वातूलनाथसूत्रवृत्तिVātūlanāthasūtravṛtti
VNSūtraV zu VNSūtra, 12.1
Select a line for its word-by-word analysis.
महाबोधश् च ज्ञातृज्ञानज्ञेयविकल्पसंकल्पकालुष्यनिर्मुक्तो निःशमशमानिकेतनिर्धामधामप्रथात्मकः परतरज्ञानस्वभावः क्रमाक्रमोत्तीर्णत्वात् महागुरुभिः साक्षात्कृतः ॥ (१।०)
mahābodhaś ca jñātṛjñānajñeyavikalpasaṃkalpakāluṣyanirmukto niḥśamaśamāniketanirdhāmadhāmaprathātmakaḥ paratarajñānasvabhāvaḥ kramākramottīrṇatvāt mahāgurubhiḥ sākṣātkṛtaḥ ||
तस्य समावेशः अकरणक्रमेण यथास्थितसंनिवेशेन त्यागस्वीकारपरिहारतः सततम् अच्युतवृत्त्या तद्रूपेण स्फुरणम् ॥ (२।०)
tasya samāveśaḥ akaraṇakrameṇa yathāsthitasaṃniveśena tyāgasvīkāraparihārataḥ satatam acyutavṛttyā tadrūpeṇa sphuraṇam ||
तस्मात् महाबोधसमावेशात् पुण्यपापयोः शुभाशुभलक्षणकर्मणोर् द्वयोः स्वफलद्वयवितरणशीलयोः असंबन्धः असंश्लेषः असंयोगश् च अनवरतं जीवत एव वीरवरस्य अपश्चिमजन्मनः कस्यचित् सर्वकालम् अकृतकानुभवरसचर्वणसंतृप्तस्य भवभूमाव् एव बन्धमोक्षो भयोत्तीर्णमहामुक्तिः करतलामलकवत् स्थितेत्य् अर्थः ॥ (३।०)
tasmāt mahābodhasamāveśāt puṇyapāpayoḥ śubhāśubhalakṣaṇakarmaṇor dvayoḥ svaphaladvayavitaraṇaśīlayoḥ asaṃbandhaḥ asaṃśleṣaḥ asaṃyogaś ca anavarataṃ jīvata eva vīravarasya apaścimajanmanaḥ kasyacit sarvakālam akṛtakānubhavarasacarvaṇasaṃtṛptasya bhavabhūmāv eva bandhamokṣo bhayottīrṇamahāmuktiḥ karatalāmalakavat sthitety arthaḥ ||
स्वस्वरूपप्राप्तिपूर्वकं पुण्यपापतिरस्कारचर्चाक्रमम् उक्त्वा इदानीं स्वरसिद्धमौनकथाम् उद्घाटयन्ति ॥ (४।०)
svasvarūpaprāptipūrvakaṃ puṇyapāpatiraskāracarcākramam uktvā idānīṃ svarasiddhamaunakathām udghāṭayanti ||
Data courtesy of The Digital Corpus of Sanskrit.