उड्डामरेश्वरतन्त्रUḍḍāmareśvaratantra
UḍḍT, 8
Select a line for its word-by-word analysis.
अथान्यत् सम्प्रवक्ष्यामि नारीणां गर्भधारणम् । (१।१)
athānyat sampravakṣyāmi nārīṇāṃ garbhadhāraṇam |
पद्मबीजं गव्यपयसा सह या नरी पिबति सा गर्भवती भवति सत्यम् एव आदित्यवारे निमन्त्रयेत् चन्द्रवारे भक्षयेत् । (१।२)
padmabījaṃ gavyapayasā saha yā narī pibati sā garbhavatī bhavati satyam eva ādityavāre nimantrayet candravāre bhakṣayet |
पूर्वदिग्भागस्थितं शरीषमूलं गव्यघृतेन सह ऋतुसमये भक्षयेत् सा संवत्सरेण गर्भवती भवति । (१।३)
pūrvadigbhāgasthitaṃ śarīṣamūlaṃ gavyaghṛtena saha ṛtusamaye bhakṣayet sā saṃvatsareṇa garbhavatī bhavati |
अभिमन्त्र्य तु मन्त्रेण सापि पुत्रवती भवेत् ॥ (१।५)
abhimantrya tu mantreṇa sāpi putravatī bhavet ||
तस्यां नद्यां दिशि स्वाहा वन्ध्या पुत्रवती भवेत् ॥ (३।२)
tasyāṃ nadyāṃ diśi svāhā vandhyā putravatī bhavet ||
विधिर् अत्रोच्यते कपिलागोमयेनाथ भूमिं संलिप्य यत्नतः । (४।१)
vidhir atrocyate kapilāgomayenātha bhūmiṃ saṃlipya yatnataḥ |
स्नात्वा विधिप्रकारेण मण्डलं कारयेत् ततः ॥ (४।२)
snātvā vidhiprakāreṇa maṇḍalaṃ kārayet tataḥ ||
चतुरस्रं चतुष्कोणं तन्मध्ये वर्तुलं स्मृतम् । (५।१)
caturasraṃ catuṣkoṇaṃ tanmadhye vartulaṃ smṛtam |
तन्मध्ये विलिखेत् पश्चाद् अष्टपत्त्रं सकर्णिकम् ॥ (५।२)
tanmadhye vilikhet paścād aṣṭapattraṃ sakarṇikam ||
मध्ये तु पूजयेद् देवं पत्त्रे शक्तिं प्रपूजयेत् । (६।१)
madhye tu pūjayed devaṃ pattre śaktiṃ prapūjayet |
निर्व्रणमण्डलस्याग्रे कमलं स्थापयेद् बुधः ॥ (६।२)
nirvraṇamaṇḍalasyāgre kamalaṃ sthāpayed budhaḥ ||
भृङ्गता कुलसप्तपर्वतमृत्तिका [॥। औ५ ज़ेइछेन्झ्] स्वमलामृत्तिकावल्मीकमृत्तिकानिम्बमूलमृत्तिका सुवर्णरजतताम्रकांस्यसहस्रमूलसर्वतीर्थानि समुद्राः सरितः सर्वाः सर्वौषधयः सर्वदेवताः सर्वसिद्धयः सर्वयोगिन्यः सर्वे गिरयः सर्वे नागाः पञ्चजात्यानि फलानि पञ्चप्रकाराक्षतानि पञ्च सुवर्णपुष्पाणि स्थिरचित्तेन मन्त्रितकलशे परिकल्पयेत् । (७।२)
bhṛṅgatā kulasaptaparvatamṛttikā svamalāmṛttikāvalmīkamṛttikānimbamūlamṛttikā suvarṇarajatatāmrakāṃsyasahasramūlasarvatīrthāni samudrāḥ saritaḥ sarvāḥ sarvauṣadhayaḥ sarvadevatāḥ sarvasiddhayaḥ sarvayoginyaḥ sarve girayaḥ sarve nāgāḥ pañcajātyāni phalāni pañcaprakārākṣatāni pañca suvarṇapuṣpāṇi sthiracittena mantritakalaśe parikalpayet |
अथ मन्त्रः क्षं क्षीं क्षूं क्षैं क्षौं क्षः । (७।३)
