दीपनमाह धात्विति ॥ (१।०)

ग्रासार्थं घनहेमादीनाम् इति शेषः ॥ (२।०)

स्वेदः दोलायन्त्रे काञ्जिकादिना रसस्य इति शेषः ॥ (३।०)

दीपनं ग्रासशक्तिसंजननक्रियाविशेषः ॥ (४।०)

रसेन्द्रचिन्तामणिकारेण दीपनद्रव्याणि अन्यविधान्युक्तानि यथा । (५।१)

कासीसं पञ्चलवणं राजिका मरिचानि च । (५।२)

भूशिग्रुबीजम् एकत्र टङ्गणेन समन्वितम् ॥ (५।३)

आलोड्य काञ्जिके दोलायन्त्रे पाकाद् दिनैस्त्रिभिः । (६।१)

दीपनं जायते सम्यक् सूतराजस्य जारणे ॥ (६।२)

अथवा चित्रकद्रावैः काञ्जिके त्रिदिनं पचेत् ॥ (७।०)

इति ॥ (८।०)