ॐ ह्रीं श्रीं क्लीं द्रं चण्डोग्रे त्रिनेत्रे चामुण्डे अरिष्टे हूं फट् स्वाहा । (१।१)

ह्रीं नमाम्य् अहं महादेवं नृसिंहं भीमरूपिणम् ॐ नमस् तस्मै । (१।२)

श्रीपार्वत्य् उवाच । (१।३)

उड्डीशेन समाकीर्णे योगिवृन्दसमाकुले । (१।४)

प्रणम्य शिरसा गौरी परिपृच्छति शंकरम् ॥ (१।५)

श्रीश्वर उवाच । (२।१)

शृणु त्वं हि वरारोहे सिद्ध्यर्थं प्रतिवाससे । (२।२)

तं वदिष्यामि ते देवि सर्वं तत् समुपाहृतम् ॥ (२।३)

देवि यो द्विजो मन्त्रैस् तु विप्रहन्यान् न संशयः । (३।१)

पूर्वोदितं मयोड्डीशं कथ्यते तव भक्तितः ॥ (३।२)

उड्डीशं च नमस्कृत्य रुद्रं चैव सुदुर्जयम् । (४।१)

कपर्दिनं विरूपाक्षं सर्वभूतभयावहम् ॥ (४।२)

प्रथमं भूतकरणं द्वितीयोन्मादनं तथा । (५।१)

तृतीयं द्वेषणं चैव तुर्यम् उच्चाटनं तथा ॥ (५।२)

ग्रामोच्चाटं पञ्चमं च षष्ठं च जलस्तम्भनम् । (६।१)

सप्तमम् अग्निस्तम्भं च वशीकरणम् अष्टमम् ॥ (६।२)

अन्यान् अपि प्रयोगांश् च शृणुष्व वै वरानने । (७।१)

शिवेन कथिता योगा उड्डीशे शास्त्रनिश्चये ॥ (७।२)

अन्धी च वन्धीकरणं मूकीकारस् तथैव च । (८।१)

गात्रसंकोचनं चैव भूतज्वरकरस् तथा ॥ (८।२)

अस्त्रशस्त्रस्य त्रुटितं पानीयस्य विनाशनम् । (९।१)

दधिमधुनाशनं च नखकरणं तथैव च ॥ (९।२)

गजानां वाजिनां चैव प्रकोपनं परस्परम् । (१०।१)

आकर्षणं भुजंगानां मानवानां तथा ध्रुवम् ॥ (१०।२)

सस्यविनाशनं चैव गर्भस्यान्तर्धिकारणम् । (११।१)

वेतालाञ्जनसिद्धिश् च उलूकसिद्धिर् अपि हि ॥ (११।२)

अन्यान् अपि महारौद्रान् प्रयोगान् शृणु साम्प्रतम् । (१२।१)

विद्यामन्त्रप्रयोगांश् च औषधं चाभिचारिकम् ॥ (१२।२)

गुप्ता गुप्ततराः कार्या रक्षितव्याः प्रयत्नतः । (१३।१)

अकुलीनाधमबुद्धेर् भक्तिहीनस्य वै तथा ॥ (१३।२)

हिंसकस्य च क्षुद्रस्य निन्दकस्य विशेषतः । (१४।१)

स्वार्थं फलादिलुब्धस्य उपदेशम् अमन्यतः ॥ (१४।२)

अस्मिन् शापे पूरुषास् ते वर्जनीयाः प्रयत्नतः । (१५।१)

एतैश् च सह संयोगो न कार्यः सर्वदा बुधैः ॥ (१५।२)

य उड्डीशक्रियाशक्तिभेदं कुर्वन्ति मोहिताः । (१६।१)

ते दुष्टा दुर्जयाश् चैव किम् अत्र बहुभाषितैः ॥ (१६।२)

यदीच्छासिद्धिम् आत्मानम् आत्मार्थं हि तथैव च । (१७।१)

सत्पूरुषाय दातव्यं देवगुरुरताय च ॥ (१७।२)

प्रयोगास् तु प्रयोक्तव्याः साधकैः शत्रुकारणे । (१८।१)

अनिमित्ता निवर्तन्ते स्वात्मग्राहे न संशयः ॥ (१८।२)

