उड्डीशेन समाकीर्णा योगिवृन्दसमाकुला । (१।१)

प्रणम्य शिरसा देवी गौरी पृच्छति शंकरम् ॥ (१।२)

ईश्वर श्रोतुम् इच्छामि लोकनाथ जगत्प्रभो । (२।१)

प्रसादं कुरु देवेश ब्रूहि धर्मार्थसाधकम् ॥ (२।२)

वशीकरणम् उच्चाटं मोहनं स्तम्भनं तथा । (३।१)

शान्तिकं पौष्टिकं वाथ करणानि बहूनि च ॥ (३।२)

चक्षुर्हानिं महेशान श्रुतिहानिं तथैव च । (४।१)

ज्ञानहानिं क्रियाहानिं कीलकं च तथापरम् ॥ (४।२)

कार्यस्तम्भं सुरेशान शोषणं पूरणं तथा । (५।१)

मन्त्रध्यानं विशेषेण तत् सर्वं वद मे प्रभो ॥ (५।२)

अन्यच् च विविधं कार्यं प्रसादाद् ब्रूहि भैरव । (६।१)

यस्य विज्ञानमात्रेण मनुष्यो भुवि दुर्लभः ॥ (६।२)

श्रीर् ईश्वर उवाच । (७।१)

शृणु त्वं हि वरारोहे सिद्ध्यर्थं यदि पृच्छसि । (७।२)

तद्वद् इष्यामि ते देवि तत् सर्वं समुदाहृतम् ॥ (७।३)

औषधैर् मन्त्रजापैश् च रिपुं हन्यान् न संशयः । (८।१)

उड्डीशात् सारम् आकृष्य मयोक्तं तव भक्तितः ॥ (८।२)

उड्डीशं च नमस्कृत्य रुद्रं चैव सुदुर्लभम् । (९।१)

कपर्दिनं विरूपाक्षं सर्वभूतभयापहम् ॥ (९।२)

वक्ष्ये रुद्रोद्भवान् योगान् सर्वशत्रुविनाशकान् । (१०।१)

तैस् तु प्रयोजितैः सः प्राणान् हन्ति न संशयः ॥ (१०।२)

प्रथमं भूतकरणं द्वितीयोन्मादनं तथा । (११।१)

तृतीयं द्वेषणं चाथ तुर्यम् उच्चाटनं तथा ॥ (११।२)

ग्रामोच्चाटं पञ्चमं च जलस्तम्भं च षष्ठकम् । (१२।१)

वह्नेः स्तम्भकरं चाथ वशीकरणम् उत्तमम् ॥ (१२।२)

अन्यान् अपि प्रयोगांश् च बहून् शृणु वरानने । (१३।१)

शिवेन कथिता योगा उड्डीशे शास्त्रनिश्चये ॥ (१३।२)

अन्धीकरणं मूकीकरणं बधिरीकरणं तथा । (१४।१)

भूतज्वरस्य करणम् अस्त्रशस्त्रस्य दूषणम् ॥ (१४।२)

जलदोषप्रशमनं दध्नो मधुविनाशनम् । (१५।१)

विनाशं मत्तकरणं गजवाजिप्रकोपनम् ॥ (१५।२)

आकर्षणं भुजंगानां मानवानां तथा ध्रुवम् । (१६।१)

वह्नेर् विनाशनं कुर्यात् पर्णानां हि विनाशनम् ॥ (१६।२)

गर्दभस्यात्मकरणं परकायप्रवेशनम् । (१७।१)

वेतालपादुकासिद्धिम् उल्वकाज्ज्वलनं तथा ॥ (१७।२)

अन्यान् बहुप्रयोगांश् च रौद्रान् रोमप्रहर्षणान् । (१८।१)

विद्यामन्त्रप्रयोगादीन् औषधांश् चाभिचारिकान् ॥ (१८।२)

गुप्तागुप्ततराः कार्या रक्षितव्याः प्रयत्नतः । (१९।१)

उड्डीशं यो न जानाति स रुष्टः किं करिष्यति ॥ (१९।२)

सुमेरुं चालयेत् स्थानात् सागरैः प्लावयेन् महीम् । (२०।१)

सूर्यं च पातयेद् भूमौ नेदं मिथ्या भविष्यति ॥ (२०।२)

यथैवेन्द्रस्य वज्रं च पाशं हि वरुणस्य च । (२१।१)