atha mantraḥ kṣaṃ kṣīṃ kṣūṃ kṣaiṃ kṣauṃ kṣaḥ |
अनेन मन्त्रेण या नरी विधानेन निरतवर्जिता अब्रह्मचारिणी देवी वन्ध्या पञ्चपतिवर्जिता । (७।४)
anena mantreṇa yā narī vidhānena niratavarjitā abrahmacāriṇī devī vandhyā pañcapativarjitā |
अपुत्रा लभते पुत्रान् दुर्भगा सुभगा भवेत् । (७।५)
aputrā labhate putrān durbhagā subhagā bhavet |
मन्त्रौषधीप्रयोगाश् च ये चान्ये चूर्णकीर्णकाः । (८।१)
mantrauṣadhīprayogāś ca ye cānye cūrṇakīrṇakāḥ |
ये चान्ये विघ्नकर्तारश् चरन्ति भुवि राक्षसाः । (९।१)
ye cānye vighnakartāraś caranti bhuvi rākṣasāḥ |
ते सर्वे प्रलयं यान्ति सत्यं देवि मयोदितम् ॥ (९।२)
te sarve pralayaṃ yānti satyaṃ devi mayoditam ||
सकृद् उच्चरिते मन्त्रे महापुण्यं प्रजायते । (१०।१)
sakṛd uccarite mantre mahāpuṇyaṃ prajāyate |
ब्रह्महत्यादयो दोषाः क्षयं यान्ति न संशयः ॥ (१०।२)
brahmahatyādayo doṣāḥ kṣayaṃ yānti na saṃśayaḥ ||
अथ प्रथमोपाय उच्यते नागकेसर १० माषकं गव्यघृतेन सहर्तुस्नानदिवसे पिबेत् । (११।१)
atha prathamopāya ucyate nāgakesara 10 māṣakaṃ gavyaghṛtena sahartusnānadivase pibet |
तदनन्तरं भर्त्रा सह रात्रौ संयोगं कुर्यात् । (११।२)
tadanantaraṃ bhartrā saha rātrau saṃyogaṃ kuryāt |
अथ द्वितीयोपायः श्वेतजीरकम् १७ माषमात्रकं रात्रौ मृन्मयपात्रे जलेन सह निरावरणस्थाने समग्ररात्रौ स्थापयेत् । (११।४)
atha dvitīyopāyaḥ śvetajīrakam 17 māṣamātrakaṃ rātrau mṛnmayapātre jalena saha nirāvaraṇasthāne samagrarātrau sthāpayet |
अग्निम् अदिवसे शिलायां पिष्ट्वा पर्युषितजलेन या स्त्री ऋतुस्नानदिने पीत्वा रात्रौ भर्त्रा सह संयोगं कुर्याद् अवश्यं सा गर्भवती भवति । (११।५)
agnim adivase śilāyāṃ piṣṭvā paryuṣitajalena yā strī ṛtusnānadine pītvā rātrau bhartrā saha saṃyogaṃ kuryād avaśyaṃ sā garbhavatī bhavati |
अथ तृतीयोपायः दकाल्वद्मदीपि १० माषकं गव्यदुग्धेन सह या ऋतुस्नानदिवसे पीत्वा रात्रौ भर्त्रा सह संयोगं कुर्यात् सा अवश्यम् एव गर्भवती भवति । (११।६)
atha tṛtīyopāyaḥ dakālvadmadīpi 10 māṣakaṃ gavyadugdhena saha yā ṛtusnānadivase pītvā rātrau bhartrā saha saṃyogaṃ kuryāt sā avaśyam eva garbhavatī bhavati |
उॐ घण्टाकर्णाय स्वाहा इमं सप्तधा जप्त्वा ग्रामे नगरे वा प्रविशेत् तत्र विशिष्टं भोजनं प्राप्नोति । (११।८)
uoṃ ghaṇṭākarṇāya svāhā imaṃ saptadhā japtvā grāme nagare vā praviśet tatra viśiṣṭaṃ bhojanaṃ prāpnoti |
अन्यच् च भो अल्ल मे सिद्धा अनेनाष्टोत्तरशतं जपेत् । (११।९)
anyac ca bho alla me siddhā anenāṣṭottaraśataṃ japet |
