1.1१.१रूपकारणनिर्मुक्तं न रूपम् उपलभ्यते । (१।१)
rūpakāraṇanirmuktaṃ na rūpam upalabhyate |
1.2१.२रूपेणापि न निर्मुक्तं दृश्यते रूपकारणम् ॥ (१।२)
rūpeṇāpi na nirmuktaṃ dṛśyate rūpakāraṇam ||
2.1२.१रूपकारणनिर्मुक्ते रूपे रूपं प्रसज्यते । (२।१)
rūpakāraṇanirmukte rūpe rūpaṃ prasajyate |
2.2२.२आहेतुकं न चास्त्यर्थः कश्चिद् आहेतुकः क्वचित् ॥ (२।२)
āhetukaṃ na cāstyarthaḥ kaścid āhetukaḥ kvacit ||
3.1३.१रूपेण तु विनिर्मुक्तं यदि स्याद् रूपकारणम् । (३।१)
rūpeṇa tu vinirmuktaṃ yadi syād rūpakāraṇam |
3.2३.२अकार्यकं कारणं स्यान् नास्त्यकार्यं च कारणम् ॥ (३।२)
akāryakaṃ kāraṇaṃ syān nāstyakāryaṃ ca kāraṇam ||
4.1४.१रूपे सत्येव रूपस्य कारणं नोपपद्यते । (४।१)
rūpe satyeva rūpasya kāraṇaṃ nopapadyate |
4.2४.२रूपे ऽसत्येव रूपस्य कारणं नोपपद्यते ॥ (४।२)
rūpe 'satyeva rūpasya kāraṇaṃ nopapadyate ||
5.1५.१निष्कारणं पुना रूपं नैव नैवोपपद्यते । (५।१)
niṣkāraṇaṃ punā rūpaṃ naiva naivopapadyate |
5.2५.२तस्माद् रूपगतान् कांश्चिन् न विकल्पान् विकल्पयेत् ॥ (५।२)
tasmād rūpagatān kāṃścin na vikalpān vikalpayet ||
6.1६.१न कारणस्य सदृशं कार्यम् इत्युपपद्यते । (६।१)
na kāraṇasya sadṛśaṃ kāryam ityupapadyate |
6.2६.२न कारणस्यासदृशं कार्यम् इत्युपपद्यते ॥ (६।२)
na kāraṇasyāsadṛśaṃ kāryam ityupapadyate ||
7.1७.१वेदनाचित्तसंज्ञानां संस्काराणां च सर्वशः । (७।१)
vedanācittasaṃjñānāṃ saṃskārāṇāṃ ca sarvaśaḥ |
7.2७.२सर्वेषाम् एव भावानां रूपेणैव समः क्रमः ॥ (७।२)
sarveṣām eva bhāvānāṃ rūpeṇaiva samaḥ kramaḥ ||
8.1८.१विग्रहे यः परीहारं कृते शून्यतया वदेत् । (८।१)
vigrahe yaḥ parīhāraṃ kṛte śūnyatayā vadet |
8.2८.२सर्वं तस्यापरिहृतं समं साध्येन जायते ॥ (८।२)
sarvaṃ tasyāparihṛtaṃ samaṃ sādhyena jāyate ||
9.1९.१व्याख्याने य उपालम्भं कृते शून्यतया वदेत् । (९।१)
vyākhyāne ya upālambhaṃ kṛte śūnyatayā vadet |
9.2९.२सर्वं तस्यानुपालब्धं समं साध्येन जायते ॥ (९।२)
sarvaṃ tasyānupālabdhaṃ samaṃ sādhyena jāyate ||
Data courtesy of The Digital Corpus of Sanskrit.
