बुद्धेरनित्यत्वपरीक्षाप्रकरणम्कर्माकाशसाधर्म्यात् संशयः ॥ (१।०)

विषयप्रत्यभिज्ञानात् ॥ (२।०)

साध्यसमत्वात् अहेतुः ॥ (३।०)

न युगपत् अग्रहणात् ॥ (४।०)

अप्रत्यभिज्ञाने च विनाशप्रसङ्गः ॥ (५।०)

क्रमवृत्तित्वात् अयुगपत् ग्रहणम् ॥ (६।०)

अप्रत्यभिज्ञानं च विषयान्तरव्यासङ्गात् ॥ (७।०)

न गत्यभावात् ॥ (८।०)

स्फटिकान्यत्वाभिमानवत् तदन्यत्वाभिमानः ॥ (९।०)

क्षणभङ्गपरीक्षाप्रकरणम्स्फटिके अपि अपरापरोत्पत्तेः क्षणिकत्वात् व्यक्तीनाम् अहेतुः ॥ (१०।०)

नियमहेत्वभावात् यथादर्शनम् अभ्यनुज्ञा ॥ (११।०)

न उत्पत्तिविनाशकारणोपलब्धेः ॥ (१२।०)

क्षीरविनाशे कारणानुपलब्धिवत् दध्युत्पत्तिवत् च तदुत्पत्तिः ॥ (१३।०)

लिङ्गतो ग्रहणात् नानुपलब्धिः ॥ (१४।०)

न पयसः परिणामगुणान्तरप्रादुर्भावात् ॥ (१५।०)

व्यूहान्तरात् द्रव्यान्तरोत्पत्तिदर्शनं पूर्वद्रव्यनिवृत्तेः अनुमानम् ॥ (१६।०)

क्वचित् विनाशकारणानुपलब्धेः क्वचित् च उपलब्धेः अनेकान्तः ॥ (१७।०)

बुद्धेरात्मगुणत्वपरीक्षाप्रकरणाम्न इन्द्रियार्थयोः तद्विनाशे अपि ज्ञानावस्थानात् ॥ (१८।०)

युगपत् ज्ञानानुपलब्धेश्च न मनसः ॥ (१९।०)

तत् आत्मगुणत्वे अपि तुल्यम् ॥ (२०।०)

इन्द्रियैर् मनसः सन्निकर्षाभावात् तदनुत्पत्तिः ॥ (२१।०)

न उत्पत्तिकारणानपदेशात् ॥ (२२।०)

विनाशकारणानुपलब्धेश्चावस्थाने तन्नित्यत्वप्रसङ्गः ॥ (२३।०)

अनित्यत्वग्रहात् बुद्धेः बुद्ध्यन्तरात् विनाशः शब्दवत् ॥ (२४।०)

ज्ञानसमवेतात्मप्रदेशसन्निकर्षात् मनसः स्मृत्युत्पत्तेः न युगपत् उत्पत्तिः ॥ (२५।०)

नान्तःशरीरवृत्तित्वात् मनसः ॥ (२६।०)

साध्यत्वात् अहेतुः ॥ (२७।०)

स्मरतः शरीरधारणोपपत्तेः अप्रतिषेधः ॥ (२८।०)

न तद् आशुगतित्वान्मनसः ॥ (२९।०)

न स्मरणकालानियमात् ॥ (३०।०)

आत्मप्रेरणयदृच्छाज्ञताभिश्च न संयोगविशेषः ॥ (३१।०)

व्यासक्तमनसः पादव्यथनेन संयोगविशेषेण समानम् ॥ (३२।०)

प्रणिधानलिङ्गादिज्ञानानाम् अयुगपद्भावात् अयुगपत्स्मरणम् ॥ (३३।०)

ज्ञस्य इच्छाद्वेषनिमित्तत्वात् आरम्भनिवृत्त्योः ॥ (३४।०)

तल्लिङ्गत्वात् इच्छाद्वेषयोः पार्थिवाद्येषु अप्रतिषेधः ॥ (३५।०)

परश्वादिषु आरम्भनिवृत्तिदर्शनात् ॥ (३६।०)