यमस्य च यथा दण्डं कुबेरस्य गदा यथा ॥ (२१।२)

वह्नेः शक्तिर् यथा प्रोक्ता खड्गस् तु निरृतेर् यथा । (२२।१)

यथा वायोश् चाङ्कुशं हि त्रिशूलं शूलपाणिनः ॥ (२२।२)

स्कन्दस्य च यथा शक्तिर् विष्णोश् चक्रं सुदर्शनम् । (२३।१)

तथैते च महायोगाः प्रयुक्ताः शत्रुकारणे ॥ (२३।२)

अनिवृत्ते निवर्तन्ते अमोघा नात्र संशयः । (२४।१)

संतुष्टेन प्रयुक्तेन सिध्यन्ति सुविचारतः ॥ (२४।२)

सेइज़ुरे ब्य् घोस्त्स्रतानां करणं वक्ष्ये शत्रुसाधनम् उत्तमम् । (२५।१)

येनैव कृतमात्रेण भूतो गृह्णाति मानवम् ॥ (२५।२)

निम्बकाष्ठं समादाय चतुरङ्गुलमानतः । (२६।१)

शत्रुविष्ठासमालिप्तं तथा नाम समालिखेत् ॥ (२६।२)

चिताङ्गारेण तन्नाम्ना धूपं दद्यान् महेश्वरि । (२७।१)

चितान्तः संस्थितो भूत्वा यस्य गात्रमृदाहरेत् ॥ (२७।२)

कृष्णाष्टम्यां चतुर्दश्याम् अष्टोत्तरशतं जपेत् । (२८।१)

भूतो गृह्णाति तं शीघ्रं मन्त्रेणानेन मन्त्रितः ॥ (२८।२)

उॐ नमो भगवते सर्वभूताधिपतये विरूपाक्षाय नित्यं क्रूराय दंष्ट्रिणे विकरालिने ग्रहयक्षभूतवेतालेन सह शंकर मनुष्यं दह दह पच पच गृह्ण गृह्ण गृह्णापय गृह्णापय हुं फट् स्वाहा । (२९।१)

प्रत्यानयं यदीच्छेत तस्यैषा क्रियते क्रिया । (२९।२)

दापयेद् देवम् ईशानं घृतेन वचया सह ॥ (२९।३)

गुग्गुलं प्रददेद् धूपं घृतमिश्रं समन्ततः । (३०।१)

मन्त्रेण मन्त्रयित्वा तु ततः स्वास्थ्यं भवेत् किल ॥ (३०।२)

मन्त्रः उॐ नमः शिवाय शान्ताय प्रभाय मुक्ताय देवाधिदेवाय शुभ्रबाहवे व्याधिं शमय शमय अमुकः स्वस्थो भवतु नमो ऽस्तु ते । (३१।१)

इति स्वास्थ्यमन्त्रः । (३१।२)

ड़ेवेरथान्यत् सम्प्रवक्ष्यामि प्रयोगं भुवि दुर्लभम् । (३१।३)

येनैव कृतमात्रेण ज्वरो गृह्णाति मानवम् ॥ (३१।४)

निम्बकाष्ठाकृतिं कृत्वा चतुरङ्गुलमानतः । (३२।१)

तस्या हृदि विषोन्मत्तराजिकालवणैस् तथा ॥ (३२।२)

नाम संलिख्य प्रकृतौ पाच्यमानायां ततः परम् । (३३।१)

ततस् तु शत्रुनाम्ना च अष्टोत्तरशतं जपेत् ॥ (३३।२)

ततः स प्रहरार्धेन ज्वरभूतेन गृह्यते । (३४।१)

अथ जपमन्त्रः उॐ बकामुखा चामुण्डा अमुकस्य क्षीरमांसशोणितभोजिनी अमुकं खः खः ज्वरेण गृह्ण गृह्ण गृह्णापय गृह्णापय हुं फट् स्वाहा । (३४।२)

प्रत्यानयं यदीच्छेत तस्यैषा क्रियते क्रिया ॥ (३४।३)

दुग्धस्नातनामाक्षराणि तदा स्वस्थो भवेद् इति । (३५।१)

उच्चाटनअथान्यत् सम्प्रवक्ष्यामि प्रयोगं भुवि दुर्लभम् ॥ (३५।२)

