ŚGDīp zu ŚdhSaṃh, 2, 12, 86.1
Select a line for its word-by-word analysis.
शुद्धः सूतः पारदः भागद्वयमिति टङ्कद्वयं कर्षद्वयं तथा गन्धकस्य शुद्धस्य द्वौ भागौ तयोः पारदगन्धकयोः कज्जलिकां कुर्यात् ॥ (१।०)
śuddhaḥ sūtaḥ pāradaḥ bhāgadvayamiti ṭaṅkadvayaṃ karṣadvayaṃ tathā gandhakasya śuddhasya dvau bhāgau tayoḥ pāradagandhakayoḥ kajjalikāṃ kuryāt ||
सूतात् चतुर्गुणेषु अष्टभागेषु कपर्देषु क्षिपेत् भागैकं टङ्कणं सौभाग्यं दत्त्वा गोक्षीरेण मर्दयित्वा वराटानां मुखं मुद्रयेत् शंखस्य शंखानाम् अष्टौ भागान् शरावमध्ये वराटकानाम् अध ऊर्ध्वं दत्त्वा मुद्रां विधाय गजपुटे पचेत् कपर्दो वराटकः ॥ (२।०)
sūtāt caturguṇeṣu aṣṭabhāgeṣu kapardeṣu kṣipet bhāgaikaṃ ṭaṅkaṇaṃ saubhāgyaṃ dattvā gokṣīreṇa mardayitvā varāṭānāṃ mukhaṃ mudrayet śaṃkhasya śaṃkhānām aṣṭau bhāgān śarāvamadhye varāṭakānām adha ūrdhvaṃ dattvā mudrāṃ vidhāya gajapuṭe pacet kapardo varāṭakaḥ ||
पुटस्यान्तः संपुटस्यान्तः सर्वं क्षिपेत् चूर्णं कज्जलीचूर्णं तल्लिप्तशरावयोः संपुटस्यान्तः मध्ये षड्गुञ्जासंमिते रसं सिद्धम् एकोनत्रिंशत् ऊषणैर्मरिचैर्देयं वातरोगे घृतेन दद्यात् ॥ (३।०)
puṭasyāntaḥ saṃpuṭasyāntaḥ sarvaṃ kṣipet cūrṇaṃ kajjalīcūrṇaṃ talliptaśarāvayoḥ saṃpuṭasyāntaḥ madhye ṣaḍguñjāsaṃmite rasaṃ siddham ekonatriṃśat ūṣaṇairmaricairdeyaṃ vātaroge ghṛtena dadyāt ||
अयुक्तनिद्रां दिवाजन्या जया विजया तच्चूर्णं कोलमज्जां बदरमज्जां कणा पिप्पली बर्हिर्मयूरस्तत्पक्षभस्म ॥ (७।०)
ayuktanidrāṃ divājanyā jayā vijayā taccūrṇaṃ kolamajjāṃ badaramajjāṃ kaṇā pippalī barhirmayūrastatpakṣabhasma ||
Data courtesy of The Digital Corpus of Sanskrit.