वर्षासु श्रवणेनाध्यायान् उपाकरोति । (१।१)

हस्तेन वा । (१।२)

प्रौष्ठपदीम् इत्येके ॥ (१।३)

अथ जुहोति । (२।१)

अप्वा नामासि तस्यास्ते जोष्ट्रीं गमेयम् । (२।२)

अहम् इद्धि पितुः परि मेधा अमृतस्य जग्रभ । (२।३)

अहं सूर्य इवाजनि । (२।४)

स्वाहा । (२।५)

अप्वो नामासि तस्य ते जोष्ट्रं गमेयम् । (२।६)

अहम् इद्धि पितुः परि मेधा अमृतस्य जग्रभ । (२।७)

अहं सूर्य इवाजनि । (२।८)

स्वाहा । (२।९)

इति ॥ (२।१०)

युक्तिर्नामासि । (३।१)

योगो नामासि । (३।२)

मतिर् नामासि । (३।३)

सुमतिर्नामासि । (३।४)

सरस्वती नामासि । (३।५)

सरस्वान् नामासि । (३।६)

तस्यास्ते तस्य ते इत्य् अनुषजेत् ॥ (३।७)

युजे स्वाहा । (४।१)

प्रयुजे स्वाहा । (४।२)

संयुजे स्वाहा । (४।३)

उद्युजे स्वाहा । (४।४)

उद्युज्यमानाय स्वाहेति जयप्रभृतिभिश् चाज्यस्य पुरस्तात् स्विष्टकृतो ऽन्तेवासिनां योगम् इच्छन्न् अथ जपति ऋतं वदिष्यामि सत्यं वदिष्यामि ब्रह्म वदिष्यामि तन् माम् अवतु तद्वक्तारम् अवत्व् अवतु मामवतु वक्तारम् । (४।५)

वाङ् मे मनसि प्रतिष्ठिता मनो मे वाचि प्रतिष्ठितम् आविर् आयुर् मयि धेहि । (४।६)

वेदस्य वाणी स्थ । (४।७)

उपतिष्ठन्तु छन्दांस्य् उपाकुर्महे ऽध्यायान् ॥ (४।८)

ॐ भूर् भुवः स्वरिति दर्भपाणिस् त्रिः सावित्रीम् अधीत्यादितश् च त्रीन् अनुवाकांस् तथाङ्गानाम् एकैकम् । (५।१)

को वो युनक्तीति च ॥ (५।२)

तस्यानध्यायाः । (६।१)

सतः वलीकक्षारप्रभृति वर्षं न विद्योतमाने न स्तनयतीति श्रुतिः आकालिकं देवतु मूलं विद्युद्धन्वोल्कात्यक्षराः शब्दाः आचारेणान्ये ॥ (६।२)

अर्धपञ्चमान् मासान् अधीत्य पञ्चार्धषष्ठान् वा दीक्षणायनं वाधीत्याथोत्सृजन्त्य् एतेन धर्मेण ऋतम् अवादिषं सत्यम् अवादिषं ब्रह्मावादिषं तन् माम् आवीत् तद्वक्तारम् आवीद् आवीन् माम् आवीद् वक्तारम् । (७।१)

वाङ् मे मनसि प्रतिष्ठिता मनो मे वाचि प्रतिष्ठितम् आविर् आयुर् मयि धेहि । (७।२)

वेदस्य वाणी स्थ । (७।३)

प्रतिश्वसन्तु छन्दांस्य् उत्सृजामहे ऽध्यायान् ॥ (७।४)

ॐ भूर् भुवः स्वर् इत्य् अन्तम् अधीत्य को वो विमुञ्चतीति च ॥ (८।०)

पक्षिणीं रात्रीं नाधीयीत । (९।१)

उभयतः पक्षां वा ॥ (९।२)

नात ऊर्ध्वमभ्रेषु ॥ (१०।०)

आकालिकविद्युत्स्तनयित्नुवर्षं वर्षं च ॥ (११।०)

अथोपनिषदर्हाः । (१२।१)

ब्रह्मचारी सुचरिती मेधावी कर्मकृद् धनदः प्रियः विद्यया वा विद्याम् अन्विच्छन् ॥ (१२।२)

तानि तीर्थानि ब्रह्मणः ॥ (१३।०)