Chapter 2

2 of 4 · 11 verses

Select a line for its word-by-word analysis.

शुक्त्युद्भवाश्च विज्ञेया अष्टौ मौक्तिकजातयः ॥ (१।२)

śuktyudbhavāśca vijñeyā aṣṭau mauktikajātayaḥ ||

तेषामेकं सुलभ्यं च शुक्तिजं लोकविश्रुतम् । (२।१)

teṣāmekaṃ sulabhyaṃ ca śuktijaṃ lokaviśrutam |

कदाचिद्बहुभिः कालैः दृश्यते मौक्तिकं फलम् ॥ (२।२)

kadācidbahubhiḥ kālaiḥ dṛśyate mauktikaṃ phalam ||

जीमूतं परिशुक्लाभं करौ पाटलभास्वरम् । (३।१)

jīmūtaṃ pariśuklābhaṃ karau pāṭalabhāsvaram |

मत्स्यं श्वेतं तु तद्वच्च फणीन्द्रे नीलभास्वरम् ॥ (३।२)

matsyaṃ śvetaṃ tu tadvacca phaṇīndre nīlabhāsvaram ||

हरिच्छ्वेतं तथा वंशे पीतश्वेतं च सूकरे । (४।१)

haricchvetaṃ tathā vaṃśe pītaśvetaṃ ca sūkare |

शङ्खशुक्तिभवं श्वेतं मुक्तारत्नमनुत्तमम् ॥ (४।२)

śaṅkhaśuktibhavaṃ śvetaṃ muktāratnamanuttamam ||

शङ्खशुक्तिभवं यच्च क्षीरोदधिसमुद्भवम् । (५।१)

śaṅkhaśuktibhavaṃ yacca kṣīrodadhisamudbhavam |

सुवृत्तं सुप्रभं तुङ्गं मुक्तारत्नं प्रशस्यते ॥ (५।२)

suvṛttaṃ suprabhaṃ tuṅgaṃ muktāratnaṃ praśasyate ||

शीतलं प्राणदं शुक्लं गुरु स्वच्छं सुनिर्मलम् । (६।१)

śītalaṃ prāṇadaṃ śuklaṃ guru svacchaṃ sunirmalam |

तेजोऽधिकं सुवृत्तं च मौक्तिकं गुणवत्तरम् ॥ (६।२)

tejo'dhikaṃ suvṛttaṃ ca mauktikaṃ guṇavattaram ||

Ratnadīpikā, 2