प्रमाणचतुष्ट्वपरीक्षाप्रकरणम्न चतुष्ट्वम् ऐतिह्यार्थापत्तिसम्भवाभावप्रामाण्यात् ॥ (१।०)

शब्दे ऐतिह्यानर्थान्तरभावात् अनुमाने अर्थापत्तिसम्भवाभावानर्थान्तरभावात् चाप्रतिषेधः ॥ (२।०)

अर्थापत्तिर् अप्रमाणम् अनैकान्तिकत्वात् ॥ (३।०)

अनर्थापत्तौ अर्थापत्त्यभिमानात् ॥ (४।०)

प्रतिषेधाप्रामाण्यं चानैकान्तिकत्वात् ॥ (५।०)

तत्प्रामाण्ये वा नार्थापत्त्यप्रामाण्यम् ॥ (६।०)

अभावप्रामाण्यसिद्धिः अवान्तरप्रकरणम्नाभावप्रामाण्यं प्रमेयासिद्धेः ॥ (७।०)

लक्षितेष्वलक्षणलक्षितत्वात् अलक्षितानां तत्प्रमेयसिद्धेः ॥ (८।०)

असति अर्थे नाभावः इति चेत् नान्यलक्षणोपपत्तेः ॥ (९।०)

तत्सिद्धेः अलक्षितेषु अहेतुः ॥ (१०।०)

न लक्षणावस्थितापेक्षसिद्धेः ॥ (११।०)

प्राक् उत्पत्तेः अभावोपपत्तेश्च ॥ (१२।०)

शब्दानित्यत्वपरीक्षाप्रकरणमादिमत्वात् ऐन्द्रियकत्वात् कृतकवत् उपचारात् च ॥ (१३।०)

न घटाभावसामान्यनित्यत्वात् नित्येषु अपि अनित्यवत् उपचारात् च ॥ (१४।०)

तत्त्वभाक्तयोः नानात्वविभागात् अव्यभिचारः ॥ (१५।०)

संतानानुमानविशेषणात् ॥ (१६।०)

कारणद्रव्यस्य प्रदेशशब्देनाभिधानात् ॥ (१७।०)

प्राक् उच्चारणात् अनुपलब्धेः आवरणाद्यनुपलब्धेश्च ॥ (१८।०)

तदनुपलब्धेः अनुपलम्भात् आवरणोपपत्तिः ॥ (१९।०)

अनुपलम्भात् अनुपलब्धिसद्भावात् नावरणानुपपत्तिर् अनुपलम्भात् ॥ (२०।०)

अनुपलम्भात्मकत्वात् अनुपलब्धेः अहेतुः ॥ (२१।०)

अस्पर्शत्वात् ॥ (२२।०)

न कर्मानित्यत्वात् ॥ (२३।०)

नाणुनित्यत्वात् ॥ (२४।०)

सम्प्रदानात् ॥ (२५।०)

तदन्तरालानुपलब्धेः अहेतुः ॥ (२६।०)

अध्यापनात् अप्रतिषेधः ॥ (२७।०)

उभयोः पक्षयोः अन्यतरस्याध्यापनात् अप्रतिषेधः ॥ (२८।०)

अभ्यासात् ॥ (२९।०)

नान्यत्वे अपि अभ्यासस्य उपचारात् ॥ (३०।०)

अन्यत् अन्यस्मात् अनन्यत्वात् अनन्यत् इति अन्यताभावः ॥ (३१।०)

तदभावे नास्ति अनन्यता तयोः इतरेतरापेक्षसिद्धेः ॥ (३२।०)

विनाशकारणानुपलब्धेः ॥ (३३।०)

अश्रवणकारणानुपलब्धेः सततश्रवणप्रसङ्गः ॥ (३४।०)

उपलभ्यमाने चानुपलब्धेः असत्त्वात् अनपदेशः ॥ (३५।०)

पाणिनिमित्तप्रश्लेषात् शब्दाभावे नानुपलब्धिः ॥ (३६।०)

विनाशकारणानुपलब्धेश् चावस्थाने तन्नित्यत्वप्रसङ्गः ॥ (३७।०)

