं रेचनं रङ्गनायकम् । (१४६।१)

वराङ्गपुपुलकं हासं शोधनं किञ्जवालुकम् ॥ (१४६।२)

कङ्कुष्ठ:: मेदिच्। प्रोपेर्तिएस्कङ्कुष्ठं रेचनं तिक्तं कटूष्णं वर्णकारकम् । (१४७।१)

कृमिशोथोदराध्मानगुल्मानाहकफापहम् ॥ (१४७।२)

हेमाह्वाहेमाह्वा कनकक्षीरी हेमक्षीरी च काञ्चनी । (१४८।१)

क्षीरिणी काञ्चनक्षीरी कटुपर्णी च कर्षिणी ॥ (१४८।२)

तिक्ता हैमवती दुग्धा हेमदुग्धा हिमावती । (१४९।१)

स्वर्णक्षीरी स्वर्णदुग्धा सुवर्णक्षीरिकापि च ॥ (१४९।२)

पीतदुग्धा हैमवती तिक्तदुग्धा हिमाद्रिजा । (१५०।१)

हेमाह्वा रेचनी तिक्ता मादिन्युत्क्लेशकारिणी । (१५०।२)

कृमिपाण्डुकफानाहविषकुष्ठविनाशिनी ॥ (१५०।३)

सातलासातला सप्तला सारा विदुला विमला मता । (१५१।१)

बहुफेना चर्मकसा फेना दीप्ता तु नालिका ॥ (१५१।२)

सातला कटुका पाके वातला शीतला लघुः । (१५२।१)

तिक्ता शोफकफानाहपित्तोदावर्तरक्तजित् ॥ (१५२।२)

अश्मन्तकअश्मन्तको युग्मपत्त्रः कुशली पापनाशनः । (१५३।१)

श्लक्ष्मत्वग् अश्मयोनिः स्यात् पाषाणान्तक एव च ॥ (१५३।२)

द्वितीयो ऽश्मन्तकश्चैव गुणतस्तु स्मृतो ऽन्यथा । (१५४।१)

अश्मन्तस्तुवरो ग्राही शीतोष्णः कफवातजित् ॥ (१५४।२)

निहन्ति गलगण्डास्रगण्डमालागलामयान् । (१५५।१)

तत्फलं लेखनं ग्राहि गुरु श्लेष्मानिलापहम् । (१५५।२)

तन्मषी शस्त्रघाते तु श्रेष्ठा च व्रणरोपणे ॥ (१५५।३)

काञ्चनारकाञ्चनारः काञ्चनकः पाकारी रक्तपुष्पकः । (१५६।१)

कोविदारोऽस्य भेदः स्यात्कुद्दालः कुण्डली कुली ॥ (१५६।२)

ताम्रपुष्पश् चमरिको महायमलपत्त्रकः । (१५७।१)

आस्फोतोद्दालकः स्वल्पकेशरश्च कुलाहलः ॥ (१५७।२)

काञ्चनारो हिमो ग्राही तुवरः श्लेष्मपित्तजित् । (१५८।१)

कृमिकुष्ठगुदभ्रंशगण्डमालाव्रणापहः ॥ (१५८।२)

कोविदारोऽपि तद्वत्स्यात् पुष्पं शीतं तयोर्लघु । (१५९।१)

रूक्षं संग्राहि पित्तास्रप्रदरक्षतकासनुत् ॥ (१५९।२)

निर्गुण्डीनिर्गुण्डी श्वेतकुसुमा सिन्दुकः सिन्दुवारकः । (१६०।१)

भूतकेश्यपरो नीलसिन्दुको नीलपुष्पकशेफालिका । (१६०।२)

शीतभीरुर् वर्णको नीलमञ्जरिः ॥ (१६०।३)

निर्गुण्डी स्मृतिदा तिक्ता कषाया कटुका लघुः । (१६१।१)

केश्या नेत्रहिता हन्ति शूलशोथाममारुतान् । (१६१।२)

कृमिकुष्ठानिलश्लेष्मव्रणारुचिविषापहा ॥ (१६१।३)

अजशृङ्गीअजशृङ्गी मेषशृङ्गी सर्पदंष्ट्रा च कीर्तिता । (१६२।१)

तिक्तदुग्धाक्षिभैषज्यं पुत्रश्रेणी विषाणिका । (१६२।२)

मता सा वृश्चिकालीति त्रपुसीमपरे जगुः ॥ (१६२।३)

उष्ट्री लोमशपुष्पा च धीवृक्षा घनशृङ्गिका । (१६३।१)

विषघ्ना पादवृक्षश्च काली चक्षुष्य एव च ॥ (१६३।२)

वामावर्ता विषहरी कालिका नेत्रभेषजा । (१६४।१)

सक्षीरा कर्कशा युग्मफला चोत्तरवाहिनी ॥ (१६४।२)

माषपर्ण्यल्परोमा च मेषवल्लीति कीर्तिता । (१६५।१)

द्वितीया दक्षिणावर्ता वृश्चिकाली विषाणिका ॥ (१६५।२)

अपरा वृश्चिका पत्त्री तथा चर्मकवृन्तिका । (१६६।१)

बदरा मेघपुष्पा च तथा भासुरपुष्पिका ॥ (१६६।२)

कासजिद्वातशमनी वृश्चिकाली विषापहा ॥ (१६७।०)

पुनर्नवापुनर्नवा विशाखश्च रक्तपुष्पा शिवाटिका । (१६८।१)

