भासां दीधितीनां दशशती घर्मत्विषः सूर्यसंबन्धिनी वो युष्मभ्यं शर्म सुखं कल्याणं दिशतु यच्छतु ॥ (१।०)

केव ॥ (२।०)

श्मश्रुश्रेणीव मुखरोमराजिरिव ॥ (३।०)

किं कुर्वती ॥ (४।०)

किंचिद् उद्भिद्यमाना उद्गच्छन्ती ॥ (५।०)

कस्मिन् ॥ (६।०)

दिनमुखे ॥ (७।०)

अन्यत्र यूनां मुखे उद्भिद्यते ॥ (८।०)

किं कुर्वाणा ॥ (९।०)

तन्वाना विस्तारयन्ती ॥ (१०।०)

काम् ॥ (११।०)

अवस्थाम् ॥ (१२।०)

कासाम् ॥ (१३।०)

दिग्वधूनाम् ॥ (१४।०)

दिश एव वध्वस्तासाम् ॥ (१५।०)

कीदृशीम् ॥ (१६।०)

समधिकमधुरालोकरम्याम् ॥ (१७।०)

समधिकः सम्यग् अधिको मधुरो मृदुर्य आलोकः प्रकाशस्तेन रम्याम् ॥ (१८।०)

पुनरपि किंभूता ॥ (१९।०)

आरूढप्रौढिलेशोत्कलितकपिलिमा ॥ (२०।०)

प्रौढिः प्रौढत्वं तस्या लेशः आरूढश्चासौ प्रौढिलेशश्चेति समासः ॥ (२१।०)

तेनोत्कलितो वर्धितः कपिलिमा कपिलत्वं यस्याः सा तथोक्ता ॥ (२२।०)

अलंकृतिर्भूषणम् ॥ (२३।०)

केवलैव एकैव ॥ (२४।०)

किंभूते दिनमुखे ॥ (२५।०)

उज्जृम्भा विकासिन्यम्भोजनेत्रद्युतिर्यत्र तत्तथोक्तं तत्रेति ॥ (२६।०)

श्मश्रुश्रेण्या अपि सर्वमेतत्संबन्धनीयम् ॥ (२७।०)

सापि वधूनां समधिकमधुरामालोकरम्यामवस्थां वितनुते ॥ (२८।०)

आरूढप्रौढिलेशोत्कलितकपिलिमा भवति ॥ (२९।०)

अलंकृतिश्चासौ केवलैव मुखस्य सम्पद्यत इत्यादि समानम् ॥ (३०।०)