उड्डामरेश्वरतन्त्रUḍḍāmareśvaratantra
UḍḍT, 13
Select a line for its word-by-word analysis.
ॐ द्रीं विद्यास्तम्भिनि स्तम्भिनि छः छः स्वाहा । (१।१)
oṃ drīṃ vidyāstambhini stambhini chaḥ chaḥ svāhā |
इमं मन्त्रं प्रथमम् अयुतम् एकं जपेत् पश्चान् मनसा संस्मरेत् । (१।२)
imaṃ mantraṃ prathamam ayutam ekaṃ japet paścān manasā saṃsmaret |
ॐ हौं नमो भगवते महारुद्राय उड्डामरेश्वराय हुं हुं छं छं द्रीं द्रीं स्वाहा । (१।४)
oṃ hauṃ namo bhagavate mahārudrāya uḍḍāmareśvarāya huṃ huṃ chaṃ chaṃ drīṃ drīṃ svāhā |
अनेन मन्त्रेणाभिषेकार्थं सहस्रवारजप्तं कलशं कारयेत् तन्मध्ये पञ्चरत्नं निधाय श्वेतवस्त्रेण वेष्टयेत् नानाफलसुसंचूर्णं नानारत्नोपशोभितं तद्द्वारकगृहवासं कलशं धृत्वा रात्रौ स्त्रिया सह श्मशाने वनस्पतौ वा एकवृक्षे वा सरित्तटे समुद्रगामिन्यां नद्यां वा चतुष्पथे वा गच्छेत् । (१।५)
anena mantreṇābhiṣekārthaṃ sahasravārajaptaṃ kalaśaṃ kārayet tanmadhye pañcaratnaṃ nidhāya śvetavastreṇa veṣṭayet nānāphalasusaṃcūrṇaṃ nānāratnopaśobhitaṃ taddvārakagṛhavāsaṃ kalaśaṃ dhṛtvā rātrau striyā saha śmaśāne vanaspatau vā ekavṛkṣe vā sarittaṭe samudragāminyāṃ nadyāṃ vā catuṣpathe vā gacchet |
ततश् च कलशं नीत्वा स्त्री वन्ध्या वा मृतवत्सा वा दुर्भगा वा काकवन्ध्या वा भङ्गा सर्वजनप्रिया भवति पीडिता उद्वर्तयेत् । (१।६)
tataś ca kalaśaṃ nītvā strī vandhyā vā mṛtavatsā vā durbhagā vā kākavandhyā vā bhaṅgā sarvajanapriyā bhavati pīḍitā udvartayet |
प्रियङ्गुः कुङ्कुमं गोरोचना नागकेसरो दूर्वा हरिद्रे द्वे सिद्धार्थकद्वयं वचा पुनर्नवापामार्गो ऽर्कश् चित्रकं शाल्मली लक्ष्मणा तालमूली शतावरी वन्ध्या कर्कटी बला क्षीरिणी मृगपिप्पली तथा चिराणि सुपत्त्राण्य् उशीरं घृतं मधु तथा पलाशपुष्पपत्त्राणि अम्बरबिल्वपत्त्राण्य् अश्वगन्धादीनि सुगन्धद्रव्याणि सर्वाणि सर्वे साध्यविशेषतः अन्यद् उद्वर्तयेद् गात्रं शिरोलेपनो यः पुनः कलशं प्रक्षिप्य स्नापयेत् लभते स्त्रियं सदा उद्वर्तनवस्त्रं त्यक्त्वा परवस्त्रपरिधानं कुर्यात् । (१।७)
priyaṅguḥ kuṅkumaṃ gorocanā nāgakesaro dūrvā haridre dve siddhārthakadvayaṃ vacā punarnavāpāmārgo 'rkaś citrakaṃ śālmalī lakṣmaṇā tālamūlī śatāvarī vandhyā karkaṭī balā kṣīriṇī mṛgapippalī tathā cirāṇi supattrāṇy uśīraṃ ghṛtaṃ madhu tathā palāśapuṣpapattrāṇi ambarabilvapattrāṇy aśvagandhādīni sugandhadravyāṇi sarvāṇi sarve sādhyaviśeṣataḥ anyad udvartayed gātraṃ śirolepano yaḥ punaḥ kalaśaṃ prakṣipya snāpayet labhate striyaṃ sadā udvartanavastraṃ tyaktvā paravastraparidhānaṃ kuryāt |
