प्रसिद्धा इन्द्रियार्थाः ॥ (१।०)

इन्द्रियार्थप्रसिद्धिर् इन्द्रियार्थेभ्यो ऽर्थान्तरत्वे हेतुः ॥ (२।०)

सोऽनपदेशः ॥ (३।०)

कारणाज्ञानात् ॥ (४।०)

कार्याज्ञानात् ॥ (५।०)

अज्ञानाच्च ॥ (६।०)

अन्य एव हेतुरित्यनपदेशः ॥ (७।०)

संयोगि समवायि एकार्थसमवायि विरोधि च । (८।१)

कार्यं कार्यान्तरस्य कारणं कारणान्तरस्य । (८।२)

विरोध्यभूतं भूतस्य भूतमभूतस्य अभूमभूतस्य भूतं भूतस्य ॥ (८।३)

प्रसिद्धपूर्वकत्वादपदेशस्य ॥ (९।०)

अप्रसिद्धोऽनपदेशः ॥ (१०।०)

असन् संदिग्धश्चानपदेशः ॥ (११।१)

विषाणी तस्मादश्वो विषाणी तस्माद् गौरिति च ॥ (१२।१)

आत्मेन्द्रियमनोऽर्थसंनिकर्षाद् यन्निष्पद्यते तदन्यत् ॥ (१३।१)

प्रवृत्तिनिवृत्ती च प्रत्यगात्मनि दृष्टे परत्र लिङ्गमिति ॥ (१४।१)