चोम्मेन्तर्य् ओन् थे कादम्बरीस्वीकरणसूत्रमञ्जरीCommentary on the Kādambarīsvīkaraṇasūtramañjarī
KādSvīSComm zu KādSvīS, 28.1
Select a line for its word-by-word analysis.
वाजपेये सुराग्रहान् गृह्णाति सौत्रामण्यां सुराग्रहान् गृह्णातीति वाक्यद्वयेन प्रथमवर्णिकस्य यथावाचनिकम् एव ग्रहणप्राशनेषु आधिकारिको विधिः ॥ (२।०)
vājapeye surāgrahān gṛhṇāti sautrāmaṇyāṃ surāgrahān gṛhṇātīti vākyadvayena prathamavarṇikasya yathāvācanikam eva grahaṇaprāśaneṣu ādhikāriko vidhiḥ ||
तथा चायम् अर्थः वाजपेये तु ग्रहणमात्रस्यैवाभ्यनुज्ञानं प्राशनाभ्यनुज्ञानं तु तृतीयवर्णस्यैव तथा चानुश्रविकवाक्यं विमाथं कुर्वते वाजसृत इति ॥ (३।०)
tathā cāyam arthaḥ vājapeye tu grahaṇamātrasyaivābhyanujñānaṃ prāśanābhyanujñānaṃ tu tṛtīyavarṇasyaiva tathā cānuśravikavākyaṃ vimāthaṃ kurvate vājasṛta iti ||
सौत्रामण्यां तु यागकर्तुर् एव प्राशनं निगमवाक्येनाभिधीयते नेतरेषाम् ऋत्विजाम् तत्राप्य् आघ्राणेनैव प्राशनप्रतिपत्तिर् इति मतान्तरम् इति ऋष्यन्तराणां वचनम् इति ॥ (४।०)
sautrāmaṇyāṃ tu yāgakartur eva prāśanaṃ nigamavākyenābhidhīyate netareṣām ṛtvijām tatrāpy āghrāṇenaiva prāśanapratipattir iti matāntaram iti ṛṣyantarāṇāṃ vacanam iti ||
सार्वकालिकाभ्यनुज्ञानं तु रसाधिपतीनाम् एव नान्येषां जनानाम् इति प्रकरणार्थम् उपसंहरति ॥ (५।०)
sārvakālikābhyanujñānaṃ tu rasādhipatīnām eva nānyeṣāṃ janānām iti prakaraṇārtham upasaṃharati ||
Data courtesy of The Digital Corpus of Sanskrit.