भद्रासने व्यवस्थिता [॥। औ४ ज़ेइछेन्झ्] कुर्याद् वारि निःक्षिप्य कुम्भस्थितं या स्त्रीणां मध्ये समाकर्षयति यन्त्रं ततस् तां सम्मुखस्त्रियम् अर्चयेत् । (१।८)
bhadrāsane vyavasthitā kuryād vāri niḥkṣipya kumbhasthitaṃ yā strīṇāṃ madhye samākarṣayati yantraṃ tatas tāṃ sammukhastriyam arcayet |
गृहार्चां कारयेद् देवं शिवं देव्या सहार्चयेत् ॥ (१।१०)
gṛhārcāṃ kārayed devaṃ śivaṃ devyā sahārcayet ||
दक्षिणां स पुमान् दद्यात् श्वेतां गां वत्ससंयुताम् । (२।१)
dakṣiṇāṃ sa pumān dadyāt śvetāṃ gāṃ vatsasaṃyutām |
अथ स्नानफलं वक्ष्ये यथोक्तं त्रिपुरारिणा ॥ (२।२)
atha snānaphalaṃ vakṣye yathoktaṃ tripurāriṇā ||
पुत्रार्थी लभते पुत्रं धनार्थी लभते धनम् । (३।१)
putrārthī labhate putraṃ dhanārthī labhate dhanam |
शान्त्यर्थी शान्तिम् आप्नोति दुर्भगा सुभगा भवेत् ॥ (३।२)
śāntyarthī śāntim āpnoti durbhagā subhagā bhavet ||
भ्रष्टराज्यस् तथा राजा राज्यं प्राप्नोति निश्चितम् । (४।१)
bhraṣṭarājyas tathā rājā rājyaṃ prāpnoti niścitam |
अभार्यो लभते भार्यां सुखार्थी सुखम् आप्नुयात् ॥ (४।२)
abhāryo labhate bhāryāṃ sukhārthī sukham āpnuyāt ||
श्मशाने गत्वा उलूककपोतकाञ्जीराणाम् अतिसत्वरं स्तन्यं गृहीत्वा जपेत् सप्ताहेन ॥ (६।२)
śmaśāne gatvā ulūkakapotakāñjīrāṇām atisatvaraṃ stanyaṃ gṛhītvā japet saptāhena ||
हुं अमुकं फट् फट् स्वाहा अनेन मन्त्रेण भानुवृक्षसमीपे स्थित्वायुतैकं जपेत् ततः कटुतैलेन दशांशेन हवनं कुर्यात् निपातीकरणं भवति ॥ (७।०)
huṃ amukaṃ phaṭ phaṭ svāhā anena mantreṇa bhānuvṛkṣasamīpe sthitvāyutaikaṃ japet tataḥ kaṭutailena daśāṃśena havanaṃ kuryāt nipātīkaraṇaṃ bhavati ||
ॐ ॐ ॐ इति मन्त्रं पूर्वम् अयुतं जप्त्वानावृष्टिकाले जपेन् महावृष्टिर् भवति । (८।१)
oṃ oṃ oṃ iti mantraṃ pūrvam ayutaṃ japtvānāvṛṣṭikāle japen mahāvṛṣṭir bhavati |
इमं मन्त्रं पूर्वम् अयुतं जप्त्वा तद्दशांशं पलाशसमिद्भिर् हवनं कुर्यात् घृतं हुनेत् ततः सार्वकालिकं फलं लभेत् । (८।३)
imaṃ mantraṃ pūrvam ayutaṃ japtvā taddaśāṃśaṃ palāśasamidbhir havanaṃ kuryāt ghṛtaṃ hunet tataḥ sārvakālikaṃ phalaṃ labhet |
हुं हुं हुं नं नं नं अमुकं हुं फट् स्वाहा । (८।४)
huṃ huṃ huṃ naṃ naṃ naṃ amukaṃ huṃ phaṭ svāhā |
