Chapter 19
Select a line for its word-by-word analysis.
क्व धर्मः क्व च वा कामः क्व चार्थः क्व विवेकिता । (३।१)
kva dharmaḥ kva ca vā kāmaḥ kva cārthaḥ kva vivekitā |
क्व द्वैतं क्व च वाद्वैतं स्वमहिम्नि स्थितस्य मे ॥ (३।२)
kva dvaitaṃ kva ca vādvaitaṃ svamahimni sthitasya me ||
क्व भूतं क्व भविष्यद् वा वर्तमानम् अपि क्व वा । (४।१)
kva bhūtaṃ kva bhaviṣyad vā vartamānam api kva vā |
क्व देशः क्व च वा नित्यं स्वमहिम्नि स्थितस्य मे ॥ (४।२)
kva deśaḥ kva ca vā nityaṃ svamahimni sthitasya me ||
क्व चात्मा क्व च वानात्मा क्व शुभं क्वाशुभं यथा । (५।१)
kva cātmā kva ca vānātmā kva śubhaṃ kvāśubhaṃ yathā |
क्व चिन्ता क्व च वाचिन्ता स्वमहिम्नि स्थितस्य मे ॥ (५।२)
kva cintā kva ca vācintā svamahimni sthitasya me ||
क्व स्वप्नः क्व सुषुप्तिर् वा क्व च जागरणं तथा । (६।१)
kva svapnaḥ kva suṣuptir vā kva ca jāgaraṇaṃ tathā |
क्व तुरियं भयं वापि स्वमहिम्नि स्थितस्य मे ॥ (६।२)
kva turiyaṃ bhayaṃ vāpi svamahimni sthitasya me ||
क्व दूरं क्व समीपं वा बाह्यं क्वाभ्यन्तरं क्व वा । (७।१)
kva dūraṃ kva samīpaṃ vā bāhyaṃ kvābhyantaraṃ kva vā |
क्व स्थूलं क्व च वा सूक्ष्मं स्वमहिम्नि स्थितस्य मे ॥ (७।२)
kva sthūlaṃ kva ca vā sūkṣmaṃ svamahimni sthitasya me ||
क्व मृत्युर्जीवितं वा क्व लोकाः क्वास्य क्व लौकिकम् । (८।१)
kva mṛtyurjīvitaṃ vā kva lokāḥ kvāsya kva laukikam |
क्व लयः क्व समाधिर् वा स्वमहिम्नि स्थितस्य मे ॥ (८।२)
kva layaḥ kva samādhir vā svamahimni sthitasya me ||
Data courtesy of The Digital Corpus of Sanskrit.