बुद्धिपूर्वा वाक्यकृतिर्वेदे ॥ (१।०)

न चास्मद्बुद्धिभ्यो लिङ्गमृषेः ॥ (२।०)

तथा ब्राह्मणे संज्ञाकर्मसिद्धिर्लिङ्गम् ॥ (३।०)

बुद्धिपूर्वो ददातिः ॥ (४।०)

तथा प्रतिग्रहः ॥ (५।०)

तयोः क्रमो यथानितरेतराङ्गभूतानाम् ॥ (६।०)

आत्मगुणेष्वात्मान्तरगुणानाम् अकारणत्वात् ॥ (७।०)

अदुष्टभोजनात् समभिव्याहारतोऽभ्युदयः ॥ (८।०)

तद् दुष्टभोजने न विद्यते ॥ (९।०)

दुष्टं हिंसायाम् ॥ (१०।०)

समभिव्याहारतो दोषः ॥ (११।१)

तददुष्टे न विद्यते ॥ (१२।१)

विशिष्टे प्रवृत्तिः ॥ (१३।१)

समे हीने चाप्रवृत्तिः ॥ (१४।१)

एतेन हीनसमविशिष्टधार्मिकेभ्यः परादानं व्याख्यातम् ॥ (१५।१)

तथा विरुद्धानां त्यागः ॥ (१६।१)

समे आत्मत्यागः परत्यागो वा ॥ (१७।१)

विशिष्टे आत्मत्यागः ॥ (१८।१)