शिरीषमूलमृदः क्षेत्रस्य चतुष्कोणेषु मोक्षयेत् तदा शशकमूषकवराहचतुष्पादप्रभृतीनां मुखबन्धनं भवति । (११।१०)
śirīṣamūlamṛdaḥ kṣetrasya catuṣkoṇeṣu mokṣayet tadā śaśakamūṣakavarāhacatuṣpādaprabhṛtīnāṃ mukhabandhanaṃ bhavati |
अधुना सम्प्रवक्ष्यामि मन्त्रान् मे फलदायकाः । (११।११)
adhunā sampravakṣyāmi mantrān me phaladāyakāḥ |
ये सिध्यति दशान्यूनं मन्त्रसाधनमुक्तिदाः ॥ (११।१२)
ye sidhyati daśānyūnaṃ mantrasādhanamuktidāḥ ||
मन्त्राक्षराणि लिखित्वा साधकस्य तस्य यदापि च प्रथमवर्गाक्षरो भवति तदा मित्रं द्वितीयवर्गाक्षरो भवति तदा सिद्धः । (१२।२)
mantrākṣarāṇi likhitvā sādhakasya tasya yadāpi ca prathamavargākṣaro bhavati tadā mitraṃ dvitīyavargākṣaro bhavati tadā siddhaḥ |
तृतीयवर्गस्य यदा भवति तदा साध्यः चतुर्थवर्गाक्षरो भवति तदोदासीनः पञ्चमवर्गाक्षरो यदा भवति तदा शत्रुर् ज्ञातव्यः । (१२।३)
tṛtīyavargasya yadā bhavati tadā sādhyaḥ caturthavargākṣaro bhavati tadodāsīnaḥ pañcamavargākṣaro yadā bhavati tadā śatrur jñātavyaḥ |
एतान् भेदान् ज्ञात्वा मन्त्रशोधनम् आरभेत् तदा साधकानां सुखावहो भवति अथ कल्पवृक्षषण्डमूलानि यानि प्रक्षालितानि गव्यदधिमिश्रितायां राजिकायां संस्कार्याणि । (१२।४)
etān bhedān jñātvā mantraśodhanam ārabhet tadā sādhakānāṃ sukhāvaho bhavati atha kalpavṛkṣaṣaṇḍamūlāni yāni prakṣālitāni gavyadadhimiśritāyāṃ rājikāyāṃ saṃskāryāṇi |
अथ मन्त्रः उॐ नमः षण्मुखाय शक्तिहस्ताय मयूरवाहनाय औषधीकेन देहि मे भव स्वाहा । (१२।८)
atha mantraḥ uoṃ namaḥ ṣaṇmukhāya śaktihastāya mayūravāhanāya auṣadhīkena dehi me bhava svāhā |
अनेन मन्त्रेण चतुर्दश्यां शुचिर् भूत्वा मयूरशिखाम् उत्पाटयेत् तदा महाप्रभावयुक्ता भवति । (१२।९)
anena mantreṇa caturdaśyāṃ śucir bhūtvā mayūraśikhām utpāṭayet tadā mahāprabhāvayuktā bhavati |
गव्यघृतेन सह संगृह्येत तदा इन्द्रियबलो भवति । (१२।१०)
gavyaghṛtena saha saṃgṛhyeta tadā indriyabalo bhavati |
अन्यच् च श्वेतकरवीरमूलश्वेतगिरिकर्णिकामूलहेवचनाङ्भीकृतजाताञ्जली पञ्चमलसमायुक्ता खाने पाने प्रदातव्या मरणान्तं वशीकरणम् ॥ (१२।१२)
anyac ca śvetakaravīramūlaśvetagirikarṇikāmūlahevacanāṅbhīkṛtajātāñjalī pañcamalasamāyuktā khāne pāne pradātavyā maraṇāntaṃ vaśīkaraṇam ||
अन्यच् च श्वेतगिरिकर्णिकामूलं स्ववीर्येण सह स्वकीयपञ्चमलहरवीर्यश्वेतार्कमूलम् एतानि हस्तर्क्षे पुष्यर्क्षे वा एकीकृत्य कुमारिकाहस्ताभ्यां मर्दयित्वा अष्टम्यां चतुर्दश्यां वा गजमदेन सह हस्ते गुटिकां कारयेत् । (१३।१)
