इति ॥ (१।१)

यानि स्वयंकृष्टे क्षेत्रे फलितानि धान्यानि यानि दासैः कर्षिते क्षेत्रे स्वयम् अर्जितानि धान्यानि तैः सर्वैः स्मार्त्तान् पञ्चमहायज्ञान् श्रौतीम् अग्निष्टोमादिक्रतुदीक्षां च कुर्यात् ॥ (२।०)

कारयेदिति स्वार्थिको णिच् ॥ (३।०)

अथवा स्वयं महायज्ञान् कुर्वीत ॥ (४।०)

यियक्षुभ्यो धान्यं दत्त्वा तैः क्रतुदीक्षां च कारयेत् ॥ (५।०)

कूर्मपुराणे ऽप्येवं विनियोगो दर्शितः । (६।१)

लब्धलाभः पितॄन् देवान् ब्राह्मणांश्चापि पूजयेत् । (६।२)

ते तृप्तास्तस्य तद्दोषं शमयन्ति न संशयः ॥ (६।३)

इति ॥ (७।०)

कृषीवलस्य तिलादिधान्यसम्पन्नस्य धनलोभेन प्रसक्तस् तिलादिविक्रयस्तं निवारयति ॥ (८।१)