अथ दिग्बन्धनमन्त्रः । (१।१)

वज्रक्रोधाय महादन्ताय दशदिशो बन्ध बन्ध हं फट् स्वाहा । (१।२)

अथ योनिसंकोचनम् । (१।३)

कुमुदं हरितालं च पिष्ट्वा योनिं प्रलेपयेत् । (१।४)

त्रिरात्रं पञ्चरात्रं च योनिर् भवति संयुता ॥ (१।५)

मांसी चन्दनमुस्ता च तगरं नागकेसरम् । (२।१)

एभिर् मासप्रयोगं च भगलेपनम् उत्तमम् ॥ (२।२)

मालतीकुसुमैस् तैलैर् वल्कैर् वराङ्गलेपनम् । (३।१)

ऋतुकाले ऽथवा कुर्यात् तदा तत्तुल्यता भवेत् ॥ (३।२)

डिम्बस्यानीय पञ्चाङ्गं सर्षपतैलपाचितम् । (४।१)

सततम् अभिलेपेन सा भर्तारं वशं नयेत् ॥ (४।२)

मूलं तु वानरीशृङ्गं छागीमूत्रेण लेपयेत् । (५।१)

लेपनात् तु ततः शिश्नं यथेच्छं कामयेद् बलात् ॥ (५।२)

सौभाग्यपिप्पली लाक्षा विषं च क्रमवर्धितम् । (६।१)

लेपं प्रक्षालितं लिङ्गं नारी कामयते चिरात् ॥ (६।२)

पारावतं तथा गुञ्जा श्वेतोत्पलं समक्षिकम् । (७।१)

नाभिलेपनम् इत्य् उक्तं वीर्यस्तम्भकरं परम् ॥ (७।२)

द्वादशारं लिखेच् चक्रं कुङ्कुमेन समन्वितम् । (८।१)

भूर्जपत्त्रे ऽथवा वस्त्रे नेत्रे बद्धफलादिके ॥ (८।२)

पत्त्रे पत्त्रे लिखेद् बीजं ह्रींकारं परमोज्ज्वलम् । (९।१)

साध्यनाम तथा मध्ये कर्णिकायां विशेषतः ॥ (९।२)

विदर्भमन्त्रमुख्येन तत्कूटं परिमण्डले । (१०।१)

मृत्तिकाभिः समस्ताभिः प्रतिमां कारयेद् दृढम् ॥ (१०।२)

कर्षयेत् प्रमदां नॄणां गर्वितां तु न संशयः । (११।१)

वैराग्यं न पुनर् याति दासीभावेन तिष्ठति ॥ (११।२)

दाडिमं पञ्चकोलं च लोहं वज्रोरसं घृतम् । (१२।१)

चूर्णं भूमन्दरा शाखा दन्तनखं करोति वै ॥ (१२।२)

मनःशिला प्रयङ्गुश् च रोचना नागकेसरम् । (१३।१)

नेत्राञ्जनसमायुक्तं सर्वसत्त्ववशंकरम् ॥ (१३।२)