काकस्य पक्षौ संगृह्य सर्पकञ्चुकम् एव च । (१।१)

श्मशानभस्मसंयुक्तं शत्रोर् उच्चाटनं भवेत् ॥ (१।२)

इत्य् उच्चाटनाधिकारः । (२।१)

चौसिन्ग् पोस्सेस्सिओन् ब्य् घोस्त्स्भूतवादं प्रवक्ष्यामि यथा गरुडभाषितम् । (२।२)

येनैव ज्ञातमात्रेण शत्रवो यान्ति वश्यताम् ॥ (२।३)

शत्रुनिर्यासं संगृह्य चूर्णं सत्त्वं च तस्य वै । (३।१)

भावयेत् सप्तरात्रं तु भोजनैः सह दापयेत् ॥ (३।२)

दत्तमात्रेण तेनैव पिशाचैर् गृह्यते तु सः । (४।१)

स्वस्थीकारे प्रदातव्या जया तु मधुयष्टिका ॥ (४।२)

निर्यासैः शालसम्भूतैर् बीजानि कतकस्य च । (५।१)

भावयेत् सप्तरात्रं तु भोजनैः सह दीयते ॥ (५।२)

तस्य भक्षणमात्रेण ग्रहैः संगृह्यते नरः । (६।१)

शर्करादुग्धपानेन स्वस्थो भवति नान्यथा ॥ (६।२)

वास्तुकस्य तु निर्यासं बीजानि कतकस्य च । (७।१)

मर्दित्वा यातयामाभ्यां गृह्यते ब्रह्मराक्षसैः ॥ (७।२)

शर्करादुग्धपानेन स्वस्थो भवति नान्यथा । (८।१)

कपिकच्छुकनिर्यासैर् मातुलुङ्गस्य बीजकम् ॥ (८।२)

भावयेत् सप्तरात्रं तु भक्ष्ये पाने प्रदापयेत् । (९।१)

उॐ नमो भगवते उड्डामरेश्वराय महेश्वरो नाम स्वाहा । (९।२)

आमलक्याश् च चूर्णेन स्त्रीदुग्धसहितेन च ॥ (९।३)

पाययित्वा विष्कृतं तु स्वास्थ्यं संजायते ध्रुवम् । (१०।१)

शर्करापद्मकिञ्जल्कपद्मकेसरकल्ककैः ॥ (१०।२)

चूर्णीकृतैस् तच् चूर्णं तु दुग्धेन सह दापयेत् । (११।१)

तदा दुष्टग्रहैर् मुक्तः स्वस्थश् च जायते नरः ॥ (११।२)