असंतुष्टो ह्य् अयुक्तश् च प्रयोगान् इति नाचरेत् । (१९।१)

शास्त्रसिद्धविचारास् तु सामन्तकोषकाः शुभाः ॥ (१९।२)

ॐ ग्लौं गं गणेशाय नमः । (२०।१)

मन्त्रेणानेन मन्त्रज्ञः कुम्भकारमृदा तथा । (२०।२)

लम्बोदरं प्रकुर्वीत पूजयेद् उपचारकैः ॥ (२०।३)

साप्ताहिकं त्रिसंध्यायां जप्तव्यं सावधानतः । (२१।१)

सहस्रैकप्रमाणेन जपाच्छान्तिर् भविष्यति ॥ (२१।२)

प्रातर् अष्टोत्तरं जप्त्वा लभेद् बुद्धिं शुभां नरः । (२२।१)

मासेनैकेन देवेशि श्रीलाभश् च भवेद् ध्रुवम् ॥ (२२।२)

षण्मासेन वरारोहे महाधनपतिर् भवेत् । (२३।१)

त्रिकालज्ञानवेत्ता च वर्षैकेन न संशयः ॥ (२३।२)

ऐं नमः स्वाहा । (२४।१)

प्रातः सहस्रवारं तु प्रजप्तेन प्रपूजयेत् । (२४।२)

वरदां तु महादेवीं श्वेतगन्धानुलेपनैः ॥ (२४।३)

पुष्पैर् जापैर् दक्षिणादिसोपचारैस् तु प्रत्यहम् । (२५।१)

सप्तमे दिवसे ह्य् एवं वागैश्वर्यं प्रजायते ॥ (२५।२)

भवेत् सद्यः प्रवक्ता च श्रुतिस्मृतिधरो ऽपि च । (२६।१)

बान्धवः सर्वभूतानां चिरायुः सुखम् एधते ॥ (२६।२)

ॐ क्लीं मन्त्रेणानेन देवेशि साधकः जपम् आरभेत् । (२७।१)

रक्तवस्त्रावृतो नित्यं तथा कुङ्कुमजाङ्गले ॥ (२७।२)

सप्ताहजपमात्रेण ह्य् आनयेत् त्रिदशाङ्गनाम् । (२८।१)

ॐ द्रीं द्रीं द्रीं द्रीं स्वाहा । (२८।२)

पूर्वविधानो हि जपेद् एकान्तसंस्थितः ॥ (२८।३)

आकर्षेति स्त्रियं शस्तां सालंकारां सुवाससम् । (२९।१)

ॐ हैं हः हुं । (२९।२)

ऊर्ध्वदृष्टिप्रयोगेण जपेल् लक्षत्रयं प्रिये ॥ (२९।३)

सर्वपापविनिर्मुक्तो जायते खेचरे पदे । (३०।१)

ॐ द्रीं कारीण्डः क्षः क्षीं फट् स्वाहा । (३०।२)

एकपादस्थितो भद्रे जपेद् अष्टोत्तरं शतम् ॥ (३०।३)

यद् यत् प्रार्थयते वस्तु तद् ददाति दिने दिने । (३१।१)

यजेन् नरविशेषं च देवाग्निगुरुब्राह्मणैः ॥ (३१।२)

ॐ श्रीं क्षीं लोहं मुञ्च किलि किलि अमुकं काटय काटय मातंगिनि स्वाहा । (३२।१)

मन्त्रेणानेन पूर्वाह्णे पूजयन्न् उपचारकैः । (३२।२)

शरावं पूरयित्वा तु चतुष्पथे बलिं हरेत् ॥ (३२।३)

समन्त्रं क्षिप्यति पुमान् पुरुषं यदि पश्यति । (३३।१)

आत्मचिन्तितकार्याणि साधयत्य् एव नान्यथा ॥ (३३।२)

ॐ स्तम्भिनि स्वाहा कपालिनि स्वाहा द्रीं द्रीं वैषादार्थिनि स्वाहा छः छः । (३४।१)

मन्त्रेण मृत्तिकां जप्त्वा प्रतार्य सप्तधा जले । (३४।२)

