प्रवृत्तिदोषसामान्यपरीक्षाप्रकरणम्प्रवृत्तिर्यथोक्ता ॥ (१।०)

तथा दोषाः ॥ (२।०)

दोषत्रैराश्यपरीक्षाप्रकरणम्त्रैराश्यं रागद्वेषमोहार्थान्तर्भावात् ॥ (३।०)

न एकप्रत्यनीकभावात् ॥ (४।०)

व्यभिचारादहेतुः ॥ (५।०)

तेषां मोहः पापीयान् नामूढस्येतरोत्पत्तेः ॥ (६।०)

निमित्तनैमित्तिकभावादर्थान्तरभावो दोषेभ्यः ॥ (७।०)

न दोषलक्षणावरोधान्मोहस्य ॥ (८।०)

निमित्तनैमित्तिकोपपत्तेश्च तुल्यजातीयानामप्रतिषेधः ॥ (९।०)

प्रेत्यभावपरीक्षाप्रकरणमात्मनित्यत्वे प्रेत्यभावसिद्धिः ॥ (१०।०)

व्यक्ताद् व्यक्तानाम् प्रत्यक्षप्रामाण्यात् ॥ (११।०)

न घटाद् घटनिष्पत्तेः ॥ (१२।०)

व्यक्ताद् घटनिष्पत्तेरप्रतिषेधः ॥ (१३।०)

शून्यतोपादाननिराकरणप्रकरणमभावाद् भावोत्पत्तिः नानुपमृद्य प्रादुर्भावात् ॥ (१४।०)

व्याघातादप्रयोगः ॥ (१५।०)

न अतीतानागतयोः कारकशब्दप्रयोगात् ॥ (१६।०)

न विनष्टेभ्यो ऽनिष्पत्तेः ॥ (१७।०)

क्रमनिर्देशादप्रतिषेधः ॥ (१८।०)

ईश्वरोपादानाताप्रकरणमीश्वरः कारणम् पुरुषकर्माफल्यदर्शनात् ॥ (१९।०)

न पुरुषकर्माभावे फलानिष्पत्तेः ॥ (२०।०)

तत्कारितत्वाद् अहेतुः ॥ (२१।०)

आकस्मिकत्वनिराकरणप्रकरणमनिमित्ततो भावोत्पत्तिः कण्टकतैक्ष्ण्यादिदर्शनात् ॥ (२२।०)

अनिमित्तनिमित्तत्वान् नानिमित्ततः ॥ (२३।०)

निमित्तानिमित्तयोर् अर्थान्तरभावाद् अप्रतिषेधः ॥ (२४।०)

सर्वानित्यत्वनिराकरणप्रकरणम्सर्वम् अनित्यम् उत्पत्तिविनाशधर्मकत्वात् ॥ (२५।०)

न अनित्यतानित्यत्वात् ॥ (२६।०)

तदनित्यत्वमग्नेर्दाह्यं विनाश्यानुविनाशवत् ॥ (२७।०)

नित्यस्याप्रत्याख्यानम् यथोपलब्धिव्यवस्थानात् ॥ (२८।०)

सर्वनित्यत्वनिराकरणम्सर्वं नित्यम् पञ्चभूतनित्यत्वात् ॥ (२९।०)

न उत्पत्तिविनाशकारणोपलब्धेः ॥ (३०।०)

तल्लक्षणावरोधादप्रतिषेधः ॥ (३१।०)

न उत्पत्तितत्कारणोपलब्धेः ॥ (३२।०)

न व्यवस्थानुपपत्तेः ॥ (३३।०)

सर्वपृथक्त्वनिराकरणप्रकरणम्सर्वं पृथग् भावलक्षणपृथक्त्वात् ॥ (३४।०)

न अनेकलक्षणैरेकभावनिष्पत्तेः ॥ (३५।०)

लक्षणव्यवस्थानादेवाप्रतिषेधः ॥ (३६।०)

सर्वशून्यतानिराकरणप्रकरणम्सर्वम् अभावो भावेष्वितरेतराभावसिद्धेः ॥ (३७।०)

न स्वभावसिद्धेर्भावानाम् ॥ (३८।०)

न स्वभावसिद्धिः आपेक्षिकत्वात् ॥ (३९।०)

व्याहतत्वादयुक्तम् ॥ (४०।०)

संख्यैकान्तवादप्रकरणम्संख्यैकान्तासिद्धिः कारणानुपपत्त्युपपत्तिभ्याम् ॥ (४१।०)

न कारणावयवाभावात् ॥ (४२।०)

निरवयवत्वादहेतुः ॥ (४३।०)

फलपरीक्षाप्रकरणम्सद्यः कालान्तरे च फलनिष्पत्तेः संशयः ॥ (४४।०)

न सद्यः कालान्तरोपभोग्यत्वात् ॥ (४५।०)

कालान्तरेणानिष्पत्तिहेतुर्विनाशात् ॥ (४६।०)

प्राङ्निष्पत्तेर्वृक्षफलवत् तत्स्यात् ॥ (४७।०)

नासन्न सन्न सदसत् सदसतोर् वैधर्म्यात् ॥ (४८।०)

उत्पादव्ययदर्शनात् ॥ (४९।०)

बुद्धिसिद्धं तु तदसत् ॥ (५०।०)

आश्रयव्यतिरेकाद् वृक्षफलोत्पत्तिवद् इत्यहेतुः ॥ (५१।०)

प्रीतेरात्माश्रयत्वादप्रतिषेधः ॥ (५२।०)

न पुत्रपशुस्त्रीपरिच्छेदहिरण्यान्नादिफलनिर्देशात् ॥ (५३।०)

तत्सम्बन्धात् फलनिष्पत्तेस्तेषु फलवदुपचारः ॥ (५४।०)

दुःखपरीक्षाप्रकरणम्विविधबाधनायोगाद् दुःखमेव जन्मोत्पत्तिः ॥ (५५।०)

न सुखस्याप्यन्तरालनिष्पत्तेः ॥ (५६।०)

बाधनानिवृत्तेर् वेदयतः पर्येषणदोषाद् अप्रतिषेधः ॥ (५७।०)

दुःखविकल्पे सुखाभिमानाच्च ॥ (५८।०)

अपवर्गपरीक्षाप्रकरणमृणक्लेशप्रवृत्त्यनुबन्धाद् अपवर्गाभावः ॥ (५९।०)

प्रधानशब्दानुपपत्तेर् गुणशब्देनानुवादो निन्दाप्रशंसोपपत्तेः ॥ (६०।०)

समारोपणादात्मन्यप्रतिषेधः ॥ (६१।०)

पात्रचयान्तानुपपत्तेश्च फलाभावः ॥ (६२।०)

सुषुप्तस्य स्वप्नादर्शने क्लेशाभावादपवर्गः ॥ (६३।०)

न प्रवृत्तिः प्रतिसन्धानाय हीनक्लेशस्य ॥ (६४।०)

न क्लेशसन्ततेः स्वाभाविकत्वात् ॥ (६५।०)

प्रागुत्पत्तेर् अभावानित्यत्ववत् स्वाभाविके ऽप्यनित्यत्वम् ॥ (६६।०)

अणुश्यामतानित्यत्ववद् वा ॥ (६७।०)

न सङ्कल्पनिमित्तत्वाच्च रागादीनाम् ॥ (६८।०)