अष्टावक्र उवाच । (१।१)

भावाभावविकारश् च स्वभावाद् इति निश्चयी । (१।२)

निर्विकारो गतक्लेशः सुखेनैवोपशाम्यति ॥ (१।३)

ईश्वरः सर्वनिर्माता नेहान्य इति निश्चयी । (२।१)

अन्तर्गलितसर्वाशः शान्तः क्वापि न सज्जते ॥ (२।२)

आपदः सम्पदः काले दैवाद् एवेति निश्चयी । (३।१)

तृप्तः स्वस्थेन्द्रियो नित्यं न वाञ्छति न शोचति ॥ (३।२)

सुखदुःखे जन्ममृत्यू दैवाद् एवेति निश्चयी । (४।१)

साध्यादर्शी निरायासः कुर्वन्न् अपि न लिप्यते ॥ (४।२)

चिन्तया जायते दुःखं नान्यथेहेति निश्चयी । (५।१)

तया हीनः सुखी शान्तः सर्वत्र गलितस्पृहः ॥ (५।२)

नाहं देहो न मे देहो बोधो ऽहम् इति निश्चयी । (६।१)

कैवल्यम् इव सम्प्राप्तो न स्मरत्य् अकृतं कृतम् ॥ (६।२)

आ ब्रह्मस्तम्बपर्यन्तम् अहम् एवेति निश्चयी । (७।१)

निर्विकल्पः शुचिः शान्तः प्राप्ताप्राप्तविनिर्वृतः ॥ (७।२)

नानाश्चर्यम् इदं विश्वं न किंचिद् इति निश्चयी । (८।१)

निर्वासनः स्फूर्तिमात्रो न किंचिद् इव शाम्यति ॥ (८।२)