क्रूरकः क्षुद्रवर्षाभूर् दीर्घपत्त्रश्च क्षुद्रकः ॥ (१६८।२)

पुनर्नवा सरा तिक्ता रूक्षोष्णा मधुरा कटुः । (१६९।१)

शोफानिलव्रणश्लेष्महरा रुच्या रसायनी ॥ (१६९।२)

श्वेतपुनर्नवापुनर्नवारुणा तिक्ता रक्तपुष्पा कठिल्लकः । (१७०।१)

क्रूरकः क्षुद्रवर्षाभूर् वर्षकेतुः शिवाटिका ॥ (१७०।२)

पुनर्नवारुणा तिक्ता कटुपाका हिमा लघुः । (१७१।१)

वातला ग्राहिणी श्लेष्मरक्तविद्रधिनाशिनी ॥ (१७१।२)

रास्नारास्ना रक्ता युक्तरसा रसना गन्धनाकुलिः । (१७२।१)

सुगन्धिमूलातिरसा श्रेयसी सुबहा रसा ॥ (१७२।२)

रास्नामपाचनी तिक्ता गुरूष्णा श्लेष्मवातजित् । (१७३।१)

शोफश्वाससमीरास्रवातशोथोदरापहा ॥ (१७३।२)

अश्वगन्धाअश्वगन्धा तुरङ्गाह्वा गोकर्णाश्वावरोहकः । (१७४।१)

वाराहकर्णी वरदा बल्या वाजीकरी वृषा ॥ (१७४।२)

अश्वगन्धानिलश्लेष्मशोफश्वित्रक्षयापहा । (१७५।१)

बल्या रसायनी तिक्ता कषायोष्णातिशुक्रला ॥ (१७५।२)

प्रसारिणीप्रसारिणी राजबला चारुपर्णी प्रतानिका । (१७६।१)

सरणी सारणी भद्रपर्णी सुप्रसरा सरा ॥ (१७६।२)

प्रसारिणी गुरुर्वृष्या वर्त्मसन्धानकृत्सरा । (१७७।१)

वीर्योष्णा वातनुत्तिक्ता वातरक्तकफापहा ॥ (१७७।२)

शतावरीशतावरी द्वीपिशत्रुर् द्वीपिकाधरकण्टका । (१७८।१)

नारायणी शतपदी शताह्वा बहुपत्त्रिका ॥ (१७८।२)

शतावरी गुरुः शीता स्वादुः स्निग्धा रसायनी । (१७९।१)

शुक्रस्तन्यकरा बल्या वातपित्तास्रशोफजित् ॥ (१७९।२)

शतावर्यूर्ध्वकण्टान्या पीवरीन्दीवरी । (१८०।१)

अभीरुर् बहुपत्त्रा च महापुरुषदन्तिका ॥ (१८०।२)

सहस्रवीर्या केशी स्यात्तुङ्गिनी सूक्ष्मपत्त्रिका । (१८१।१)

महाशतावरी मेध्या हृद्या रसायनी । (१८१।२)

शीतवीर्या निहन्त्यर्शोग्रहणीनयनामयान् ॥ (१८१।३)

बलाबला वाट्यालका शीतपाकी वाट्योदनाह्वया । (१८२।१)

भद्रौदनी समङ्गा स्यात्समांशा खरयष्टिका ॥ (१८२।२)

महाबलामहाबला वीरपुष्पी सहदेवी बृहद्बला । (१८३।१)

वाट्यायिनी देवसहा वाट्या स्यात्पीतपुष्पिका । (१८३।२)

गन्धवर्णा महागन्धा वर्षापुष्पा प्रसादिनी ॥ (१८३।३)

बालिकाबालिकातिबला भारद्वाजी स्याद् अक्षगन्धिनी । (१८४।१)

गाङ्गेरुकीगाङ्गेरुकी नागबला विश्वेदेवा गवेधुका ॥ (१८४।२)

बलाचतुष्टयं शीतं मधुरम् बलकान्तिकृत् । (१८५।१)

स्निग्धं ग्राहि समीरास्रपीनसक्षतनाशनम् ॥ (१८५।२)

आसाम् बृहद्बला कृच्छ्रं हन्ति वातानुलोमिनी । (१८६।१)

गुर्वी नागबला वृष्या विशेषाद् रक्तपित्तजित् ॥ (१८६।२)

बल्या रसायनी पुंस्त्ववर्धिनी बृंहणी तथा । (१८७।१)

तस्याः फलं हिमं स्वादुस्तम्भनं गुरु लेखनम् । (१८७।२)

निबन्धाध्मानजननं रक्तपित्तनिबर्हणम् ॥ (१८७।३)

तेजस्विनीतेजस्विनी तेजवती तेजिन्यलघुवल्कला । (१८८।१)

महौजसी पारिजाता शीता तिक्तातितेजिनी ॥ (१८८।२)

तेजस्विनी कफश्वासकासास्यामयवातजित् । (१८९।१)

पाचन्युष्णा कटुस्तिक्ता रुचिवह्निप्रदीपनी ॥ (१८९।२)

ज्योतिष्मतीज्योतिष्मती वह्निरुचिः कङ्गनी कटभी तथा । (१९०।१)

ज्योतिष्मती कटुस्तिक्ता सरा कफसमीरजित् । (१९०।२)

अत्युष्णा दामनी तीक्ष्णा वह्निबुद्धिस्मृतिप्रदा ॥ (१९०।३)

देवदारुदेवदारुः सुराह्वं स्याद्भद्रदारु सुरद्रुमः । (१९१।१)

