तुल्यशब्दः सदृशपर्यायः । (१।१)

आस्ये भवम् आस्यं ताल्वादिस्थानम् । (१।२)

प्रयतनं प्रयत्नः स्पृष्टतादिर् वर्णगुणः । (१।३)

तुल्य आस्ये प्रयत्नो यस्य वर्णस्य येन वर्णेन सह स समानजातीयं प्रति सवर्णसञ्ज्ञो भवति । (१।४)

चत्वार आभ्यन्तराः प्रयत्नाः सवर्णसंज्ञायाम् आश्रीयन्ते स्पृष्टता ईषत्स्पृष्टता संवृतता विवृतता च इति । (१।५)

अ अ अ इति त्रयो ऽकारा उदात्तानुदात्तस्वरिताः प्रत्येकं सानुनासिका निरनुनासिकाश् च ह्रस्वदीर्घप्लुतभेदाद् अष्टादशधा भिद्यन्ते । (१।६)

तथा इवर्णः तथा उवर्णः तथा ऋवर्णः । (१।७)

ﾱवर्णस्य दीर्घा न सन्ति तं द्वादशभेदम् आचक्षते । (१।८)

संध्यक्षराणां ह्रस्वा न सन्ति तान्य् अपि द्वादशप्रभेदानि । (१।९)

अन्तःस्था द्विप्रभेदाः रेफवर्जिता यवलाः सानुनासिका निरनुनासिकाश् च । (१।१०)

रेफोष्मणां सवर्णा न सन्ति । (१।११)

वर्ग्यो वर्ग्येण सवर्णः । (१।१२)

दण्डाग्रम् । (१।१३)

खट्वाग्रम् । (१।१४)

आस्यग्रहणं किम् कचटतपानां भिन्नस्थानानां तुल्यप्रयत्नानां मा भूत् । (१।१५)

किं च स्यात् तर्प्ता तर्प्तुम् इत्य् अत्र झरोझरि सवर्णे इति पकारस्य तकारे लोपः स्यात् । (१।१६)

प्रयत्नग्रहणं किम् इचुयशानां तुल्यस्थानानां भिन्नजातीयानां मा भूत् । (१।१७)

किं च स्यात् अरुश् च्योतति इत्य् अत्र झरोझरि सवर्णे इति शकारस्य चकारे लोपः स्यात् । (१।१८)

ऋकारॠकारयोः सवर्णसञ्ज्ञा वक्तव्या । (१।१९)

होतृकारः । (१।२१)

उभयोः ऋवर्णस्य ॠवर्णस्य चान्तरतमः सवर्णो दीर्घो नास्ति इति ऋकार एव दीर्घो भवति । (१।२२)

सवर्णप्रदेशाः अकः सवर्णे दीर्घः इत्य् एवमादयः ॥ (१।२३)