बौधायनगृह्यसूत्रBaudhāyanagṛhyasūtra
BaudhGS, 1, 7
Select a line for its word-by-word analysis.
प्रथमगर्भायाश् चतुर्थे मासि सीमन्तोन्नयनम् ॥ (१।१)
prathamagarbhāyāś caturthe māsi sīmantonnayanam ||
ब्राह्मणान् अन्नेन परिविष्य पुण्याहं स्वस्ति ऋद्धिम् इति वाचयित्वा ॥ (२।१)
brāhmaṇān annena pariviṣya puṇyāhaṃ svasti ṛddhim iti vācayitvā ||
अथ देवयजनोल्लेखनप्रभृत्याग्निमुखात् कृत्वा पक्वाज् जुहोति ॥ (३।१)
atha devayajanollekhanaprabhṛtyāgnimukhāt kṛtvā pakvāj juhoti ||
धाता ददातु नः इति पुरोनुवाक्याम् अनूच्य धाता प्रजाया उत राय ईशे इति याज्यया जुहोति ॥ (४।१)
dhātā dadātu naḥ iti puronuvākyām anūcya dhātā prajāyā uta rāya īśe iti yājyayā juhoti ||
अथाज्याहुतीर् उपजुहोति धाता ददातु नो रयिं प्राचीम् इत्य् आ अन्ताद् अनुवाकस्य ॥ (५।१)
athājyāhutīr upajuhoti dhātā dadātu no rayiṃ prācīm ity ā antād anuvākasya ||
स्विष्टकृत्प्रभृति सिद्धम् आ धेनुवरप्रदानात् ॥ (६।१)
sviṣṭakṛtprabhṛti siddham ā dhenuvarapradānāt ||
अथास्यास् त्रेण्या शलल्या त्रिभिर् दर्भपुञ्जीलैर् उदुम्बरप्रसूनैर् यवप्रसूनैर् इति केशान् विभजन् सीमन्तम् उन्नयति राकाम् अहम् यास् ते राके इति द्वाभ्याम् ॥ (७।१)
athāsyās treṇyā śalalyā tribhir darbhapuñjīlair udumbaraprasūnair yavaprasūnair iti keśān vibhajan sīmantam unnayati rākām aham yās te rāke iti dvābhyām ||
अथास्यै यवप्रसूनान्य् आबध्नाति यवो ऽसि यवयास्मद्द्वेषो यवयारातीः इति ॥ (८।१)
athāsyai yavaprasūnāny ābadhnāti yavo 'si yavayāsmaddveṣo yavayārātīḥ iti ||
ताव् एतां गाथां गायतः सोम एव नो राजेत्य् आहुर् ब्राह्मणीः प्रजाः । (११।१)
tāv etāṃ gāthāṃ gāyataḥ soma eva no rājety āhur brāhmaṇīḥ prajāḥ |
यस्यै नद्यास् तीरे संश्रिता वसन्ति तस्यै नाम गृह्णाति ॥ (१२।१)
yasyai nadyās tīre saṃśritā vasanti tasyai nāma gṛhṇāti ||
अष्टमे मासि विष्णव आहुतीर् जुहोति विष्णोर् नु कम् इत्य् एतेन सूक्तेन ॥ (१३।१)
aṣṭame māsi viṣṇava āhutīr juhoti viṣṇor nu kam ity etena sūktena ||
Data courtesy of The Digital Corpus of Sanskrit.