अस्पर्शत्वात् अप्रतिषेधः ॥ (३८।०)

विभक्त्यन्तरोपपत्तेश्च समासे ॥ (३९।०)

शब्दपरिणामपरीक्षाप्रकरणम्विकारादेशोपदेशात् संशयः ॥ (४०।०)

प्रकृतिविवृद्धौ विकारविवृद्धेः ॥ (४१।०)

न्यूनसमाधिकोपलब्धेः विकाराणाम् अहेतुः ॥ (४२।०)

द्विविधस्यापि हेतोः अभावात् असाधनं दृष्टान्तः ॥ (४३।०)

नातुल्यप्रकृतीनां विकारविकल्पात् ॥ (४४।०)

द्रव्यविकारवैषम्यवत् वर्णविकारविकलः ॥ (४५।०)

न विकारधर्मानुपपत्तेः ॥ (४६।०)

विकारप्राप्तानाम् अपुनरापत्तेः ॥ (४७।०)

सुवर्णादीनां पुनरापत्तेः अहेतुः ॥ (४८।०)

न तद्विकाराणां सुवर्णभावाव्यतिरेकात् ॥ (४९।०)

वर्णत्वाव्यतिरेकात् वर्णविकाराणाम् अप्रतिषेधः ॥ (५०।०)

सामान्यवतो धर्मयोगो न सामान्यस्य ॥ (५१।०)

नित्यत्वे अविकारात् अनित्यत्वे चानवस्थानात् ॥ (५२।०)

नित्यानाम् अतीन्द्रियत्वात् तद्धर्मविकल्पात् च वर्णविकाराणाम् अप्रतिषेधः ॥ (५३।०)

अनवस्थायित्वे च वर्णोपलब्धिवत् तद्विकारोपपत्तिः ॥ (५४।०)

विकारधर्मित्वे नित्यत्वाभावात् कालान्तरे विकारोपपत्तेश्चाप्रतिषेधः ॥ (५५।०)

प्रकृत्यनियमात् ॥ (५६।०)

अनियमे नियमात् नानियमः ॥ (५७।०)

नियमानियमविरोधात् अनियमे नियमात् चाप्रतिषेधः ॥ (५८।०)

गुणान्तरापत्त्युपमर्दह्रासवृद्धिश्लेषेभ्यः तु विकारोपपत्तेः वर्णविकाराः ॥ (५९।०)

शब्दशक्तिपरीक्षाप्रकरणम्ते विभक्त्यन्ताः पदम् ॥ (६०।०)

व्यक्त्याकृतिजातिसंनिधोपचारात् संशयः ॥ (६१।०)

व्यक्तिवादअवान्तरप्रकरणम्या शब्दसमूहत्यागपरिग्रहसङ्ख्यावृद्ध्यपचयवर्णसमासानुबन्धानां व्यक्तोपचारात् व्यक्तिः ॥ (६२।०)

न तत् अनवस्थानात् ॥ (६३।०)

सहचरणस्थानतादर्थ्यवृत्तमानधारणसामीप्ययोगसाधनाधिपत्येभ्यो ब्राह्मणमञ्चकटराजसक्तुचन्दनगङ्गाशाटकान्नपुरुषेष्व् अतद्भावे अपि तदुपचारः ॥ (६४।०)

आकृतिवादावान्तरप्रकरणमाकृतिः तदपेक्षत्वात् सत्त्वव्यवस्थानसिद्धेः ॥ (६५।०)

जातिवादअवान्तरप्रकरणम्व्यक्त्याकृतियुक्ते अपि अप्रसङ्गात् प्रोक्षणादिनां मृद्गवके जातिः ॥ (६६।०)

नाकृतिव्यक्त्यपेक्षत्वात् जात्यभिव्यक्तेः ॥ (६७।०)

सिद्धान्तवादावान्तरप्रकरणम्व्यक्त्याकृतिजातयः तु पदार्थः ॥ (६८।०)

व्यक्तिर् गुणविशेषाश्रयो मूर्तिः ॥ (६९।०)

आकृतिर् जातिलिङ्गाख्या ॥ (७०।०)

समानप्रसवात्मिका जातिः ॥ (७१।०)