व्यतिपातविष्टिवैधृतिपापग्रहलग्नवर्गदिवसेषु । (१।१)

चौर्यावस्कन्दानृतसंग्रामासिद्धिम् आयान्ति ॥ (१।२)

हुत्वानलं नमस्कृत्य देवताः स्वस्ति वाच्य विप्रांश् च । (२।१)

ध्यायन् दिगीशम् अविलम्बितं व्रजेद् भूपतिः सुमनाः ॥ (२।२)

कार्यवशात् स्वयम् अगमं भूभर्तुः केचिद् आहुर् आचार्याः । (३।१)

छत्त्रायुधाद्यम् इष्टं वैजयिकं निर्गमे कुर्यात् ॥ (३।२)

नाकालवर्षवित्स्तनिते ष्ठिष्टकथञ्चिद् अपि मानम् । (४।१)

आ सप्ताहाद् दिव्यान्तरिक्षभौमैस् तथोत्पातैः ॥ (४।२)

दक्षिणपार्श्वस्पन्दनम् इष्टं हृदयं विहाय पृष्ठं च । (५।१)

मनसश् चागमशुद्धिः श्लोकश् चायं मुनिभिर् उक्तः ॥ (५।२)

शुभाशुभानि सर्वाणि निमित्तानि स्युर् एकतः । (६।१)

एकतश् च मनो याति तद् विशुद्धं जयावहम् ॥ (६।२)

आरोहति क्षितिपतौ विनयोपपन्नो यात्रानुगो ऽन्यतुरगं प्रतिहेषितश् च । (७।१)

वक्त्रेण वा स्पृशति दक्षिणम् आत्मपार्श्वं यो ऽश्वः स भर्तुर् अचिरात् प्रचिनोति लक्ष्मीम् ॥ (७।२)

मुहुर्मुहुर् मूत्रशकृत् करोति न ताड्यमानो ऽप्य् अनुलोमयायी । (८।१)

अकार्यभीतो ऽश्रुविलोचनश् च शिवं न भर्तुस् तुरगो ऽभिधत्ते ॥ (८।२)

स्खलितगतिर् अकस्मात् त्रस्तकर्णो ऽतिदीनः श्वसति मृदु सुदीर्घं न्यस्तहस्तः पृथिव्याम् । (९।१)

द्रुतमुकुलितदृष्टिः स्वप्नशीलो विकोमो भयकृद् अहितभक्षी नैकशो ऽसृक्शकृत्कृत् ॥ (९।२)

वल्मीकस्थाणुगुल्मतृणतरुमथनः स्वेच्छया हृष्टदृष्टिर् यायाद् यात्रानुलोमं त्वरितपदगतिर् वक्त्रम् उन्नम्य चोच्चैः । (१०।१)

कक्षासन्नाहकाले जनयति सुमहच्छीकरं वृहंते वा तत्कालं वा मदाप्तौ जयकृद् अथ रदं वेष्टयन् दक्षिणं च ॥ (१०।२)

सिद्धार्थकादर्शपयोञ्जनानि बद्धैकपश्वामिषपूर्णकुम्भाः । (११।१)

दधिमधुघृतरोचनाकुमार्यो ध्वजकनकाम्बुजभद्रपीठशङ्खाः । (१२।१)

सितवृषकुसुमाम्बराणि मीना द्विजगणिकाप्तजनाश् च चारुवेषाः ॥ (१२।२)

ज्वलितशिखिफलाक्षतेक्षुभक्षा द्विरदमृदङ्कुशचामरायुधानि । (१३।१)

मरकतकुरविन्दपद्मरागस्फटिकमणिप्रमुखाश् च रत्नभेदाः ॥ (१३।२)

स्वयम् अथ रचितान्य् अयत्नतो वा यदि कथितानि भवन्ति मङ्गलानि । (१४।१)

स जयति सकलां ततो धरित्रीं ग्रहणदृगालभनश्रुतैर् उपास्य ॥ (१४।२)

कर्पासौषधकृष्णधान्यलवणक्लीबास्थितैलं वसा पङ्काङ्गारगुडाहिचर्मशकृतः क्लेशाय सव्याधिताः । (१५।१)

मत्तोन्मत्तजडीकृतान्धबधिरक्षुत्क्षामतक्रारयो मुण्डाभ्यक्तविमुक्तकेशपतिताः काषायिनश् चाशुभाः ॥ (१५।२)

पटुपटहमृदङ्गशङ्खभेरीपणवरवं सपताकतोरणाग्रम् । (१६।१)

प्रचुरकुसुमतोयशान्तरेणुं सुरभिसुवेषजनं भजेच् च मार्गम् ॥ (१६।२)

यान्य् अत्र मङ्गलामङ्गलानि निर्गच्छतां प्रदिष्टानि । (१७।१)

स्वप्नेष्व् अपि तानि शुभाशुभानि विड्लेपनं धन्यम् ॥ (१७।२)

मृदुर् अनुकूलः स्निग्धपवनः तद्वद् वीनाश् च शस्यन्ते । (१८।१)