anyac ca śvetagirikarṇikāmūlaṃ svavīryeṇa saha svakīyapañcamalaharavīryaśvetārkamūlam etāni hastarkṣe puṣyarkṣe vā ekīkṛtya kumārikāhastābhyāṃ mardayitvā aṣṭamyāṃ caturdaśyāṃ vā gajamadena saha haste guṭikāṃ kārayet |
यस्यै एकापि दीयते सा वश्या भवति नान्यथा । (१३।२)
yasyai ekāpi dīyate sā vaśyā bhavati nānyathā |
शुक्लपक्षे ऽपि सर्पाणां दीयते ते सर्पा अपि वश्या भवन्ति श्रीमहाभैरवस्य वचो यथा कुङ्कुमेन सह दीयते तदा वै गजो वशीभवति । (१३।३)
śuklapakṣe 'pi sarpāṇāṃ dīyate te sarpā api vaśyā bhavanti śrīmahābhairavasya vaco yathā kuṅkumena saha dīyate tadā vai gajo vaśībhavati |
रोचनया कुङ्कुमेन सह यदा तिलकं क्रियते तदा सा स्त्री पृष्ठलग्ना भ्रमति । (१३।४)
rocanayā kuṅkumena saha yadā tilakaṃ kriyate tadā sā strī pṛṣṭhalagnā bhramati |
राजद्वारे तथा न्याये विवाहे युद्धे जयावहे त्रैलोक्यमोहनम् एतत् । (१३।६)
rājadvāre tathā nyāye vivāhe yuddhe jayāvahe trailokyamohanam etat |
त्रिफला ५ माषाः निम्ब १ माष कदम्ब २ माष नीप ३ माष तिराइता ४ माष करञ्ज ५ माष भृङ्गराज ६ माष मयूरशिखा ७ माषाः एतानि समभागानि सूक्ष्मचूर्णानि कारयेत् । (१३।७)
triphalā 5 māṣāḥ nimba 1 māṣa kadamba 2 māṣa nīpa 3 māṣa tirāitā 4 māṣa karañja 5 māṣa bhṛṅgarāja 6 māṣa mayūraśikhā 7 māṣāḥ etāni samabhāgāni sūkṣmacūrṇāni kārayet |
रात्रिचूर्णं शिरीषवल्कलचूर्णं च गव्यघृतेन सह यस्यै वनितायै ऋतुस्नानदिवसे पानार्थं दीयते सा स्त्री वन्ध्यापि गर्भवती भवति नात्र संशयः । (१३।११)
rātricūrṇaṃ śirīṣavalkalacūrṇaṃ ca gavyaghṛtena saha yasyai vanitāyai ṛtusnānadivase pānārthaṃ dīyate sā strī vandhyāpi garbhavatī bhavati nātra saṃśayaḥ |
एतच् चूर्णं कपित्थफलेन सह ऋतुसमये अपुत्रवती भक्षयति सा स्त्री पुत्रम् आप्नोति । (१३।१२)
etac cūrṇaṃ kapitthaphalena saha ṛtusamaye aputravatī bhakṣayati sā strī putram āpnoti |
एतच् चूर्णं श्वेतकङ्कोलीमूलं लक्ष्मणाचूर्णं च समं कृत्वा कुङ्कुमक्वाथेन सहर्तुसमये सदा भक्षणार्थं दीयते तदा तस्याः शरीरशुद्धिर् भवति । (१३।१३)
etac cūrṇaṃ śvetakaṅkolīmūlaṃ lakṣmaṇācūrṇaṃ ca samaṃ kṛtvā kuṅkumakvāthena sahartusamaye sadā bhakṣaṇārthaṃ dīyate tadā tasyāḥ śarīraśuddhir bhavati |
पश्चाद् ऋतुसमयोपरि पञ्च दिनानि भक्षयेत् तदा सा गर्भधारणक्षमा भवति नात्र संशयः ॥ (१३।१४)
paścād ṛtusamayopari pañca dināni bhakṣayet tadā sā garbhadhāraṇakṣamā bhavati nātra saṃśayaḥ ||
Data courtesy of The Digital Corpus of Sanskrit.