भद्रकाष्ठं स्नेहवृक्षः किलिमं शक्रदारु च ॥ (१९१।२)

देवदारु कटुस्निग्धं तिक्तोष्णं लघु नाशयेत् । (१९२।१)

आध्मानज्वरशोषामहिक्काकण्डूकफानिलान् ॥ (१९२।२)

सरलसरलो नन्दनश्चीडो नमेरु दर्पिवृक्षकः । (१९३।१)

पीतदारुः पीतवृक्षो महादीर्घः कलिद्रुमः ॥ (१९३।२)

सरलः कटुकः पाके रसतो मधुरो लघुः । (१९४।१)

उष्णः स्निग्धः समीराक्षिकण्ठकर्णामयापहः ॥ (१९४।२)

पौष्करपुष्कराह्वम् पद्मपत्त्रं पौष्करम् पुष्कराङ्घ्रिकम् । (१९५।१)

काश्मीरम् पुष्करजटा मूलं वीरं सुगन्धिकम् ॥ (१९५।२)

पौष्करं कटुकं तिक्तम् उष्णं वातकफज्वरान् । (१९६।१)

हन्ति शोफारुचिश्वासान् विशेषात् पार्श्वशूलजित् ॥ (१९६।२)

कुष्ठकुष्ठं रोगाह्वयं वाप्यं कौबेरम् पारिभद्रकम् । (१९७।१)

पारिहार्यम् पारिभाव्यमुत्पलं हरिभद्रकम् ॥ (१९७।२)

कुष्ठमुष्णं कटु स्वादु शुक्रप्रदं लघु । (१९८।१)

हन्ति वातास्रवीसर्पकासकुष्ठमरुत्कफान् ॥ (१९८।२)

शृङ्गीशृङ्गी कुलीरशृङ्गी स्याद्वक्रा कर्कटशृङ्गिका । (१९९।१)

कर्कटाख्या महाघोषा शृङ्गनाम्नी नताङ्ग्यपि ॥ (१९९।२)

शृङ्गी कषाया तिक्तोष्णा हन्ति हिध्मावमिज्वरान् । (२००।१)

तृष्णाभ्रमकफश्वासक्षयकासोर्ध्वमारुतान् ॥ (२००।२)

रोहिषरोहिषं कत्तृणम् भूतिर् भूतीकं सरलं तृणम् । (२०१।१)

श्यामलं युग्दलम् पौरं ध्यामकं देवगन्धकम् ॥ (२०१।२)

रोहिषं कटुकम् पाके तिक्तोष्णं तुवरं जयेत् । (२०२।१)

कण्ठहृद्रोगपित्तास्रशूलकासकफज्वरान् ॥ (२०२।२)

कट्फलकट्फलं कुमुदा कुम्भी श्रीपर्णी सोमपादपः । (२०३।१)

सोमवल्को महाकुम्भी भद्रा भद्रवती शिवा ॥ (२०३।२)

कट्फलं तुवरं तिक्तं कटु वातकफज्वरान् । (२०४।१)

हन्ति श्वासप्रमेहार्शःकासकण्ठामयारुचीः ॥ (२०४।२)

भार्ङ्गीभार्ङ्गी भृगुभवा पद्मा कासघ्नी भार्गवाग्रणीः । (२०५।१)

खरशाकं शुक्रमाता फञ्जी ब्राह्मणयष्टिका ॥ (२०५।२)

भार्ङ्गी रूक्षा कटुस्तिक्ता रुच्योष्णा पाचनी जयेत् । (२०६।१)

शोफश्वाससमीरास्रपीनसज्वरमारुतान् ॥ (२०६।२)

पाषाणभेदपाषाणभेदः पाषाणो ऽश्मरीभेदो ऽश्मभेदकः । (२०७।१)

शिलाभेदो दृषद्भेदो नगभिन्नगभेदनः ॥ (२०७।२)

पाषाणभेदस्तुवरः शीतलो वस्तिशोधनः । (२०८।१)

सरस्तिक्तः प्रमेहार्शःकृच्छ्राश्मरिरुजो जयेत् ॥ (२०८।२)

मुस्तमुस्तं वारिधरो मुस्ता मेघाख्यः कुरुविन्दकः । (२०९।१)

वराहो ऽब्दो घनो भद्रमुस्तो राजकसेरुकः ॥ (२०९।२)

पिण्डमुस्तं विषध्वंसी नागरो ऽन्यः प्रकीर्तितः । (२१०।१)

मुस्तं कटु हिमं ग्राहि तिक्तं दीपनपाचनम् । (२१०।२)

कषायं कृमिपित्तास्रकफतृष्णाज्वरापहम् ॥ (२१०।३)

धातकीधातकी कुञ्जरा सिन्धुपुष्पी प्रमदिनी मदा । (२११।१)

पार्वतीया ताम्रपुष्पी सुभिक्षा मद्यवासिनी ॥ (२११।२)

धातकी कटुका शीता मदकृत् तुवरा लघुः । (२१२।१)

तृष्णातीसारपित्तास्रविषकृमिविसर्पजित् ॥ (२१२।२)

माचिकामाचिका बालिकाम्बष्ठा शची दन्तशठाम्बिका । (२१३।१)

आम्बष्ठकी सूचिमुखी कषाया सा कटंमुखी ॥ (२१३।२)

माचिकाम्ला रसे पाके कषाया शीतला लघुः । (२१४।१)

पक्वातीसारपित्तास्रकफकण्ठामयापहा ॥ (२१४।२)

विदारिकाविदारिका वृष्यवल्ली वृष्यकन्दा विदालिका । (२१५।१)