ललाटं धनुर् अथेन्द्रंन शुभदम् अन्यत्र शस्तंफलम् ॥ (१८।२)

पुन्नामानछुछुगृहगोधिकपिंगला शिवा श्यामा । (१९।१)

कोकिलशूकरिकारलाप्रस्थाने वामतः शस्ताः ॥ (१९।२)

स्त्रीसंज्ञा भासभषकपिञ्जलाप्लवकम्बुकिंत्सका । (२०।१)

शिखिश्रीकष्ठपयीकरुरुश्येनाश् च दक्षिणाङ्ग ॥ (२०।२)

भारद्वाजमयूचापनकुलावलोकनं धन्यः । (२१।१)

गोधाहिरपजाहकसरटाशशानाम् अनिष्टफलम् ॥ (२१।२)

कीर्तनम् इष्टं चाषकशशगोधाहिसूकरजातीनाम् । (२२।१)

रुतदर्शनं त्व् अधन्यं विपरीतं वानरर्क्षानाम् ॥ (२२।२)

मृगविहगा शस्यन्ते प्रदक्षिणं विषमसंख्यया च मृगाः । (२३।१)

नृपदर्शने गमणवत् तद्विपरीता प्रवेशे तु ॥ (२३।२)

आक्षेपशीलः पुरुषाविधायी विरक्तभृत्यः परदारगामी । (२४।१)

लुब्धो ऽसहायो व्यसनी कृतघ्नः स्थितिप्रभेत्ता करशीर्णराष्ट्रः ॥ (२४।२)

विस्रम्भहा क्रोधवशे नृशंसे क्षुद्रा प्रमादी न बहुश्रुताश् च । (२५।१)

दिव्यान्तरिक्षक्षितिजैर् विकारैर् निपीडितः स दैवहीनः ॥ (२५।२)

अतो विपर्यस्तगुणेन राज्ञा तादृग्विधो ऽरिस् त्व् अभियुक्तमात्रः । (२६।१)

तरुर् घुणैर् जग्ध इवात्तकार्यो महान् अपि क्षिप्रम् उपैति भङ्गाः ॥ (२६।२)

तद्विष्टप्रवरनरप्रतापहीना नीशौर्या वरवारणाश्वयोधमुखाः । (२७।१)

सोत्पातप्रकृतिविपर्यायानयाता शोकार्ता रिपुबलम् आशुर् याति सेनाः ॥ (२७।२)

संग्रामे वम् अमरप्रसादा ज्येष्यामो रिपुबलम् आश्व् असंशयेन । (२८।१)

यस्यैवं भवति बले जनप्रवादाः स्वल्पो ऽपि प्रवरबलं निहन्ति राजा ॥ (२८।२)

पुरं रिपोर् भूमिपतिनिहन्याच् छत्रोर् अनिष्टग्रहदिटिविष्टिः । (२९।१)

युद्धस्य यात्रासम एव कालः कूरेषु लग्नेषु च कूटायुधः ॥ (२९।२)

अन्तर्मुखाः पौरभयं विहंगाः प्रकारसंस्था विनिवेदयन्ति । (३०।१)

आगन्तुनाशाय बहिर्मुखास् ते तुल्यं विहंगैः सरमात्मजैश् च ॥ (३०।२)

केतूल्कार्कजराहुकीलककुजा बिम्बप्रविष्टा यतः सूर्येन्द्वोः परिवेषखण्डम् अथवा दृश्येत यस्यां दिशि । (३१।१)

क्रोष्टुश्वात्तिपिपीलिकाशशमृगधाक्षदयो वा पुरे सैन्ये वापि यतो विशन्ति हि ततः शत्रोः पुरं घातयेत् ॥ (३१।२)

पातालर्क्षे राहुकेतवो पुरे ऽरेतोयोच्छित्तिः सालपातश् च कार्यः । (३२।१)

जामित्रस्थे भूमिजास्यांशके वा पुत्रेणेन्दोर् वीक्षिते ऽग्निः प्रदेयः ॥ (३२।२)

परविषयपुराप्तौ साधुदेवद्विजस्वां कुलजनवनितांश् च क्ष्माधिपो नोपरुन्ध्यात् । (३३।१)

विगजतुरशस्त्रानार्तभीतांश् च हन्याच् छुभतिथिदिवसर्क्षे हृष्टसैन्ये विशेत् तु ॥ (३३।२)

दिग्दाहक्षतजरजो ऽश्मवृष्टिपातैः निर्घातक्षितिचलनादिवैकृतैश् च । (३४।१)

युद्धान्ते मृगशकुनैश् च दीप्तनादैः नो भद्रं भवति जिते परि पार्थिवस्य ॥ (३४।२)

शुभा मृगपतत्रिणो मृदुसमीरणो दह्लादकृत ग्रहाः स्थूटामरीचयो द्विगतरेणुदिन्दलः । (३५।१)

यद् अन्यम् अपि विकृतै न विजयावसाने भवेत् तदा सुखम् अकण्टकं नृपतिर् अत्ति देशे रिपुः ॥ (३५।२)