येन विज्ञानमात्रेण शत्रोर् उच्चाटनं भवेत् । (३६।१)

ब्रह्मदण्डी चिताभस्म गोमयस्य तथैव च ॥ (३६।२)

क्षारं चापि समादाय काकजङ्गासमन्वितम् । (३७।१)

क्षिपेच् छिरसि शत्रूणां तूर्णम् उच्चाटयेद् रिपुम् ॥ (३७।२)

ततः संस्नापयेद् एनं गोक्षीरेण समन्वितम् । (३८।१)

मुण्डनं चाथ केशानां ततः स्वस्थो भवेद् ध्रुवम् ॥ (३८।२)

उच्चाटनअथान्यत् सम्प्रवक्ष्यामि शत्रोर् उच्चाटनं वरम् । (३९।१)

धूपं निर्भेदकं नाम स्वयं रुद्रेण भाषितम् ॥ (३९।२)

ब्रह्मदण्डी समूला च काकजङ्गा समन्विता । (४०।१)

निर्मोकं सर्पराजस्य धूपम् उच्चाटयेद् रिपून् ॥ (४०।२)

सर्पकञ्चुकम् आदाय कृष्णोरगशिरस् तथा । (४१।१)

निखनेद् यस्य च द्वारे तम् उच्चाटयते हठात् ॥ (४१।२)

ब्रह्मदण्डी सुरामांसी कच्छपस्य शिरस् तथा । (४२।१)

श्मशानभस्मसंयुक्तं कपाले मानुषे न्यसेत् ॥ (४२।२)

शत्रोर् द्वारे निखातेन तूर्णम् उच्चाटयेद् रिपून् । (४३।१)

सप्तरात्रौ देवेशि समूलं नश्यते गृहम् ॥ (४३।२)

विद्वेषणअथ विद्वेषणं वक्ष्ये शत्रूणां शृणु शंकरि । (४४।१)

येनैव कृतमात्रेण विद्वेषो जायते नृणाम् ॥ (४४।२)

ब्रह्मदण्डी समूला च काकमांसेन संयुता । (४५।१)

जातीपुष्परसैर् भाव्या सप्तरात्रं पुनः पुनः ॥ (४५।२)

ततो मार्जारमूत्रेण सप्ताहं भावयेत् ततः । (४६।१)

एष धूपः प्रदातव्यः शत्रुगोत्रस्य मध्यतः ॥ (४६।२)

यथा गन्धं समाघ्राति पिता पुत्रैः समं कलिः । (४७।१)

विद्वेषणं परं तेषां सुहृद्भिर् बान्धवैः सह ॥ (४७।२)

स्वस्थीकरणकं प्रोक्तं घृतगुग्गुलधूपतः । (४८।१)

अथ मारणम् । (४८।२)

सुरां मानुषमांसं च समादाय विचक्षणः ॥ (४८।३)

गृध्रास्थि शत्रुविष्ठां च द्वारमध्ये निखातयेत् । (४९।१)

सप्ताहेन भवेन् मारो यथा रुद्रेण भाषितम् ॥ (४९।२)

ब्रह्मदण्डी चिताभस्म सुरामांसीसमायुतम् । (५०।१)

अरिष्टस्य च पत्त्राणि विषं रुधिरम् एव च ॥ (५०।२)

मोहाय च प्रयोक्तव्यः शत्रूणां नामयोगतः । (५१।१)

सप्तरात्रप्रयोगेन सर्वशत्रुप्रणाशनम् ॥ (५१।२)

एतेषां दुष्टयोगानां शत्रवे तद् उदाहृतम् । (५२।१)

शतम् अष्टोत्तरेणैव मन्त्रयित्वा विचक्षणः ॥ (५२।२)

उॐ नमो भगवते श्रीउड्डामरेश्वराय अमुकम् उच्चाटय उच्चाटय विद्वेषय विद्वेषय स्वाहा । (५३।१)

एकरात्रोषितो भूत्वा कृष्णाष्टम्यां समाहितः । (५३।२)

देवम् अभ्यर्च्य चेशानं शतम् अष्टाधिकं जपेत् ॥ (५३।३)

मन्त्रम् एतत् प्रयोक्तव्यं सिद्धये सिद्धिकाम्यया । (५४।१)

शत्रुसैन्ये प्रयोक्तव्यं राज्ञश् च विजयार्थिनः ॥ (५४।२)

