पारस्करगृह्यसूत्रPāraskaragṛhyasūtra
Chapter 1, 7
Select a line for its word-by-word analysis.
अथैनाम् अश्मानम् आरोहयत्य् उत्तरतो ऽग्नेर् दक्षिणपादेन आरोहेमम् अश्मानम् अश्मेव त्वं स्थिरा भव । (१।१)
athainām aśmānam ārohayaty uttarato 'gner dakṣiṇapādena ārohemam aśmānam aśmeva tvaṃ sthirā bhava |
अभितिष्ठ पृतन्यतो ऽवबाधस्व पृतनायत इति ॥ (१।२)
abhitiṣṭha pṛtanyato 'vabādhasva pṛtanāyata iti ||
अथ गाथां गायति सरस्वति प्रेदमव सुभगे वाजिनीवती । (२।१)
atha gāthāṃ gāyati sarasvati predamava subhage vājinīvatī |
ताम् अद्य गाथां गास्यामि या स्त्रीणाम् उत्तमं यश इति ॥ (२।४)
tām adya gāthāṃ gāsyāmi yā strīṇām uttamaṃ yaśa iti ||
अथ परिक्रामतः तुभ्यम् अग्रे पर्यवहन् सूर्यां वहतु ना सह । (३।१)
atha parikrāmataḥ tubhyam agre paryavahan sūryāṃ vahatu nā saha |
चतुर्थं शूर्पकुष्ठया सर्वांल् लाजान् आवपति भगाय स्वाहेति ॥ (५।१)
caturthaṃ śūrpakuṣṭhayā sarvāṃl lājān āvapati bhagāya svāheti ||
Data courtesy of The Digital Corpus of Sanskrit.