zu SūryaŚ, 1, 11.2
Select a line for its word-by-word analysis.
तीव्रभानोरादित्यस्य मयूखाः कल्मषात्पापाद्वो युष्मांस्त्रायन्तां रक्षन्तु ॥ (१।०)
tīvrabhānorādityasya mayūkhāḥ kalmaṣātpāpādvo yuṣmāṃstrāyantāṃ rakṣantu ||
पुनरपि च निरूप्यन्ते रायो द्रव्यस्य धाराः प्रपाताः ॥ (४।०)
punarapi ca nirūpyante rāyo dravyasya dhārāḥ prapātāḥ ||
धनाया धनेच्छा तस्या आपत्प्रार्थना धनस्य प्राप्तिस्तत्रापि ॥ (७।०)
dhanāyā dhanecchā tasyā āpatprārthanā dhanasya prāptistatrāpi ||
करालम्बभूता इति हस्तेष्वादायोत्तारयन्तीत्यर्थः ॥ (९।०)
karālambabhūtā iti hasteṣvādāyottārayantītyarthaḥ ||
तत्त्वालोकैकदीपाः तत्त्वस्य परमार्थस्यालोके दर्शने एकदीपाः प्रकाशकत्वात् ॥ (१२।०)
tattvālokaikadīpāḥ tattvasya paramārthasyāloke darśane ekadīpāḥ prakāśakatvāt ||
त्रिदशपतिरिन्द्रस्तस्य पुरं नगरम् अमरावती तत्र प्रस्थितिः प्रस्थानं तत्र वीथ्य एव पन्थान एव ॥ (१३।०)
tridaśapatirindrastasya puraṃ nagaram amarāvatī tatra prasthitiḥ prasthānaṃ tatra vīthya eva panthāna eva ||
निर्वाणोद्योगिनो मोक्षोत्सुकास्ते च ते योगिनश्च तेषां प्रगमोऽपुनरावृत्तिस्तस्य निजा आत्मीया सा चासौ तनुश्च तस्या द्वार्द्वारं तस्यां वेत्रायमाणाः प्रतीहारा इवाचरन्तः ॥ (१५।०)
nirvāṇodyogino mokṣotsukāste ca te yoginaśca teṣāṃ pragamo'punarāvṛttistasya nijā ātmīyā sā cāsau tanuśca tasyā dvārdvāraṃ tasyāṃ vetrāyamāṇāḥ pratīhārā ivācarantaḥ ||
ये हि सिद्धा योगिनो भवन्ति ते हि सूर्यतनुद्वारेण न स्खलनमासादयन्ति ॥ (१६।०)
ye hi siddhā yogino bhavanti te hi sūryatanudvāreṇa na skhalanamāsādayanti ||
उद्युक्तानां योगिनां तु सूर्यतनुर्द्वाः तत्र द्वाःस्थाः प्रयातुं न ददति ॥ (१७।०)
udyuktānāṃ yogināṃ tu sūryatanurdvāḥ tatra dvāḥsthāḥ prayātuṃ na dadati ||
अथवा प्रगच्छन्त्यनेनेति प्रगमः पन्थाः ॥ (१८।०)
athavā pragacchantyaneneti pragamaḥ panthāḥ ||
निर्वाणोद्योगियोगिनां प्रगमश्चासौ निजतनुद्वाश्चेति तत्समासः ॥ (१९।०)
nirvāṇodyogiyogināṃ pragamaścāsau nijatanudvāśceti tatsamāsaḥ ||
Data courtesy of The Digital Corpus of Sanskrit.