संमुखीभूय क्षिप्त्वा च जप्त्वा चायुतं वासरे ॥ (३४।३)

तेन सिद्धो भवेन् मन्त्रः साधकस्य न संशयः । (३५।१)

ॐ श्रीं क्षां क्षीं क्षूं क्षैं क्षौं क्षः । (३५।२)

मध्याह्नसमये सूर्यसम्मुखे जपम् आचरेत् ॥ (३५।३)

अयुतं जप्तमात्रेण स्वसामर्थ्यं प्रपश्यति । (३६।१)

तस्य दृष्टिनिपातेन द्विपदश् च चतुष्पदः ॥ (३६।२)

ज्वराभिभूता जायन्ते अपूर्वा मन्त्रसम्पदः । (३७।१)

ॐ हंसः हंसं सो ऽहं स्वाहा । (३७।२)

एकविंशतिजप्तेन जलेन ज्वरपीडितः ॥ (३७।३)

विमुच्यते पानमात्रात् सद्यः स्वस्थश् च जायते । (३८।१)

ॐ द्रीं नमो घोरेश्वरि घोरमुखि चामुण्डे ऊर्ध्वकेशि विकृतानने द्रीं द्रीं हुं फट् हुं स्वाहा । (३८।२)

अयं सर्वदलनमन्त्रः ॥ (३८।३)

ॐ द्रीं द्रीं द्रीं फट् फट् फट् स्वाहा सर्वग्रहाणां त्रासनं कुरु कुरु अङ्गुलिप्रहारेण । (३९।१)

ॐ स्रं स्रां स्रिं स्रीं स्रुं स्रूं स्रें स्रैं स्र्ॐ स्रौं स्रं स्रः ह रं रौं रीं रूं रैं रेविः छुं छुं हंसः अमृतवर्चसे स्वाहा । (३९।२)

अनेन मन्त्रेणोदकं शरावं संक्षिप्याष्टोत्तरशतेनाभिमन्त्रितं कृत्वा पिबेत् प्रातर् उत्थाय संवत्सरेण वल्लीपलितवर्जितो भवति । (३९।३)

वृक्षस्थावरजङ्गमाकृतिं समाङ्गीकाराच् च व्याघ्रलोमादिकं पूर्वोदर्यां भस्मीकरोति सर्वजनप्रियो भवति चिरायुर् भवति । (३९।४)

ॐ नमो भगवते रुद्राय चण्डेश्वराय हुं हुं हुं फट् स्वाहा । (३९।५)

अनेन मन्त्रेण जपं कृत्वा शीघ्रम् ईप्सितं लभेत् ॥ (३९।६)

ॐ हूं द्रीं क्षं क्षां क्षिं क्षीं क्षुं क्षूं क्षें क्षैं क्ष्ॐ क्षौं क्षं क्षः हूं फट् स्वाहा । (४०।१)

इमं मन्त्रं पूर्वं लक्षम् एकं जपेत् तद्दशांशम् अयुतं हवनं कुर्यात् । (४०।२)

एकैकं समिधं घृताक्तां जुहुयात् सिद्धो भवति गङ्गागोलोके न ते मेघाः प्रणश्यन्ति न च वर्षन्ति वासवो नदसमुद्रं शोषयति मेघस्तम्भो भवति । (४०।३)

उदकमध्ये स्थित्वा जपं करोत्य् अनावृष्टिकाले ऽतिवृष्टिं करोति । (४०।४)

ॐ द्रीं प्रचलिते कुबेरे हूं हूं किलि किलि स्वाहा । (४०।५)

पूर्ववेलायाम् आदर्शदीपसमीपे षडङ्गुलेन भाजने सूर्यमण्डले कुमारं वामे वेशयति पूर्वम् अयुतजपः कर्तव्यः पञ्चोपचारेण पूजा च कर्तव्या पूर्वाभिश् च स्वराज्ये । (४०।६)

ॐ श्रीं हिमजाते प्रयच्छ मे धनं स्वाहा । (४०।७)