इमं मन्त्रं पूर्वम् अयुतं जप्त्वा खादिरसमिधो रुधिरेण लिप्त्वा तद्दशांशं हुनेत् यस्य नाम्ना स सहस्रैकेन महेन्द्रज्वरेण गृह्यते अयुतहवनेन निपातनं तथानेनैव मन्त्रेणापामार्गसमिधो हुनेत् अयुतसंख्यकाः त्रिमधुयुताः ततो विभीषणादयो राक्षसा वरदा भवन्ति ॥ (८।५)
imaṃ mantraṃ pūrvam ayutaṃ japtvā khādirasamidho rudhireṇa liptvā taddaśāṃśaṃ hunet yasya nāmnā sa sahasraikena mahendrajvareṇa gṛhyate ayutahavanena nipātanaṃ tathānenaiva mantreṇāpāmārgasamidho hunet ayutasaṃkhyakāḥ trimadhuyutāḥ tato vibhīṣaṇādayo rākṣasā varadā bhavanti ||
ॐ हूं वां वीं वूं वैं वौं वं वः ॐ हुं फट् स्वाहा । (९।१)
oṃ hūṃ vāṃ vīṃ vūṃ vaiṃ vauṃ vaṃ vaḥ oṃ huṃ phaṭ svāhā |
अनेन मन्त्रेण त्रिमधुयुक्तम् उडुम्बरं पूर्वम् अयुतं जप्त्वा सहस्रैकं होमयेद् अनावृष्टिकाले महावृष्टिं करोति । (१०।२)
anena mantreṇa trimadhuyuktam uḍumbaraṃ pūrvam ayutaṃ japtvā sahasraikaṃ homayed anāvṛṣṭikāle mahāvṛṣṭiṃ karoti |
ॐ द्रां द्रीं द्रूं द्रैं द्रौं हः ॐ स्वाहा । (१०।३)
oṃ drāṃ drīṃ drūṃ draiṃ drauṃ haḥ oṃ svāhā |
इमं मन्त्रं पूर्वम् अयुतं जप्त्वा त्रिमधुयुता बिल्वसमिधो हुनेत् ततः समस्तजनपदाः किंकरा भवन्ति ॥ (१०।४)
imaṃ mantraṃ pūrvam ayutaṃ japtvā trimadhuyutā bilvasamidho hunet tataḥ samastajanapadāḥ kiṃkarā bhavanti ||
इमं मन्त्रं पूर्वम् अयुतं जप्त्वा तद्दशांशं दर्भसमिधो घृतक्षीरयुता हुनेद् अयुतहोमतः सर्वरोगप्रशान्तिर् भवति । (११।२)
imaṃ mantraṃ pūrvam ayutaṃ japtvā taddaśāṃśaṃ darbhasamidho ghṛtakṣīrayutā huned ayutahomataḥ sarvarogapraśāntir bhavati |
इमं मन्त्रं पूर्वम् अयुतं तु जुहुयात् तद्दशांशं न्यग्रोधसमिधो मधुयुक्ता हुनेत् सहस्रमात्रहोमेन महाराजपत्नी वशगा भवति अन्यलोकस्त्रीणां तु का कथा ॥ (११।४)
imaṃ mantraṃ pūrvam ayutaṃ tu juhuyāt taddaśāṃśaṃ nyagrodhasamidho madhuyuktā hunet sahasramātrahomena mahārājapatnī vaśagā bhavati anyalokastrīṇāṃ tu kā kathā ||
ॐ द्रीं गोमुखि गोमुखि सहस्रसुताला भीमभोगपिशितभूमौ आगच्छतु स्वाहा ॥ (१२।०)
oṃ drīṃ gomukhi gomukhi sahasrasutālā bhīmabhogapiśitabhūmau āgacchatu svāhā ||
अनेन मन्त्रेण रक्तकरवीरं क्षौद्रेण संयुक्तं हुनेत् वशकामो लवणं हुनेत् स्त्रियम् आकर्षयति पूर्वसंयुक्तं प्रेमकामः सिन्दूरं हुनेत् पुरक्षोभो भवति तुषकरटं हुनेद् अभिचारकर्म भवति महामांसं घृतसंयुक्तं हुनेत् महाधनपतिर् भवेत् ॥ (१३।०)
