जलस्तम्भनअथान्यत् सम्प्रवक्ष्यामि जलस्तम्भनम् उत्तमम् । (१।१)

कुम्भीरवेल्वदंष्ट्रानि रुधिरं मांसम् एव च ॥ (१।२)

हृदयं कच्छपस्यैव शिशुमारं पुनः पुनः । (२।१)

विभीतकस्य तैलेन सर्वान् एकत्र कारयेत् ॥ (२।२)

न्यासकर्म ततः कृत्वा जले तिष्ठेद् यथासुखम् । (३।१)

मद्रकस्य रसं ग्राह्यं लक्षणस्य मकरस्य च ॥ (३।२)

डुण्डुभस्य शिरो ग्राह्यं सर्वान् एकत्र कारयेत् । (४।१)

विभीतकस्य तैले तु पच्यमाने च दापयेत् ॥ (४।२)

न्यासकर्म प्रकुर्वीत सप्ताहं तिष्ठते जले । (५।१)

तत् तैलं पाचयेत् लौहे कृष्णाष्टम्यां समाहितः ॥ (५।२)

चतुर्मासोषितो भूत्वा देवम् अभ्यर्च्य शंकरम् । (६।१)

अभिमन्त्र्य च मन्त्रेण मृत्तिकास्नानदक्षिणम् ॥ (६।२)

अष्टाधिकसहस्रं तु जपित्वा होमम् आचरेत् । (७।१)

अनेन मन्त्रयित्वा तु ततः सिध्यति नान्यथा ॥ (७।२)

उॐ नमो भगवते उड्डामरेश्वराय जलं स्तम्भय स्तम्भय हुं फट् स्वाहा । (८।१)

लूताकरणवक्ष्ये ऽथ लूताकरणं तं शृणुष्व समासतः । (८।२)

भल्लातकरसं गुञ्जा विषं चित्रकम् एव च ॥ (८।३)

कपिकच्छपरोमाणि चूर्णं कृत्वा प्रदापयेत् । (९।१)

एतत्सर्वसमायुक्तो लूताकरणम् उत्तमम् ॥ (९।२)

तस्य रूपं प्रवक्ष्यामि जायते यस् तु लक्षणैः । (१०।१)

अङ्गानि धूमम् आयान्ति मूर्छयन्ति मुहुर् मुहुः ॥ (१०।२)

एतद् रूपं भवेत् तस्य लूताविकृतलक्षणम् । (११।१)

चिकित्सां तस्य वक्ष्यामि येन सम्पद्यते सुखम् ॥ (११।२)

उशीरं चन्दनं चैव प्रियङ्गुतगरं तथा । (१२।१)

रक्तचन्दनकुष्ठं च लेपो लूताविनाशनः ॥ (१२।२)

उॐ नमो भगवते उड्डामरेश्वराय कुहलीकुर्वनी स्वाहा । (१३।१)

मन्त्राभिमन्त्रितं कृत्वा ततः स्वस्थो भविष्यति । (१३।२)

कृष्णसर्पशिरो ग्राह्यं मुखे निःक्षिप्य सर्षपान् ॥ (१३।३)

भल्लातकेन संयुक्तं कृष्णसूत्रेण वेष्टयेत् । (१४।१)

वल्मीकस्य मृदः कोशे अन्तर्धूमेन पाचयेत् ॥ (१४।२)

कपिकच्छपरोमाणि संयुक्तं षोडशांशकैः । (१५।१)

विषस्य चूर्णं कृत्वा तु शत्रूणां मूर्ध्नि निःक्षिपेत् ॥ (१५।२)

शरद्ग्रीष्मवसन्तेषु लूताकरणम् उत्तमम् । (१६।१)

प्रस्विन्ने च ततो गात्रे लग्नास् तस्मिंस् तु सर्षपाः ॥ (१६।२)

लूतां च सविषां कुर्यान् नात्र कार्या विचारणा । (१७।१)

वेदनाजातमात्रेण मन्त्रजापं तु पूर्ववत् ॥ (१७।२)

पूर्वो विधानेन स्वस्थो भवति पूर्ववत् । (१८।१)

देस्त्रुच्तिओन् ओड़् थे च्रोपथ शस्यविनाशं च कथयामि समासतः ॥ (१८।२)

