जनक उवाच । (१।१)

मय्य् अनन्तमहाम्भोधौ विश्वपोत इतस्ततः । (१।२)

भ्रमति स्वान्तवातेन न ममास्त्य् असहिष्णुता ॥ (१।३)

मय्य् अनन्तमहाम्भोधौ जगद्वीचिः स्वभावतः । (२।१)

उदेतु वस्तम् आयातु न मे वृद्धिर् न च क्षतिः ॥ (२।२)

मय्य् अनन्तमहाम्भोधौ विश्वं नाम विकल्पना । (३।१)

अतिशान्तो निराकार एतद् एवाहम् आस्थितः ॥ (३।२)

नात्मा भावेषु नो भावस् तत्रानन्ते निरञ्जने । (४।१)

इत्य् असक्तो ऽस्पृहः शान्त एतद् एवाहम् आस्थितः ॥ (४।२)

अहो चिन्मात्रम् एवाहम् इन्द्रजालोपमं जगत् । (५।१)

अतो मम कथं कुत्र हेयोपादेयकल्पना ॥ (५।२)