गरवणिजाविष्टिवर्जितानि करणानि यातुर् अनिष्टानि । (१।१)

गरम् अपि कैश्चिच् छस्तं वणिजा च वणिक्क्रियास्व् एव ॥ (१।२)

शिवभुजगमित्रपितृवसुजलविश्वविरिञ्चिपङ्कजप्रभवाः । (२।१)

इन्द्राग्नीन्द्रनिशाचरवरुणार्यमयोनयश् चाह्नि ॥ (२।२)

रुद्राजाहिर्बुध्न्याः पूषा दखान्तकाग्निधातारः । (३।१)

इन्द्वदितिगुरुहरिरवित्वष्ट्रनिलाख्याः क्षणा रात्रौ ॥ (३।२)

अह्नः पञ्चदशांशो रात्रेश् चैवं मुहूर्त इति संज्ञा । (४।१)

स च विज्ञेयस् तज्ज्ञैश् छायायन्त्राम्बुभिर् युक्त्या ॥ (४।२)

नक्षत्रवत् क्षणानां परिघादि तदीश्वरैः समं चिन्त्यम् । (५।१)

फलम् अपि तद् एव दृष्टं गर्गाद्यैस् तत्र च श्लोकाः ॥ (५।२)

अहोरात्रं च सम्पूर्णं चन्द्रनक्षत्रयोजितम् । (६।१)

तन्नक्षत्रमुहूर्ताश् च समकर्मगुणाः स्मृताः ॥ (६।२)

यश् चाष्टमो मुहूर्तो विरिञ्चिनामाभिजित् स निर्दिष्टः । (७।१)

तस्मिंस् त्र्य [॥। औ२ ज़ेइछेन्झ्] याम्याम् अत्यन्तगतस्य जयलब्धिः ॥ (७।२)

अष्टमेन दिवसे समे शुभो यो विरिञ्चिविभुसंज्ञिताः । (८।१)

तेन यानम् अपहायिदक्षिणां सर्वदिक्ष्व् अजित् प्रशस्यते ॥ (८।२)