मूषार्थं प्रशस्तमृत्तिकामाह मृत्तिकेति ॥ (१।०)

पाण्डुरस्थूला पाण्डुवर्णा स्थूला च ॥ (२।०)

अथवा शोणपाण्डुरा रक्तपाण्डुमिश्रवर्णा चिराध्मानसहा दीर्घकालं व्याप्य अग्निसंतापं प्राप्यापि अविदारणशीला एवंविधा या शर्करा मृत्तिका कङ्कररूपा मृत्तिका ॥ (३।०)

शर्करामृत्तिकाभावे ग्राह्यमृत्तिकामाह तदिति ॥ (४।०)

वाल्मीकी कृमिशैलोद्भवा मृद् उइमाटी इति वङ्गभाषा ॥ (५।०)

कौलाली कुम्भकारमृदित्यर्थः ॥ (६।०)

हयलद्दिना अश्वपुरीषेन ॥ (७।०)

उपादानान्तराण्याह श्वेताश्मान इति ॥ (८।०)

श्वेताश्मानः श्वेतप्रस्तराः ॥ (९।०)

खर्परः कपालखण्डः दग्धमृत्तिका इति यावत् ॥ (१०।०)

शणखर्परे इत्यत्र शणकर्पटे इति पाठे कर्पटं छिन्नवस्त्रम् ॥ (११।०)

लद्दिः हयलद्दिः ॥ (१२।०)

किट्टं मण्डूरम् ॥ (१३।०)

कृष्णमृत्स्ना कृष्णवर्णमृत्तिका ॥ (१४।०)

मूषिकामृदा मूषार्थग्राह्यमृत्तिकया सहेत्यर्थः ॥ (१५।०)