शृङ्गालिका कन्दवल्ली स्वादुकन्दा पलाशिका ॥ (२१५।२)

अन्या शुक्ला क्षीरशुक्ला क्षीरवल्ली पयस्विनी । (२१६।१)

इक्षुवल्ली महाश्वेता क्षीरगन्धेक्षुगन्धिका ॥ (२१६।२)

विदारी मधुरा स्निग्धा बृंहणी स्तन्यशुक्रदा । (२१७।१)

गुरुः पित्तास्रपवनदाहान् हन्ति रसायिनी ॥ (२१७।२)

वाराहीवाराही माधवी घृष्टिः सौकरी वनमालिका । (२१८।१)

तस्याः कन्दः किटिः क्रोडनामा शम्बरकन्दकः ॥ (२१८।२)

वाराही मधुरा कन्दे कटुस् तिक्तातिशुक्रला । (२१९।१)

बल्या पित्तकरी वातकफपित्तकृमीन् जयेत् ॥ (२१९।२)

पाठापाठाम्बष्ठा बृहत्तिक्ता प्राचीनाम्बष्ठकी रसा । (२२०।१)

वरा तिक्ता पापचेली श्रेयसी विद्धकर्णिका ॥ (२२०।२)

पाठोष्णा कटुका तीक्ष्णा वातश्लेष्महरा लघुः । (२२१।१)

हन्ति शूलज्वरच्छर्दिकुष्ठातीसारहृद्रुजः । (२२१।२)

दाहकण्डूविषश्वासकृमिगुल्मोदरव्रणान् ॥ (२२१।३)

मूर्वामूर्वा देवी मधुरसा देवश्रेणी मधुस्रवा । (२२२।१)

स्निग्धपर्णी पृथक्पर्णी मोरटा पीलुपर्णिका ॥ (२२२।२)

मूर्वा सरा गुरुः स्वादुस्तिक्ता पित्तास्रमेहनुत् । (२२३।१)

त्रिदोषतृष्णाहृद्रोगकण्डूकुष्ठज्वरापहा ॥ (२२३।२)

मञ्जिष्ठामञ्जिष्ठा विजया रक्ता रक्ताङ्गी कालमेषिका । (२२४।१)

रक्तयष्टी ताम्रवल्ली समङ्गा वस्त्रभूषणा ॥ (२२४।२)

मञ्जुला विकसा भण्डी छद्मिका ज्वरनाशिनी । (२२५।१)

मञ्जिष्ठा मधुरा तिक्ता कषाया स्वरवर्णकृत् ॥ (२२५।२)

गुरुरुष्णा विषश्लेष्मशोफयोन्यक्षिशूलजित् । (२२६।१)

रक्तातीसारकुष्ठास्रविसर्पव्रणमेहनुत् ॥ (२२६।२)

तच्छाकं दीपनं स्वादु स्निग्धम् पित्तानिलापहम् ॥ (२२७।०)

हरिद्राहरिद्रा रजनी गौरी रञ्जिनी वरवर्णिनी । (२२८।१)

पिण्डी पीता वर्णवती निशा हट्टविलासिनी ॥ (२२८।२)

हरिद्रा कटुका तिक्ता रूक्षोष्णा श्लेष्मपित्तनुत् । (२२९।१)

वर्ण्या त्वग्दोषमेहास्रशोफपाण्डुव्रणापहा ॥ (२२९।२)

दार्वीदार्वी दारुहरिद्रान्या पीतदारुः पचम्पचा । (२३०।१)

कटङ्कटेरी पीतद्रुः स्वर्णवर्णा कटंकटी ॥ (२३०।२)

दार्वी तद्वद्विशेषात्तु नेत्रकर्णास्यरोगजित् ॥ (२३१।०)

प्रपुन्नाटप्रपुन्नाटस्त्वेडगजश्चक्रमर्दः प्रपुन्नटः । (२३२।१)

दद्रुघ्नो मर्दको मेषकुसुमः कुष्ठकृन्तनः ॥ (२३२।२)

प्रपुन्नाटो लघुः स्वादू रूक्षः पित्तानिलापहः । (२३३।१)

हृद्यो हिमः कफश्वासकुष्ठदद्रुकृमीन् जयेत् ॥ (२३३।२)

हन्त्युष्णं तत्फलं कुष्ठदद्रुकण्डूविषानिलान् । (२३४।१)

वातरक्तापहं तस्य शाकं कफहरं लघु ॥ (२३४।२)

वाकुचीबाकुची चन्द्रिका सोमवल्ली पूतिफला वरा । (२३५।१)

सोमराजी कृष्णफलावल्गुजा कालमेषिका ॥ (२३५।२)

वाकुची मधुरा तिक्ता कटुपाका रसायनी । (२३६।१)

विष्टम्भिनी हिमा रुच्या सरा हृद्यास्रपित्तनुत् ॥ (२३६।२)

रूक्षा हन्ति कफश्वासकुष्ठमेहज्वरकृमीन् । (२३७।१)

तत्फलम् पित्तकृत् श्वेतकुष्ठवातकफापहम् ॥ (२३७।२)

भृङ्गराजभृङ्गराजो भेकराजो मार्कवः केशरञ्जनः । (२३८।१)

अङ्गारको भृङ्गरजो भृङ्गाह्वः सूर्यवल्लभः ॥ (२३८।२)

भृङ्गराजः कटुस्तिक्तो रूक्षोष्णः कफवातजित् । (२३९।१)

