ईत् ऊत् एत् इत्येवमन्तं द्विवचनं शब्दरूपं प्रगृह्यसञ्ज्ञं भवति । (१।१)

अग्नी इति । (१।२)

वायू इति । (१।३)

माले इति । (१।४)

पचेते इति । (१।५)

ईद् ऊद् एत् इति किम् वृक्षाव् अत्र । (१।६)

प्लक्षाव् अत्र । (१।७)

द्विवचनम् इति किम् कुमार्यत्र । (१।८)

किशोर्यत्र । (१।९)

तपरकरणम् असंदेहार्थम् । (१।१०)

प्रगृह्यप्रदेशाः प्लुतप्रगृह्या अचि नित्यम् इत्य् एवमादयः । (१।११)

ईदादीनां प्रगृह्यत्वे मणीवादीनां प्रतिषेधो वक्तव्यः । (१।१२)

मणीवोष्ट्रस्य लम्बेते प्रियौ वत्सतरौ मम । (१।१३)

दम्पतीव । (१।१४)

जम्पतीव । (१।१५)

रोदसीव ॥ (१।१६)