येनैव कृतमात्रेण वज्रं कृत्वा विचक्षणः । (१९।१)

क्षेत्रे सम्पातयेद् यस्मिंस् तस्मिञ् शस्यविनाशनम् ॥ (१९।२)

माहेन्द्रेण क्षिपेत् तत्र प्रयोगेण तु मन्त्रवित् । (२०।१)

अथ मन्त्रं पुनर् वक्ष्ये प्रयोगेषु प्रयोजकम् ॥ (२०।२)

अष्टोत्तरशतेनैव मन्त्रेणानेन मन्त्रयेत् । (२१।१)

उॐ नमो भगवते उड्डामरेश्वराय वज्रं विनाशय वज्रं सुरपतिर् आज्ञापय हुं फट् स्वाहा । (२१।२)

इमं योगं प्रयुञ्जानो विधिपूर्वेण कर्मणा । (२१।३)

पर्णानां चैव योगेन क्षिपेत् पर्णं विनश्यति ॥ (२१।४)

उच्चाटनपुनर् उच्चाटनं वक्ष्ये शृणु पुत्र यथातथा । (२२।१)

येनैव कृतमात्रेण ग्रामस्योच्चाटनं भवेत् ॥ (२२।२)

ग्रामे चतुर्णां च पथां मृदम् आदाय बुद्धिमान् । (२३।१)

गोमयेनाकृतिं कृत्वा ग्रामस्य च चतुर्दिशः ॥ (२३।२)

चिताकाष्ठानलं कृत्वा कोकिलाकाकपक्षकैः । (२४।१)

हुत्वा चाहुतिसाहस्रं ततो भस्म समाहरेत् ॥ (२४।२)

अभेदेन समुत्सार्य कृत्वा मुष्टिं सभस्मकम् । (२५।१)

शतवाराभिजप्तेन अनेनैव तु मन्त्रितः ॥ (२५।२)

उॐ नमो भगवते महाकालरुद्राय त्रिपुरविनाशनकारणाय दह दह धम धम पच पच मथ मथ मोहय मोहय उन्मादय उन्मादय उच्छेदय उच्छेदय श्रीमहारुद्र आज्ञापयति शब्दकरी मोहिनी भगवती खें खें हुं फट् स्वाहा । (२६।१)

ग्रामे वा नगरे वापि भस्मप्रक्षेपणेन च । (२६।२)

उच्छेदनं भवत्य् एव रिपूणां नात्र संशयः ॥ (२६।३)

दूरीकृतं पुनर् भस्म नगरे वसते पुनः । (२७।१)

मकिन्ग् अ बल्द् हेअद्कुल्वीकारं प्रवक्ष्यामि शृणु योगं समासतः ॥ (२७।२)

येन योजितमात्रेण पुनः कुल्वो भविष्यति । (२८।१)

पादपांशुसमायुक्तैर् अन्तरा घृतगोमयैः ॥ (२८।२)

वृषभस्य पुनः शत्रोः कृत्वा चैवाकृतिं बुधः । (२९।१)

एकविंशतिवारं हि मन्त्रेणानेन मन्त्रिताम् ॥ (२९।२)

छेदयेत् तीव्रशस्त्रेण ततः कुल्वो भविष्यति । (३०।१)

उॐ नमो भगवते उड्डामरेश्वराय कामप्रभञ्जनाय अमुकं च्छः च्छः स्वाहा । (३०।२)

प्रस्थितानां च करणे मन्त्रेणानेन मन्त्रवित् ॥ (३०।३)

कृत्वा मधु घृताक्तं च स्थाने ह्य् अत्र प्रयोजयेत् । (३१।१)

स्नात्वा च गव्यदुग्धेन ततः स्वस्थो भविष्यति ॥ (३१।२)

अथ उन्मत्तीकरणम् । (३२।१)

मूलं कनकबीजस्य घृतचूर्णं समन्ततः । (३२।२)

गृहचटकस्य विष्ठा च तथा करञ्जबीजकम् ॥ (३२।३)

एतद् उन्मत्तकरं चूर्णं भक्षणात् तत्करं व्रजेत् । (३३।१)

एकविंशतिवारं च मन्त्रेणानेन मन्त्रितम् ॥ (३३।२)