दन्त्यो रसायनो रुच्यः कुष्ठनेत्रशिरोऽर्तिनुत् ॥ (२३९।२)

पर्पटपर्पटः कवचो रेणुः पित्तहा यवकण्टकः । (२४०।१)

वरस्तिक्तः पर्पटकः पृथ्विकश्चर्मकण्टकः ॥ (२४०।२)

पर्पटो हन्ति पित्तास्रभ्रमतृष्णाकफज्वरान् । (२४१।१)

संग्राही शीतलस्तिक्तो दाहनुद्वातलो लघुः ॥ (२४१।२)

शणपुष्पीशणपुष्पी माल्यपुष्पी धावनी शणघण्टिका । (२४२।१)

बृहत्पुष्पी स्वल्पघण्टा घण्टाशब्दोरुपुष्पिका ॥ (२४२।२)

शणपुष्पी कटुः पित्तश्लेष्मजिच्छर्दिकारिणी । (२४३।१)

त्रायमाणात्रायमाणा सुरत्राणा त्रायन्ती गिरिसानुजा । (२४३।२)

बलभद्रा कृतत्राणा वार्षिकं त्रायमाणकः । (२४३।३)

त्रायमाणा सरा पित्तज्वरश्लेष्मास्रशूलजित् ॥ (२४३।४)

महाजालिनिकामहाजालिनिका चर्मरङ्गा स्यात् पीतकीलिका । (२४४।१)

आवर्तकी बिन्दुकिनी विभाण्डी रक्तपुष्पिका ॥ (२४४।२)

महाजालिनिका तिक्ता रेचनी कफपित्तजित् । (२४५।१)

हन्ति दाहोदरानाहशोफकुष्ठकृमिज्वरान् ॥ (२४५।२)

अतिविषाअतिविषा शुक्लकन्दा विषा प्रतिविषा परा । (२४६।१)

श्यामकन्दासिता शृङ्गी भङ्गुरोपविषाणिका ॥ (२४६।२)

विषोष्णा पाचनी तिक्ता श्लेष्मवातातिसारजित् ॥ (२४७।०)

काकमाचीकाकमाची ध्वाङ्क्षमाची कामाची जघनेफला । (२४८।१)

रसायनी वरा सर्वतिक्ता स्यात्काकिनी कटुः ॥ (२४८।२)

काकमाची त्रिदोषघ्नी स्निग्धोष्णा स्वरशुक्रदा । (२४९।१)

हृद्या रसायनी शोफकुष्ठार्शोज्वरमेहजित् ॥ (२४९।२)

काकजङ्घाकाकजङ्घा नदीकान्ता काकतिक्ता सलोमशा । (२५०।१)

पारावतपदी काका मदध्या कर्मणी तथा । (२५०।२)

काकजङ्घा हिमा हन्ति रक्तपित्तकफज्वरान् ॥ (२५०।३)

लोध्रलोध्रस्तिरीटः कानीनस्तिल्वकः संततोद्भवः । (२५१।१)

अन्यो घनत्वक् शबरः श्वेतलोध्रो ऽक्षिभेषजम् ॥ (२५१।२)

लोध्रो विरेचकः शीतश्चक्षुष्यः कफपित्तनुत् । (२५२।१)

कषायो रक्तशोफास्रज्वरातीसारनाशनः । (२५२।२)

तत्पुष्पं मधुरं ग्राहि सतिक्तं श्लेष्मपित्तजित् ॥ (२५२।३)

वृद्धदारुवृद्धदारुर् महाश्यामो जाङ्गलो वृद्धदारुकः । (२५३।१)

अन्तःकोटरपुष्पी स्यादावेगी छगलान्त्रिका ॥ (२५३।२)

वृद्धदारुः कषायोष्णः सरस्तिक्तो रसायनम् । (२५४।१)

वृष्यो वातामवातास्रशोफमेहकफान् जयेत् ॥ (२५४।२)

देवदालीदेवदाली वृत्तकोशा देवताडो गरागरी । (२५५।१)

जीमूतस् ताडका वेणी जालिन्याखुविषापहा ॥ (२५५।२)

देवदाली रसे तिक्ता कफार्शःशोफपाण्डुताः । (२५६।१)

नाशयेद् वामनी तीक्ष्णा क्षयहिक्काकृमिज्वरान् ॥ (२५६।२)

हंसपादीहंसपादी हंसपदी रक्तपादी नृपादिका । (२५७।१)

प्रह्लादनी कीटमारी कीटमाता मधुस्रवा ॥ (२५७।२)

हंसपादी गुरुः शीता हन्ति रक्तविषव्रणान् । (२५८।१)

विसर्पदाहातीसारलूताभूतांश्च रोपणी ॥ (२५८।२)

नाकुलीनाकुली सुवहा सर्पगन्धिनी गन्धनाकुली । (२५९।१)

नकुलेष्टा मता सर्पनेत्रा चीरितपत्त्रिका ॥ (२५९।२)

नाकुली तुवरा तिक्ता कटुकोष्णा विनाशयेत् । (२६०।१)

विषं लूतावृश्चिकाखुसर्पाणां च कृमीन्व्रणान् ॥ (२६०।२)

वटपत्त्रीवटपत्त्री दीपनी स्यान्मोहनी रेचनी मता । (२६१।१)

वटपत्त्री योनिगदान्कषायोष्णा विनाशयेत् । (२६१।२)

तत्फलं स्तम्भनं शीतं वातलं कफपित्तजित् ॥ (२६१।३)

