RājMār zu YS, 3, 49.1
Select a line for its word-by-word analysis.
तस्मिन् शुद्धे सात्त्विके परिणामे कृतसंयमस्य या सत्त्वपुरुषयोर् उत्पद्यते विवेकख्यातिः सा अन्यताख्यातिः ॥ (१।०)
tasmin śuddhe sāttvike pariṇāme kṛtasaṃyamasya yā sattvapuruṣayor utpadyate vivekakhyātiḥ sā anyatākhyātiḥ ||
गुणानां कर्तृत्वाभिमानशिथिलीभावस्वरूपात् तन्माहात्म्यात् तत्रैव स्थितस्य योगिनः सर्वभावाधिष्ठातृत्वं सर्वज्ञातृत्वं वा समाधिर् भवति ॥ (२।०)
guṇānāṃ kartṛtvābhimānaśithilībhāvasvarūpāt tanmāhātmyāt tatraiva sthitasya yoginaḥ sarvabhāvādhiṣṭhātṛtvaṃ sarvajñātṛtvaṃ vā samādhir bhavati ||
सर्वेषां गुणपरिणामानां भावानां स्वामिवदाक्रमणं सर्वभावाधिष्ठातृत्वम् ॥ (३।०)
sarveṣāṃ guṇapariṇāmānāṃ bhāvānāṃ svāmivadākramaṇaṃ sarvabhāvādhiṣṭhātṛtvam ||
तेषामेव शान्तोदिताव्यपदेश्यधर्मत्वेन स्थितानां यथावद् विवेकज्ञानं सर्वज्ञातृत्वम् ॥ (४।०)
teṣāmeva śāntoditāvyapadeśyadharmatvena sthitānāṃ yathāvad vivekajñānaṃ sarvajñātṛtvam ||
एषा च अस्मिन् शास्त्रे परस्यां वशीकारसंज्ञायां प्राप्तायां विशोका नाम सिद्धिर् इत्युच्यते ॥ (५।०)
eṣā ca asmin śāstre parasyāṃ vaśīkārasaṃjñāyāṃ prāptāyāṃ viśokā nāma siddhir ityucyate ||
Data courtesy of The Digital Corpus of Sanskrit.