लाङ्गूलं गृहगोधायाः कृकलासस्य मस्तकम् । (५५।१)

इन्द्रगोपकसंयुक्तं जम्बूकस्य शिरस् तथा ॥ (५५।२)

एतानि समभागानि सूक्ष्मचूर्णानि कारयेत् । (५६।१)

अमुक्ते हि प्रयोक्तव्यं सर्वं जनशतं हरेत् ॥ (५६।२)

नृकपालं समूत्रं च पेचकस्य शिरस् तथा । (५७।१)

वृश्चिकस्य तु लाङ्गूलं हालाहलकम् एव च ॥ (५७।२)

श्वेतमण्डूकमांसं च मूत्रं चैव गजोष्ट्रयोः । (५८।१)

गृहीत्वा समभागानि सूक्ष्मचूर्णानि कारयेत् ॥ (५८।२)

एतानि शोषयित्वा तु कल्कं कृत्वा पुनः पुनः । (५९।१)

उॐ हीं यमाय शत्रुनाशनाय स्वाहा । (५९।२)

अन्ने पाने प्रदातव्यं रिपुसैन्यविनाशनम् ॥ (५९।३)

स्पृष्टमात्रेण तेनैव विस्फोटास् तु समन्ततः । (६०।१)

तस्य देहे ज्वरस् तीव्रो भवेत् तीव्रा च वेदना ॥ (६०।२)

म्रियते सप्तरात्रौ प्रत्यानयनवर्जितः । (६१।१)

अथान्यत् सम्प्रवक्ष्यामि यस्य ध्यानेन साधनम् ॥ (६१।२)

कथितं चैव रुद्रेण त्रिदशेभ्यः प्रसादतः । (६२।१)

रुधिरं कृष्णसर्पस्य कुक्कुटस्य तु कस्यचित् ॥ (६२।२)

कच्छपस्य मयूराणां रोचनं जात्यञ्जनं तथा । (६३।१)

कुङ्कुमं भद्रमुस्तं च तगरं कृष्णम् एव च ॥ (६३।२)

एतानि समभागानि पुष्यार्के च समाहरेत् । (६४।१)

अश्लेषायां तु पिष्टानि कृत्वा पात्रे च राजते ॥ (६४।२)

दशाहं स्थापयेद् भूम्यां पश्चाद् उद्धृत्य लेपयेत् । (६५।१)

असिधाराङ्गदा नाम स्वयं रुद्रेण भाषिता ॥ (६५।२)

अथालिपेत् तु गात्राणि स कृत्वास्थीन्य् अथापि वा । (६६।१)

फलपुष्पे तथा पत्त्रे धूपसत्तैस् तथैव च ॥ (६६।२)

अगदो ऽयं महामन्त्रो भूतानां च भयावहः । (६७।१)

अन्ने पाने मन्त्रयित्वा प्रयुञ्जीत विधानतः ॥ (६७।२)

उॐ नमो भगवते रुद्राय शान्ताय दिव्ययोगाय दिव्यरूपाय जटिलब्रह्मचारिणे अगदोक्षित्रिदशैव महाबलशतं मनोहं ठः ठः स्वाहा । (६८।१)

पीड्यमानं जपेन् मन्त्रं शुचिर् भूत्वा समाहितः । (६८।२)

अष्टोत्तरसहस्रं तु ततो मन्त्रम् इमं जपेत् ॥ (६८।३)

कन्यया पेषयेच्चैव गोष्ठमध्ये प्रयत्नतः । (६९।१)

तदशक्तौ चितायां तु यथाशक्ति पुनः पुनः ॥ (६९।२)

स्वयं रुद्रेण सम्प्रोक्तं सर्वकार्यप्रसाधकम् । (७०।१)

सर्वे चैव प्रयोक्तव्याः सर्वशत्रुविनाशकाः ॥ (७०।२)

तस्मात् सर्वप्रयत्नेन रक्षितव्याः प्रयोगवान् । (७१।१)

अभुक्ते नैव प्रोक्त यं क्रूरे पापजने तथा ॥ (७१।२)

दातव्यं भक्तियुक्ताय शास्त्रज्ञायामरेश्वरि । (७२।१)

इति पार्वतीशिवसंवादे वीरभद्रेश्वरतन्त्रोद्धृते उड्डामरेश्वरमहातन्त्रे प्रथमः पटलः ॥ (७२।२)