एवं विहृत्य परितः श्रान्तो विश्राममर्हति । (१।१)

प्रच्छाये कमलामोदमेदुरानिलवीजिते ॥ (१।२)

परावृत्त्य ततः सर्वे ये ऽन्ये मण्डलचारिणः । (२।१)

तेषां प्रधानपुरुषा नायकोपार्जितं च यत् ॥ (२।२)

आखेटे तदुपानीय श्येनादीनां च चेष्टितम् । (३।१)

निवेदयेयुरखिलं विनोदाय प्रभोः पुरः ॥ (३।२)

तद्द्वारा श्येनिकानां च तत्तन्मण्डलचारिणाम् । (४।१)

सत्कारादि प्रभुरपि कुर्यात् प्रोत्साहवृद्धये ॥ (४।२)

भुक्तपीतान् सुखच्छाये बद्ध्वा श्येनान् तुरंगमान् । (५।१)

स्वयं विविक्ते सेवेत गात्रसंवाहनक्रियाम् ॥ (५।२)

वल्गुवल्गितहंसानां शृण्वन् स्वनमनुत्तमम् । (६।१)

तन्त्रीगीतादि हृदयहारि चैव नयेत् क्षणम् ॥ (६।२)

ततः स्नातोऽनुलिप्तश्च मुक्तास्रग्वसनोज्ज्वलः । (७।१)

कृताह्निकः सुकुसुमैर्यथावत्समलंकृतः ॥ (७।२)

शुचिहंसोदरचिनीपानकेन हतक्लमः । (८।१)

धतस्तु प्रसन्नात्मा भिषग्भिरनुमोदितः ॥ (८।२)

गरुत्मतोर्मिकायुक्तो याङ्गुलीविद्भिषग्वृतः । (९।१)

दत्त्वाश्वेभ्यो वयोभ्यश्च परीक्षार्थं पुरैव हि ॥ (९।२)

तज्ज्ञैरुपाहृतान् भक्ष्यान् साधुशूल्यामिषाणि च । (१०।१)

कुन्दप्रभाणि भक्तानि भक्षयेदनुयायिभिः ॥ (१०।२)

ताम्बूलाद्युपयुज्याथ शान्ततेजसि भास्वति । (११।१)

स्वावासाय समागच्छेत् कथाः कुर्वन् पृथग्विधाः ॥ (११।२)

कुह्याम् उपकथं क्रौञ्चो धूत्या लावो ऽतिगर्ववान् । (१२।१)

नैकधा वाजिना सोऽयं तृणबर्हिर्यथा हतः ॥ (१२।२)

शिकारेणामुना ब्रूमः कथं तित्तिरिनिग्रहः । (१३।१)

श्येनिकेनामुना मोकः सोल्लासस्फूर्जितस्ततः ॥ (१३।२)

तथाधमेनामुना तु तिर्यक् क्षिप्तो न चोत्थितः । (१४।१)

एतस्य पत्री न तथा विरोधमुपपद्यते ॥ (१४।२)

वर्जयेत् सर्वमांसानि धर्मो ह्यत्र विधीयते । (२१।१)

मांसं तु [॥। औ३ लेत्तेरौस्झ्झ्] सर्वराजभिः ॥ (२१।२)

सर्वभूतात्मभूतैस्तैः [॥। औ२ लेत्तेरौस्झ्झ्] परावरैः । (२२।१)

नाभागेनाम्बरीषेण रामेण च महात्मना ॥ (२२।२)

ऐलेन पृथुना चैव वीरसेनेन चैव हि । (२३।१)

हर्यश्वेन च राजेन्द्र भूपेन भरतेन च ॥ (२३।२)

एतैश्चान्यैश्च राजेन्द्र पुरा मांसं न भक्षितम् । (२४।१)

शारदे कौमुदपक्षे ततस्ते स्वर्गमाप्नुवन् ॥ (२४।२)

ब्रह्मलोके च तिष्ठन्ति कल्पमानाः स्त्रिया वृताः । (२५।१)

यथा तत्रैव विहिता मृगयान्यत्र कौमुदात् ॥ (२५।२)

अनिषिद्धात् त्वन्यदा सा तत्रैव परिवर्जयेत् । (२६।१)

प्रजानां हितकामेन ह्यगस्त्येन महात्मना ॥ (२६।२)

आरण्याः सर्वदैवत्याः प्रोक्षिताः तामसा मृगाः ॥ (२७।१)

युक्त्या शरदि सेवेत यथाच्छन्दं हिमागमे । (२८।१)

वसन्ते तु प्रकर्षेण बलारोग्यमभीप्सुभिः ॥ (२८।२)

धनुर्वेदाभ्यासः समविधिरनूनश्च लघुता गतेर्गात्रोत्साहः तुरगविहृतौ चातिपटुता । (२९।१)

तथा नीतेर्योगे रसपरिचयश्चाप्यनुपमो मृगव्यायां क्षात्रो गुणसमुदयो ऽभ्यस्यत इव ॥ (२९।२)

इति श्रीरुद्रदेवविरचिते श्यैनिके शास्त्रे मृगयानन्तरेतिकर्तव्यता परिच्छेदः सप्तमः ॥ (३०।१)