खाने पाने प्रदातव्यम् उन्मत्तः स्यान् न संशयः । (३४।१)

उॐ नमो भगवते उड्डामरेश्वराय अमुकम् उन्मादय उन्मादय च्छः च्छः स्वाहा । (३४।२)

अजक्षीरेण शोणितेन पिबेत् तु शतपुष्पिकाम् ॥ (३४।३)

घृतेन सह वा पीत्वा ततः सम्पद्यते सुखम् । (३५।१)

इत्य् उन्मत्तीकरणम् । (३५।२)

ब्लिन्दिन्गेकविंशतिवारं हि मन्त्रितं लवणं खरम् ॥ (३५।३)

करवीरककाष्ठाग्नौ मन्त्रैर् धूमेन पाचयेत् । (३६।१)

लवणं तं तु संगृह्य चूर्णं कृत्वा विचक्षणः ॥ (३६।२)

खाने पाने प्रदातव्यं मन्त्रेणानेन मन्त्रितम् । (३७।१)

मन्त्रितं शतवारं च शत्रोर् वा यस्य कस्यचित् ॥ (३७।२)

भक्षणाच् च भवेद् अन्धो नात्र कार्या विचारणा । (३८।१)

उॐ नम उड्डामरेश्वराय शरीरम् अन्धं कुरु ठः ठः स्वाहा । (३८।२)

अथान्यत् सम्प्रवक्ष्यामि कुष्ठीकरणम् उत्तमम् ॥ (३८।३)

येन सम्पीतमात्रेण कुष्ठी भवति मानवः । (३९।१)

भल्लातकरसं गुञ्जा तथा मण्डलकारिका ॥ (३९।२)

गृहगोधासमायुक्ता भक्षे पाने प्रदापयेत् । (४०।१)

सप्ताहाज् जायते कुष्ठं तत्पीतं च समेधितम् ॥ (४०।२)

एतस्य शमनं कुर्याद् यथा रुद्रेण भाषितम् । (४१।१)

धात्रीखदिरनिम्बानि शर्करासहितानि च ॥ (४१।२)

विचूर्ण्य मधुसर्पिर्भ्यां जीर्णानि दापयेद् भिषक् । (४२।१)

शालिभक्तं पटोलं च घृतयुक्तं तु पायसम् ॥ (४२।२)

सोष्णं वा मुद्गचूर्णं तु शालियुक्तम् अथापि वा । (४३।१)

एतेन दत्तमात्रेण नरः सम्पद्यते सुखम् ॥ (४३।२)

जलजीवं तु संगृह्य शोषयेद् आतपे नरः । (४४।१)

तस्य संदापयेद् धीमान् यस्य इच्छेत् तु जीवितम् ॥ (४४।२)

अङ्गदाहेन तीव्रेण धमेत् तं नष्टचेतसम् । (४५।१)

यदीच्छेज् जीवितं तस्य अङ्गं प्रक्षालयेद् ध्रुवम् ॥ (४५।२)

पदमूलस्य चूर्णं तु क्षालयेत् काञ्जिकेन तु । (४६।१)

तैलेनोद्वर्तयेल् लिङ्गं क्षालयेत् शीतवारिणा ॥ (४६।२)

अनेन क्रियमाणेन नरः सम्पद्यते सुखम् । (४७।१)

वश्यअथान्यत् सम्प्रवक्ष्यामि वश्यादिकरणं परम् ॥ (४७।२)

येन विज्ञानमात्रेण लोको भवति किंकरः । (४८।१)

पुराणिकस्य हृदयं तथा कुष्ठेन भावितम् ॥ (४८।२)

शिवनिर्माल्यं संचूर्णं यस्य मूर्ध्नि विनिक्षिपेत् । (४९।१)

नियतं किंकरो भूत्वा यावज्जीवं स तिष्ठति ॥ (४९।२)

सप्तवारं मन्त्रयित्वा मन्त्रेणानेन मन्त्रवित् । (५०।१)

उॐ नमो भगवते उड्डामरेश्वराय स्वाधिकारं साधय साधय स्वाहा । (५०।२)

चन्दनं तगरं कुष्ठं प्रियङ्गुनागकेसरम् ॥ (५०।३)

कृष्णधत्तूरपञ्चाङ्गं समभागं तु कारयेत् । (५१।१)