नियमानियमौ तु तद्विशेषकौ ॥ (३७।०)

यथोक्तहेतुत्वात् पारतन्त्र्यात् अकृताभ्यागमाच्च न मनसः ॥ (३८।०)

परिशेषात् यथोक्तहेतूपपत्तेश्च ॥ (३९।०)

स्मरणं तु आत्मनो ज्ञस्वाभाव्यात् ॥ (४०।०)

प्रणिधाननिबन्धाभ्यासलिङ्गलक्षणसादृश्यपरिग्रहाश्रयाश्रितसम्बन्धानन्तर्यवियोगैककार्यविरोधातिशयप्राप्तिव्यवधानसुखदुःखेच्छाद्वेषभयार्थित्वक्रियारागधर्माधर्मनिमित्तेभ्यः ॥ (४१।०)

बुद्धेरुत्पन्नापवर्गित्वपरीक्षाप्रकरणम्कर्मानवस्थायिग्रहणात् ॥ (४२।०)

अव्यक्तग्रहणम् अनवस्थायित्वात् विद्युत्सम्पाते रूपाव्यक्तग्रहणवत् ॥ (४३।०)

हेतूपादानात् प्रतिषेद्धव्याभ्यनुज्ञा ॥ (४४।०)

न प्रदीपार्चिःसन्तत्यभिव्यक्तग्रहणवत् तद्ग्रहणम् ॥ (४५।०)

बुद्धेः शरीरगुणव्यतिरेकपरीक्षाप्रकरणम्द्रव्ये स्वगुणपरगुणोपलब्धेः संशयः ॥ (४६।०)

यावच्छरीरभावित्वात् रूपादीनाम् ॥ (४७।०)

न पाकजगुणान्तरोत्पत्तेः ॥ (४८।०)

प्रतिद्वन्द्विसिद्धेः पाकजानाम् अप्रतिषेधः ॥ (४९।०)

शरीरव्यापित्वात् ॥ (५०।०)

न केशनखादिषु अनुपलब्धेः ॥ (५१।०)

त्वक्पर्यन्तत्वात् शरीरस्य केशनखादिषु अप्रसङ्गः ॥ (५२।०)

शरीरगुणवैधर्म्यात् ॥ (५३।०)

न रूपादीनाम् इतरेतरवैधर्म्यात् ॥ (५४।०)

ऐन्द्रियकत्वात् रूपादीनाम् अप्रतिषेधः ॥ (५५।०)

मनःपरीक्षाप्रकरणम्ज्ञानायौगपद्यात् एकं मनः ॥ (५६।०)

न युगपत् अनेकक्रियोपलब्धेः ॥ (५७।०)

अलातचक्रदर्शनवत् तदुपलब्धिर् आशुसञ्चारात् ॥ (५८।०)

यथोक्तहेतुत्वात् चाणु ॥ (५९।०)

अदृष्टनिष्पाद्यत्वपरीक्षाप्रकरणम्पूर्वकृतफलानुबन्धात् तदुत्पत्तिः ॥ (६०।०)

भूतेभ्यो मूर्त्युपादानवत् तदुपादानम् ॥ (६१।०)

न साध्यसमत्वात् ॥ (६२।०)

न उत्पत्तिनिमित्तत्वात् मातापित्रोः ॥ (६३।०)

तथाहारस्य ॥ (६४।०)

प्राप्तौ चानियमात् ॥ (६५।०)

शरीरोत्पत्तिनिमित्तवत् संयोगोत्पत्तिनिमित्तं कर्म ॥ (६६।०)

एतेनानियमः प्रत्युक्तः ॥ (६७।०)

तत् अदृष्टकारितम् इति चेत् पुनः तत्प्रसङ्गः अपवर्गे ॥ (६८।०)

मनःकर्मनिमित्तत्वात् च संयोगाव्युच्छेदः ॥ (६९।०)

नित्यत्वप्रसङ्गश्च प्रायणानुपपत्तेः ॥ (७०।०)

अणुश्यामतानित्यत्ववत् एतत् स्यात् ॥ (७१।०)

नाकृताभ्यागमप्रसङ्गात् ॥ (७२।०)