इन्द्रियव्यतिरिक्तात्मपरीक्षाप्रकरणंदर्शनस्पर्शनाभ्याम् एकार्थग्रहणात् ॥ (१।०)

न विषयव्यवस्थानात् ॥ (२।०)

तद्व्यवस्थानात् एवात्मसद्भावात् अप्रतिषेधः ॥ (३।०)

शरीरव्यतिरिक्तात्मपरीक्षाप्रकरणम्शरीरदाहे पातकाभावात् ॥ (४।०)

तदभावः सात्मकप्रदाहे अपि तन्नित्यत्वात् ॥ (५।०)

न कार्याश्रयकर्तृवधात् ॥ (६।०)

प्रासङ्गिकं चक्षुरद्वैतपरीक्षाप्रकरणम्सव्यदृष्टस्य इतरेण प्रत्यभिज्ञानात् ॥ (७।०)

न एकस्मिन् नासास्थिव्यवहिते द्वित्वाभिमानात् ॥ (८।०)

एकविनाशे द्वितीयाविनाशात् न एकत्वम् ॥ (९।०)

अवयवनाशे अपि अवयव्युपलब्धेः अहेतुः ॥ (१०।०)

दृष्टान्तविरोधात् अप्रतिषेधः ॥ (११।०)

इन्द्रियान्तरविकारात् ॥ (१२।०)

न स्मृतेः स्मर्तव्यविषयत्वात् ॥ (१३।०)

तदात्मगुणसद्भावात् अप्रतिषेधः ॥ (१४।०)

आत्ममनोभेदपरीक्षाप्रकरणम्नात्मप्रतिपत्तिहेतूनां मनसि सम्भवात् ॥ (१५।०)

ज्ञातुर् ज्ञानसाधनोपपत्तेः संज्ञाभेदमात्रम् ॥ (१६।०)

नियमश्च निरनुमानः ॥ (१७।०)

आत्मनित्यत्वपरीक्षाप्रकरणम्पूर्वाभ्यस्तस्मृत्यनुबन्धात् जातस्य हर्षभयशोकसम्प्रतिपत्तेः ॥ (१८।०)

पद्मादिषु प्रबोधसम्मीलनविकारवत् तद्विकारः ॥ (१९।०)

न उष्णशीतवर्षाकालनिमित्तत्वात् पञ्चात्मकविकाराणाम् ॥ (२०।०)

प्रेत्याहाराभ्यासकृतात् स्तन्याभिलाषात् ॥ (२१।०)

अयसः अयस्कान्ताभिगमनवत् तदुपसर्पणम् ॥ (२२।०)

नान्यत्र प्रवृत्त्यभावात् ॥ (२३।०)

वीतरागजन्मादर्शनात् ॥ (२४।०)

सगुणद्रव्योत्पत्तिवत् तदुत्पत्तिः ॥ (२५।०)

न सङ्कल्पनिमित्तत्वात् रागादीनाम् ॥ (२६।०)

शरीरपरीक्षाप्रकरणम्पार्थिवं गुणान्तरोपलब्धेः ॥ (२७।०)

पार्थिवाप्यतैजसं तद्गुणोपलब्धेः ॥ (२८।०)

निःश्वासोच्छ्वासोपलब्धेश्चातुर्भौतिकम् ॥ (२९।०)

गन्धक्लेदपाकव्यूहावकाशदानेभ्यः पाञ्चभौतिकम् ॥ (३०।०)

श्रुतिप्रामाण्यात् च ॥ (३१।०)

इन्द्रियपरीक्षाप्रकरणम्कृष्णसारे सति उपलम्भात् व्यतिरिच्य च उपलम्भात् संशयः ॥ (३२।०)

महदणुग्रहणात् ॥ (३३।०)

रश्म्यर्थसन्निकर्षविशेषात् तद्ग्रहणम् ॥ (३४।०)

तदनुपलब्धेः अहेतुः ॥ (३५।०)