लज्जालुलज्जालुर् मेदिनी स्पृक्का खादिरी गन्धकारिणी । (२६२।१)

नमकारी शमीपत्त्रा समङ्गा रक्तपादिका ॥ (२६२।२)

लज्जालुः शीतला तिक्ता कषाया श्लेष्मपित्तजित् । (२६३।१)

रक्तपित्तमतीसारं योनिरोगं विनाशयेत् ॥ (२६३।२)

सोमवल्लीसोमवल्ली यज्ञनेता सोमक्षीरी द्विजप्रिया । (२६४।१)

सोमवल्ली त्रिदोषघ्नी कटुस्तिक्ता रसायनी ॥ (२६४।२)

मुसलीमुसली खलिनी तालपत्री काञ्चनपुष्पिका । (२६५।१)

महावृष्या वृष्यकन्दा खर्जूरी तालमूलिका ॥ (२६५।२)

मुसली मधुरा वृष्या वीर्योष्णा बृंहणी गुरुः । (२६६।१)

तिक्ता रसायनी हन्ति गुदजाननिलं तथा ॥ (२६६।२)

कपिकच्छुकपिकच्छुः स्वयङ्गुप्ता कण्डूरा दुरभिग्रहा । (२६७।१)

चण्डात्मगुप्ता लाङ्गूली मर्कटी स्यात्तु हर्षिणी ॥ (२६७।२)

कपिकच्छुः परं वृष्या मधुरा बृंहणी गुरुः । (२६८।१)

तद्बीजं वातशमनं वाजीकरणमुत्तमम् ॥ (२६८।२)

पुत्रजीवपुत्रजीवो गर्भकरो यष्टिपुष्पो ऽर्थसाधनः । (२६९।१)

पुत्रजीवो गुरुर् वृष्यो गर्भदः श्लेष्मवातकृत् ॥ (२६९।२)

वन्ध्याकर्कोटिकावन्ध्याकर्कोटिका देवी कुमारी विषनाशिनी । (२७०।१)

मनोज्ञा नागदमनी वन्ध्या योगेश्वरी स्मृता ॥ (२७०।२)

वन्ध्याकर्कोटिका लघ्वी कफनुद् व्रणशोधिनी । (२७१।१)

सर्पदर्पहरा तीक्ष्णा विसर्पविषवारिणी ॥ (२७१।२)

विष्णुक्रान्ताविष्णुक्रान्ता नीलपुष्पी जया वश्यापराजिता । (२७२।१)

विष्णुक्रान्ता कटुर्मेध्या कृमिव्रणकफान् जयेत् ॥ (२७२।२)

शङ्खपुष्पीशङ्खपुष्पी शङ्खनाम्नी किरीटी कम्बुमालिनी । (२७३।१)

कम्बुपुष्पी स्मृतिहिता मेध्या वनविलासिनी ॥ (२७३।२)

शङ्खपुष्पी सरा मेध्या मता चेतोऽविकारिणी । (२७४।१)

रसायनी कषायोष्णास्मृतिमेहविनाशिनी । (२७४।२)

दुग्धिकादुग्धिका मधुपर्णी स्यात्क्षीरिणी स्वादुपुष्पिका । (२७४।३)

क्षुद्रपर्णी पयस्या च प्रमेहघ्नी मधुच्छदा । (२७४।४)

नागार्जुनी नागसहा कुमारतिलका परा ॥ (२७४।५)

दुग्धिकोष्णा गुरू रूक्षा वातला गर्भकारिणी । (२७५।१)

स्वादुर्विष्टम्भिनी वृष्या कफकुष्ठकृमीञ्जयेत् ॥ (२७५।२)

अर्कपुष्पीअर्कपुष्पी क्रूरकर्मा जलकामा भिरिण्डिका । (२७६।१)

अर्कपुष्पी कृमिश्लेष्ममेहचित्तविकारहृत् ॥ (२७६।२)

भल्लातकभल्लातको ऽनलो भल्ली वीरवृक्षो ऽग्निवक्त्रकः । (२७७।१)

अरुष्करस्तथारुष्कस् तपनो ऽग्निमुखी धनुः ॥ (२७७।२)

भल्लातकः कषायोष्णः शुक्रलो मधुरो लघुः । (२७८।१)

वातश्लेष्मोदरानाहकुष्ठार्शोग्रहणीगदान् । (२७८।२)

हन्ति गुल्मज्वरश्वित्रवह्निमान्द्यकृमिव्रणान् ॥ (२७८।३)

चिरपोटचिरपोटा दीर्घपत्रा कुन्तलस् तिक्तका मता । (२७९।१)

चिरपोटा हिमा रूक्षा भेदनी श्वासकासजित् ॥ (२७९।२)

द्रोणपुष्पीद्रोणपुष्पी श्वसनका पालिन्दी कुम्भयोनिका । (२८०।१)

छत्त्रातिछत्त्रिका द्रोणा कौण्डिन्यो वृक्षसारकः ॥ (२८०।२)

द्रोणपुष्पी गुरू रूक्षा स्वादूष्णा वातपित्तनुत् । (२८१।१)

भेदनी कामलाशोफकफकृमिहरा लघुः ॥ (२८१।२)

ब्राह्मीब्राह्मी सरस्वती सोमा सत्याह्वा ब्रह्मचारिणी । (२८२।१)

मण्डूकपर्णी माण्डूकी त्वाष्ट्री दिव्या महौषधी ॥ (२८२।२)

कपोतवङ्का मुनिका लावण्या सोमवल्लरी । (२८३।१)