अनेन मन्त्रेण सिद्धार्थकं घृतमिश्रितं हुनेत् अष्टोत्तरशते न अन्नपानविमिश्रितं सहस्रेण हुनेत् मनसः प्रार्थितं लभेत् अयुतं हुनेच्छ्रीसुमना भवेत् लक्षं हुनेद् ग्रामशतं लभेत् ॥ (४०।८)

ॐ नमो नमः । (४१।१)

इमं मन्त्रं शतं जपेत् सर्वकामप्रदो ऽयं मन्त्रः ॥ (४१।२)

ॐ द्रीं श्रीं सारसे सिद्धिकरि क्रीं नमः स्वाहा । (४२।१)

इमं मन्त्रं लक्षम् एकं जपेद् रक्तकरवीरैश् च पूजयेत् सततं सर्वकामदो ऽयं मन्त्रः ॥ (४२।२)

ॐ द्रुं क्षें क्षें हुं क्षः अमुकं क्षः स्वाहा । (४३।१)

अनेन मन्त्रेण राजिकालवणतुषकण्टकशिवनिर्माल्यं तैलेन युतं हुनेत् समस्तश्रीभाजनं भवति ॥ (४३।२)

ॐ हुं हुं हुं लूं लं लौं हुं लः अमुकं छः छः स्वाहा । (४४।१)

अनेन मन्त्रेण सिद्धार्थं भस्मना सह मन्त्रितं कर्तव्यं यस्य गृहे प्रक्षिप्य मन्त्रबलिपांश्वैर् आक्षिपेत् तस्य बाहुस्तम्भो भवति । (४४।२)

रिपुसैन्याग्रे क्षिपेत् शत्रुसैन्यस्तम्भो भवति अश्वगजनरा निश्चेष्टा भवन्ति विकला भवन्ति समन्तादेवाकुला भवन्ति ॥ (४४।३)

ॐ रुं रुं मुखे स्वाहा । (४५।१)

अनेन मन्त्रेण जप्ततैलेन मुखं प्रक्षाल्य तिलतैलेन गात्राभ्यङ्गं वा विधाय वातादिकं दिनसप्तकेन नश्यति । (४५।२)

ऐं मातंगि विमलावति विकराले द्रीं छः छः स्वाहा । (४५।३)

अनेन मन्त्रेण जपापुष्पं परिजप्य वारीणि नद्यादौ होमयेत् सप्ताहेन ईप्सितं फलं लभेत् । (४५।४)

कार्तवीर्यार्जुनो नाम राजा बाहुसहस्रभृत् । (४५।५)

तन्नामकीर्तनाद् एव हृतं नष्टं च लभ्यते ॥ (४५।६)

नित्यं नित्यं जपेत् किंचिद् विद्यां वित्तस्य प्राप्तये । (४६।१)

ॐ मं किणि स्वाहा । (४६।२)

इति वृश्चिकमन्त्रः । (४६।३)

ॐ हुं हुं हंसः हंसं सो ऽहं सो ऽहं स्वाहा । (४६।४)

इति सर्वविषापहरणमन्त्रः । (४६।५)

मयूरपिच्छेन कुशेन शरेण शरदण्डेन वा तद्देहे सम्मार्जनं कुर्यात् । (४६।६)

हं हां हिं हीं हुं हूं हें हैं ह्ॐ हौं हं हः छः छः स्वाहा । (४६।७)

इमं गोक्षीरसदृशं वारं वारं विचिन्तयेद् वा वराननमुखे शिरसि शरीरे ततः कण्ठे ततो हृदि नाभिमण्डले गुह्ये तथा सर्वाङ्गे चिन्तयेत् तथा पूरकेण वरारोहे कण्ठदष्टो ऽपि जीवति । (४६।८)

ॐ गं गणपतये महागणपतये विघ्नहराय मतंगसम्भवाय लम्बोदराय गौरीप्रियपुत्राय ह्रीं गां नमः रं हं क्षः स्वाहा । (४६।९)

गोरोचनाविषराजिकापिप्पलीनीचयवैर् महातैलेन सह देवदत्तैश् च लक्षितान् आलिखेत् निम्बकाष्ठेन प्रतिकृतिं हुत्वा पृष्ठतो लिखेत् सद्यो ज्वरविलोपो भवति शान्तिर् भवति ॥ (४६।१०)