नानुमीयमानस्य प्रत्यक्षतः अनुपलब्धिर् अभावहेतुः ॥ (३६।०)

द्रव्यगुणधर्मभेदात् च उपलब्धिनियमः ॥ (३७।०)

अनेकद्रव्यसमवायात् रूपविशेषात् च रूपोपलब्धिः ॥ (३८।०)

कर्मकारितश्च इन्द्रियाणां व्यूहः पुरुषार्थतन्त्रः ॥ (३९।०)

मध्यन्दिनोल्काप्रकाशानुपलब्धिवत् तदनुपलब्धिः ॥ (४०।०)

न रात्रौ अपि अनुपलब्धेः ॥ (४१।०)

बाह्यप्रकाशानुग्रहात् विषयोपलब्धेः अनभिव्यक्तितः अनुपलब्धिः ॥ (४२।०)

अभिव्यक्तौ चाभिभवात् ॥ (४३।०)

नक्तंचरनयनरश्मिदर्शनात् च ॥ (४४।०)

अप्राप्यग्रहणं काचाभ्रपटलस्फटिकान्तरितोपलब्धेः ॥ (४५।०)

कुड्यान्तरितानुपलब्धेः अप्रतिषेधः ॥ (४६।०)

अप्रतीघातात् सन्निकर्षोपपत्तिः ॥ (४७।०)

आदित्यरश्मेः स्फटिकान्तरिते अपि दाह्ये अविघातात् ॥ (४८।०)

न इतरेतरधर्मप्रसङ्गात् ॥ (४९।०)

आदर्शोदकयोः प्रसादस्वाभाव्यात् रूपोपलब्धिः ॥ (५०।०)

दृष्टानुमितानां हि नियोगप्रतिषेधानुपपत्तिः ॥ (५१।०)

इन्द्रियनानात्वपरीक्षाप्रकरणम्स्थानान्यत्वे नानात्वात् अवयविनानास्थानत्वात् च संशयः ॥ (५२।०)

त्वग् अव्यतिरेकात् ॥ (५३।०)

न युगपत् अर्थानुपलब्धेः ॥ (५४।०)

विप्रतिषेधात् च न त्वक् एका ॥ (५५।०)

इन्द्रियार्थपञ्चत्वात् ॥ (५६।०)

न तदर्थबहुत्वात् ॥ (५७।०)

गन्धत्वाद्यव्यतिरेकात् गन्धादीनामप्रतिषेधः ॥ (५८।०)

विषयत्वाव्यतिरेकात् एकत्वम् ॥ (५९।०)

न बुद्धिलक्षणाधिष्ठानगत्याकृतिजातिपञ्चत्वेभ्यः ॥ (६०।०)

भूतगुणविशेषोपलब्धेः तादात्म्यम् ॥ (६१।०)

अर्थपरीक्षाप्रकरणम्गन्धरसरूपस्पर्शशब्दानां स्पर्शपर्यन्ताः पृथिव्याः ॥ (६२।०)

अप्तेजोवायूनां पूर्वं पूर्वम् अपोह्याकाशस्य उत्तरः ॥ (६३।०)

न सर्वगुणानुपलब्धेः ॥ (६४।०)

एकैकश्येन उत्तरगुणासद्भावात् उत्तरोत्तराणां तदनुपलब्धिः ॥ (६५।०)

विष्टं हि अपरं परेण ॥ (६६।०)

न पार्थिवाप्ययोः प्रत्यक्षत्वात् ॥ (६७।०)

पूर्वपूर्वगुणोत्कर्षात् तत्तत् प्रधानम् ॥ (६८।०)

तद्ध्यवस्थानं तु भूयस्त्वात् ॥ (६९।०)

सगुणानाम् इन्द्रियभावात् ॥ (७०।०)

तेन एव तस्याग्रहणात् च ॥ (७१।०)

न शब्दगुणोपलब्धेः ॥ (७२।०)

तदुपलब्धिर् इतरेतरद्रव्यगुणवैधर्म्यात् ॥ (७३।०)