ब्राह्मी सरा हिमा स्वादुर्लघुर् मेध्या रसायनी ॥ (२८३।२)

स्वर्या स्मृतिप्रदा कुष्ठपाण्डुमेहास्रकासजित् । (२८४।१)

विषशोफज्वरहरा तद्वन्मण्डूकपर्णिनी ॥ (२८४।२)

सुवर्चलासुवर्चलार्ककान्ता स्यात्सूर्यभक्ता सुखोद्भवा । (२८५।१)

सूर्यावर्ता रविप्रीता त्वन्या ब्रह्मसुवर्चला ॥ (२८५।२)

सुवर्चला गुरुः शीता मूत्रला कफवातजित् । (२८६।१)

अन्योष्णा कुष्ठमेहाश्मकृच्छ्रज्वरहरा लघुः ॥ (२८६।२)

मत्स्याक्षीमत्स्याक्षी बाह्लिका मत्स्यगन्धिर् मत्स्यादनी तथा । (२८७।१)

मत्स्याक्षी ग्राहिणी तिक्ता कुष्ठपित्तकफास्रनुत् ॥ (२८७।२)

जलपिप्पलीजलपिप्पल्यम्बुवल्ली पत्तूरः कञ्चटं तथा । (२८८।१)

जलपिप्पलिका हृद्या चक्षुष्या शुक्रला लघुः । (२८८।२)

सङ्ग्राहिणी हिमा रूक्षा रक्तदाहव्रणापहा ॥ (२८८।३)

गोजिह्वागोजिह्वा गोजिका गोभी दीर्घिका खरपर्णिनी । (२८९।१)

गोजिह्वा वातला शीता ग्राहिणी कफपित्तनुत् । (२८९।२)

हृद्या प्रमेहकासास्रव्रणज्वरहरा लघुः ॥ (२८९।३)

नागाह्वानागाह्वा दमनी नागगन्धा भुजगपर्णिनी । (२९०।१)

स्यान्नागदमनी व्रण्या लूतासर्पविषापहा ॥ (२९०।२)

गुञ्जागुञ्जा शिखण्डिका ताम्रा रक्तिका काकणन्तिका । (२९१।१)

श्वेतान्या चक्रिका चूडा दुर्मुखी काकपीलुका ॥ (२९१।२)

गुञ्जा केश्या बलकरी त्वच्या पित्तकफापहा । (२९२।१)

नेत्रामयहरा हन्ति कण्डूग्रहव्रणान् । (२९२।२)

कृमीन्द्रलुप्तकुष्ठानि तद्वच्छ्वेतातिशस्यते ॥ (२९२।३)

वेल्लान्तरवेल्लन्तरो दीर्घपत्रो वीरद्रुर् बहुपत्त्रकः । (२९३।१)

वेल्लन्तरो ऽनुद्ग्राही कफकृच्छ्रानिलार्तिजित् ॥ (२९३।२)

वन्दाकवन्दाकः स्याद्वृक्षरुहा शेखरी कामवृक्षकः । (२९४।१)

वृक्षादनी कामतरुः कामिनी पादरोहिणी । (२९४।२)

वन्दाकः कफवातास्रवक्षोव्रणविषापहः ॥ (२९४।३)

पिण्डारपिण्डारः करहाटः स्यात् तीक्ष्णकीलः कुरङ्गकः । (२९५।१)

पिण्डारो मधुरः शीतः शोथपित्तकफापहः ॥ (२९५।२)

छिक्किकाछिक्किका क्षवकः क्रूरो नासासंवेदनः कटुः । (२९६।१)

छिक्किका पित्तला कुष्ठकृमिवातकफापहा ॥ (२९६।२)

रोहितरोहितो दाडिमीपुष्पो रोहीतः कूटशाल्मलिः । (२९७।१)

प्लीहा रोहिणी रोही रक्तघ्नः पारिजातकः । (२९७।२)

रोहीतकः सगुल्मयकृत्प्लीहोदरापहः ॥ (२९७।३)

मोचकमोचकः स्यान्मोचरसः शाल्मलीवेष्टकः स्मृतः । (२९८।१)

मोचनिर्यासकः पिच्छो मोचस्रावी च वेष्टकः ॥ (२९८।२)

मोचकः शीतलो ग्राही गुरुर्वृष्योऽतिसारजित् । (२९९।१)

प्रवाहिकामवातास्रकफदाहनिबर्हणः ॥ (२९९।२)

अजगन्धाअजगन्धा बस्तगन्धा कवरी पूतिबर्बरी । (३००।१)

अजगन्धा लघू रुच्या हृद्यास्रकफवातनुत् ॥ (३००।२)

सैरेयकसैरेयकः सहचरः सैरेयः किङ्किरातकः । (३०१।१)

दासीसहचरो झिण्टी सैर्यको मृदुकण्टकः ॥ (३०१।२)

रक्तपुष्पः कुरवकः पीतो ज्ञेयः कुरण्टकः । (३०२।१)

नीलश्चार्तगलः प्रोक्तो बाणओदनपाक्यपि ॥ (३०२।२)

सैरेयः कुष्ठवातास्रकफकण्डूविषापहः । (३०३।१)

तिक्तोष्णो मधुरः केश्यः सुस्निग्धः केशरञ्जनः ॥ (३०३।२)

श्वेतस्पन्दाश्वेतस्पन्दा श्वेतपुष्पा कटभी गिरिकर्णिका । (३०४।१)

सितापराजिता श्वेता विषघ्नी मेहनाशिनी ॥ (३०४।२)

