वाराहगृह्यसूत्रVārāhagṛhyasūtra
VārGṛSū, 12
Select a line for its word-by-word analysis.
अथालंकरणम् अलंकरणम् असि सर्वस्मा अलं भूयासम् ॥ (१।०)
athālaṃkaraṇam alaṃkaraṇam asi sarvasmā alaṃ bhūyāsam ||
प्राणापानौ मे तर्पयामि समानव्यानौ मे तर्पयाम्य् उदानरूपे मे तर्पयामि चक्षुःश्रोत्रे मे तर्पयामि सुचक्षा अहम् अक्षिभ्यां भूयासं सुवर्चा मुखेन सुश्रुत्कर्णाभ्याम् इति गन्धाच्छादने ॥ (२।०)
prāṇāpānau me tarpayāmi samānavyānau me tarpayāmy udānarūpe me tarpayāmi cakṣuḥśrotre me tarpayāmi sucakṣā aham akṣibhyāṃ bhūyāsaṃ suvarcā mukhena suśrutkarṇābhyām iti gandhācchādane ||
परिधास्ये यशो धास्ये दीर्घायुत्वाय जरदष्टिर् अस्मि । (३।१)
paridhāsye yaśo dhāsye dīrghāyutvāya jaradaṣṭir asmi |
शतं च जीव शरदः पुरूचीर्वसूनि चाय्यो विभजाय जीयाम् । (३।२)
śataṃ ca jīva śaradaḥ purūcīrvasūni cāyyo vibhajāya jīyām |
इत्यहतं वास आच्छाद्याग्निं प्रज्वाल्य व्याहृतिभिर् व्रीहियवान् हुत्वा मङ्गलान्य् आशासेत् ॥ (३।३)
ityahataṃ vāsa ācchādyāgniṃ prajvālya vyāhṛtibhir vrīhiyavān hutvā maṅgalāny āśāset ||
Data courtesy of The Digital Corpus of Sanskrit.