anena mantreṇa raktakaravīraṃ kṣaudreṇa saṃyuktaṃ hunet vaśakāmo lavaṇaṃ hunet striyam ākarṣayati pūrvasaṃyuktaṃ premakāmaḥ sindūraṃ hunet purakṣobho bhavati tuṣakaraṭaṃ huned abhicārakarma bhavati mahāmāṃsaṃ ghṛtasaṃyuktaṃ hunet mahādhanapatir bhavet ||
ॐ नमो भगवते रुद्राय उड्डामरेश्वराय हुं फट् स्वाहा । (१४।१)
oṃ namo bhagavate rudrāya uḍḍāmareśvarāya huṃ phaṭ svāhā |
अनेन मन्त्रेण श्रीफलसंयुक्तं घृतं हुनेत् शतहोमेन प्रज्ञा भवति सहस्रेण गोलाभो भवति लक्षेण ग्रामसहस्रलाभो भवति सपादलक्षेण भ्रष्टराज्यं राजा प्राप्नोति ॥ (१४।२)
anena mantreṇa śrīphalasaṃyuktaṃ ghṛtaṃ hunet śatahomena prajñā bhavati sahasreṇa golābho bhavati lakṣeṇa grāmasahasralābho bhavati sapādalakṣeṇa bhraṣṭarājyaṃ rājā prāpnoti ||
अनेन मन्त्रेण काकमांसं कुक्कुटबीजं कटुतैलेन हुनेत् सहस्रैकेन द्रींकारान्तं नाम संजप्य यस्य नाम्ना जपेत् स चोन्मत्तो भवति सहस्रैकेन तण्डुलहोमेन सुस्थो भवति ॥ (१५।२)
anena mantreṇa kākamāṃsaṃ kukkuṭabījaṃ kaṭutailena hunet sahasraikena drīṃkārāntaṃ nāma saṃjapya yasya nāmnā japet sa conmatto bhavati sahasraikena taṇḍulahomena sustho bhavati ||
अनेन मन्त्रेण जपः कार्यः सप्तवारजप्तेन देहशुद्धिर् भवति शतजप्तेन सर्वतीर्थस्नानफलं भवति सहस्रेण धीवृद्धिः अयुतेन सहस्रग्रन्थकर्ता महान् कविर् भवति एकलक्षेण श्रुतिधरो भवति द्विलक्षेण समस्तशास्त्रज्ञो भवति त्रिलक्षेणातीतानागतवर्तमानज्ञो भवति चतुर्लक्षेण ग्रहपतिर् भवति पञ्चलक्षेण वेदवेदान्तपुराणस्मृतिविशेषज्ञो भवति षड्लक्षैर् वज्रतन्तुर् भवति सप्तलक्षैर् नदीं शोषयति हरिहरब्रह्मादिषु सख्यं भवति नोचेत् वज्रोक्तेन विधिना जपेत् तदा संस्कृतो ऽयं दर्शकेन वा महर्षिणा शतेन समो भवति सहस्रेण संतापरहितो भवति पुनर् अप्य् अयुतेन पुरक्षोभको भवति षड्गुणेन त्रैलोक्यं क्षोभयति तृतीयेन सप्तपातालं क्षोभयति चतुर्थेन स्वर्गं क्षोभयति पञ्चमेनोर्ध्वगान् सप्तलोकान् क्षोभयति षड्गुणेन त्रैलोक्यं क्षोभयति सप्तमेन द्विपदचतुष्पदादिप्राणिमात्रं क्षोभयति अष्टमेन स्थावरजङ्गमम् आकर्षयति नवमेन स्वयम् एव सर्वलोकेषु नारदवद् अनावृतगतिर् भवति दशलक्षेण कर्तुम् अकर्तुम् अन्यथा कर्तुं क्षमो भवति । (१६।२)
