zu SūryaŚ, 1, 4.2
Select a line for its word-by-word analysis.
ते रश्मयो मरीचयो मङ्गलं कल्याणं वो दिशन्तु ददतु ॥ (१।०)
te raśmayo marīcayo maṅgalaṃ kalyāṇaṃ vo diśantu dadatu ||
यान् किरणांस्तिग्मरोचिस् तीक्ष्णदीधितिः सूर्यो वितनुते विस्तारयति ॥ (२।०)
yān kiraṇāṃstigmarocis tīkṣṇadīdhitiḥ sūryo vitanute vistārayati ||
जन्तून्प्राणिनो वीतावृतीन् आवरणमावृतिः वीता गता आवृतिर्येषां ते तान्समवलोक्य समुद्वीक्ष्य ॥ (६।०)
jantūnprāṇino vītāvṛtīn āvaraṇamāvṛtiḥ vītā gatā āvṛtiryeṣāṃ te tānsamavalokya samudvīkṣya ||
प्राक्पूर्वं तमस्यन्धकारे प्रभ्रश्यति पतति सति ॥ (७।०)
prākpūrvaṃ tamasyandhakāre prabhraśyati patati sati ||
उत्तरीयस्येव त्विड् यस्य तदुत्तरीयत्विट् तस्मिन्नंशुकनिभे तिमिरे ॥ (९।०)
uttarīyasyeva tviḍ yasya taduttarīyatviṭ tasminnaṃśukanibhe timire ||
यथा कश्चित् तन्तुवायो ऽतनुपटान् वितनुते प्राणभृतो विगतवाससो दृष्ट्वा ॥ (१३।०)
yathā kaścit tantuvāyo 'tanupaṭān vitanute prāṇabhṛto vigatavāsaso dṛṣṭvā ||
ते सान्द्रीभूय घनतां प्राप्याम्बरं वासोऽमलं विमलमुत्पादयन्ति एवं मरीचयोऽपि सान्द्रीभूय सद्यस्तत्क्षणमम्बरमाकाशं शश्वत्सर्वदा विमलम् उत्पादयन्ति ॥ (१४।०)
te sāndrībhūya ghanatāṃ prāpyāmbaraṃ vāso'malaṃ vimalamutpādayanti evaṃ marīcayo'pi sāndrībhūya sadyastatkṣaṇamambaramākāśaṃ śaśvatsarvadā vimalam utpādayanti ||
क्रमेण पर्यायेण विशदाः परिपाट्या स्पष्टा दश च ता आशाश्च दशाशा दश दिशः क्रमविशदाश्च ता दशाशाश्च ता एव दशास् तासाम् आली पङ्क्तिस्तया विशालं विस्तीर्णम् ॥ (१७।०)
krameṇa paryāyeṇa viśadāḥ paripāṭyā spaṣṭā daśa ca tā āśāśca daśāśā daśa diśaḥ kramaviśadāśca tā daśāśāśca tā eva daśās tāsām ālī paṅktistayā viśālaṃ vistīrṇam ||
Data courtesy of The Digital Corpus of Sanskrit.