त्रिंशतिकावृत्तिTriṃśatikāvṛtti
TriṃVṛtti zu ViṃKār, 1, 5.2
Select a line for its word-by-word analysis.
ये हि तिर्यञ्चः स्वर्गे सम्भवन्ति ते तद्भाजनलोकसुखसंवर्तनीयेन कर्मणा तत्र सम्भूतास् तज्जं सुखं प्रत्यनुभवन्ति ॥ (१।०)
ye hi tiryañcaḥ svarge sambhavanti te tadbhājanalokasukhasaṃvartanīyena karmaṇā tatra sambhūtās tajjaṃ sukhaṃ pratyanubhavanti ||
न चैवं नरकपालादयो नारकं दुःखं प्रत्यनुभवन्ति ॥ (२।०)
na caivaṃ narakapālādayo nārakaṃ duḥkhaṃ pratyanubhavanti ||
तस्मान्न तिरश्चां संभवो युक्तो नापि प्रेतानाम् ॥ (३।०)
tasmānna tiraścāṃ saṃbhavo yukto nāpi pretānām ||
तेषां तर्हि नारकाणां कर्मभिस्तत्र भूतविशेषाः सम्भवन्ति वर्णाकृतिप्रमाणबलविशिष्टा ये नरकपालादिसंज्ञां प्रतिलभन्ते ॥ (४।०)
teṣāṃ tarhi nārakāṇāṃ karmabhistatra bhūtaviśeṣāḥ sambhavanti varṇākṛtipramāṇabalaviśiṣṭā ye narakapālādisaṃjñāṃ pratilabhante ||
तथा च परिणमन्ति यद् विविधां हस्तविक्षेपादिक्रियां कुर्वन्तो दृश्यन्ते भयोत्पादनार्थां यथा मेषाकृतयः पर्वता आगच्छन्तो गच्छन्तो ऽयःशाल्मलीवने च कण्टका अधोमुखीभवन्त ऊर्ध्वमुखीभवन्तश्चेति ॥ (५।०)
tathā ca pariṇamanti yad vividhāṃ hastavikṣepādikriyāṃ kurvanto dṛśyante bhayotpādanārthāṃ yathā meṣākṛtayaḥ parvatā āgacchanto gacchanto 'yaḥśālmalīvane ca kaṇṭakā adhomukhībhavanta ūrdhvamukhībhavantaśceti ||
Data courtesy of The Digital Corpus of Sanskrit.