अथ कन्यालक्षणानिचत्वारः पाकयज्ञा हुतो ऽहुतः प्रहुतः प्राशित इति ॥ (१।१)

पञ्चसु बहिःशालायां विवाहे चूडाकरण उपनयने केशान्ते सीमन्तोन्नयन इति ॥ (२।१)

उपलिप्त उद्धतावोक्षिते ऽग्निं प्रणीय ॥ (३।१)

निर्मथ्यैके विवाहे ॥ (४।१)

उदगयन आपूर्यमाणपक्षे पुण्याहे कुमार्यै पाणिं गृह्णीयात् ॥ (५।१)

या लक्षणसम्पन्ना स्यात् ॥ (६।१)

यस्या अभ्यात्मम् अङ्गानि स्युः ॥ (७।१)

समाः केशान्ताः ॥ (८।१)

आवर्तावपि यस्यै स्यातां प्रदक्षिणौ ग्रीवायाम् ॥ (९।१)

षड् वीरान् जनयिष्यतीति विद्यात् ॥ (१०।१)