नीलस्पन्दा व्यक्तगन्धा नीलपुष्पा गवादिनी । (३०५।१)

श्वेतस्पन्दाद्वयं शीतं ग्रहघ्नं दृष्टिकण्डुहृत् । (३०५।२)

कुष्ठशूलत्रिदोषामशोफव्रणविषापहम् ॥ (३०५।३)

इक्षुरैक्षुरः क्षुरको ऽव्यण्डः कोकिलाक्षः क्षुरः स्मृतः । (३०६।१)

तैलकण्टस् तिक्षुर् इक्षुवालिका चेक्षुगन्धिका । (३०६।२)

क्षुरकः वृष्यो गुरुर्वातकफास्रजित् ॥ (३०६।३)

कार्पासकार्पासः पटलस्तूलश्छादनो बादरः पिचुः । (३०७।१)

कार्पासको लघुः कोष्णो मधुरो वातनाशनः । (३०७।२)

तद्बीजं वृष्यं स्निग्धं कफकरं गुरु ॥ (३०७।३)

आरामशीतलाआरामशीतला देवगन्धा कुक्कुरमर्दनः । (३०८।१)

आरामशीतला शीता कटुः पित्तकफास्रजित् ॥ (३०८।२)

कुक्कुरद्रुकुक्कुरद्रुस्ताम्रचूडः सूक्ष्मपत्त्रो मृदुच्छदः । (३०९।१)

कुक्कुरः कटुस्तिक्तो ज्वररक्तकफापहः ॥ (३०९।२)

वामीवामी शङ्खधरा धारी ब्राह्मी च हिलमोचिका । (३१०।१)

शोथहरा कुष्ठपित्तश्लेष्महरा सरा ॥ (३१०।२)

बलामोटाबलामोटा जपा सूक्ष्मपत्त्रा ज्ञेयापराजिता । (३११।१)

बला विषश्लेष्मकृमिनुद्विजयप्रदा ॥ (३११।२)

शरपुङ्खाशरपुङ्खा कालशाकं प्लीहारिः कालिका मता । (३१२।१)

पुङ्खा यकृत्प्लीहदुष्टव्रणविषापहा । (३१२।२)

तिक्ता कषाया कासश्वासज्वरहरा लघुः ॥ (३१२।३)

मयूराह्वामयूराह्वा शिखा ज्ञेया साहस्री मधुकछदा । (३१३।१)

मयूरशिखा लघ्वी पित्तश्लेष्मातिसारजित् ॥ (३१३।२)

लक्ष्मणालक्ष्मणा पुत्रदा रक्तबिन्दुपत्त्रा च नागिनी । (३१४।१)

गोक्षीरसदृशं पुष्पं रोमवल्लिसमन्वितम् ॥ (३१४।२)

रक्तबिन्दुयुतं पत्रं लक्ष्मणाकार उच्यते । (३१५।१)

लक्ष्मणा गर्भदा शीता सरा वृष्या दोषनुत् ॥ (३१५।२)

मांसरोहिणीमांसरोहिण्यतिरुहा वृन्ता चर्मकषा कसा । (३१६।१)

स्यान्मांसरोहिणी वृष्या सरा दोषत्रयापहा ॥ (३१६।२)

अस्थिसंहारकअस्थिसंहारको वज्रवल्लरी क्रोष्टुघण्टिका । (३१७।१)

वज्राङ्गी ग्रन्थिमान्वज्री प्रोक्ता स्यादस्थिशृङ्खला । (३१७।२)

अस्थिसंहारकः शीतो वृष्यो वातहरो ऽस्थियुक् ॥ (३१७।३)

अर्कअर्कः सूर्याह्वयः क्षीरी सदापुष्पो विकीरणः । (३१८।१)

मन्दारो वसुकोऽलर्को राजार्को दीर्घपुष्पकः ॥ (३१८।२)

अर्कद्वयं सरं वातकुष्ठकण्डूग्रहव्रणान् । (३१९।१)

निहन्ति प्लीहगुल्मार्शोयकृच्छूलोदरकृमीन् ॥ (३१९।२)

करवीरकरवीरो ऽश्वहा श्वेतपुष्पः स्याच्छ्वेतकुम्भकः । (३२०।१)

यावानीयावानी यावनी तीव्रा तुरुष्का मदकारिणी । (३२०।२)

यवानी पाचनी रूक्षा ग्राहिणी मादिनी गुरुः ॥ (३२०।३)

तिलभेदतिलभेदः खसतिलः शुभ्रपुष्पो लसत्फलः । (३२१।१)

वृष्यो बल्यः खसतिलः श्लेष्मलो वातजित् गुरुः । (३२१।२)

वल्कलस्तत्फलोद्भूतो रूक्षो ग्राही विशोषणः ॥ (३२१।३)

अफूकअफूकं तद्रसोद्भूतमहिफेनमफेनकम् । (३२२।१)

अफूकं शोषणं ग्राहि श्लेष्मघ्नं वातपित्तलम् ॥ (३२२।२)

छिलिहिण्टछिलिहिण्टो महामूलः पातालगरुडाह्वयः । (३२३।१)

छिलिहिण्टः परं वृष्यः श्लेष्मलः पवनापहः ॥ (३२३।२)

यो राज्ञां मुखतिलकः कटारमलस्तेन श्रीमदननृपेण निर्मितेऽत्र । (३२४।१)

ग्रन्थेऽभून्मदनविनोदनाम्नि पूर्णो वर्गोऽयं ललितपदाङ्कितो ऽभयादिः ॥ (३२४।२)