anena mantreṇa japaḥ kāryaḥ saptavārajaptena dehaśuddhir bhavati śatajaptena sarvatīrthasnānaphalaṃ bhavati sahasreṇa dhīvṛddhiḥ ayutena sahasragranthakartā mahān kavir bhavati ekalakṣeṇa śrutidharo bhavati dvilakṣeṇa samastaśāstrajño bhavati trilakṣeṇātītānāgatavartamānajño bhavati caturlakṣeṇa grahapatir bhavati pañcalakṣeṇa vedavedāntapurāṇasmṛtiviśeṣajño bhavati ṣaḍlakṣair vajratantur bhavati saptalakṣair nadīṃ śoṣayati hariharabrahmādiṣu sakhyaṃ bhavati nocet vajroktena vidhinā japet tadā saṃskṛto 'yaṃ darśakena vā maharṣiṇā śatena samo bhavati sahasreṇa saṃtāparahito bhavati punar apy ayutena purakṣobhako bhavati ṣaḍguṇena trailokyaṃ kṣobhayati tṛtīyena saptapātālaṃ kṣobhayati caturthena svargaṃ kṣobhayati pañcamenordhvagān saptalokān kṣobhayati ṣaḍguṇena trailokyaṃ kṣobhayati saptamena dvipadacatuṣpadādiprāṇimātraṃ kṣobhayati aṣṭamena sthāvarajaṅgamam ākarṣayati navamena svayam eva sarvalokeṣu nāradavad anāvṛtagatir bhavati daśalakṣeṇa kartum akartum anyathā kartuṃ kṣamo bhavati |
पुनर् अप्य् अमृतक्षेपणविधिना जपेत् सकृद् अपि नरः श्वेतकरवीरकुसुमत्रिमधुयुक्ताम् आहुतिं दद्यात् सर्वजनप्रियो भवति अशोकपुष्पाणि सघृतं हुनेत् शोकरहितो भवति भ्रष्टराज्यप्राप्तिकामः श्रीफलहोमं कुर्यात् भ्रष्टराज्यं प्राप्नोति आज्ययुक्तपद्मपुष्पाणि अथवा कुमुदिनीपुष्पाणि होमयेत् । (१६।३)
punar apy amṛtakṣepaṇavidhinā japet sakṛd api naraḥ śvetakaravīrakusumatrimadhuyuktām āhutiṃ dadyāt sarvajanapriyo bhavati aśokapuṣpāṇi saghṛtaṃ hunet śokarahito bhavati bhraṣṭarājyaprāptikāmaḥ śrīphalahomaṃ kuryāt bhraṣṭarājyaṃ prāpnoti ājyayuktapadmapuṣpāṇi athavā kumudinīpuṣpāṇi homayet |
निपातकामः कटुतैलयुक्तं मयूरमांसं हुनेत् कूटेन मरणं भवति । (१६।४)
nipātakāmaḥ kaṭutailayuktaṃ mayūramāṃsaṃ hunet kūṭena maraṇaṃ bhavati |
पूगीफलं कटुतैलं लोहचूर्णं च हुनेत् समस्तदेहे विस्फोटका भवन्ति । (१६।५)
pūgīphalaṃ kaṭutailaṃ lohacūrṇaṃ ca hunet samastadehe visphoṭakā bhavanti |
क्षीरिपत्त्रबिल्वपत्त्रहोमेन शान्तिर् भवति । (१६।६)
kṣīripattrabilvapattrahomena śāntir bhavati |
तिलसमिधः सकटुतैला हुनेत् तेन विद्वेषणं भवति । (१६।७)
tilasamidhaḥ sakaṭutailā hunet tena vidveṣaṇaṃ bhavati |
धत्तूरचूर्णे सास्थिचूर्णे सकटुतैललोहचूर्णे च हुते शीघ्रं शत्रुनाशो भवति । (१६।८)
dhattūracūrṇe sāsthicūrṇe sakaṭutailalohacūrṇe ca hute śīghraṃ śatrunāśo bhavati |
महामांसं सघृतं हुनेत् मनोऽभीष्टं सर्वं भवति ॥ (१६।९)
mahāmāṃsaṃ saghṛtaṃ hunet mano'bhīṣṭaṃ sarvaṃ bhavati ||
Data courtesy of The Digital Corpus of Sanskrit.