वरलोहप्रस्तुतप्रकारमाह ताम्रमिति ॥ (१।०)

तीक्ष्णसमायुक्तं तीक्ष्णलौहसंयुक्तम् ॥ (२।०)

भूरिशः सप्तवारान् इत्यर्थः ॥ (३।०)

तीक्ष्णलौहं ताम्रं च अग्निसंतापेन द्रवीकृत्य गन्धकचूर्णमिश्रितलकुचरसे निक्षिपेद् घनीभूतं तद्द्वयमुत्तोल्य पुनः द्रावयित्वा पूर्वरसे निक्षिपेद् एवं सप्तवारान् ॥ (४।०)

द्रुतमित्यत्र मृतम् इति पाठो मृतं भस्मीभूतम् ॥ (५।०)

एवं प्रक्रियया तस्माद् उत्कृष्टलौहं निर्गमिष्यतीति ॥ (६।०)