छायायां वटिका कार्या प्रदेया खानपानतः ॥ (५१।२)

पुरुषं चाथ वा नरीं यावज्जीवं वशं नयेत् । (५२।१)

सप्ताहं मन्त्रितं कृत्वा मन्त्रेणानेन मन्त्रवित् ॥ (५२।२)

उॐ नमो भगवते मोहमालिने ठः ठः स्वाहा । (५३।१)

शङ्खपुष्पी ह्य् अधःपुष्पी तथा संकोचपुष्पिका । (५३।२)

श्वेता च गिरिकर्णी च समं सप्ताहभाविताः ॥ (५३।३)

स्वशुक्रेण समायुक्ता खाने पाने प्रदापयेत् । (५४।१)

तं वशीकरणं प्रोक्तं यावज्जीवं न संशयः ॥ (५४।२)

वज्रं वाथाभया लोध्रं मञ्जिष्ठा हिङ्गुपत्त्रिका । (५५।१)

दिव्यं वचा विशालाक्षा कम्बुग्रीवा सुशोभना ॥ (५५।२)

कुमारीत्वचाङ्गलेपेन सप्तहस्तप्रमाणतः । (५६।१)

ददाति दशमीना च मन्त्रः कश्चित् प्रगृह्यते ॥ (५६।२)

विषसुप्तपतित्वेन नात्र कार्या विचारणा । (५७।१)

जलमध्ये सहा चौरं कुरुते वर्तिको मम ॥ (५७।२)

दधि मधु नवनीतं पिप्पली शृङ्गवेरं मरिचम् अपि तु दद्यात् सप्तमं सैन्धवेन । (५८।१)

यदि भवति सरोषं तक्षकेणापि दष्टं गदम् इह खलु पीत्वा निर्विषं तत्क्षणं स्यात् ॥ (५८।२)

कुष्ठामृता चातिविषा हरिद्राया विलेपनम् । (५९।१)

गरुडोक्तं विषहरम् औषधं प्राणिजीवनम् ॥ (५९।२)

उलूकस्य जम्बुकस्य गृध्रस्य महिषस्य च । (६०।१)

बिडालस्य वराहस्य काकभेकस्य च त्वचः ॥ (६०।२)

नछ्त्सिछ्त्मूषकस्य तु नेत्रं च सूक्ष्मचूर्णानि कारयेत् । (६१।१)

अनेनाञ्जितनेत्रो हि रात्रौ पश्येद् यथा दिवा ॥ (६१।२)

एतेषां योगमन्त्रो ऽयं मनुहीनो न सिध्यति । (६२।१)

उॐ नमो भगवते रुद्राय शिवाय ज्योतिषां पतये देहि ज्योतींषि मतिवीर्यकरणाय स्वाहा । (६२।२)

एकरात्रोषितो भूत्वा कृष्णाष्टम्यां समाहितः ॥ (६२।३)

लिङ्गसम्पूजनं कृत्वा जलं चैवाभिमन्त्रयेत् । (६३।१)

दक्षिणस्यां दिशि स्थित्वा शतम् अष्टोत्तरं जपेत् ॥ (६३।२)

ततः सिध्यन्ति मन्त्राणि चाञ्जनानि समन्ततः । (६४।१)

उॐ नमो भगवते उड्डामरेश्वराय अञ्जनमन्त्रसिद्धिं देहि मे स्वाहा इत्यञ्जनाधिकारः । (६४।२)

अथ पिशाचीकरणम् । (६४।३)

कनकस्य च बीजानि प्रियङ्गु गुग्गुलस् तथा ॥ (६४।४)

आत्मानं धूपयित्वा तु योजयेद् राजसंसदि । (६५।१)

योगम् इमं समाघ्राति स वश्यो जायते भृशम् ॥ (६५।२)

कनकस्य तु बीजानि श्वेतार्कचन्द्रकेसरम् । (६६।१)

कुष्ठं च देवदारुं च सर्वम् एकीकृतं तथा ॥ (६६।२)

पिष्ट्वा तेन लिप्तगात्रो योगशक्त्या बलिष्ठया । (६७।१)

यत्र यत्र प्रविष्टस् तु तत्र तत्र जयी भवेत् ॥ (६७।२)